ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 64 ປີ ຢ່າງສຸດໃຈ.                                                                                                                                                                           ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ.                                                                                                                                                                               ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ.                                                                                                                                                                       ຊົມເຊີຍວັນສ້າງຕັ້ງ ສປປ ລາວ ຄົບຮອບ 43 ປີ.  

ຄະນະໂຄສະນາອົບຮົມສູນກາງພັກ ຫວນຄືນມູນເຊື້ອ...

ຄະນະໂຄສະນາອົບຮົມສູນກາງພັກ ຫວນຄືນມູນເຊື້ອວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 64 ປີ ແລະ ມອບໃບຢັ້ງຢືນໜ່ວຍພັກປອດໃສ ເຂັ້ມແຂງ ໜັກແໜ້ນ ໃຫ້ບັນດາໜ່ວຍພັກ ຄະນະໂຄ ສະນາອົບຮົມສູນກາງພັກ.

       ໃນຕອນເຊົ້າຂອງວັນທີ 22 ມີນາ 2019 ຜ່ານມາ, ຄະນະໂຄສະນາອົບຮົມສູນກາງພັກ ໄດ້ຈັດພິທີປະຖະກະຖາຂຶ້ນທີ່ ຫ້ອງປະຊຸມໃຫຍ່ ຄອສພ (ຫຼັກ6)

ເພື່ອຫວນຄືນມູນເຊື້ອວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 64 ປີ ແລະ ມອບໃບຢັ້ງຢືນໜ່ວຍພັກປອດໃສ ,ເຂັ້ມແຂງ, ໜັກແໜ້ນ ໃຫ້ບັນດາໜ່ວຍພັກ ຢູ່ ຄະນະໂຄສະນາອົບຮົມສູນກາງພັກ; ພາຍໃຕ້ການເປັນປະທານຂອງ ທ່ານ  ສຈ ປອ ກິແກ້ວ ໄຂຄໍາພິທູນ ເລ ຂາທິການສູນກາງພັກ , ຫົວໜ້າຄະນະໂຄສະນາອົບຮົມສູນກາງພັກ, ເຂົ້າ ຮ່ວມມີ: ທ່ານ ສີປະເສີດ ແສນສະຫວັດ ຄະນະພັກ ຮອງຫົວໜ້າຄະນະໂຄສະນາອົບ ຮົມສູນກາງພັກ, ບັນດາຄະນະພັກ,  ຫົວໜ້າກົມ, ຮອງກົມ, ຫົວໜ້າພະແນກ, ຮອງພະແນກ, ພະນັກງານວິຊາການທົ່ວ ຄອສພ ເຂົ້າຮ່ວມຢ່າງພ້ອມ ພຽງ.

