ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 63 ປີ ຢ່າງສຸດໃຈ.                                                                                                                                                                           ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ.                                                                                                                                                                               ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ.                                                                                                                                                                       ຊົມເຊີຍວັນສ້າງຕັ້ງ ສປປ ລາວ ຄົບຮອບ 43 ປີ.  

ຄະນະໂຄສະນາອົບຮົມສູນກາງພັກ ຮ່ວມກັບ ກະ.

ຄະນະໂຄສະນາອົບຮົມສູນກາງພັກ ຮ່ວມກັບ ກະຊວງຖະແຫຼ່ງຂ່າວ , ວັດທະນະທໍາ ແລະ ທ່ອງທ່ຽວ ແລະ ກະຊວງໄປສະນີໂທລະຄົມມະນາຄົມ ແລະ ການສື່ສານ ຈັດກອງປະຊຸມສໍາມະນາວິທະຍາສາດ ພາຍໃຕ້ຫົວຂໍ້: ການຄຸ້ມຄອງ, ນໍາໃຊ້ ແລະ ພັດທະນາສື່ໃນໄລຍະໃໝ່.

    ໃນວັນທີ 25 ກັນຍາ 2018 ຜ່ານມາ. ຄະນະໂຄສະນາອົບຮົມສູນກາງພັກ ຮ່ວມກັບ ກະຊວງຖະແຫຼ່ງຂ່າວ, ວັດ ທະນະທໍາ ແລະ

ທ່ອງທ່ຽວ ແລະ ກະຊວງໄປສະນີໂທລະຄົມມະນາຄົມ ແລະ ການສື່ສານ ໄດ້ຈັດກອງປະຊຸມສໍາມະນາວິທະຍາສາດພາຍໃຕ້ຫົວຂໍ້: ການຄຸ້ມຄອງ, ນໍາໃຊ້ ແລະ ພັດທະນາສື່ໃນໄລຍະໃໝ່ ຂຶ້ນທີ່ ຫ້ອງປະຊຸມໃຫຍ່ ຄະນະໂຄສະນາອົບຮົມສູນກາງພັກ (ຫຼັກ6). ໂດຍພາຍໃຕ້ການເປັນປະທານຂອງ ທ່ານ ສຈ ປອ ກິແກ້ວ ໄຂຄໍາພິທູນ ຄະນະເລຂາທິການສູນກາງພັກ ເລຂາຄະນະພັກ ຫົວໜ້າຄະນະໂຄສະນາອົບຮົມສູນກາງພັກ, ເຂົ້າຮ່ວມມີ: ບັນດາຄະນະພັກ, ຮອງຫົວໜ້າຄະນະໂຄສະນາອົບຮົມສູນກາງພັກ, ຮອງລັດຖະມົນຕີ, ຮອງຫົວໜ້າອົງການຂອງພັກ, ອົງການຈັດຕັ້ງມະ ຫາຊົນ, ສູນກາງແນວລາວສ້າງຊາດ, ຫົວໜ້າກົມ, ຮອງກົມ, ຫົວໜ້າພະແນກ, ຮອງພະແນກ, ວິຊາການຂອງບັນດາພາກສ່ວນທີ່ກ່ຽວຂ້ອງ.

