ຄະນະໂຄສະນາອົບຮົມສູນກາງພັກ ຕາງໜ້າໃຫ້ລັດ....

ສ້າງຂື້ນເມື່ອ ວັນພະຫັດ, 14 ກຸມພາ 2019 08:51

ຄະນະໂຄສະນາອົບຮົມສູນກາງພັກ ຕາງໜ້າໃຫ້ລັດຖະບານ ຈັດພິທີປະດັບຫຼຽນໄຊແຮງງານຊັ້ນ I, ຊັ້ນ II  ແລະ ຊັ້ນ III ໃຫ້ຄະນະຄົ້ນຄວ້າເກັບກໍາ ແລະ ຮຽບຮຽງປຶ້ມປະຫວັດສາດຂອງ ທ່ານ ໜູຮັກ ພູມສະຫວັນ ອະດີດປະທານປະ ເທດ ແຫ່ງ ສປປ ລາວ.

       ໃນວັນທີ 13 ກຸມພາ 2019 ຜ່ານມາ, ຄະນະໂຄສະນາອົບຮົມສູນກາງພັກ ຕາງໜ້າໃຫ້ລັດຖະບານ  ຈັດພິທີປະດັບຫຼຽນໄຊ

ແຮງງານຊັ້ນ I-III ຊຶ່ງເປັນຫຼຽນໄຊສູງສຸດປະເພດໜຶ່ງມອບໃຫ້ຄະນະຄົ້ນຄວ້າເກັບກໍາແລະ ຮຽບຮຽງປຶ້ມປະຫວັດສາດຂອງ ທ່ານ ໜູຮັກ ພູມສະຫວັນ ອະດີດປະທານປະເທດ ແຫ່ງ ສປປ ລາວ ຂຶ້ນທີ່ ຫ້ອງປະຊຸມ ຊັ້ນ 5 ຂອງ ຄອສພ; ພາຍໃຕ້ການເປັນປະທານໂດຍ ທ່ານ ສຈ ປອ ກິແກ້ວ ໄຂຄໍາພິທູນ ເລຂາທິການສູນກາງພັກ ຫົວໜ້າຄະນະໂຄສະນາອົບຮົມສູນກາງພັກ, ເຂົ້າຮ່ວມໃນພິທີດັ່ງກ່າວມີ: ຕາງໜ້າບັນດາກົມ ພາຍໃນຄອສພ, ທ່ານ ດວງໄຊ ຫຼວງພະສີ ນັກປະພັນແຫ່ງຊາດລາວ, ທ່າ່ນ ນ. ແກ້ວມະ ນີວັນ ພູມສະຫວັນ, ທ່ານ ນາງ ພູທອນ ພູມສະຫວັນ, ທ່ານ ນາງ ຄຳພວງ ພູມສະຫວັນ, ທ່ານ ຍອດອຳນາດ ຫຼວງພະສີ, , ທ່ານ ເອກອົງອາດ ຫຼວງພະສີ.

       ໃນພິທີປະດັບຫຼຽນໄຊແຮງງານຊັ້ນ I, ຊັ້ນ II ແລະ ຊັ້ນ III ໃຫ້ຄະນະຄົ້ນຄວ້າເກັບກໍາ ແລະ ຮຽບ ຮຽງປຶ້ມປະຫວັດສາດຂອງ ທ່ານ ໜູ ຮັກ ພູມສະຫວັນ ອະດີດປະທານປະເທດ ແຫ່ງສປປ ລາວ ຄັ້ງນີ້ລວມມີ 6 ທ່ານຄື:

  1. ມອບຫຼຽນໄຊແຮງງານຊັ້ນ I ໃຫ້ແກ່ ທ່ານ ດວງໄຊ ຫຼວງພະສີ ນັກປະພັນແຫ່ງຊາດລາວ.
  2. ມອບຫຼຽນໄຊແຮງງານຊັ້ນ II ໃຫ້ແກ່ ທ່ານ ນາງ ພູທອນ ພູມສະຫວັນ ແລະ ທ່ານ ຍອດອຳນາດ ຫຼວງພະສີ.
  3. ມອບຫຼຽນໄຊແຮງງານຊັ້ນ III ໃຫ້ແກ່ ທ່ານ ເອກອົງອາດ ຫຼວງພະສີ, ທ່າ່ນ ນາງ ແກ້ວມະນີວັນ ພູມສະຫວັນ ແລະ ທ່ານ ນາງ ຄຳພວງ ພູມສະຫວັນ.

      

     ຕາງໜ້າລັດຖະບານແຫ່ງ ສປປ ລາວ ຂຶ້ນມອບຫຼຽນໄຊແຮງງານແຕ່ລະຊັ້ນໂດຍ ທ່ານ ສຈ ປອ ກິແກ້ວ ໄຂຄໍາພິທູນ ເລຂາທິການສູນກາງພັກ, ຫົວໜ້າຄະນະໂຄສະນາອົບຮົມສູນກາງພັກ ແລະ ໃນໂອ ກາດອັນສະຫງ່າລາສີ ແລະ ມີຄວາມໝາຍຄວາມສໍາຄັນນີ້  ທ່ານ ສຈ ປອ ກິແກ້ວ ໄຂຄໍາພິທູນ ໄດ້ສະ ແດງຄວາມຍ້ອງຍໍຊົມເຊີຍຕໍ່ບັນດາຄະນະຄົ້ນ ຄວ້າເກັບກໍາ ແລະ ຮຽບຮຽງປຶ້ມປະຫວັດສາດຂອງ ທ່ານ ໜູຮັກ ພູນສະຫວັນ ຄັ້ງນີ້ ທີ່ໄດ້ທຸ້ມເທ່ເຫື່ອແຮງ, ສະຕິປັນ ຍາ ແລະ ເອົາໃຈໃສ່ຢ່າງຕັ້ງໜ້າໃນການເກັບກໍາຂໍ້ມູນວິຖີການດໍາລົງຊີວິດຊີວິດ, ການເຄື່ອນ ໄຫວປະຕິວັດ ແລະ ຄຸນສົມ ບັດສິນທໍາປະຕິວັດ ຕະຫຼອດເຖິງພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ຂອງ ທ່ານ ໜູຮັກ ພູນສະ ຫວັນ ຜູ້ນໍາທີ່ແສນເຄົາລົບຮັກ ຂອງປວງຊົນລາວທັງຊາດ. ຜົນງານ ແລະ ການເຄື່ອນໄຫວປະຕິວັດຂອງເພິ່ນ  ເປັນການປະກອບສ່ວນອັນສໍາຄັນໃນການປົກປັກຮັກສາມູນ ເຊື້ອປະຫວັດສາດ ເພື່ອໃຫ້ຄົ້ນຮຸ່ນຫຼັງໄດ້ສືບຕໍ່ຄົ້ນຄວ້າສຶກສາຮໍ່າຮຽນ, ສືບທອດຄຸນງາມຄວາມດີຄຸນສົມ ບັດສິນທໍາປະຕິ ວັດ, ແບບແຜນການເຄື່ອນໄຫວເຮັດວຽກ ແລະ ແບບ ແຜນການດໍາລົງຊີວິດ ຂອງເພິ່ນ.