ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ..

ສ້າງຂື້ນເມື່ອ ວັນຈັນ, 08 ເມສາ 2019 08:31

ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ຈັດພິທີປາຖະກະຖາວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 64 ປີ.

      ໃນວັນທີ 4 ເມສາ 2019 ທີ່ຜ່ານມາ, ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ຈັດພິທີປາຖະ ກະຖາວັນສ້າງຕັ້ງພັກປະຊາ ຊົນປະຕິວັດລາວ ຄົບຮອບ 64 ປີ; ໂດຍການເປັນປະທານຂອງ ທ່ານ ສົມມາດ ພົນເສນາ ລັດຖະມົນຕີກະຊວງ

ຊັບພະຍາກອນທຳມະຊາດ ແລະ ສິ່ງແວດລ້ອມ, ໃຫ້ກຽດປາຖະກະຖາໂດຍ ທ່ານ ສຈ ປອ ກິແກ້ວ ໄຂຄຳພິທູນ ເລຂາທິການສູນກາງພັກ ຫົວໜ້າຄະນະໂຄສະນາອົບຮົມສູນກາງພັກ; ເຂົ້າຮ່ວມມີບັນດາພະນັກງານທົ່ວກະຊວງເຂົ້າຮ່ວມຢ່າງພ້ອມພຽງ.

      ໃນພິທີດັ່ງກ່າວ ທ່ານ ສຈ ປອ ກິແກ້ວ ໄຂຄຳພິທູນ ໄດ້ຫວນຄືນມູນເຊື້ອວັນສ້າງຕັ້ງພັກປະຊາຊົນປະຕິວັດລາວ, ການເຄື່ອນໄຫວ ແລະ ການນຳພາຂອງພັກໃນພາລະກິດຕໍ່ສູ້ກູ້ຊາດໂດຍສະເພາະກໍແມ່ນໄລຍະການປົກປັກຮັກສາ ແລະ ສ້າງສາພັດທະນາປະເທດຊາດນັບຕັ້ງແຕ່ປີ 1975 ເປັນຕົ້ນມາ; ສາທາ ລະນະລັດ ປະຊາທິປະໄຕ ປະຊາຊົນລາວໄດ້ກ້າວເຂົ້າສູ່ໄລຍະໃໝ່ແຫ່ງການປະຕິວັດ, ພັກປະຊາຊົນປະຕິ ວັດລາວໄດ້ກາຍເປັນພັກກຳອຳນາດ, ເປັນແກນນໍາໃນລະບົບການເມືອງຂອງ ລະບອບປະຊາທິປະໄຕ ປະຊາຊົນ, ນໍາພາປະຊາຊົນບັນດາເຜົ່າປະຕິບັດສອງໜ້າທີ່ຍຸດທະສາດ: ປົກປັກຮັກສາປະເທດຊາດ ແລະ ກໍ່ສ້າງລະບອບປະຊາທິປະໄຕປະຊາຊົນ ຕາມຈຸດໝາຍສັງຄົມນິຍົມ.   

      ຈຸດປະສົງການປາຖະກະຖາຄັ້ງນີ້ກໍເພື່ອ ຍົກໃຫ້ເຫັນທາດແທ້ທາງດ້ານແນວຄິດຂອງພັກ, ປະ ຫວັດການຕໍ່ສູ້ຂອງພັກ ໃນແຕ່ລະໄລຍະຈົນມາຮອດໄລຍະສ້າງສາພັດທະນາໃນຍຸກປັດຈຸບັນນີ້. ເພື່ອເຮັດໃຫ້ບັນດາສະມາຊິກພັກ, ພະນັກ ງານລັດຖະກອນໄດ້ເຂົ້າໃຈຢ່າງເລິກເຊິ່ງຕໍ່ມູນເຊື້ອອັນປີຊາສາ ມາດ, ອັນສະຫຼາດສ່ອງໃສ ແລະ ຜົນງານອັນໃຫຍ່ຫຼວງຂອງພັກ ແນ່ໃສ່ໃຫ້ພະນັກງານລັດຖະກອນເປັນເຈົ້າການໃນການເສີມຂະຫຍາຍມູນເຊື້ອອັນສະງ່າງາມຂອງພັກເຂົ້າໃສ່ການຈັດຕັ້ງປະຕິບັດມະຕິ 7 ສະ ໄໝທີ X ໃຫ້ປະກົດຜົນເປັນຈິງ.