      ຈຸດປະສົງຂອງກອງປະຊຸມສໍາມະນາວິທະຍາສາດໃນຄັ້ງນີ້ ແມ່ນເພື່ອສ້າງຄວາມເປັນເອກະພາບໃນການຈັດຕັ້ງປະຕິບັດມະຕິຂອງກົມການເມືອງສູນກາງພັກກ່ຽວກັບໜ້າທີ່ຕົ້ນຕໍຂອງວຽກງານການເມືອງແນວຄິດ ເວົ້າລວມ ເວົ້າສະເພາະວຽກງານໂຄສະນາສຶກສາອົບຮົມຂອງພັກໃນການນໍາໃຊ້ ແລະ ພັດທະນາຂອງບັນດາອົງການຈັດຕັ້ງຂອງພັກ-ລັດ, ເສີມຂະຫຍາຍ ແລະ ແນ່ໃສ່ປັບປຸງສື່ມວນຊົນໃຫ້ມີການຫັນປ່ຽນທີ່ດີຂຶ້ນທາງດ້ານການຈັດຕັ້ງ, ໜ້າທີ່ຄວາມຮັບ ຜິດຊອບ, ການຊີ້ນໍານໍາພາ, ການຄຸ້ມຄອງພັດທະນາສື່ມວນຊົນ ແລະ ຄວາມເປັນເຈົ້າການໃນການເຮັດໜ້າທີ່ວຽກງານການເມືອງແນວຄິດ ກໍຄືການເກັບກໍາຫາງສຽງສັງຄົມໃຫ້ຕິດພັນກັບສື່ໃນໄລຍະໃໝ່ໃຫ້ທັນກັບສະພາບການເພື່ອຕ້ານປະ ກົດການຫຍໍ້ທໍ້ຕ່າງໆທີ່ເກີດຂຶ້ນໃຫ້ທັນກັບສະພາບການ. ກອງປະຊຸມຍັງໄດ້ຮັບຟັງບົດລາຍງານ ແລະ ບັນດາຄໍາຄິດຄໍາເຫັນຂອງພາກສ່ວນຕ່າງໆ ແລະ ລົງເລິກບັນດາຫົວຂໍ້ທີ່ສໍາຄັນດັ່ງນີ້:

ຫົວຂໍ້ທີ 1: ການສັງເກດ, ຕີລາຄາການເຄື່ອນໄຫວຜ່ານມາ ແລະ ທິດທາງໜ້າທີ່ການເຄື່ອນໄຫວຂອງສື່ມວນຊົນໃນສະເພາະໜ້າ ແລະ ຍາວນານ.

ຫົວຂໍ້ທີ 2: ທັດສະນະຂອງພັກ ຕໍ່ກັບສື່ມວນຊົນໃນໄລຍະໃໝ່.

ຫົວຂໍ້ທີ 3: ການມີສ່ວນຮ່ວມຂອງສູນອິນເຕີເນັດ ຕໍ່ການຄຸ້ມຄອງ, ນໍາໃຊ້ ແລະ ພັດທະນາສື່ໃນໄລຍະໃໝ່.

ຫົວຂໍ້ທີ 4: ການຄຸ້ມຄອງສື່ໃນໄລຍະໃໝ່.

ຫົວຂໍ້ທີ 5: ຄວາມຈົງໃຈ ຫຼື ຍຸດທະສາດຂອງສື່ຕາເວັນຕົກ ໃນການມ້າງເພທໍາລາຍລະບອບສັງຄົມ ແລະ ປະເທດຂອງພວກເຮົາ ມີຄືແນວໃດ?

ຫົວຂໍ້ທີ 6: ການຄຸ້ມຄອງ, ນໍາໃຊ້ ແລະ ພັດທະນາສື່ໃນໄລຍະໃໝ່ ໃນຂົງເຂດກໍາລັງປ້ອງກັນປະເທດ.

ຫົວຂໍ້ທີ 7: ການຄຸ້ມຄອງ, ຕອບຕ້າານ ແລະ ແກ້ໄຂປະກົດການຫຍໍ້ທໍ້ໃນສື່ສັງຄົມໃນໄລຍະໃໝ່.

ຫົວຂໍ້ທີ 8: ນະໂຍບາຍຂອງພັກທີ່ມີແລ້ວ ພຽງພໍແລ້ວ ຫຼື ຄວນກໍານົດຕື່ມຄືແນວໃດ?

ຫົວຂໍ້ທີ 9: ການແບ່ງງານໃນການຊີ້ນໍາໆພາ ແລະ ຄຸ້ມຄອງ ລະຫວ່າງອົງການຈັດຕັ້ງພັກ-ລັດ ຕໍ່ວຽກງານສື່ມວນຊົນຜ່ານມາມີຄືແນວໃດ ແລະ ຄວນປັບປຸງແນວໃດ?

