ຄະນະໂຄສະນາອົບຮົມສູນກາງພັກ ເຊື່ອມຊຶມມະຕິ..

ສ້າງຂື້ນເມື່ອ ວັນອັງຄານ, 05 ມີນາ 2019 07:13

ຄະນະໂຄສະນາອົບຮົມສູນກາງພັກ  ເຊື່ອມຊຶມມະຕິກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 7 ສະໄໝທີ X ຂອງພັກ.

       ໃນວັນທີ 25-26 ກຸມພາ 2019 ຜ່ານມາ, ຄະນະໂຄສະນາອົບຮົມສູນກາງພັກ ໄດ້ຈັດກອງປະຊຸມ ເຊື່ອມຊຶມມະຕິກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 7 ສະໄໝທີ X ຂຶ້ນທີ່ ສະໂມສອນໃຫຍ່ ຂອງ ຄອສພ (ຫຼັກ6)

, ພາຍໃຕ້ການເປັນປະທານຂອງ ທ່ານ ປອ ຄໍາໝັ້ນ ຈັນທະລັງສີ ຮອງເລຂາຄະນະພັກ ຮອງຫົວໜ້າຄະນະໂຄສະນາອົບຮົມສູນກາງພັກ; ເຂົ້າຮ່ວມມີ: ຄະນະພັກ, ຫົວໜ້າກົມ, ຮອງກົມ, ຫົວໜ້າພະແນກ, ຮອງພະແນກ, ພະນັກງານວິຊາການ ທົ່ວຄອສພ ເຂົ້າຮ່ວມທັງໝົດ 138 ສະຫາຍ, ຍິງ 72 ສະຫາຍ.

