ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 63 ປີ ຢ່າງສຸດໃຈ.                                                                                                                                                                           ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ.                                                                                                                                                                               ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ.                                                                                                                                                                       ຊົມເຊີຍວັນສ້າງຕັ້ງ ສປປ ລາວ ຄົບຮອບ 43 ປີ.  

ທ່ານ ສຈ ປອ. ກິແກ້ວ ໄຂຄໍາພິທູນ ຄະນະເລຂາທິການ..

ທ່ານ ສຈ ປອ ກິແກ້ວ ໄຂຄໍາພິທູນ ຄະນະເລຂາທິການສູນກາງພັກ ເລຂາຄະນະພັກ ຫົວໜ້າຄະນະໂຄສະນາອົບຮົມສູນກາງພັກ ເຂົ້າຮ່ວມ ກອງປະຊຸມພາກທຸລະກິດ: ບັນຫາໃນປັດຈຸບັນ ແລະ ທາງອອກໃນຕໍ່ໜ້າ.

     ໃນວັນທີ 4 ຕຸລາ 2018 ຜ່ານມາ. ທ່ານ ສຈ ປອ ກິແກ້ວ ໄຂຄໍາພິທູນ ຄະນະເລຂາທິການສູນກາງພັກ ເລຂາຄະນະພັກ ຫົວໜ້າຄະນະໂຄສະ ນາອົບຮົມສູນກາງພັກ ເຂົ້າຮ່ວມກອງປະຊຸມ

ພາກທຸລະກິດ: ບັນຫາໃນປັດຈຸບັນ ແລະ ທາງອອກໃນຕໍ່ໜ້າ; ເຊີ່ງໃນນັ້ນລັດຖະບານຈະສຸມໃສ່ປັບ ປຸງ ແລະ ແກ້ໄຂ 5 ບັນຫາ ເພື່ອຊຸກຍູ້ສົ່ງເສີມກຳລັງແຮງຂອງບັນດາພາກສ່ວນເສດຖະກິດ ໂດຍຮັບປະ ກັນໃຫ້ທຸກພາກສ່ວນ ສາມາດເຄື່ອນ ໄຫວຢ່າງມີຄວາມສະເໝີພາບ ຕໍ່ໜ້າກົດໝາຍຢ່າງແທ້ຈິງ, ທັງມີສະພາບແວດລ້ອມທີ່ອຳນວຍ ໃຫ້ສາ ມາດເຄື່ອນໄຫວຢ່າງຄ່ອງຕົວ ແລະ ສາ ມາດປະກອບສ່ວນເຂົ້າໃນການຂະຫຍາຍກຳລັງການຜະລິດ, ສ້າງສາພັດທະນາປະເທດຊາດໄດ້ຢ່າງເໝາະສົມ, ພ້ອມທັງມີຄວາມສາມາດແຂ່ງ ຂັນເພີ່ມຂຶ້ນຕາມກົນໄກເສດຖະກິດຕະຫລາດ ກໍຄືໃນຂະບວນວິວັດແຫ່ງການເຊື່ອມໂຍງສາກົນ.

