ທ່ານ ສຈ ປອ ກິແກ້ວ ໄຂຄໍາພິທູນ ຄະນະເລຂາທິ.

ສ້າງຂື້ນເມື່ອ ວັນອັງຄານ, 14 ພະຈິກ 2017 02:00

ທ່ານ ສຈ ປອ ກິແກ້ວ ໄຂຄໍາພິທູນ ຄະນະເລຂາທິການສູນກາງພັກ ເລຂາຄະນະພັກ ຫົວໜ້າຄະນະໂຄ ສະນາອົບຮົມສູນກາງພັກ ຕ້ອນຮັບ​ການ​ເຂົ້າ​ຢ້ຽມຂໍ່ານັບຂອງ ​ທ່ານ ​ໂກ​ເວິ​ຍມິນ ຮອງ​ຫົວໜ້າຫ້ອງ ການ​ຖະ​ແຫຼ່ງຂ່າວ ປະ​ຈໍາ​ຫ້ອງ​ວ່າການ​ສໍານັກງານ​ນາຍົກລັດຖະມົນຕີ ສປ ຈີນ.

  ໃນວັນທີ 8 ສິງຫາ 2017 ຜ່ານມາ.ທີ່ຫ້ອງຮັບແຂກ

(ຊັ້ນ5) ຂອງຄະນະໂຄສະນາອົບຮົມສູນກາງພັກ (ຫຼັກ6), ທ່ານ ສຈ ປອ ກິແກ້ວ ໄຂຄໍາພິທູນ ຄະນະເລຂາ ທິການສູນກາງພັກ ເລຂາຄະນະພັກ ຫົວໜ້າຄະນະໂຄສະນາອົບຮົມສູນກາງພັກ ໄດ້​ໃຫ້ກຽດຕ້ອນຮັບ​ການ​ເຂົ້າ​ຢ້ຽມຂໍ່ານັບ  ຂອງ ທ່ານ ​ໂກ​ເວິ​ຍມິນ ຮອງ​ຫົວໜ້າຫ້ອງການ​ຖະ​ແຫຼ່ງຂ່າວຄະນະ​ລັດຖະບານ

​ແຫ່ງ ສປ ​ຈີນ ພ້ອມ​ດ້ວຍ​ຄະນະ. ເນື່ອງໃນໂອກາດທີ່​ເດີນທາງ​ມາ​ຢ້ຽມຢາມ ​ແລະ ​ເຮັດ​ວຽກຢູ່ ສປປ ລາວ.

   ​​ໃນໂອກາດທີ່ມີຄວາມໝາຍຄວາມສໍາຄັນດັ່ງກ່າວ ທ່ານ ສຈ ປອ ກິແກ້ວ ໄຂຄໍາພິທູນ ໄດ້ສະ​ແດງ​ຄວາມ​ຍິນ​ດີຕ້ອນ ຮັບອັນ​ອົບ​ອຸ່ນ​ໃນການ​​ເຂົ້າ​ຢ້ຽມຢາມຂໍ່ານັບ​​ ຂອງທ່ານ ໂກ​ເວິ​ຍມິນ ​ໃນຄັ້ງ​ນີ້​ຖື​ເປັນ​ການປະກອບສ່ວນ​ເຂົ້າ​ໃນ​ການ​ເພີ່ມພູນ​ຄູນສ້າງສາ​ຍພົວພັນ​ຮ່ວມ​ມື ​ລະຫວ່າງ ສອງ​ຊາດ ສອງ​ພັກ-ສອງ​ລັດ ທີ່​ສືບ​ທອດ​ກັນ​ມາ​ແຕ່​ດົນ​ນານ​ ໃຫ້​​ເຕີບ​ໃຫຍ່​ຂະຫຍາຍຕົວ ​ແລະ ​ແໜ້ນ​ແຟ້ນຍິ່ງ​ຂຶ້ນ, ພ້ອມນັ້ນທ່ານ ຍັງກ່າວເຖິງການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ X ຂອງພັກ ເຂົ້າສູ່ການ​ດໍາລົງຊີວິດຕົວຈິງ ຂອງປະຊາຊົນບັນດາເຜົ່າໃນຂອບເຂດ ທົ່ວປະເທດ ແລະ ​ໄດ້ຈັດ​ຕັ້ງ​ປະຕິບັດ ມະຕິ​ກອງ​ປະຊຸມ​ຄົບ​ຄະນະ ຄັ້ງ​ທີ 5 ຂອງ​ຄະນະ​ບໍລິຫານ​ງານ​ສູນ​ກາງ​ພັກ ສະ​ໄຫມ​ທີ X ຂອງ​ພັກ​ ​​ແລະ ສຶບຕໍ່​ຈັດ​ຕັ້ງ​ຜັນ​ຂະຫຍາຍ​ໝາກຜົນ ຂອງ​ບັ້ນດໍາ​ເນີນຊີວິດ​ການ​ເມືອງ ປັບປຸງ​ປົວ​ແປງ​ພັກ ສ້າງພັກໃຫ້ປອດໃສ ໜັກແໜ້ນ ເຂັ້ມແຂງ.