ສະ​ຫະພັນ​ແມ່ຍິງ​ຄະນະ​ໂຄສະນາ​ອົບຮົມ​ສູນ​ກາງ​,

ລາຍລະອຽດ

ສ້າງຂື້ນເມື່ອ ວັນສຸກ, 10 ມີນາ 2017 08:39

ສະ​ຫະພັນ​ແມ່ຍິງ​ຄະນະ​ໂຄສະນາ​ອົບຮົມ​ສູນ​ກາງ​ພັກ ຈັດຕັ້ງປາຖະກະຖາ​ເນື່ອງ​ໃນ​ໂອກາ​ດສະ​ເຫຼີມສະຫຼອງວັນ​ແມ່ຍິງ​ສາກົນ​ຄົບຮອບ 107 ປີ( 8 ມີນາ 1910-8 ມີນາ 2017).

​        ໃນວັນທີ 6 ມີນາ 2017 ຜ່ານ​ມາ ສະ​ຫະພັນ​ແມ່ຍິງ​ຄະນະ​ໂຄສະນາ​ອົບຮົມ​ສູນ​ກາງ​ພັກ ​ໄດ້ຈັດຕັ້ງ

ປາຖະກະຖາ​ເນື່ອງ​ໃນ​ໂອກາ​ດສະ​ເຫຼີມສະຫຼອງວັນ​ແມ່ຍິງ​ສາກົນ​ຄົບຮອບ 107 ປີຂຶ້ນ. ​ໃຫ້ກຽດ​ເຂົ້າຮ່ວມ ​ແລະ ປາຖະກະຖາ​ໂດຍ ທ່ານ ນ ບົວ​ລີ​ ບັນຊາ​ລິດ ຄະນະ​ບໍລິຫານງານ​ສູນ​ກາງ​ສະຫະພັນ​ແມ່ຍິງ​ລາວ, ຄະນະ​ພັກ, ປະທານ​ແມ່ຍິງ ຄອສພ. ​ ​ມີ​ສະ​ມາ​ຊິກ​ແມ່ຍິງທົ່ວ ຄອສພ​​ເຂົ້າຮ່ວມ​ຢ່າງ​ພ້ອມພຽງ.

        ​ໃນ​ພິທີ ທ່ານ ນ ບົວ​ລີ ບັນຊາ​ລິດ ​ໄດ້​ເລົ່າຄືນ​ມູນ​ເຊື້ອ, ປະຫວັດ​ຄວາມ​ເປັນ​ມາ​ຂອງ​ວັນ​ທີ 8 ມີນາ ​ເຊິ່ງ​ເປັນ​ວັນ​ທີ່​ມີ​ຄວາມໝາຍສຳຄັນ​ທາງ​ປະຫວັດສາດ ​ເປັນ​ວັນ​ທີ່​ແມ່ຍິງ​ທົ່ວ​ໂລກ​ໄດ້​ຕໍ່ສູ້​ປົດ​ປ່ອຍ​ຕົນ​ເອງ​ໃຫ້ຫຼຸດພົ້ນອອກ​ຈາກ​ການ​ກົດ​ຂີ່​ຂູດ​ຮີດ​ທາງ​ດ້ານ​ຮ່າງກາຍ ​ແລະ ຈິດ​ໃຈ, ພ້ອມ​ທັງ​ເລັ່ງທວງ​ໃຫ້​ແມ່ຍິງ​ໄດ້​ຮັບສິດຜົນປະ​ໂຫຍ​ດ​ເທົ່າ​ທຽມກັບ​ເພດ​ຊາຍ. ນອກ​ນັ້ນ ທ່ານຍັງ​ເຜີຍ​ແຜ່​ຜົນສຳ​ເລັດ​ກອງ​ປະ ຊຸມ​ຄົບ​ຄະນະ​ບໍລິຫານ​ງານ​​ແມ່ຍິງ​ລາວ​ຄັ້ງທີ II ຜ່ານ​ມາ.

ການຈັດຕັ້ງປາຖະກະຖາ​ໃນ​ຄັ້ງນີ້ ເພື່ອສ້າງຄວາມຮັບຮູ້, ເຂົ້າໃຈໃຫ້ສະມາຊິກແມ່ຍິງ ​ກ່ຽວກັບມູນ​ເຊື້ອ, ປະຫວັດ​ຄວາມ​ເປັນ​ມາ​ຂອງ​ວັນ​ທີ 8 ມີນາ ​ແລະ ​ເຂົ້າ​ໃຈ​ຕໍ່ກັບຜົນສຳເລັດຂອງກອງປະຊຸມຄົບ​ຄະນະ​ບໍລິຫານ​ງານ​​ແມ່ຍິງ​ລາວ​ຄັ້ງທີ II.  ເພື່ອພ້ອມ​ກັນ​ນຳໄປເສີມຂະຫຍາຍ ເຂົ້າໃນວຽກງານວິຊາສະເພາະຂອງຕົນ, ຈັດຕັ້ງປະຕິບັດຂໍ້ແຂ່ງຂັນ 3 ດີຂອງແມ່ຍິງ, ພັດທະນາຄວາມສະເໝີພາບຍິງຊາຍ ຕິດພັນກັບການພັດທະນາປະເທດຊາດ ໃຫ້ສົມກັບຄຳຂວັນຂອງແມ່ຍິງລາວໃຫ້ປະກົດຜົນເປັນຈິງ.

• < ຕໍ່ໄປ
• ຕໍ່ໄປ >