ຄະນະໂຄສະນາອົບຮົມສູນກາງພັກຈັດກອງປະ..

ສ້າງຂື້ນເມື່ອ ວັນພຸດ, 03 ຕຸລາ 2018 03:11

ຄະນະໂຄສະນາອົບຮົມສູນກາງພັກ ຈັດກອງປະຊຸມເຜີຍແຜ່ເຊື່ອມຊຶມກົດໝາຍວ່າດ້ວຍພະນັກງານ-ລັດຖະກອນ ແລະ ກົດໝາຍວ່າດ້ວຍປະກັນສັງຄົມ.

     ໃນວັນທີ 27 ກັນຍາ 2018 ຜ່ານມາ. ຄະນະໂຄສະນາອົບຮົມສູນກາງພັກ ໄດ້ຈັດກອງປະຊຸມເຜີຍ ແຜ່ ເຊື່ອມຊຶມກົດໝາຍວ່າດ້ວຍພະນັກ ງານ-ລັດຖະກອນ ແລະ ກົດໝາຍວ່າດ້ວຍປະກັນສັງຄົມ ຂຶ້ນທີ່ ຫ້ອງປະຊຸມໃຫຍ່ ຄອສພ(ຫຼັກ6).ເຂົ້າຮ່ວມ

ມີ: ບັນດາຄະນະພັກ, ຫົວໜ້າກົມ, ຮອງກົມ, ຫົວໜ້າພະແນກ, ຮອງພະແນກ ແລະ ພະນັກງານວິຊາການທົ່ວຄອສພ ເຂົ້າຮ່ວມທັງໝົດ 140 ສະຫາຍ, ຍິງ 72 ສະຫາຍ.

    ໃນຕອນເຊົ້າໃຫ້ກຽດເຜີຍແຜ່ເອກະສານໂດຍ ທ່ານ ສຸວັນນີ ລັດຕະນະວົງ ຫົວໜ້າກົມຄຸ້ມຄອງ ລັດຖະກອນກະ ຊວງພາຍໃນ, ເຊິ່ງທ່ານໄດ້ຍົກໃຫ້ເຫັນເນື້ອໃນຈິດໃຈຂອງ ກົດໝາຍວ່າດ້ວຍພະນັກ ງານ-ລັດຖະກອນ ສະບັບເລກທີ74/ສພຊ ລົງວັນທີ 18 ທັນວາ 2015 ແລະ ຄໍາແນະນໍາກ່ຽວກັບການຈັດຕັ້ງປະຕິບັດກົດໝາຍ ວ່າດ້ວຍພະນັກງານລັດຖະກອນຂອງກະຊວງພາຍໃນ ສະບັບເລກທີ 08/ພນ ລົງວັນທີ2 ສິງຫາ 2018 ເຊິ່ງປະກອບດ້ວຍ 9 ພາກ, 18 ໝວດ ແລະ 99 ມາດຕາ ແລະ ໃນຕອນບ່າຍໃຫ້ກຽດເຜີຍແຜ່ໂດຍ ທ່ານ ນ. ດວງເດືອນ ຈັນທະວົງ ຫົວ ໜ້າພະແນກປະຊາສໍາພັນ ຫ້ອງການກອງທຶນປະກັນສັງຄົມແຫ່ງຊາດ ເຊີ່ງທ່ານໄດ້ຍົກໃຫ້ເຫັນຄວາມໝາຍ ຄວາມສໍາຄັນຂອງ ກົດໝາຍວ່າດ້ວຍປະກັນສັງຄົມ ປະກອບມີ 9 ພາກ, 16 ໝວດ ແລະ 94 ມາດຕາ; ເພື່ອເຮັດໃຫ້ພະນັກງານ-ລັດຖະກອນມີຄວາມຮັບຮູ້, ຄວາມເຂົ້າໃຈເປັນເອກະພາບ ກ່ຽວກັບກົດລະບຽບຫຼັກການ, ສິດ, ໜ້າທີ່ພັນທະ, ຜົນປະໂຫຍດ ແລະ ຂໍ້ຫ້າມຂອງພະນັກງານ-ລັດຖະກອນ, ພ້ອມນັ້ນເພື່ອເປັນບ່ອນອີງໃຫ້ແກ່ອົງການຄຸ້ມຄອງພະນັກງານລັດຖະກອນ ຂອງບັນດາກະຊວງອົງການທຽບເທົ່າກະຊວງ ຂັ້ນສູນກາງ, ຂັ້ນແຂວງ ຈັດຕັ້ງປະຕິ ບັດໃຫ້ຖືກຕ້ອງຕາມຫຼັກການຄຸ້ມຄອງ ແລະ ພ້ອມກັນນໍາໄປຈັດຕັ້ງປະຕິບັດເຂົ້າໃນວຽກງານຕົວຈິງ ໃຫ້ມີປະສິດທິຜົນສູງສຸດ.