     ໃນກອງປະຊຸມດັ່ງກ່າວ ທ່ານ ສຈ ປອ ກິແກ້ວ ໄຂຄຳພິທູນ ໄດ້ກ່າວວ່າ ພວກເຮົາຕ້ອງມີທັດສະນະທີ່ຖືກຕ້ອງ ແລະ ມີຄວາມຮັບຮູ້ເປັນເອ ກະພາບກັນວ່າໃນຕໍ່ໜ້ານີ້ ນະໂຍບາຍໃດໆ ແລະ ການກະທຳໃດໆກໍຕາມທີ່ວາງອອກນັ້ນ ຖ້າສົ່ງຜົນສະທ້ອນອັນບໍ່ດີ ຫຼື ກົດໜ່ວງການຜະລິດ-ທຸລະກິດ, ເຮັດໃຫ້ກຳລັງແຮງສັງລວມຂອງຊາດບໍ່ໄດ້ຮັບການຍົກສູງຂຶ້ນ ລ້ວນແລ້ວແຕ່ຕ້ອງໄດ້ຮັບການແກ້ໄຂຢ່າງເດັດຂາດ ແລະ ເຂັ້ມງວດ,  5 ບັນຫາທີ່ຈະຕ້ອງໄດ້ສຸມໃສ່ໃນການປັບປຸງ ແລະ ແກ້ໄຂໃນຕໍ່ໜ້າປະກອບມີຫັນພາກທຸລະກິດ, ຜູ້ປະກອບການດ້ານຕ່າງໆໃຫ້ເຂົ້າສູ່ກົດ ໝາຍ, ພັດທະນາບຸກຄະລາກອນ ແລະ ມີແຜນພັດທະນາໃນໄລຍະຍາວ, ລວມທັງສ້າງວັດທະນະທໍາທຸລະກິດ, ສ້າງສະພາບແວດລ້ອມຫັນປ່ຽນໃໝ່ດ້ານຈິດຕະສາດຂອງຜູ້ປະກອບການ ແລະ ສ້າງຄວາມເຂັ້ມແຂງດ້ວຍຕົນເອງ; ຊຸກຍູ້ສົ່ງເສີມໃຫ້ນັກທຸລະ ກິດພາຍໃນໃຫ້ດໍາເນີນການຮ່ວມມື ແລະ ສໍາພັນກັບວິສາຫະກິດໃນຂະແໜງການດຽວກັນ, ລວມທັງຂະຫຍາຍການຮ່ວມມື ແລະ ສໍາພັນກັບວິສາຫະກິດຂອງຕ່າງປະເທດ ເພື່ອໃຫ້ມີທຶນຮອນເພີ່ມຂຶ້ນ, ທັງຍາດແຍ່ງເອົາບົດຮຽນແບບແຜນວິທີການຄຸ້ມຄອງທີ່ທັນສະໄໝ, ການນໍາໃຊ້ເຕັກໂນໂລຊີໃໝ່ເພື່ອຍົກມາດ ຕະຖານຄຸນນະພາບ ຂອງຜະລິດຕະພັນ ແລະ ການບໍລິ ການຂອງວິສາຫະກິດ, ສ້າງເຄືອຂ່າຍຕະຫຼາດພາຍໃນ ແລະ ຕ່າງປະເທດທີ່ໝັ້ນທ່ຽງໃຫ້ກວ້າງອອກຕື່ມ. ພ້ອມທັງສ້າງ ແລະ ປັບປຸງບັນດານະໂຍບາຍ, ກົນໄກຕ່າງໆຢ່າງເປັນລະບົບຈະແຈ້ງ, ມີຄວາມເຂັ້ມແຂງ ປອດໃສເຮັດໃຫ້ພາກສ່ວນເສດຖະກິດຕ່າງໆເຄື່ອນໄຫວດໍາເນີນທຸລະກິດຢ່າງສະເໝີພາບ, ໄດ້ຮັບໂອກາດ ແລະ ການແຂ່ງຂັນທີ່ເປັນທໍາ, ພ້ອມທັງເພີ່ມທະວີການປະສານສົມທົບ ລະຫວ່າງບັນດາຂະແໜງການທີ່ກ່ຽວຂ້ອງຂອງລັດ ເພື່ອຊ່ວຍໃຫ້ການເຄື່ອນໄຫວທຸລະກິດຂອງພາກສ່ວນເສດຖະກິດຕ່າງໆ ດໍາເນີນໄປຢ່າງສະດວກ, ຫຼີກເວັ້ນການຊໍ້າຊ້ອນກັນ ແລະ ການໂຍນຄວາມຮັບຜິດຊອບໃຫ້ກັນເປັນຕົ້ນ ແມ່ນສ້າງສະພາບແວດລ້ອມທີ່ເອື້ອອໍານວຍໃນການເຂົ້າເຖີງແຫຼ່ງທຶນດອກເບ້ຍຕໍ່າກວ່າປະຈຸບັນ, ປັບປຸງ ແລະ ກໍ່ສ້າງລະບົບໂຄງລ່າງການຂົນສົ່ງໂທລະຄົມມະນາຄົມໃຫ້ສະ ດວກ ທັນສະໄໝເພື່ອຫຼຸດຜ່ອນຕົ້ນທຶນການຜະລິດ, ຮັບປະກັນໃຫ້ການເຄື່ອນໄຫວຂອງພາກທຸລະກິດດໍາເນີນຖືກຕ້ອງໄປຕາມລະບຽບກົດ ໝາຍ ແລະ ສ້າງກໍາລັງແຮງສັງລວມໃຫ້ແກ່ການພັດທະນາເສດຖະກິດຂອງຊາດ.

ກົດໝາຍແຫ່ງ ສປປ ລາວ

ຊົມເຊີມວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 60 ປີ

ຊົມເຊີມວັນສ້າງຕັ້ງ ສປປ ລາວ ຄົບຮອບ 40 ປີ ຢ່າງສຸດໃຈ.

ປະທານ ໄກສອນ ພົມວິຫານ ຢືນຢົງໃນພາລະກິດປະຕິວັດຂອງພວກເຮົາຕະຫລອດໄປ

ກອງປະຊຸມໃຫຍ່ຜູ້ແທນທົ່ວປະເທດ ຂອງ ພັກປະຊາຊົນ ປະຕິວັດລາວ

ເຊື່ອມຕໍ່ເວບໄຊສ

ເລກໂທ ສຸກເສີນ

ແຈ້ງ​ໄຟ​ໄໝ້ : 1190

   ຕຳຫຼວດ : 1191

ລົດ​ໂຮງໝໍ : 1195

​     ໄຟຟ້າ : 1199

  ນ້ຳ​ປະປາ : 1169

ໜ່ວຍກູ້​ໄພ : 1624

ຈຳນວນຄົນອອນໄລ໌ທ

ມີ 49  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

956177
ມື້ນີ້ມື້ນີ້1418
ມື້ວານນີ້ມື້ວານນີ້1559
ອາທິດນີ້ອາທິດນີ້5928
ເດືອນນີ້ເດືອນນີ້19583
ທັງໝົດທັງໝົດ956177