ຄະນະໂຄສະນາອົບຮົມສູນກາງພັກ ຈັດພິທີຍ້ອງຍໍຜົນງານ..

ສ້າງຂື້ນເມື່ອ ວັນສຸກ, 28 ມີຖຸນາ 2019 04:19
ຂຽນໂດຍ ສົມພິນິດ

ຄະນະໂຄສະນາອົບຮົມສູນກາງພັກ ຈັດພິທີຍ້ອງຍໍຜົນງານປະຈໍາປີ 2018 ແລະ ກອງປະຊຸມເຊື່ອມຊຶມເອກະສານສຶກສາອົບຮົມການເມືອງ-ແນວຄິດ ເພື່ອກະກຽມກອງປະຊຸມໃຫຍ່ຂອງບັນດາໜ່ວຍພັກພາຍໃນ ຄອສພ.

   ໃນວັນທີ 14 ມິຖຸນາ 2019 ຜ່ານມາ, ຄະນະໂຄສະນາອົບຮົມສູນກາງພັກ ໄດ້ຈັດພິທີຍ້ອງຍໍຜົນງານປະຈໍາປີ 2018 ແລະ ກອງປະຊຸມເຊື່ອມຊຶມເອກະສານສຶກສາອົບຮົມການເມືອງ-ແນວຄິດ ເພື່ອກະກຽມກອງປະຊຸມໃຫຍ່ຂອງບັນດາໜ່ວຍພັກພາຍໃນ ຄອສພ ຂຶ້ນທີ່ ຫ້ອງປະຊຸມໃຫຍ່ ຄອສພ (ຫຼັກ6)

; ໂດຍພາຍໃຕ້ການເປັນປະທານຂອງ ທ່ານ ສຈ ປອ ກິແກ້ວ ໄຂຄໍາພິທູນ ເລຂາທິການສູນກາງພັກ ຫົວໜ້າຄະນະໂຄສະນາອົບຮົມສູນກາງພັກ, ເຂົ້າຮ່ວມມີ: ຄະນະພັກ, ຮອງຫົວໜ້າຄະນະໂຄສະນາອົບຮົມສູນ ກາງພັກ, ຫົວໜ້າກົມ, ຮອງກົມ, ຫົວໜ້າພະແນກ, ຮອງພະແນກ ແລະ ພະນັກງານ-ວິຊາການ ທົ່ວຄອສພ ເຂົ້າຮ່ວມຢ່າງພ້ອມພຽງ.

      ໃນພິທີທ່ານ ນາງ ຈັນສຸກ ພິມມະວັນ ຮອງຫົວໜ້າກົມຈັດຕັ້ງ-ພະນັກງານ ຂຶ້ນກ່າວຈຸດປະສົງໃນການຈັດກອງປະຊຸມຄັ້ງນີ້ ແມ່ນເພື່ອເຊື່ອມຊຶມເອກະສານດໍາເນີນຊີວິດການເມືອງເພື່ອກະກຽມໃຫ້ແກ່ການ ດໍາເນີນກອງປະຊຸມໃຫຍ່ຂອງ ບັນດາໜ່ວຍພັກພາຍໃນ ຄະນະໂຄສະນາອົບຮົມສູນກາງພັກ, ເພື່ອເປັນການປັບປຸງປົວແປງພັກໃຫ້ມີຄວາມປອດໃສ, ເຂັ້ມແຂງ, ໜັກແໜ້ນ; ຍົກສູງບົດບາດໃນການນໍາພາຂອງພັກ, ການຄຸ້ມຄອງຂອງລັດ ໃຫ້ນັບມື້ນັບເຂັ້ມແຂງ ແລະ ຄຸນນະພາບນັບມື້ນັບສູງຂຶ້ນ, ຕີລາຄາແບ່ງປະ  ເພດໜ່ວຍພັກ, ສະມາຊິກພັກ ເພື່ອເປັນບ່ອນອີງໃນການຄັດເລືອກເອົາບຸກຄະ ລາກອນທີ່ມີມາດຖານຄົບຖ້ວນເຂົ້າສະຫມັກໃນຄະນະໜ່ວຍພັກຊຸດໃໝ່ ແລະ ພິທີມອບໃບຍ້ອງຍໍໃຫ້ແກ່ພະນັກງານ-ລັດຖະກອນ ທີ່ມີຜົນງານດີເດັ່ນປະຈໍາປີ 2018. ຫຼັງຈາກນັ້ນ ທ່ານ ສຈ ປອ ກິແກ້ວ ໄຂຄໍາພິທູນ ໄດ້ໃຫ້ກຽດມີຄໍາເຫັນກ່າວເປີດກອງປະຊຸມ ທ່ານກ່າວວ່າ ກອງປະຊຸມບັ້ນດໍາເນີນຊີວິດການເມືອງພາຍໃນພັກຄັ້ງນີ້ ແມ່ນ ກອງປະຊຸມທີ່ມີຄວາມໝາຍ ຄວາມສໍາຄັນຢ່າງຍິ່ງ ເປັນຕົ້ນແມ່ນການສໍາຫຼວດກວດກາຄືນການເຄື່ອນໄຫວຂອງ ຄະນະພັກ, ສະມາຊິກພັກ ໃນການປະຕິບັດໜ້າທີ່ການເມືອງທີ່ໄດ້ຮັບມອບໝາຍ ກໍ່ຄືການຮັບຜິດຊອບທາງດ້ານການເມືອງ, ການຈັດຕັ້ງປະຕິບັດທາງດ້ານວຽກງານວິຊາສະເພາະ ແລະ ຄວາມຮັບຜິດຊອບຕໍ່ການຊີ້ນໍາ-ນໍາພາໃນຂົງເຂດວຽກງານຂອງ ຄະນະໂຄສະນາອົບຮົມສູນກາງພັກ, ການສໍາຫຼວດກວດກາ ແລະ ການຕີລາຄາຕໍ່ຄວາມຮັບຜິດຊອບຂອງ ຄະນະໜ່ວຍພັກ, ສະມາຊິກພັກ ໃນໄລຍະຜ່ານມານັ້ນ ເພື່ອເປັນການສືບຕໍ່ຜັນຂະຫຍາຍບັ້ນດໍາເນີນຊີວິດການເມືອງປັບປຸງປົວແປງພັກໃນປີ 2017 ທີ່ຜ່ານມາ, ຈະໄດ້ສືບຕໍ່ປັບປຸງແກ້ໄຂຈຸດອ່ອນຂໍ້ຄົງຄ້າງ ເພື່ອແນ່ໃສ່ປັບປຸງປົວແປງພັກໃຫ້ມີຄວາມປອດໃສ, ໜັກແໜ້ນ, ເຂັ້ມແຂງຍົກສູງບົດບາດຄວາມສາມາດໃນການຊີ້ນໍາ-ນໍາພາຂອງພັກ; ເວົ້າລວມ ເວົ້າສະເພາະ ກໍຄືອົງ ຄະນະພັກຂອງ ຄອສພ ໃນນັ້ນລວມທັງປັງປຸງກໍ່ ສ້າງພັກໃຫ້ມີຄວາມໜັກແໜ້ນທາງດ້ານການເມືອງ-ແນວຄິດ, ເຂັ້ມແຂງທາງດ້ານການຈັດຕັ້ງ ແລະ ແບບແຜນການນໍາພາ; ພ້ອມກັນນີ້ທັງເປັນການຕີລາຄາຄຸນນະ ພາບຂອງໜ່ວຍພັກ, ສະມາຊິກພັກ ເພື່ອເປັນບ່ອນອີງໃຫ້ແກ່ການຄັດເລືອກເອົາບຸກຄະລາກອນເຂົ້າສະ ຫມັກໃນຄະນະໜ່ວຍພັກຊຸດໃໝ່ໃຫ້ໄດ້ຕາມມາດຖານທີ່ໄດ້ກໍານົດໄວ້ໃນກົດລະບຽບຂອງພັກ; ກອງປະຊຸມຄັ້ງນີ້ໄດ້ຄົ້ນຄວ້າ ແລະ ເຊື່ອມຊຶມເອກະສານສໍາຄັນ 3 ບົດຄື:

