Facebook ຮູ້ຫຍັງກ່ຽວກັບເຮົາແດ່? ແລະ ອາດຈະຮູ້ຫຼາຍກວ່າທີ່ເຮົາຄິດ.
Facebook ຮູ້ຫຍັງກ່ຽວກັບເຮົາແດ່?
ປະຈຸບັນຄົນເຮົານໍາໃຊ້ Facebook ຢູ່ເປັນກິດຈະວັດປະຈໍາວັນເພື່ອຕິດຕາມຂ່າວສານ, ສົນທະນາກັບໝູເພື່ອນ, ແປ່ງປັນຂໍ້ມູນ ແລະ ເພື່ອຄວາມບັນເທິງຕ່າງໆ. ປັດຈຸບັນ Facebook ມີຜູ້ໃຊ້ງານລາຍເດືອນໃນທົ່ວໂລກຫຼາຍກວ່າ 2.6 ພັນລ້ານຄົນ ແລະ ທີ່ແນ່ນອນກໍຄື Facebook ຮູ້ຂໍ້ມູນທັງໝົດຂອງ 2.6 ພັນລ້ານບັນຊີລາຍຊື່ເຊັ່ນກັນ ບໍ່ພຽງແຕ່ຮູ້ກ່ຽວກັບຂໍ້ມູນພື້ນຖານເຊັ່ນ: ຊື່, ອາຍຸ ແລະ ການສຶກສາ, ແຕ່ຍັງຮັບຮູ້ຂໍ້ມູນສ່ວນຕົວສໍາຄັນທີ່ສຸດຫຼາຍຢ່າງ ທີ່ Facebook ກໍ່ຮັບຮູ້ໄດ້ ຊຶ່ງສ່ວນໃຫຍ່ເກີດຂຶ້ນຈາກການບໍ່ປ່ຽນແປງການຕັ້ງຄ່າ.
1. Facebook ຮູ້ວ່າເຮົາແມ່ນໃຜ?
ໃນຂະນະທີ່ເຮົາສະໝັກນໍາໃຊ້ Facebook ກໍ່ຖືວ່າໄດ້ໃຫ້ຂໍ້ມູນສ່ວນຕົວໄປແລ້ວ ເຊັ່ນ: ຊື່, ອີເມວ, ເພດ, ວັນ, ເດືອນ, ປີເກີດ. ນອກຈາກນີ້ Facebook ຍັງຮູ້ວ່າໝູ່ເພື່ອນຂອງເຮົາມີໃຜແດ່ ແລະ ທີ່ສຳຄັນທີ່ສຸດຄື ມັນຈະກ່ຽວພັນໄປເຖິງສະມາຊິກໃນຄອບຄົວຂອງເຮົາອີກດ້ວຍ.
2. Facebook ຮູ້ວ່າເຮົາສົນໃຈຫຍັງ?
ເກີດຂຶ້ນຈາກການເກັບກໍາການແຊຣ໌, ການກົດ Like ແລະ ການກົດປຸ່ມ Reaction ຕ່າງໆ ແລະ ລວມເຖິງການແຊຣ໌ວີດີໂອ ຫຼື ບົດຄວາມຈາກເວັບໄຊ ຫຼື ແຊຣ໌ Page, ນໍາໄປສູ່ການຄິດຄົ້ນເຮັດ platform ໂຄສະນາຂອງ Facebook ແລ້ວລົງໂຄສະນາທີ່່ເນັ້ນສິນຄ້າທີ່ເຮົາສົນໃຈ ເວົ້າໄດ້ວ່າຂະນະທີ່ເຮົາແຊຣ໌ໂພສ, ກົດ Like, ທາງ Facebook ກໍ່ຮັບຮູ້ໝົດທຸກຢ່າງ ຈົນເຖິງຮູບພາບທີ່ມີການແທັກບັນຊີຊື່ຂອງເຮົາເທິງ Facebook.
3. ວິທີປ້ອງກັນບໍ່ໃຫ້ Facebook ຮັບຮູ້ຂໍ້ມູນຂອງເຮົາ.
ປະຕິບັດການຕັ້ງຄ່າຄວາມເປັນສ່ວນຕົວ, ກວດສອບກ່ອນແຊຣ໌ໂພສແບບສາທາລະນະ, ລາຍລະອຽດຂອງການຕັ້ງຄ່າຄວາມເປັນສ່ວນຕົວກ່ຽວກັບວິທີເບິ່ງວ່າໃຜຕິດຕາມເຮົາຢູ່ໃນ Facebook ເຮັດແນວໃດໃຫ້ຄົນບໍ່ຮູ້ຈັກ ບໍ່ໃຫ້ເຫັນໂພສເຮົາ ເຂົ້າເບິ່ງໄດ້ໃນລິ້ງນີ້: https://www.ricksdailytips.com/see-list-of-facebook-followers/.
ນອກຈາກນີ້, ອາດຈະຕ້ອງປິດໄມ (Microphone) ເທິງມືຖື ຫຼື ເວັບແຄມ (Webcam) ເພາະ Facebook ອາດຈະມີຄຸນສົມບັດ ທີ່ສາມາດດັກຟັງ, ລັກດຶງຂໍ້ມູນຮູບພາບໄດ້ເຊັ່ນກັນ.
ດັ່ງນັ້ນ, ໃຜທີ່ນໍາໃຊ້ Facebook ໃນຂະນະນີ້ ແລະ ບໍ່ຢາກໃຫ້ຖືກເກັບກໍາຂໍ້ມູນສ່ວນຕົວ ກໍຄວນຕັ້ງຄ່າບັນຊີ Facebook ເນັ້ນຄວາມເປັນສ່ວນຕົວ ຈໍາກັດການເບິ່ງເຫັນຫຼາຍຂຶ້ນ ລວມເຖິງປິດການອະນຸຍາດເຂົ້າເຖິງໂດຍບໍ່ຈຳເປັນ.