       ໃນພິທີ ທ່ານ ສຈ ປອ ກິແກ້ວ ໄຂຄໍາພິທູນ ໄດ້ຍົກໃຫ້ເຫັນເຖິງຄວາມໝາຍ ຄວາມສໍາຄັນຂອງ ວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 64 ປີ, ທາດແທ້, ວິລະກໍາອັນລໍ້າເລີດ ອຸດົມການຂອງພັກ ປປ ລາວ ຕະຫຼອດໄລຍະ 60 ກວ່າປີຜ່ານມາ ແລະ ບັນດາຜົນງານອັນໃຫຍ່ ຫຼວງໃນການຊີ້ນຳ-ນຳ ພາອັນສະຫຼາດສ່ອງໃສຂອງພັກ ໃນຂະບວນການຕໍ່ສູ້ເພື່ອຍາດເອົາເອກະລາດແຫ່ງຊາດໃນເມື່ອກ່ອນ ຈົນສາມາດຍາດ ໄດ້ໄຊຊະນະຢ່າງສົມບູນ ໃນປີ 1975; ປະຫວັດສາດແຫ່ງການກຳເນີດ, ເຕີບໃຫຍ່ຂະຫຍາຍຕົວຂອງພັກ ປະຊາຊົນລາວ, ທຸກບາດກ້າວເດີນ, ທຸກໄຊຊະນະ ແມ່ນການຕໍ່ສູ້ປະຕິວັດປົດ ປ່ອຍຊາດໃນເມື່ອກ່ອນ ກໍຄືໃນໄລຍະປົກປັກຮັກສາ ແລະ ສ້າງສາພັດທະນາປະເທດຊາດໃນປັດຈຸບັນລ້ວນແຕ່ຕິດພັນກັບການນໍາພາຂອງພັກ, ການກໍາເນີດຂຶ້ນຂອງພັກປະຊາຊົນ ປະຕິວັດລາວ ແມ່ນໝາກຜົນແຫ່ງການສົມທົບ ລະຫວ່າງ ຂະ ບວນການຕໍ່ສູ້ຮັກຊາດຂອງປະຊາຊົນລາວບັນດາເຜົ່າ ກັບ ຂະບວນການຕໍ່ສູ້ປະຕິວັດຂອງ ຊົນຊັ້ນກໍາມະກອນ ແລະ ລັດທິມາກ-ເລນິນ; ຕະ ຫຼອດ 64 ປີ ພາຍໃຕ້ການນໍາພາຂອງພັກ ປະເທດຊາດໄດ້ຮັບການພັດທະນາຢ່າງບໍ່ຢຸດຢັ້ງ, ສະຖຽນລະພາບທາງການເມືອງມີຄວາມໜັກແໜ້ນ, ສັງຄົມມີຄວາມສະເຫງົບ, ເສດຖະກິດມີການຂະຫຍາຍຕົວຢ່າງຕໍ່ເນື່ອງ, ຊີວິດການເປັນຢູ່ຂອງປະຊາຊົນ ໄດ້ຮັບການປັບປຸງດີຂຶ້ນເທື່ອລະກ້າວ, ບົດບາດການນໍາພາຂອງພັກ ໄດ້ຮັບການເຊີດຊູນັບມື້ສູງຂຶ້ນໃນເວທີພາກພື້ນ ແລະ ສາກົນ; ຕໍ່ກັບສະພາບການດັ່ງກ່າວພັກ-ລັດ ເຮົາກໍຍັງປະເຊີນໜ້າກັບສິ່ງທ້າທ້າຍຫຼາຍປະການ ທີ່ຈະຕ້ອງໄດ້ພ້ອມກັນປັບປຸງ ແລະ ສືບຕໍ່ແກ້ໄຂ ເພື່ອນໍາພາປະເທດຊາດ ກ້າວຂຶ້ນທຽບທັນກັບນາໆຊາດ; ນອກນັ້ນ ທ່ານ ສຈ ປອ ກິແກ້ວ ໄຂຄໍາພິທູນ ໄດ້ເນັ້ນ ໜັກໃຫ້ສະມາຊິກພັກ-ພະນັກງານ ທຸກສະຫາຍ ຈົ່ງພ້ອມກັນສືບຕໍ່ເສີມຂະຫຍາຍມູນເຊື້ອຄວາມສາມັກຄີໃຫ້ເປັນປຶກແຜ່ນ ແລະ ສືບທອດມູນເຊື້ອ 5 ດ້ານຂອງພັກ ເຂົ້າໃນການຝຶກຝົນຫຼໍ່ຫຼອມຕົນເອງໃນການຈັດ ຕັ້ງປະຕິບັດໜ້າທີ່ການເມືອງທີ່ການຈັດຕັ້ງມອບໝາຍ ໃຫ້ໄດ້ຮັບຜົນສໍາເລັດຢ່າງຈົບງາມ.

