ຄະນະໂຄສະນາອົບຮົມສູນກາງພັກ ຮ່ວມກັບ ...

ສ້າງຂື້ນເມື່ອ ວັນຈັນ, 15 ຕຸລາ 2018 03:42

ຄະນະໂຄສະນາອົບຮົມສູນກາງພັກ ຮ່ວມກັບ ຄະນະໂຄສະນາອົບຮົມແຂວງບໍລິຄໍາໄຊ ຈັດຝຶກອົບຮົມວຽກງານໂຄສະນາອົບຮົມ ປະຈໍາປີ 2018.

      ໃນວັນທີ 8 ຕຸລາ 2018 ຜ່າມມາ. ຄະນະໂຄສະນາອົບຮົມສູນກາງພັກ ຮ່ວມກັບ ຄະນະໂຄສະນາອົບ ຮົມແຂວງບໍລິຄໍາໄຊ ໄດ້ຈັດຊຸດຝຶກອົບຮົມວຽກງານໂຄສະນາອົບຮົມປະຈໍາປີ 2018 ຂຶ້ນ ທີ່​ຫ້ອງ​ປະ​ຊຸມ​ຊັ້ນ 3 ຂອງ​ຫ້ອງວ່າ​ການ​ປົກ​ຄອງ​ແຂວງບໍ​ລິ​ຄຳ​ໄຊ,

ໂດຍເປັນກຽດເຂົ້າຮ່ວມຂອງທ່ານ ປອ ຄໍາໝັ້ນ ຈັນທະລັງສີ ຮອງເລຂາຄະນະພັກ, ຮອງຫົວໜ້າຄະນະໂຄສະນາອົບຮົມສູນກາງພັກ, ເຂົ້າຮ່ວມມີ: ທ່ານ ບຸນ​ມາ ບູ​ຈະ​ເລີນ ຮອງ​ເລ​ຂາ​ພັກແຂວງ ຮອງ​ເຈົ້າ​ແຂວງ​ບໍ​ລິ​ຄຳ​ໄຊ, ຜູ້ຕາງ​ໜ້າ​ພະ​ແນກ​ການອ​ອ້ມ​ຂ້າງ​ແຂວງ, ​ນັກ​ສຳ​ມະ​ນາ​ກອນ​ຈາກ​ໂຄ​ສະ​ນາ​ອົບ​ຮົມ 6 ແຂວງພາ​ກກາງຄື:​ ແຂວງບໍ​ລິ​ຄໍ​ໄຊ, ນະ​ຄອນຫຼວງວຽງ​ຈັນ, ​ແຂວງ ຄຳ​ມ່ວນ, ແຂວງ ຊຽງ​ຂວາງ, ແຂວງ ໄຊ​ສົມ​ບູນ ແລະ ແຂວງວຽງ​ຈັນ.

      ໃນພິທີ ທ່ານ ນ. ສຸດ​ສະ​ດາ ໂສ​ພາ ຮອງ​ຫົວ​ໜ້າຄະ​ນະ​ໂຄ​ສະ​ນາອົບ​ຮົມແຂວງ ບໍ​ລິ​ຄຳ​ໄຊ ຄະ​ນະ​ຮັບ​ຜິດ​ຊອບ​ຊຸດ​ຝຶກ​ອົບ​ຮົມ​​ ໄດ້ຂຶ້ນກ່າວຈຸດປະສົງຂອງການຝຶກອົບຮົມໃນຄັ້ງນີ້ ແມ່ນເພື່ອເປັນການຍົກລະດັບຄວາມຮູ້, ຄວາມສາມາດໃຫ້ແກ່ສະມາຊິກພັກ, ພະນັກງານຜູ້ທີ່ເຮັດວຽກງານໂຄສະນາອົບຮົມການ​ເມືອງ​ແນວ​ຄິດ, ສາ​ມາດກຳ​ໄດ້​ແນວ​ທາງ, ແຜນ​ນະ​ໂຍ​ບາຍ​ຂອງ​ພັກ ກົດ​ໝາຍ​ຂອງ​ລັດ, ສາ​ມາດ​ຕອບສະໜອງໄດ້ກັບຄວາມຮຽກ ຮ້ອງຕ້ອງການຂອງ​ໜ້າ​ທີ່​ການເມືອງໃນໄລຍະໃໝ່.  ຊຸດ​ຝຶກ​ອົບ​ຮົມ​ໃນ​ຄັ້ງ​ນີ້​ຈະໄດ້​ດຳ​ເນີນ​ເປັນ​ເວ​ລາ 10ວັນ, ​ເຊິ່ງນໍາໃຊ້ເອກະສານ​ທັງ​ໝົດ 22 ບົດ​, ນອກ​ຈາກ​ການ​ຝຶກ​ຮົມ​ທາງ​ດ້ານ​ທິດ​ສະ​ດີ​ແລ້ວ​ນັກ​ສຳ​ມະ​ນາ​ກອນ​ຍັງ​ຈ​ະ​ໄດ້​ໄປ​ທັດ​ສະ​ນະ​ສຶກ​ສາ.

      ໂອ​ກາດ​ດັ່ງ​ກ່າວ  ທ່ານ ປອ ຄໍາ​ໝັ້ນ ຈັນ​ທະ​ລັງ​ສີ ຮອງ​ເລ​ຂາ​ຄະ​ນະ​ພັກ ​ໄດ້​ໃຫ້​ກຽດ​ກ່າວ​ເປີດ​ຊຸດ​ຝຶກ​ອົບ​ຮົມ,​ ເຊິ່ງກ​ອ່​ນ​ອື່ນທ່ານ ໄດ້​ສະ​ແດງ​ຄວາມ​ຍ້ອງ​ຍໍ​ຊົມ​ເຊີຍ​​ຕໍ່ຄະ​ນະ​​ຮັບ​ຜິດ​ຊອບ ກໍຄື​ຄະ​ນະ​ໂຄ​ສະ​ນາ​ອົບ​ຮົມ​ແຂວງ ບໍ​ລິ​ຄຳ​ໄຊ ທີ່ໄດ້​ສ້າງ​ເງື່ອນ​ໄຂ ແລະ ອໍານວຍ​ຄວາມ​ສະ​ດວກ​ໃນ​ການ​ຈັດ​ຝຶກ​ອົົບຮົມ​ຄັ້ງ​ນີ້; ພ້ອມ​ນັ້ນທ່ານ ​ຍັງຮຽກ​ຮ້ອງ​ໃຫ້​ນັກ​ສຳ​ມະ​ນາ​ກອນ​ທຸກ​ສະຫາຍ ຈົ່ງພ້ອມກັນຕັ້ງໜ້າຄົ້ນຄວ້າສຶກ​ສາ​ຮ່ຳ​ຮຽນ, ແລກປ່ຽນບົດ ຮຽນເຊິ່ງກັນ ແລະ ກັນ ເພື່ອນໍາເອົາຄວາມຮູ້ດັ່ງກ່າວ ນໍາໄປຈັດຕັ້ງປະຕິບັດເຂົ້າໃນໜ້າທີ່ວຽກງານຕົວຈິງ ໃຫ້ໄດ້ຮັບປະສິດທິພາບສູງ.