ທ່ານ ສຈ.ປອ ກິແກ້ວ ໄຂຄຳພິທູນ ຄະນະເລຂາ..

ສ້າງຂື້ນເມື່ອ ວັນພະຫັດ, 15 ມີຖຸນາ 2017 03:16

ທ່ານ ສຈ.ປອ ກິແກ້ວ ໄຂຄຳພິທູນ ຄະນະເລຂາທິການສູນກາງພັກ ເລຂາ​ຄະນະ​ພັກ ຫົວໜ້າຄະນະໂຄສະ ນາອົບຮົມສູນກາງພັກ ເຂົ້າຮ່ວມ ແລະ ເປັນປະທານໃນບັ້ນດໍາເນີນຊີວິດການເມືອງປັບປຸງປົວແປງພັກ ທົ່ວອົງຄະນະພັກແຂວງໆ ຜົ້ງສາລີ.

   ໃນວັນທີ 5-11 ມິຖຸນາ 2017 ຜ່ານມາ. ແຂວງຜົ້ງສາລີ ໄດ້ເປີດບັ້ນດໍາເນີນຊີວິດການເມືອງປັບປຸງປົວ ແປງພັກທົ່ວອົງຄະນະພັກແຂວງ ປະຈໍາປີ 2017ຂຶ້ນ,

ໂດຍພາຍໃຕ້ການເປັນປະທານຂອງ ທ່ານ ສຈ.ປອ ກິແກ້ວ ໄຂຄໍາພິທູນ ຄະ ນະເລຂາທິການສູນກາງພັກ ເລຂາຄະນະພັກ ຫົວໜ້າຄະນະໂຄສະ ນາອົບຮົມສູນ ກາງພັກ; ເຂົ້າຮ່ວມມີ: ສະຫາຍ ຄໍາເຈນ ວົງໂພສີ ກໍາມະການສູນກາງພັກ ເລຂາພັກແຂວງ ເຈົ້າແຂວງ ຜົ້ງສາລີ, ບັນດາສະຫາຍ ຄະນະປະຈໍາພັກແຂວງ, ກໍາມະການພັກແຂວງ, ເລຂາໜ່ວຍພັກ, ຄະນະໜ່ວຍ ພັກ ແລະ ພາກສ່ວນທີ່ກ່ຽວຂ້ອງ.

   ບັ້ນດໍາເນີນຊີວິດການເມືອງປັບປຸງປົວແປງພັກທົ່ວອົງຄະນະພັກແຂວງ ຄັ້ງນີ້ ແມ່ນມີຄວາມໝາຍ ຢ່າງເລິກເຊິ່ງ ເພື່ອປັບປຸງປົວແປງພາຍໃນ ຂອງອົງຄະນະພັກແຂວງ ຕາມຄໍາສັ່ງຂອງກົມການເມືອງສູນ ກາງພັກ ເພື່ອສືບຕໍ່ຊີ້ນໍາໆພາໃນພາ ລະກິດປົກປັກຮັກສາ ແລະ ສ້າງສາພັດທະນາ ປະເທດຊາດຕາມທິດ ຊີ້ນໍາຂອງ ມະຕິກອງປະຊຸມໃຫຍ່ ຄັ້ງທີ X ຂອງພັກກໍຄືມະຕິກອງປະຊຸມໃຫຍ່ ຄັ້ງທີ X ຂອງອົງຄະນະພັກ ແຂວງວາງອອກ. ໃນພິທີທ່ານ ສຈ.ປອ ກິແກ້ວ ໄຂຄໍາພິທູນ ໄດ້ໃຫ້ກຽດໂອ້ລົມຕໍ່ທີ່ປະຊຸມ ເຊິ່ງທ່ານໄດ້ ເໜັ້ນໜັກໃຫ້ສະມາຊິກພັກທຸກສະຫາຍສຸມຈິດຈຸມໃຈ, ສະຕິ ປັນຍາ, ເຫື່ອແຮງເຂົ້າໃນການປົກປັກຮັກ ສາ ແລະ ສ້າງສາພັດທະນາ, ຍົກສູງຄວາມສາມາດນໍາພາ ແລະ ລັກສະນະນໍາໜ້າຂອງພັກ, ຕັ້ງໜ້າຍົກ ສູງຄຸນທາດການເມືອງ ຄຸນສົມບັດສິນທໍາປະຕິວັດ, ຄວາມຈົງຮັກພັກດີຄວາມຊື່ສັດ-ບໍລິສຸດ ໃນການຮັບ ໃຊ້ປະເທດຊາດ; ຄະນະພັກຕ້ອງໄດ້ ເຊີດ ຊູຄວາມຮັບ ຜິດຊອບການເມືອງ, ເພີ່ມທະວີຄວາມເປັນເຈົ້າ ການ ຄວາມເປັນແບບຢ່າງນໍາໜ້າ ໃນການປະຕິບັດກົດລະບຽບຂອງພັກ, ລະບຽບ ກົດໝາຍຂອງລັດ ຢ່າງເຂັ້ມງວດ, ເອົາໃຈໃສ່ຊຸກຍູ້ສົ່ງເສີມຫົວຄິດປະດິດສ້າງຂອງ ການຈັດຕັ້ງມະຫາຊົນເຂົ້າໃນການຈັດຕັ້ງຜັນຂະຫຍາຍແນວ ທາງນະໂຍບາຍຂອງພັກ-ລັດ ກໍຄືການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ X ຂອງ ອົງຄະນະພັກແຂວງ, ສ້າງ ຂະບວນການດ້ານວິຊາສະ ເພາະໃຫ້ໄດ້ຮັບຜົນດີ, ມີສະມາຊິກພັກແຂງ -ຮູ້ນໍາພາຮອບດ້ານ ແລະ ພະນັກງານດີເດັ່ນ ໃນຂະບວນການວຽກງານຕົວຈິງໃຫ້ຫຼາຍ ເພື່ອປະກອບ ສ່ວນເຂົ້າໃນການແຂ່ງຂັນຮັກຊາດ ແລະ ພັດທະນາໃນຕໍ່ໜ້າ, ຕັ້ງໜ້າເຂົ້າຮ່ວມຂະບວນການເຊື່ອມໂຍງ ກັບສາກົນ ແລະ ພາກພຶ້ນທີ່ເປັນທ່າ ອ່ຽງຂອງໂລກໃນປະຈຸບັນຢ່າງເປັນເຈົ້າການ ເພື່ອຜົນປະໂຫຍດຂອງ ແຂວງ ກໍຄືຂອງຊາດ.