ຫົວຂໍ້ທີ 10: ຄວນມີນະໂຍບາຍ ແລະ ກົນໄກແນວໃດ ຈຶ່ງຈະເຮັດໃຫ້ການເຄື່ອນໄຫວຂອງສື່ມວນຊົນຂອງພວກເຮົາມີຄວາມຄົງຕົວ ແລະ ຂະຫຍາຍຕົວ?

ຫົວຂໍ້ທີ 11: ການມີສ່ວນຮ່ວມໃນການຄຸ້ມຄອງ, ນໍາໃຊ້ ແລະ ພັດທະນາສື່ໃນໄລຍະໃໝ່ ມີຄືແນວໃດ?

ຫົວຂໍ້ທີ 12: ການຄຸ້ມຄອງ, ນໍາໃຊ້ ແລະ ພັດທະນາສື່ແນວໃດຈື່ງຈະສອດຄອງວ່ອງໄວ ທັນການ ແລະ ແຫຼມຄົມ ຕໍ່ການເຄື່ອນໄຫວວຽກງານການຕ່າງປະເທດຂອງພັກເຮົາ?

ຫົວຂໍ້ທີ 13: ເພື່ອເຮັດໃຫ້ການເຄື່ອນໄຫວຂອງສື່ມວນຊົນຂອງພັກ-ລັດ ມີຄວາມວ່ອງໄວ ທັນການ ພວກເຮົາຄວນຈະມີນະໂຍບາຍ ແລະ ກົນໄກຄືແນວໃດ?

ຫົວຂໍ້ທີ 14: ການຈັດຕັ້ງ ແລະ ການເຄື່ອນໄຫວຂອງອົງການສື່ມວນຊົນຂອງພັກ-ລັດພວກເຮົາ ມີຄວາມເໝາະສົມ ແລະ ຄ່ອງຕົວແລ້ວບໍ?ພວກເຮົາຄວນມີການປັບປຸງຫຍັງດ້ານໃດແດ່ (ດ້ານການຈັດຕັ້ງການເຄື່ອນໄຫວ ແລະ ນະໂຍ ບາຍ).

ຫົວຂໍ້ທີ 15: ພວກເຮົາຄວນກໍານົດນະໂຍບາຍ, ກົນໄກ ແລະ ໄມ້ງັດເສດຖະກິດຄືແນວໃດ ຈຶ່ງຈະມີຄວາມສາມາດສະໜອງຕອບຄວາມຮຽກຮ້ອງຕ້ອງການທີ່ຈໍາເປັນ ທັງສອດຄ່ອງກັບນະໂຍບາຍຂອງພັກ ແລະ ລັດ ພວກເຮົາໄດ້ກໍານົດອອກມາແລ້ວນັ້ນ.

ຫົວຂໍ້ທີ 16: ການນໍາໃຊ້ສື່ສິ່ງພິມໃນໄລຍະໃໝ່.

ຫົວຂໍ້ທີ 17: ການນໍາໃຊ້ສື່ເຂົ້າໃນພາລະກິດປົກປັກຮັກສາ ແລະ ພັດທະນາປະເທດຊາດ.

ຫົວຂໍ້ທີ 18: ການພັດທະນາສື່ໃນໄລຍະໃໝ່.

ຫົວຂໍ້ທີ 19: ນະໂຍບາຍ ແລະ ກົນໄກທີ່ຈະພາໃຫ້ສື່ມວນຊົນ ຄົງຕົວ ແລະ ຂະຫຍາຍຕົວໃນໄລຍະໃໝ່.

ຫົວຂໍ້ທີ 20: ບົດບາດຂອງ ວິທະຍຸ ແລະ ໂທລະໂຄ່ງ ໃນການເຜີຍແຜ່ແນວທາງນະໂຍບາຍ ຂອງພັກ ແລະ ລັດ ໃນຊຸມຊົນ ແລະ ເຂດຫ່າງໄກສອກຫລີກຂອງປະເທດເຮົາ?

