ຄະນະຊາວໜຸ່ມ ຄະນະໂຄສະນາອົບຮົມສູນກາງ.,

ລາຍລະອຽດ

ສ້າງຂື້ນເມື່ອ ວັນອັງຄານ, 11 ເມສາ 2017 04:06

ຄະນະ​ຊາວໜຸ່ມ ຄະນະ​ໂຄສະນາ​ອົບຮົມ​ສູນ​ກາງ​ພັກ ປາຖະກະຖາເນື່ອ​ງ​ໃນ​ໂອກາດ ວັນ​ສ້າງຕັ້ງຊາວໜຸ່ມ ປະຊາຊົນ ປະຕິວັດ​ລາວ ຄົບຮອບ 62 ປີ (ວັນ​ທີ 14 ​ເມສາ 1955-14 ​ເມສາ 2017)

        ​ວັນ​ທີ 10 ​ເມສາ 2017 ຜ່ານ​ມາ ຄະນະ​ຊາວໜຸ່ມ ຄະນະ​ໂຄສະນາ​ອົບຮົມ​ສູນ​ກາງ​ພັກ ​ໄດ້​ຈັດຕັ້ງປາຖະກະຖາ ​ເນື່ອງ​ໃນ​ໂອ

ກາດ​ວັນ​ສ້າງຕັ້ງຊາວໜຸ່ມ ປະຊາຊົນ ປະຕິວັດ​ລາວ ຄົບຮອບ 62 ປີ​ຂຶ້ນ ທີ່​ສະ​ໂມ​ສອນ​ໃຫ່ຍ ຄະນະ​ໂຄສະນາ​ອົບຮົມ​ສູນ​ກາງ​ພັກ (ຫຼັກ6). ​ໃຫ້ກຽດ​ເຂົ້າຮ່ວມ ​ແລະ ປາຖະກະ ຖາ​ໂດຍ ທ່ານ ນ ບົວ​ລີ ບັນຊາ​ລິດ ຄະນະ​ພັກ ຄອສພ ຜູ້​ຊີ້​ນຳ​ວຽກງານ​ອົງການ​ຈັດຕັ້ງມະຫາຊົນ, ມີ​ບັນດາ​ທ່ານ​ຕາງໜ້າຄະນະ​ກົມ, ວາລະສານ, ຕາງໜ້າສະຫະພັນ​ກຳມະບານ, ສະຫະພັນ​ແມ່ຍິງ, ​ເລຂາ, ຮອງ​ເລຂາ​ຊາວໜຸ່ມ  ພ້ອມ​ດ້ວຍ​ສະມາຊິກ​ຊາວໜຸ່ມທົ່ວ ຄອສພ ​ເຂົ້າຮ່ວມ​ຢ່າງ​ພ້ອມພຽງ.

        ​ໃນ​ພິທີ ທ່ານ ນ ບົວ​ລີ ບັນຊາ​ລິດ ​ໄດ້​ເລົ່າຄືນ​ມູນ​ເຊື້ອ, ປະຫວັດ​ຄວາມ​ເປັນ​ມາ, ມູນ​ເຊື້ອ​ຮັກ​ຊາດ, ມູນ​ເຊື້ອ​ແຫ່ງ​ຄວາມ​ສາມັກຄີ ​ແລະ ຜົນງານ​ແຫ່ງ​ການ​ເຕີບ​ໃຫ່ຍຂະຫຍາຍຕົວ​​ຂອງຄະນະ​ຊາວໜຸ່ມ​ ປະຊາຊົນ​ ປະຕິວັດ​ລາວ ໃນ​ແຕ່ລະ​ໄລຍະ, ບໍ່ວ່າ​ໄລຍະ​ໃດ ຍຸກ​ສະ​ໄໝ​​ໃດ ຊາວໜຸ່ມລາວ ກໍ່​​ໄດ້ ອຸທິດ​ຕົນ ​ປະກອບສ່ວນ​ຢ່າງ​ຕັ້ງໜ້າ ​ເພື່ອ​ປະ​ເທດ​ຊາດ ສົມ​ກັບ​ຄຳ​ຂັວນທີ່​ວ່າ ບ່ອນ​ໃດ​ຍາກ ຊາວໜຸ່ມບຸກ ບ່ອນ​ໃດ​ທຸກ ຊາວໜຸ່ມຜ່ານ​ຜ່າ ບ່ອນ​ໃດ​ຊາດ​ຕ້ອງການ ຊາວໜຸ່ມຂານ​ອາສາ.

        ​​ໂອກາດ​ດັ່ງກ່າວ ທ່ານ ຍັງ​ໄດ້​ເນັ້ນໜັກ​ໃຫ້​ສະມາຊິກ​ຊາວໜຸ່ມ ຄອສພ ທຸກ​ຄົນ ຕ້ອງຕັ້ງໜ້າ ຝຶກ​ຝົນຫຼໍ່ຫຼອມ ຄຸນສົມບັດ ສິນ​ທຳ​ປະຕິວັດ ຈຳ​ແນ​ກ​ໄດ້ ມິດ​ແທ້​, ສັດຕູ, ຖື​ສຳຄັນ​ການ​ຫັນປ່ຽນ​ໂດຍ​ສັນຕິ, ຖື​ເອົາ​ແນວ​ຄິດ​ໄກສອນ ​ພົມວິຫານ ​ເປັນພື້ນຖານ​ແນວ​ຄິດ, ພ້ອມ​ກັນ​ປະຕິບັດໜ້າທີ່​ວຽກງານ​ວິຊາ​ສະ​ເພາະ​ທີ່​ຕົນ​ຮັບຜິດຊອບ ​ໃຫ້​ມີ​ຜົນສຳ​ເລັດ ​ແລະ ມີ​ຄວາມ​ຮັບຜິດຊອບ​ສູງ.  ອອກ​ແຮງ​ແຂ່ງຂັນ ຈັດຕັ້ງ​ປະຕິ ຂໍ້​ແຂ່ງ​ຂັນ 4 ບຸກຂອງ ຄຊປປລ ​ໃຫ້​ປະກົດ​ຜົນ​ເປັນ​ຈິງ.

• < ຕໍ່ໄປ
• ຕໍ່ໄປ >