       ໃນຕອນທ້າຍຂອງພິທີຍັງໄດ້ມີການມອບໃບຢັ້ງຢືນໜ່ວຍພັກ ປອດໃສ, ເຂັ້ມແຂງ, ໜັກແໜ້ນ ໃຫ້ແກ່ບັນດາໜ່ວຍພັກ ຂອງກົມພາຍໃນ ຄະນະໂຄສະນາອົບຮົມສູນກາງພັກໂດຍແມ່ນ ທ່ານ ນາງຈັນສຸກ ພິມມະວັນ ຮອງຫົວໜ້າກົມຈັດຕັ້ງ-ພະນັກງານ ຂຶ້ນຜ່ານມະຕິຂໍ້ ຕົກລົງ ຂອງຄະນະພັກ ຄະນະໂຄສະນາອົບຮົມສູນກາງພັກ ວ່າດ້ວຍການຮັບ ຮອງເອົາຜົນຂອງການກວດ ກາສະມາຊິກພັກ ປອດໃສ, ເຂັ້ມແຂງ, ໜັກແໜ້ນ  ແລະ ຂໍ້ຕົກລົງຮັບຮອງເອົາບັນດາໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2018 ຂອງຄະນະໂຄສະນາອົບຮົມສູນກາງພັກ ເຊິ່ງມີ 5 ໜ່ວຍພັກຄື: 1. ໜ່ວຍພັກກົມອົບຮົມ, 2. ໜ່ວຍພັກກົມໂຄສະນາ, 3. ໜ່ວຍພັກກົມສັງລວມ-ຂໍ້ມູນຂ່າວສານ, 4. ໜ່ວຍພັກກົມຈັດຕັ້່ງ-ຫ້ອງການ, 5. ໜ່ວຍພັກກົມວາລະສານອະລຸນໃໝ່ ແລະ ວາລະສານໂຄສະນາ; ເພື່ອເປັນການຢັ້ງຢືນເຖິງຜົນງານຂອງ ບັນດາສະມາຊິກພັກທຸກສະຫາຍ ຕະຫຼອດໄລຍະ 1 ປີຜ່ານມາ ທີ່ໄດ້ທຸ້ມເທ່ເຫື່ອແຮງ, ສະຕິປັນຍາເຂົ້າໃນການ ຈັດຕັ້ງປະຕິບັດໜ້າທີ່ການເມືອງ ທີ່ການຈັດຕັ້ງມອບໝາຍໃຫ້; ໃຫ້ກຽດຂຶ້ນມອບໂດຍທ່ານ  ສຈ ປອ ກິແກ້ວ ໄຂຄໍາພິທູນ ເລຂາທິການສູນກາງພັກ.

ກົດໝາຍແຫ່ງ ສປປ ລາວ

ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 64 ປີ

ຊົມເຊີມວັນສ້າງຕັ້ງ ສປປ ລາວ ຄົບຮອບ 43 ປີ ຢ່າງສຸດໃຈ.

ປະທານ ໄກສອນ ພົມວິຫານ ຢືນຢົງໃນພາລະກິດປະຕິວັດຂອງພວກເຮົາຕະຫລອດໄປ

ກອງປະຊຸມໃຫຍ່ຜູ້ແທນທົ່ວປະເທດ ຂອງ ພັກປະຊາຊົນ ປະຕິວັດລາວ

ເຊື່ອມຕໍ່ເວັບໄຊສ

ເລກໂທ ສຸກເສີນ

ແຈ້ງ​ໄຟ​ໄໝ້ : 1190

   ຕຳຫຼວດ : 1191

ລົດ​ໂຮງໝໍ : 1195

​     ໄຟຟ້າ : 1199

  ນ້ຳ​ປະປາ : 1169

ໜ່ວຍກູ້​ໄພ : 1624

ຈຳນວນຄົນອອນໄລ໌ທ

ມີ 61  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

1151982
ມື້ນີ້ມື້ນີ້394
ມື້ວານນີ້ມື້ວານນີ້658
ອາທິດນີ້ອາທິດນີ້1567
ເດືອນນີ້ເດືອນນີ້36547
ທັງໝົດທັງໝົດ1151982