       ໃນກອງປະຊຸມ ໄດ້ເຊື່ອມຊຶມ 2 ມະຕິຄື: ມະຕິສະບັບເລກທີ 057/ຄບສພ ລົງວັນທີ 19 ທັນວາ 2018 ວ່າດ້ວຍການເພີ່ມທະວີ ການນໍາພາແກ້ໄຂຄວາມຫຍຸ້ງຍາກດ້ານເສດຖະກິດ -ການເງິນ ແລະ ສ້າງຄວາມເຂັ້ມແຂງຂອງການຄຸ້ມຄອງມະຫາພາກ ໃຫ້ກຽດເຜີິຍແຜ່ໂດຍທ່ານ ປອ ຄໍາໝັ້ນ ຈັນທະລັງສີ ຮອງເລຂາຄະນະພັກ ຮອງຫົວໜ້າຄະນະໂຄ ສະນາອົບຮົມສູນກາງພັກ ແລະ ມະຕິເລກທີ 056/ຄບສພ ລົງວັນທີ 19 ທັນວາ 2018 ວ່າດ້ວຍການປັບປຸງຮາກຖານການເມືອງ ຂອງລະບອບປະຊາທິ ປະໄຕ ປະຊາຊົນ ໃຫ້ເຂັ້ມແຂງ ແລະ ໜັກແໜ້ນ ເຊິ່ງໃຫ້ກຽດເຜີຍແຜ່ໂດຍ ທ່ານ ສີປະເສີດ ແສນສະຫວັດ ຄະນະພັກ ຮອງຫົວໜ້າຄະນະໂຄສະນາອົບຮົມສູນກາງພັກ; ນອກຈາກນີ້ ຍັງໄດ້ຮັບຟັງການເຜີຍ ແຜ່ບົດສະຫຼຸບການເຄື່ອນໄຫວວຽກງານກວດກາປະຈໍາປີ 2018 ແລະ ທິດທາງແຜນການ ປີ 2019 ຂອງຄະນະກວດກາສູນກາງພັກ, ເອກະສານແນະນໍາສະບັບເລກທີ 419/ອກລ ວ່າດ້ວຍການຈັດຕັ້ງປະຕິບັດກົດໝາຍວ່າດ້ວຍການກວດກາລັດ ແລະ ບົດແນະນໍາ ສະບັບເລກທີ 358/ຄກສພ, ກ່ຽວກັບການດໍາເນີນຊີວິດການເມືອງພາຍໃນພັກ ເພື່ອກ້າວສູ່ກອງປະຊຸມໃຫຍ່ 3 ຂັ້ນ. ຈຸດປະສົງໃນການເຜີຍແຜ່ເຊື່ອມຊຶມໃນຄັ້ງນີ້ແມ່ນ ເພື່ອເຮັດໃຫ້ພະນັກງານ-ລັດຖະ ກອນ ທັງໝົດໄດ້ຮັບຮູ້ ແລະ ເຂົ້າໃຈຢ່າງເລິກເຊິ່ງກ່ຽວກັບສະພາບການຄວາມຫຍຸ້ງຍາກທາງດ້ານເສດຖະກິດ-ການເງິນ, ສະພາບຄວາມເປັນຈິງຂອງຮາກຖານການເມືອງ ພາຍໃນປະເທດ ໃນໄລຍະຜ່ານມາ ແລະ ຜົນສະທ້ອນໃນສະເພາະໜ້າ ກໍ ຄືຍາວນານ; ມີຄວາມເປັນເອກະພາບສູງຕໍ່ທັດສະນະທິດທາງ, ແຜນການ ແລະ ມາດຕະການທີ່ສູນ ກາງພັກວາງອອກຢ່າງເຂັ້ມງວດ, ເພື່ອນໍາໄປຄົ້ນຄວ້າກໍານົດບັນດາມາດຕະການຕ່າງໆໃຫ້ແທດເໝາະກັບສະພາບຄວາມເປັນຈິງໃນການແກ້ໄຂ ພ້ອມທັງສ້າງຂະບວນການຈັດຕັ້ງປະຕິບັດຢ່າງແຂງແຮງ ເພື່ອແກ້ໄຂສະພາບການດັ່ງກ່າວໃຫ້ທົ່ວເຖິງ ແລະ ໃຫ້ເກີດມີການຫັນປ່ຽນທີ່ມີລັກສະນະບຸກທະລຸໃນທົ່ວທຸກຂົງເຂດວຽກງານແຕ່ສູນກາງລົງຮອດທ້ອງຖິ່ນ, ຮາກຖານ ພ້ອມທັງເປັນການຍູ້ແຮງການພັດ ທະນາດ້ານຕ່າງໆໃຫ້ບັນລຸຕາມຄາດໝາຍ; ພ້ອມນັ້ນກອງປະຊຸມຍັງໄດ້ພ້ອມກັນຄົ້ນຄວ້າປະ ກອບຄໍາຄິດຄໍາເຫັນຢ່າງກົງໄປກົງມາຕໍ່ບັນຫາທີ່ຍັງຄົງຄ້າງ ທີ່ຈະຕ້ອງໄດ້ປັບປຸງແກ້ໄຂໃນຕໍ່ໜ້າ ໂດຍອີງໃສ່ມະ ຕິກອງປະ ຊຸມຄົບຄະນະບໍລິຫານງານສູນກາງພັກ ຄັ້ງທີ 7 ສະໄໝທີ X ເປັນພຶ້ນຖານໃນການປະກອບຄໍາເຫັນໃສ່ຂົງເຂດເສດ ຖະກິດ-ການເງິນ, ມາດຕະການນໍາພາຄຸ້ມຄອງບັນຫາໜີ້ສິນພາກລັດຂອງພາກສ່ວນກ່ຽວຂ້ອງ, ມາດຕະການຊຸກຍູ້ສົ່ງເສີມເສດ ຖະກິດດ້ານຕ່າງໆ, ການແກ້ໄຂການຮົ່ວໄຫຼຂອງງົບປະມານ, ການປະຫຍັດການໃຊ້ຈ່າຍບໍລິຫານ, ການຄຸ້ມຄອງເງິນຕາຢ່າງເປັນລະບົບ, ການປັບປຸງຮາກຖານການເມືອງຂອງລະບອບປະຊາທິປະໄຕ ປະຊາຊົນ ໃຫ້ມີຄວາມເຂັ້ມແຂງ ໜັກແໜ້ນ ແລະ ອື່ນໆ ໂດຍສົມທຽບໃສ່ຂົງເຂດທີ່ຕົນຮັບຜິດຊອບ.