ຄະນະໂຄສະນາອົບຮົມສູນກາງພັກ ເຂົ້າຮ່ວມສໍາ.

ສ້າງຂື້ນເມື່ອ ວັນພຸດ, 29 ສິງຫາ 2018 08:02

ຄະນະໂຄສະນາອົບຮົມສູນກາງພັກ ເຂົ້າຮ່ວມສໍາມະນາ ພາຍໃຕ້ຫົວຂໍ້: ການໂຄສະນາ ແລະ ການນໍາໃຊ້ເຕັກນິກໃໝ່ສື່ມວນຊົນຂອງລາວ ປະຈໍາປີ 2018 ທີ່ເມືອງ ຊາງຊ່າ ແຂວງ ຫູນານ ສປ ຈີນ.

     ໃນວັນທີ 27 ສິງຫາ 2018 ຜ່ານມາ. ຄະນະໂຄສະນາອົບຮົມສູນກາງພັກ ເຂົ້າຮ່ວມສໍາມະນາ ພາຍ ໃຕ້ຫົວຂໍ້: ການໂຄສະນາ ແລະ ການນໍາໃຊ້ເຕັກນິກໃໝ່ສື່ມວນຊົນຂອງລາວ ປະຈໍາປີ 2018

ທີ່ເມືອງ ຊາງຊ່າ ແຂວງ ຫູນານ ສປ ຈີນ ເຊິ່ງນໍາໂດຍ ທ່ານ ນ. ພວງມະລີ ອັກຄະມຸນຕີຮອງຫົວໜ້າກົມໂຄສະນາ ຄອສພ ພ້ອມດ້ວຍຄະນະ, ໂດຍພາຍໃຕ້ການເຂົ້າຮ່ວມ ແລະ ເປັນປະທານ ຂອງທ່ານ ໂຢປ່ຽວ (You Biao) ຫົວໜ້າຫ້ອງການກົດລະບຽບ ແລະ ສາຍສໍາພັນເສດຖະກິດການຄ້າສາກົນພະແນກການຄ້າແຂວງ ຫູນານ, ເຂົ້າຮ່ວມມີ: ທ່ານ ນ. ຟູ້ຢຸນຮຸນ ( Fu Yunhui ) ຫົວ ໜ້າຫ້ອງການຊ່ວຍເຫຼືອຕ່າງປະເທດ ຂອງສູນຝຶກອົບຮົມພະແນກການຄ້າແຂວງ ຫູນານ, ທ່ານ ຢາງມູ້ ( Yang Mu ) ຜູ້ອໍານວຍການໃຫຍ່ບໍລິສັດວິທະຍາສາດເຕັກນິກສື່ມວນຊົນດີຈິຕອນທຽນເຫວີນຈໍາກັດ ພ້ອມດ້ວຍສື່ມວນຊົນຈາກສະຖານີວິທະຍຸ, ໂທລະພາບ ແລະ ໜັງສືພິມ ເຂົ້າຮ່ວມຈໍານວນ 40 ທ່ານ.

     ໂຄງການຝຶກອົບຮົມການໂຄສະນາ ແລະ ການນໍາໃຊ້ເຕັກນິກໃໝ່ສື່ມວນຊົນໃນຄັ້ງນີ້ຈະດໍາເນີນໄປເປັນເວລາ 20 ວັນ 27/8/2018-16/9/2018 ຈຸດປະສົງໃນການຈັດສໍາມະນາຄັ້ງນີ້ແມ່ນ ເພືອ່ເປັນການຍົກລະດັບຄວາມຮູ້ ຄວາມສາມາດໃນການນໍາໃຊ້ເຕັກນິກໃໝ່ ເຂົ້າໃນການໂຄສະນາເຜີຍແຜ່ຂໍ້ມູນຂ່າວສານໄດ້ຢ່າງກວ້າງຂວາງ ແລະ ມີປະສິດ ທິພາບສູງ, ເຊິ່ງນັກສໍາມະນາກອນຈະໄດ້ຮັບຟັງການບັນຍາຍກ່ຽວ ກັບການວິໄຈລົງພິມຈໍາໜ່າຍຂອງຈີນ, ການປົກຄອງການປະດິດສ້າງແບບໃໝ່ຂອງສື່ມວນຊົນ, ການປະດິດສ້າງ ແລະ ກົດເກນຄວາມເປັນຈິງຂອງສື່ມວນຊົນ, ນັບທັງການຖ່າຍທອດອິນເຕີເນັດ ແລະ ຈະໄດ້ມີການແລກປ່ຽນຂໍ້ມູນຂ່າວສານກັບສື່ມວນຊົນ, ຮຽນຮູ້ກ່ຽວກັບວັດທະນະທໍາທີ່ເປັນເອກະລັກ ຂອງ ສປ ຈີນ ແລະ ຢ້ຽມຢາມສະຖານທີ່ສໍາຄັນຕ່າງໆ ຢູ່ ເມືອງຊາງຊາ ແລະ ເມືອງອື່ນໆ.

    ໃນໂອກາດດັ່ງກ່າວ ທ່ານ ນ. ພວງມະລີ ອັກຄະມຸນຕີ ໄດ້ຂຶ້ນມີຄໍາເຫັນສະແດງຄວາມຂອບໃຈ ແລະ ຮູ້ບຸນຄຸນຕໍ່ການຕ້ອນຮັບທີ່ອົບອຸ່ນ ທ່ານຍັງໄດ້ກ່າວວ່າ ຊຸດຝຶກອົບຮົມຄັ້ງນີ້ ມີຄວາມສໍາຄັນຫຼາຍໃນການກໍ່ສ້າງ ແລະ ພັດທະນາສື່ມວນຊົນໃໝ່ໃນ ສປປ ລາວ ໃຫ້ດີຂຶ້ນກວ່າເກົ່າ ໂດຍສະເພາະແມ່ນການໂຄສະນາເຜີຍແຜ່ຂໍ້ມູນຂ່າວສານໃຫ້ມີຄວາມຫຼາກຫຼາຍ, ວ່ອງໄວ ແລະ ທັນກັບສະພາບການໃນປະຈຸບັນຢ່າງມີປະສິດທິຜົນ.