ຄະນະໂຄສະນາອົບຮົມສູນກາງພັກສະຫຼຸບວຽກ

ສ້າງຂື້ນເມື່ອ ວັນອັງຄານ, 28 ມີນາ 2017 02:05

ຄະນະໂຄສະນາອົບຮົມສູນກາງພັກສະຫຼຸບວຽກງານ 5 ປີວຽກງານປ້ອງກັນ.

   ໃນວັນທີ 21 ມີນາ 2017 ຜ່ານມາ. ຄະນະໂຄສະນາອົບຮົມສູນກາງພັກ ໄດ້ຈັດກອງປະຊຸມສະຫຼຸບວຽກ ງານປ້ອງກັນພາຍໃນໄລຍະ 5 ປີ (2011 - 2016)ຂຶ້ນ. ໂດຍເປັນກຽດເຂົ້າຮ່ວມຂອງທ່ານ ສີປະເສີດ ແສນສະຫວັດ ຄະນະພັກ ຮອງຄະນະໂຄສະນາ

ອົບຮົມສູນກາງພັກ ທັງເປັນຜູ້ຊີ້ນໍາວຽກ ງານປ້ອງກັນ ພາຍໃນຄະນະໂຄສະນາອົບຮົມສູນກາງພັກ ເຂົ້າຮ່ວມມີ: ບັນດາຫົວໜ້າກົມອ້ອມຂ້າງ ຄອສພ, ຜູ້ຕາງໜ້າຈາກກົມ 200 ກະຊວງປ້ອງກັນຄວາມສະເຫງົບ, ຄະນະປ້ອງກັນພາຍໃນຈໍານວນ 17 ສະຫາຍ.

   ໃນພິທີ ສະຫາຍ ດາວເຮືອງ ສິນຕະນາກ ຫົວໜ້າຄະນະປ້ອງກັນພາຍໃນຄະນະໂຄສະນາອົບຮົມສູນກາງພັກ ໄດ້ຂຶ້ນຜ່ານບົດສະຫຼຸບວຽກງານປ້ອງ ກັນພາຍໃນໃນໄລຍະ 5 ປີຜ່ານມາ, ຊຶ່ງໄດ້ຍົກໃຫ້ເຫັນຜົນງານ ຫຼາຍດ້ານທີ່ຍາດມາໄດ້ໃນໄລຍະຜ່ານມາເປັນຕົ້ນ: ໄດ້ປະສານສົມທົບກັບກົມ 200 ກະຊວງປ້ອງກັນຄວາມ ສະເຫງົບລົງເກັບກໍາຊັນລະສູດປະ ຫວັດ ແລະ ການເຄື່ອນໄຫວຂອງພະນັກງານ-ລັດຖະກອນ ແລະ ເປົ້າໝາຍທີ່ຈະຮັບ ເອົາເຂົ້າເປັນພະນັກງານລັດ ຖະກອນໃໝ່ຂອງ ຄະນະໂຄສະນາອົບຮົມສູນກາງພັກ 26 ຄັ້ງ, ມີ112 ເປົ້າໝາຍ, ລົງເກັບກໍາຊັນລະສູດປະຫວັດການ ເຄື່ອນໄຫວຂອງຜູ້ທີ່ຂໍຍົກຍ້າຍມາປະຈໍາການຢູ່ຄະ ນະໂຄສະນາອົບຮົມສູນກາງພັກ, ຜູ້ທີ່ຈະສະເໜີເລື່ອນໜ້າທີ່ຕໍາແໜ່ງ ແລະ ເປົ້າໝາຍເຂົ້າ ເປັນສະມາຊິກພັກລວມທັງໝົດ 47 ສະຫາຍ, ໄດ້ຈັດຕັ້ງກໍາລັງປ້ອງກັນເວນຍາມມີຄວາມເປັນລະບຽບຮຽບຮ້ອຍຢູ່ ໃນສໍານັກງານໃນວັນສໍາຄັນ ຂອງຊາດ-ຂອງພັກເຊັ່ນ: ສະເຫຼີມສະຫຼອງ ສປປ ລາວ ຄົບຮອບ 40ປີ, ວັນ ສ້າງຕັ້ງພັກຄົບຮອບ 60 ປີ, ກອງປະຊຸມສຸດຍອດອາຊຽນ ຄັ້ງທີ 28, 29 ທີ່ ສປປ ລາວຮັບກຽດເປັນເຈົ້າ ພາບ ລວມທັງໝົດ 22ຄັ້ງ ມີ 640ເທື່ອຄົນ, ປ້ອງກັນຄວາມສະເຫງົບປອດໄພໃຫ້ແກ່ຄະນະຜູ້ແທນ, ແຂກທີ່ມາ ເຮັດວຽກ ແລະ ຮ່ວມກອງປະຊຸມລວມທັງໝົດ 105 ຄັ້ງ , ມີ 420 ເທື່ອຄົນ. ນອກນີ້ຍັງ ໄດ້ມີພິທີມອບໃບຍ້ອງຍໍສັນລະເສີນໃຫ້ແກ່ຄະນະປ້ອງກັນ ພາຍໃນຜູ້ທີ່ຜົນງານດີເດັ່ນຄື: ປະເພດ I ມີ 13 ສະຫາຍ ແລະ ປະເພດ II ມີ 4 ສະຫາຍ ແລະ ພ້ອມດຽວກັນນັ້ນ ໄດ້ມີພິທີເຊັນມອບ-ຮັບໜ້າທີ່ຫົວ ໜ້າ ຄະນະປ້ອງກັນພາຍໃນຜູ້ເກົ່າ ສະຫາຍ ດາວເຮືອງ ສິນຕະນາກ ແລະ ຫົວໜ້າຄະນະປ້ອງກັນພາຍໃນຜູ້ ໃໝ່ ສະຫາຍ ສິນໄຊ ຕະກຸນສັກ.

   ໃນໂອກາດດັ່ງກ່າວ ທ່ານ ສີປະເສີດ ແສນສະຫວັດ ໄດ້ໃຫ້ກຽດໂອ້ລົມຕໍ່ທີ່ປະຊຸມກ່ອນອື່ນທ່ານ ໄດ້ສະ ແດງຄວາມຍ້ອງຍໍຊົມເຊີຍຕໍ່ຜົນງານທີ່ ຄະ ນະປ້ອງກັນພາຍໃນຍາດມາໄດ້ໃນຕະຫຼອດ 5 ປີຜ່ານມາ. ແລະ ໄດ້ເນັ້ນໜັກໃຫ້ຄະນະປ້ອງກັນພາຍໃນຊຸດໃໝ່ ເອົາໃຈໃສ່ຮັກສາມູນເຊື້ອ, ແກ້ໄຂ ຈຸດອ່ອນຂໍ້ຄົງຄ້າງ ແລະ ພ້ອມກັນຕັ້ງໜ້າສຶກສາອົບຮົມທາງດ້ານການເມືອງແນວຄິດອ້າຍນ້ອງກໍາລັງປ້ອງ ກັນໃຫ້ມີທັດສະນະ ຫຼັກໝັ້ນ, ຄຸນ ທາດການເມືອງ ໜັກແໜ້ນ, ມີຄວາມສາ ມັກຄີປອງດອງພາຍໃນກໍາລັງປ້ອງກັນ ແລະ ປັບປຸງກົງຈັກການຈັດຕັ້ງໃຫ້ນັບມື້ນັບມີຄວາມເຂັ້ມ ແຂງຮັບປະກັນໃຫ້ສໍານັກງານມີຄວາມສະເຫງົບປອດໄພ.