ກອງປະຊຸມໃຫຍ່ ຄັ້ງທີ I ຂອງໜ່ວຍພັກບໍານານ.....

ສ້າງຂື້ນເມື່ອ ວັນອັງຄານ, 19 ກຸມພາ 2019 01:23

ກອງປະຊຸມໃຫຍ່ ຄັ້ງທີ I ຂອງໜ່ວຍພັກບໍານານ ຄະນະໂຄສະນາອົບຮົມສູນກາງພັກ.

        ໃນຕອນເຊົ້າຂອງວັນທີ 15 ກຸມພາ 2019 ຜ່ານມາ, ໜ່ວຍພັກບໍານານ ຄະນະໂຄສະນາອົບຮົມສູນກາງພັກ ໄດ້ຈັດກອງປະຊຸມໃຫຍ່ຄັ້ງທີ I ຂຶ້ນຢ່າງເປັນທາງການ ຢູ່ທີ່ ຫ້ອງປະຊຸມ ຊັ້ນ (5) ຂອງ ຄອ ສພ; ພາຍໃຕ້ການເປັນປະທານໂດຍ ທ່ານ ສຈ ປອ ກິແກ້ວ ໄຂຄໍາພິທູນ

ເລຂາທິການສູນກາງພັກ ຫົວໜ້າຄະນະໂຄສະນາອົບຮົມສູນກາງພັກ, ເຂົ້າຮ່ວມມີ: ຄະນະໜ່ວຍພັກ, ສະມາຊິກພັກບໍານານ ທັງ ໝົດ 30 ສະຫາຍ, ມີບັນດາສະຫາຍຕາງໜ້າຄະນະໜ່ວຍພັກແຕ່ລະກົມ ພາຍໃນ ຄອສພ ເຂົ້າຮ່ວມຢ່າງພ້ອມພຽງ.

        ໃນກອງປະຊຸມດັ່ງກ່າວ ທ່ານ ນ. ຈັນສຸກ ພິມມະວັນ ຮອງຫົວໜ້າກົມຈັດຕັ້ງ-ພະນັກງານ ໄດ້ຂຶ້ນຜ່ານມະຕິຕົກ ລົງວ່າດ້ວຍການອະນຸ ມັດດໍາເນີນກອງປະຊຸມໃຫຍ່ ຄັ້ງທີ I ຂອງໜ່ວຍພັກບໍານານ; ຫຼັງ ຈາກນັ້ນ ທ່ານ ແສງຈັນ ພົມມີໄຊ ເລຂາໜ່ວຍພັກບໍານານ ໄດ້ຂຶ້ນຜ່ານບົດລາຍງານການເມືອງຂອງໜ່ວຍພັກ ຕໍ່ກອງປະຊຸມໃຫຍ່ຄັ້ງທີ I ຂອງໜ່ວຍພັກບໍານານ ຄະນະໂຄສະນາອົບຮົມສູນກາງພັກ ເຊິ່ງໄດ້ສະຫຼຸບຕີລາ ຄາຈຸດດີ, ຈຸດອ່ອນ ການເຄື່ອນໄຫວປະຕິບັດໜ້າທີ່ຂອງ ໜ່ວຍພັກ ບໍານານໃນໄລຍະ 5 ປີ (2014-2019) ຜ່ານມາ ແລະ ທິດທາງແຜນການ 5 ປີ ໄລຍະແຕ່ປີ 2019-2025 ຂອງໜ່ວຍພັກບໍານານ ຕໍ່ທີ່ປະຊຸມ; ພ້ອມນັ້ນຄະນະພັກຊຸດເກົ່າໄດ້ຂຶ້ນລາໜ້າທີ່ ແລະ ປ່ອນບັດຄັດເລືອກຄະນະ ພັກຊຸດໃໝ່ ເຊິ່ງຜ່ານການປ່ອນບັດຄັດເລືອກມີ ຜູ້ສະໝັກ 7 ສະຫາຍ, ຄັດເລືອກເອົາ 5 ສະຫາຍ ເຊິ່ງຜົນຂອງການຄັດເລືອກມີດັ່ງນີ້: 1. ສະ ຫາຍ ບົວຈັນ ເພັງສະຫວັດ, 2. ສະຫາຍ ສີສຸກ ພິລາວົງ, 3. ສະຫາຍ ທອງປານ ສົມພາວົງ, 4. ສະຫາຍ ນ. ພາວອນ ສຸກນະວົງ, 5. ສະຫາຍ ປອ ດາວເຮືອງ ສິນຕະນາກ.

