ຄະນະຊາວໜຸ່ມ ຄະນະໂຄສະນາອົບຮົມສູນ...

ສ້າງຂື້ນເມື່ອ ວັນພະຫັດ, 06 ເມສາ 2017 01:11

ຄະນະຊາວໜຸ່ມ ຄະນະໂຄສະນາອົບຮົມສູນກາງພັກ ໄປຢ້ຽມຢາມທັດສະນະສຶກສາອານຸສອນສະຖານຂອງ ປະທານໄກສອນ ພົມວິຫານ ​.

   ໃນວັນ​ທີ 31 ມີນາ​ 2017  ຜ່ານມາ. ຄະນະຊາວໜຸ່ມ ຄະນະ​ໂຄສະນາ​ອົບຮົມ​ສູນ​ກາງ​ພັກ ​ໄດ້​ໄປຢ້ຽມຢາມ ທັດສະນະ​ສຶກສາ​ອານຸສອນສະຖານຂອງ ປະທານ ໄກສອນ ພົມວິຫານ ທີ່ ຫຼັກ6

ນະຄອນຫຼວງວຽງຈັນ. ​ເພື່ອເປັນການສ້າງຂະບວນການຂໍ່ານັບຮັບຕ້ອນ ແລະ ຊົມເຊີຍ ວັນສ້າງຕັ້ງພັກ ປະຊາຊົນ ປະຕິວັດລາວ ຄົບຮອບ 62 ປີ, ຕ້ອນຮັບວັນສ້າງ ຕັ້ງຄະນະຊາວໜຸ່ມ ປະຊາຊົນ ປະຕິວັດລາວ ຄົບຮອບ 62 ປີ ແລະ ກອງປະປະຊຸມໃຫຍ່ອົງຄະນະພັກສູນກາງ ຊປປລ ຄັ້ງທີ IX ທີ່ຈະໄຂຂຶ້ນໃນໄວໆນີ້. ເຊິ່ງ​ນຳພາ​ໂດຍ ທ່ານ ນ. ບົວລີ ບັນຊາລິດ ຄະນະພັກ, ຫົວໜ້າກົມອົບຮົມ ທັງເປັນຜູ້ຊີ້ນຳອົງການຈັດຕັ້ງ ມະຫາຊົນ, ພ້ອມດ້ວຍເລ ຂາຊາວໜຸ່ມ ແລະ ສະມາຊິກ 3 ອົງການຈັດຕັ້ງມະຫາຊົນຂອງ ຄະນະ​ໂຄສະນາ​ອົບຮົມ​ສູນ​ກາງ​ພັກ.

   ຈຸດປະສົງໃນການໄປ​ຢ້ຽມຢາມທັດສະນະ​ສຶກສາອານຸສອນສະຖານຂອງ ປະທານໄກສອນ ພົມວິຫານ ໃນ​ຄັ້ງນີ້ເພື່ອສ້າງຄວາມຮັບຮູ້, ເຂົ້າໃຈ ຢ່າງເລິກເຊິ່ງໃຫ້ພະນັກງານ ພ້ອມກັນຮໍ່າຮຽນເອົາແບບ​ແຜນ​ໃນການ ດຳລົງ​ຊີວິດ​, ພາລະກິດການເຄື່ອນໄຫວ ​ແລະ ອຸດົມ​ການຂອງ​ເພິ່ນທີ່​ມີ​ຕໍ່ປະເທດຊາດ, ຕໍ່ປະຊາຊົນ​. ປະ ທານ ໄກສອນ ພົມວິຫານ ເປັນຜູ້ນຳທີ່ມີຄວາມຈົງຮັກພັກດີຕໍ່ອຸດົມການປະຕິວັດຢ່າງເດັດຂາດຕໍ່ສູ້ຢ່າງອົງ ອາດກ້າແກ່ນ ແລະ ພິລະອາດຫານ, ເດັດດ່ຽວໜ້ຽວແໜ້ນ ຍາມໃດກໍຍົກສູງສະຕິລະບຽບວິໄນຕໍ່ ການ ຈັດຕັ້ງ, ນັບຖືໝູ່ຄະນະມີຄວາມສາມັກ ຄີຮັກແພງເພື່ອນມິດສະຫາຍດ້ວຍຄວາມຈິງຈັງ ແລະ ຈິງໃຈ, ມີ ແບບແຜນການດຳລົງຊີວິດແບບລຽບງ່າຍ ແລະ ຊື່ສັດສຸດຈະລິດ, ເປັນນັກປັນ ຍາຊົນຜູ້ຍິ່ງໃຫຍ່ ທີ່ມີ ຄວາມມານະອົດທົນ ທັດສະນະຫຼັກໝັ້ນ ແລະ ນ້ຳໃຈຮັກຊາດອັນດູດດື່ມ, ມີຈິດໃຈຕໍ່ສູ້ຢ່າງອົງອາດກ້າ ຫານ, ມີນ້ຳໃຈເສຍ ສະລະອັນສູງສົ່ງເພື່ອປະເທດຊາດ ແລະ ປະຊາຊົນ, ນອກຈາກນັ້ນ ປະທານ ໄກສອນ ພົມວິຫານ ຍັງເປັນນັກປະ ຕິວັດ ນັກຮັກຊາດທີ່ແທ້ຈິງ ເປັນ ໜຶ່ງໃນຜູ້ນຳທີ່ດີເດັ່ນ ແລະ ແສນເຄົາລົບ ຮັກຂອງປວງຊົນລາວທັງຊາດ. ໃນຕະຫຼອດຊີວິດການປະຕິວັດພາລະກິດ ຂອງເພິ່ນບໍ່ວ່າຈະຢູ່ໃນຕຳ ແໜ່ງໃດໃນຄວາມຮັບຜິດຊອບອັນໃດ ເພິ່ນກໍໄດ້ອຸທິດເຫື່ອແຮງ, ສະຕິປັນຍາໝົດຈິດໝົດໃຈດ້ວຍ ຫົວຄິດປະດິດສ້າງຂອງຕົນເອງໃຫ້ແກ່ພາ ລະກິດປົກປັກຮັກສາ ແລະ ສ້າງ ສາພັດທະ ນາປະເທດຊາດ ເພື່ອເອກະລາດອະທິປະໄຕຂອງຊາດ ແລະ ຄວາມອຸດົມສົມບູນພູນສຸກຂອງປະຊາຊົນ ລາວ. ດັ່ງຄໍາເວົ້າ ທີ່ເພິ່ນໄດ້ກ່າວໄວ້ວ່າ: “1. ເຮັດວຽກເປັນໝູ່ຄະນະ, 2. ໃກ້ຊິດຕິດແທດກັບມະຫາຊົນ, 3. ນໍາໃຊ້ຫົວຄິດປະດິດສ້າງຂອງ ມະຫາ ຊົນ”.