ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 64 ປີ ຢ່າງສຸດໃຈ.                                                                                                                                                                           ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ.                                                                                                                                                                               ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ.                                                                                                                                                                       ຊົມເຊີຍວັນສ້າງຕັ້ງ ສປປ ລາວ ຄົບຮອບ 43 ປີ.  

ບົດກ່າວໄຫ້ວອາໄລ ເຖິງດວງວິນຍານສະຫາຍ ປອ...

ບົດກ່າວໄຫວ້ອາໄລ

ເຖິງດວງວິນຍານສະຫາຍ ປອ ຄໍາໝັ້ນ ຈັນທະລັງສີ

ຮອງຫົວໜ້າຄະນະໂຄສະນາອົບຮົມສູນກາງພັກ. 

   ໃນທ່າມກາງບັນຍາກາດແຫ່ງຄວາມໂສກເສົ້າເສຍດາຍ ແລະ ອາໄລອາວອນຢ່າງສຸດຊຶ້ງຕໍ່ການຈາກໄປໂດຍບໍ່ມີວັນກັບຄືນມາອີກແລ້ວ ຂອງສະຫາຍ ປອ, ຄໍາໝັ້ນ ຈັນທະລັງສີ ຮອງຫົວໜ້າຄະນະໂຄສະນາອົບຮົມສູນກາງພັກ.

        ຄະນະພັກ ຄະນະໂຄສະນາອົບຮົມສູນກາງພັກ ພ້ອມດ້ວຍບັນດາພະນັກງານ, ສະມາຊິກພັກ ແລະ ລັດຖະກອນ ທົ່ວຄະນະໂຄສະນາອົບຮົມສູນກາງພັກ ມາເຕົ້າໂຮມກັນໃນທີ່ນີ້ ເພື່ອໄຫ້ວອາໄລ ແລະ ອໍາລາ ສະຫາຍ ປອ. ຄໍາໝັ້ນ ຈັນທະລັງສີ ເປັນຄັ້ງສຸດທ້າຍ.

ບັນດາສະຫາຍ ທີ່ຮັກແພງ

        ສະຫາຍ ປອ. ຄໍາໝັ້ນ ຈັນທະລັງສີ ແມ່ນສະມາຊິກພັກ, ແມ່ນພະນັກງານນໍາພາ ໃນວຽກງານການເມືອງ-ແນວຄິດຂອງພັກ. ຕະຫຼອດໄລຍະ 40 ປີ ແຫ່ງການເຄື່ອນໄຫວເຂົ້າຮ່ວມພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ສະຫາຍ ປອ. ຄໍາໝັ້ນ ຈັນທະລັງສີ ໄດ້ສຸມທຸກສະຕິປັນຍາ, ຄວາມຮູ້, ຄວາມສາມາດຂອງຕົນ ປະກອບສ່ວນເຂົ້າໃນການຈັດຕັ້ງປະຕິບັດແນວທາງນະໂຍບາຍຂອງພັກ-ລັດ, ປະຕິບັດໜ້າທີ່ການເມືອງໃນການນໍາພາວຽກງານການເມືອງ-ແນວຄິດຂອງພັກເວົ້າລວມ, ເວົ້າສະເພາະແມ່ນວຽກງານໂຄສະນາອົບຮົມໃຫ້ມີຜົນສໍາເລັດຫຼາຍດ້ານທີ່ສໍາຄັນ; ສະຫາຍເປັນພະນັກງານການນໍາທີ່ມີຄຸນທາດການເມືອງໜັກແໜ້ນ, ມີແບບແຜນການດໍາລົງຊີວິດທີ່ປອດໃສຂາວສະອາດ; ເປັນຄັນທຸງເຕົ້າໂຮມຄວາມສາມັກຄີໃຫ້ມີຄວາມເປັນປຶກແຜ່ນ, ສະຫາຍຍັງເປັນຜູ້ຫ້າວຫັນໃນການຄົ້ນຄວ້າ ແລະ ປະກອບຄວາມຄິດຄວາມເຫັນເຂົ້າໃນການປັບປຸງບູລະນະແນວທາງຂອງພັກ, ແຜນພັດທະນາເສດຖະກິດ-ສັງຄົມຂອງຊາດ, ສະຫາຍເປັນພະນັກງານທີ່ດີຂອງພັກປະຊາຊົນປະຕິວັດລາວ; ຊີວິດການເຄື່ອນໄຫວຂອງສະຫາຍແມ່ນໄດ້ຕິດພັນກັບພາລະກິດປົກປັກຮັກ ສາ ແລະ ສ້າງສາພັດທະນາປະເທດຊາດ ແລະ ຕິດພັນກັບວຽກງານຕົວຈິງແຕ່ລະໄລຍະ; ສະຫາຍໄດ້ອຸທິດເຫື່ອແຮງສະຕິປັນຍາຂອງຕົນປະກອບສ່ວນເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ແລະ ຕິດພັນກັບວຽກງານຕົວຈິງແຕ່ລະໄລຍະ; ສະຫາຍໄດ້ອຸທິດເຫື່ອແຮງສະຕິປັນຍາຂອງຕົນປະກອບ ສ່ວນເຂົ້າໃນພາລະກິດປົກປັກຮັກສາ ແລະ ສ້າງສາປະເທດຊາດເພື່ອຄວາມຢູ່ດີກິນດີຂອງພະນັກງານ, ປະຊາ ຊົນບັນດາເຜົ່າ, ມີນໍ້າໃຈເສຍສະຫຼະເພື່ອຜົນປະໂຫຍດລວມຂອງປະເທດຊາດ.