        ໃນໂອກາດທີ່ມີຄວາມໝາຍ ຄວາມສໍາຄັນດັ່ງກ່າວ ທ່ານ ສຈ ປອ ກິແກ້ວ ໄຂຄໍາພິທູນ ໄດ້ກ່າວມີຄໍາເຫັນ ໂອ້ລົມຕໍ່ທີ່ປະຊຸມ ກ່ອນອື່ນ ທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານການເຄື່ອນໄຫວໃນໄລຍະ 5 ປີ ຜ່ານມາ ທີ່ໜ່ວຍພັກຍາດໄດ້ຜົນງານອັນໃຫຍ່ຫຼວງ, ຊົມເຊີຍບັນດາຜູ້ແທນກອງປະຊຸມໃຫຍ່ຄັ້ງນີ້ ທີ່ໄດ້ຕັດສິນໃຈ ທຸ່ມເທ່ເຫື່ອ ແຮງສະຕິປັນຍາຂອງຕົນ ແລະ ຜ່ານຜ່າຄວາມຫຍຸ້ງຍາກຕ່າງໆເຂົ້າໃນການສືບຕໍ່ເຮັດພາລະໜ້າທີ່ຂອງຕົນເອງຈົນສຸດຄວາມສາມາດ ເຊິ່ງມັນສະແດງເຖິງສະຕິຕໍ່ການຈັດຕັ້ງ, ຄວາມຮັບຜິດຊອບສູງຂອງພະນັກງານ-ສະມາຊິກພັກ, ສະແດງເຖິງຄວາມຈົງຮັກພັກດີທີ່ມີຕໍ່ພັກ, ຕໍ່ປະເທດຊາດ; ຄະນະພັກ ຄະນະໂຄສະນາອົບຮົມສູນກາງພັກ ໄດ້ຕີລາຄາສູງ ຕໍ່ການຈັດກອງປະຊຸມໃຫຍ່ຂອງໜ່ວຍພັກບໍານານ ຄັ້ງທີ I ນີ້ ເຊິ່ງເປັນກອງປະຊຸມທີ່ມີຄວາມໝາຍ ຄວາມສໍາຄັນ ແລະ ເປັນເຫດການ ການເມືອງທີ່ສໍາຄັນອັນໜຶ່ງຢູ່ໃນ ຄອສພ ແລະ ໄຂຂຶ້ນໃນທ່າມກາງທີ່ທົ່ວພັກ ແລະ ລັດເຮົາ ພວມສືບຕໍ່ຜັນຂະຫຍາຍມະຕິກອງປະຊຸມໃຫຍ່ຄັ້ງທີ່ 10 ຂອງພັກ ເຂົ້າສູ່ລ່ວງເລິກ ໂດຍສະເພາະ ມະຕິຂອງສູນກາງຄັ້ງທີ 7 ສະໄໝທີ່ 10 ເຂົ້າສູ່ຊີວິດຕົວຈິງ ເຊິ່ງໄດ້ເໜັ້ນໜັກ 2 ບັນຫາຫຼັກຄຶື: 1. ສະ ພາບຄວາມຫຍຸ້ງ ຍາກທາງດ້ານເສດຖະກິດການເງິນ ການສ້າງຄວາມເຂັ້ມແຂງຂອງການຄຸ້ມ ຄອງມະຫາພາກ, 2. ການປັບປຸງກໍ່ສ້າງຮາກ ຖານການເມືອງ ຂອງລະບອບປະຊາທິປະໄຕ ປະຊາຊົນ ໃຫ້ມີຄວາມເຂັ້ມແຂງ ແລະ ໜັກແໜ້ນ; ພ້ອມນັ້ນທ່ານ ຍັງໄດ້ເນັ້ນໜັກໃຫ້ບັນດາສະມາຊິກພັກບໍານານ ທຸກສະຫາຍພ້ອມກັນສືບຕໍ່ຮັກສາມູນເຊື້ອຄວາມສາມັກຄີ ແລະ ເຮັດສໍາເລັດໜ້າທີ່ການເມືອງ, ເຮັດໜ້າທີ່ສະມາຊິກພັກ ດ້ວຍຄວາມຮັບຜິດຊອບສູງ, ພ້ອມກັນປຶກສາຫາລື ປັບ ປຸງແກ້ໄຂວຽກງານຂອງໜ່ວຍພັກໃຫ້ມີບາດ ກ້າວໃໝ່ ແລະ ໄດ້ຮັບຜົນງານໃຫຍ່ຫຼວງກວ່າເກົ່າ.