ຄະນະ​ສະ​ພັນ​ແມ່ຍິງ​ຄະນະ​ໂຄສະນາ​ອົບຮົມ​ສູນ​..

ສ້າງຂື້ນເມື່ອ ວັນພຸດ, 25 ກໍລະກົດ 2018 02:09

ຄະນະສະພັນແມ່ຍິງຄະນະໂຄສະນາອົບຮົມສູນກາງພັກ ຈັດພິທີສະເຫຼີມສະຫຼອງວັນສ້າງຕັ້ງສະຫະພັນແມ່ຍິງລາວ ຄົບຮອບ 63 ປີ.

          ​ໃນ​ວັນ​ທີ 18 ກໍລະກົດ 2018 ຜ່ານ​ມາ, ຄະນະສະຫະ​ພັນ​ແມ່ຍິງ ຄະນະ​ໂຄສະນາ​ອົບຮົມ​ສູນ​ກາງ​ພັກ ​ໄດ້​ຈັດຕັ້ງພິທີສະ​ເຫຼີມສະຫຼອງ ວັນ​ສ້າງຕັ້ງສະຫະພັນ​ແມ່ຍິງ​ລາວ ຄົບຮອບ 63 ປີ​ຂຶ້ນ ທີ່​​ຫ້ອງ​ປະຊຸມ​ໃຫ່ຍຄອສພ (ຫຼັກ6) ​ໂດຍ​ພາຍ​ໃຕ້​ການ​ເປັນ

​ປະທານ​ຂອງ ທ່ານ ນ ບົວ​ລີ ບັນຊາ​ລິດ ຄະນະ​ບໍລິຫານ​ງານ​ສູນ​ກາງ​ສະຫະພັນ​ແມ່ຍິງ​ລາວ, ຄະນະ​ພັກ ປະທານ​ສະຫະພັນ​ແມ່ຍິງ ຄອສພ ​​ເຂົ້າ​ຮ່ວມມີບັນດາ: ຄະນະ​ພັກ, ຫົວໜ້າກົມ​ຕາງໜ້າກໍາມະບານ, ຊາວໜຸ່ມອ້ອມ​ຂ້າງ ຄອສພ, ພ້ອມ​ດ້ວຍ​ສະມາຊິກ​ແມ່ຍິງ ຄອສພ ​ເຂົ້າຮ່ວມ​ຢ່າງ​ພ້ອມ ພຽງ.

          ໃນ​ພິທີ ທ່ານ ນ ບົວ​ລີ ບັນຊາ​ລິດ​ ໄດ້​ເລົ່າ​ຄືນມູນ​ເຊື້ອ, ປະຫວັດ​ຄວາມ​ເປັນ​ມາ, ການກໍາເນີດ ແລະ ເຕີບໃຫຍ່ ຂອງອົງການຈັດຕັ້ງສະຫະພັນແມ່ຍິງລາວ, ມູນ​ເຊື້ອ​ຮັກ​ຊາດ, ມູນ​ເຊື້ອ​ແຫ່ງ​ຄວາມ​ສາມັກຄີ ​ແລະ ຜົນງານ​ແຫ່ງ​ການ​ເຕີບ​ໃຫ່ຍຂະຫຍາຍຕົວ​​ ອັນພົ້ນເດັ່ນຂອງສະຫະພັນແມ່ຍິງລາວ, ໃນໄລຍະ 63 ປີຜ່ານມາ ແມ່ຍິງລາວໄດ້ປະກອບສ່ວນຢ່າງຫຼວງຫຼາຍ ເຂົ້າໃນພາລະກິດປົດປ່ອຍຊາດ​, ພາລະກິດ​ປົກ​ປັກ​ຮັກສາ ​ແລະ ສ້າງສາ​ພັດທະນາ​ປະ​ເທດ​ຊາດ. ນອກ​ນັ້ນທ່ານ​ຍັງ​ໄດ້​ຜ່ານ​ຜົນງານ​ການ​ເຄື່ອນ​ໄຫວ ຂອງຄະນະສະຫະພັນ​ແມ່ ຍິງ​ຄະນະ​ໂຄສະນາ​ອົບຮົມ​ສູນ​ກາງ​ພັກ ​ໄດ້​ຈັດຕັ້ງປະຕິບັດ ໃນ​ໄລຍະ 1 ປີຜ່ານ​ມາ .

          ​ໃນ​ໂອກາດ​ດັ່ງກ່າວ ທ່ານ ຍັງ​ໄດ້​ຮຽກຮ້ອງ​ໃຫ້​ສະມາຊິກ​ແມ່ຍິງ​ທຸກ​ສະຫາຍ ເພີ່ມທະວີຄວາມເປັນເຈົ້າການ ຄວາມເປັນແບບຢ່າງນໍາໜ້າ, ຕັ້ງໜ້າຝຶກຝົນຫຼໍ່ຫຼອມ ຄຸນທາດການເມືອງ ຄຸນສົມບັດ ສິນທໍາປະຕິວັດ, ​ສຸມສະຕິປັນຍາ ຄວາມຮູ້ຄວາມສາມາດເຂົ້າໃນການປະຕິບັດ​ໜ້າທີ່​ວຽກງານ​ທີ່​ໄດ້​ຮັບ​ມອບໝາຍ ​ດ້ວຍ​ຄວາມ​ຮັບຜິດຊອບ​ສູງ, ພ້ອມ​ກັນ​ຈັດຕັ້ງປະຕິບັດ​ຄຳ​ຂວັນ 3 ດີຂອງ​ແມ່ຍິງ​ລາວ​ໃຫ້​ມີ​ຜົນສຳ​ເລັດ ​ແລະ ມີ​ປະສິດທິ​ຜົນ​ສູງ.