        ດ້ວຍຜົນງານ ແລະ ຄຸນງາມຄວາມດີທີ່ໄດ້ສະແດງອອກໃນຄຸນສົມບັດສິນທໍາປະຕິວັດອັນຜ່ອງໃສ ແລະ ຄວາມຮັກເຊື້ອແພງຊາດ, ສະຫາຍຈຶ່ງໄດ້ຮັບຄວາມໄວ້ເນື້ອເຊື່ອໃຈ ແລະ ເຄົາລົບນັບຖືຈາກພະນັກງານ, ສະມາຊິກພັກ ແລະ ປະຊາຊົນບັນດາເຜົ່າຢ່າງກ້ວາງຂວາງ.

        ໃນເວລາຍັງມີຊີວິດຢູ່ການຈັດຕັ້ງໄດ້ເອົາໃຈໃສ່ ແລະ ເປັນຫວ່ງເປັນໄຍສຸຂະພາບຂອງສະຫາຍ ແລະ ສະ ຫາຍກໍໄດ້ເອົາໃຈໃສ່ດູແລຮັກສາສຸຂະພາບຂອງຕົນເອງ. ແຕ່ຍ້ອນພະຍາດປະຈໍາຕົວຂອງຜູ້ກ່ຽວ ສະຫາຍ ປອ ຄໍາໝັ້ນ ຈັນທະລັງສີ ໄດ້ເຈັບປ່ວຍກະທັນຫັນ ແລະ ໄດ້ສິ້ນລົມຫາຍໃຈ ໃນເວລາ 19 ໂມງ 00 ຂອງວັນທີ 14 ມີນາ 2019 ລວມອາຍຸໄດ້ 60 ປີ.

        ການລ່ວງລັບໄປຂອງ ສະຫາຍ ປອ. ຄໍາໝັ້ນ ຈັນທະລັງສີ ແມ່ນການສູນເສຍພະນັກງານການນໍາຂອງພັກ-ລັດໄປອີກຜູ້ໜຶ່ງ ແລະ ອັນໄດ້ນໍາຄວາມໂສກເສົ້າເສຍດາຍ ແລະ ອາໄລອາວອນອັນສຸດຊຶ້ງໃຫ້ແກ່ການຈັດຕັ້ງ, ຄອບຄົວ, ຍາດຕິພີນ້ອງຜູ້ຢູ່ໃກ້ ແລະ ໄກ.