       ໃນພິທີ ທ່ານ ສຈ ປອ ກິແກ້ວ ໄຂຄໍາພິທູນ ໄດ້ກ່າວມີຄໍາເຫັນຕໍ່ກອງປະຊຸມ ວຽກງານສື່ມວນຊົນເປັນວຽກງານທີ່ມີຄວາມໝາຍ ຄວາມສໍາຄັນຕໍ່ພັກ ແລະ ລັດ, ມີບົດບາດອັນໃຫຍ່ຫຼວງໃນສື່ສັງຄົມໃນໂລກປະຈຸບັນ ພ້ອມທັງຍົກສູງບົດບາດຂອງ ສື່ມວນຊົນໃນລະບົບການຄຸ້ມຄອງບໍລິຫານປະເທດຊາດ ແລະ ພັດທະນາສື່ມວນຊົນໃຫ້ກ້າວຂຶ້ນສູ່ຄວາມທັນສະໄໜ, ສາມາດຕອບສະໜອງຂໍ້ມູນຂ່າວສານໃນດ້ານຕ່າງໆໃຫ້ແກ່ສັງຄົມໄດ້ຢ່າງວ່ອງໄວທັນການ ແລະ ມີຄຸນນະ ພາບສູງ. ຕະຫຼອດໄລຍະຜ່ານມາ ສື່ມວນຊົນໄດ້ປະກອບສ່ວນຢ່າງຕັ້ງໜ້າເຂົ້າໃນການປົກປັກຮັກສາ ແລະ ສ້າງສາພັດ ທະນາປະເທດຊາດ. ນອກນັ້ນ ສື່ມວນຊົນຍັງໄດ້ມີການປ່ຽນແປງທັດສະນະໄປກັບການຫັນປ່ຽນຢ່າງແຂງແຮງ ຂອງສື່ໃນທົ່ວໂລກ, ພ້ອມກັນນັ້ນ ກໍໄດ້ມີຜົນງານ ແລະ ຜົນສໍາເລັດອັນໃຫຍ່ຫຼວງໃນການປະກອບສ່ວນອັນສໍາຄັນເຂົ້າໃນພາ ລະກິດການປະຕິບັດໜ້າທີ່ວຽກງານຂອງພັກ ແລະ ລັດ.

ກົດໝາຍແຫ່ງ ສປປ ລາວ

ຊົມເຊີມວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 60 ປີ

ຊົມເຊີມວັນສ້າງຕັ້ງ ສປປ ລາວ ຄົບຮອບ 40 ປີ ຢ່າງສຸດໃຈ.

ປະທານ ໄກສອນ ພົມວິຫານ ຢືນຢົງໃນພາລະກິດປະຕິວັດຂອງພວກເຮົາຕະຫລອດໄປ

ກອງປະຊຸມໃຫຍ່ຜູ້ແທນທົ່ວປະເທດ ຂອງ ພັກປະຊາຊົນ ປະຕິວັດລາວ

ເຊື່ອມຕໍ່ເວບໄຊສ

ເລກໂທ ສຸກເສີນ

ແຈ້ງ​ໄຟ​ໄໝ້ : 1190

   ຕຳຫຼວດ : 1191

ລົດ​ໂຮງໝໍ : 1195

​     ໄຟຟ້າ : 1199

  ນ້ຳ​ປະປາ : 1169

ໜ່ວຍກູ້​ໄພ : 1624

ຈຳນວນຄົນອອນໄລ໌ທ

ມີ 62  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

956198
ມື້ນີ້ມື້ນີ້1439
ມື້ວານນີ້ມື້ວານນີ້1559
ອາທິດນີ້ອາທິດນີ້5949
ເດືອນນີ້ເດືອນນີ້19604
ທັງໝົດທັງໝົດ956198