ສະຫາຍ ປອ ຄໍາໝັ້ນ ຈັນທະລັງສີ ທີ່ອາໄລຮັກ.

       ສະຫາຍໄດ້ຈາກພວກເຮົາໄປຢ່າງບໍ່ມີວັນກັບຄືນມາອີກແລ້ວ, ແຕ່ການຈັດຕັ້ງພັກ-ລັດ ແລະ ປະຊາຊົນລາວບັນດາເຜົ່າຂໍຈົດຈໍາຄຸນງາມຄວາມດີ ແລະ ຜົນງານຂອງສະຫາຍໄວ້ຢ່າງບໍ່ມີວັນຫຼົງລືມ, ຊື່ສຽງ ແລະ ຜົນງານຂອງສະຫາຍແມ່ນຕິດພັນກັບໜ້າປະຫວັດສາດຂອງຊາດ ກໍຄືພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ. ພວກເຮົາຂໍໃຫ້ຄໍາໝັ້ນສັນຍາວ່າ: ຈະສຶບຕໍ່ປະຕິບັດ ແລະ ຍຶດໝັ້ນອຸດົມການຂອງພັກ, ຈະເພີ່ມທະວີ ແລະ ຮັດແໜ້ນຄວາມສາມັກຄີເປັນເອກະພາບພາຍໃນພັກ ແລະ ເຕົ້າໂຮມຄວາມສາມັກຄີເປັນຈິດໜື່ງໃຈດຽວຂອງປະຊາຊົນບັນດາເຜົ່າ, ພວກເຮົາຈະພ້ອມກັນຈັດຕັ້ງປະຕິບັດໜ້າທີ່ວຽກງານການເມືອງ-ແນວຄິດ ກໍຄືວຽກງານໂຄສະນາອົບຮົມໃຫ້ມີຄູນນະພາບ ແລະ ປະສິດທິຜົນສູງ. ພວກເຮົາຂໍວິງວອນໃຫ້ດວງວິນຍາຂອງສະຫາຍຈົ່ງໄປສູ່ສຸຂະຕິເທີ້ນ!

        ເພື່ອອຳລາສະຫາຍເປັນຄັ້ງສຸດທ້າຍ, ຂໍເຊີນບັນດາສະຫາຍລຸກຂື້ນກົ້ມຫົວໄຫວ້ອາໄລຕໍ່ດວງວິນຍານຂອງສະຫາຍເປັນເວລາ 1 ນາທີ ປະຕິບັດ

 

 

 

 

 

 

ກົດໝາຍແຫ່ງ ສປປ ລາວ

ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 64 ປີ

ຊົມເຊີມວັນສ້າງຕັ້ງ ສປປ ລາວ ຄົບຮອບ 43 ປີ ຢ່າງສຸດໃຈ.

ປະທານ ໄກສອນ ພົມວິຫານ ຢືນຢົງໃນພາລະກິດປະຕິວັດຂອງພວກເຮົາຕະຫລອດໄປ

ກອງປະຊຸມໃຫຍ່ຜູ້ແທນທົ່ວປະເທດ ຂອງ ພັກປະຊາຊົນ ປະຕິວັດລາວ

ເຊື່ອມຕໍ່ເວັບໄຊສ

ເລກໂທ ສຸກເສີນ

ແຈ້ງ​ໄຟ​ໄໝ້ : 1190

   ຕຳຫຼວດ : 1191

ລົດ​ໂຮງໝໍ : 1195

​     ໄຟຟ້າ : 1199

  ນ້ຳ​ປະປາ : 1169

ໜ່ວຍກູ້​ໄພ : 1624

ຈຳນວນຄົນອອນໄລ໌ທ

ມີ 74  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

1151939
ມື້ນີ້ມື້ນີ້351
ມື້ວານນີ້ມື້ວານນີ້658
ອາທິດນີ້ອາທິດນີ້1524
ເດືອນນີ້ເດືອນນີ້36504
ທັງໝົດທັງໝົດ1151939