1. ເສີມຂະຫຍາຍມູນເຊື້ອ ແລະ ຄວາມສາມັກຄີເປັນເອກະພາບພາຍໃນພັກ.                       2. ຍົກສູງຄວາມສາມາດນໍາພາ ແລະ ຄວາມເປັນແບບຢ່າງນໍາໜ້າ.                                                           3. ຕັ້ງໜ້າຝຶກຝົນຫຼໍ່ຫຼອມຄຸນທາດການເມືອງ ແລະ ຄຸນສົມບັດສິນທໍາປະຕິວັດ.

    ໃນໂອກາດທີ່ມີຄວາມໝາຍ ຄວາມສໍາຄັນດັ່ງກ່າວ ທ່ານ ສຈ ປອ ກິແກ້ວ ໄຂຄໍາພິທູນ ຍັງໄດ້ກ່າວ ຄໍາຍ້ອງຍໍຊົມເຊີຍຕໍ່ຜົນງານໃນການເຄື່ອນໄຫວປະຕິບັດໜ້າທີ່ວຽກງານ ປະຈໍາປີ 2018 ຂອງ ພະນັກງານລັດຖະກອນທົ່ວ ຄອສພ ນັ້ນແມ່ນເປັນການຢັ້ງຢືນເຖິງຜົນງານ ແລະ ໝາກຜົນແຫ່ງຄວາມສໍາເລັດໃນການປະຕິບັດໜ້າທີ່ວຽກງານໃນໄລຍະ 1 ປີຜ່ານມາ. ພ້ອມທັງເປັນການຊຸກຍູ້ວຽກງານວິຊາສະເພາະຂອງ ບັນດາກົມໃຫ້ມີຄວາມກ້າວໜ້າ ແລະ ມີຄຸນນະພາບສູງຂຶ້ນກວ່າເກົ່າ, ເປັນໄມ້ຫຼາວັດແທກແຫ່ງຜົນສໍາເລັດ ແລະ ຄຸນນະພາບຂອງ ວຽກງານທີ່ການຈັດຕັ້ງມອບໝາຍໃຫ້. ພ້ອມນັ້ນ ທ່ານ ຍັງໄດ້ເນັ້ນໜັກໃຫ້ສະມາ ຊິກພັກ-ພະນັກງານທຸກສະຫາຍ ພ້ອມກັນຍົກສູງສະຕິຕໍ່ການຈັດຕັ້ງ, ມີຄວາມຜິດຊອບສູງຕໍ່ໜ້າທີ່ການ ເມືອງຂອງຕົນ, ສຸມຈິດສຸມໃຈເຂົ້າໃນການຄົ້ນຄວ້າເຊື່ອມຊຶມ ແລະ ກໍາແໜ້ນເນື້ອໃນຈິດໃຈຂອງ ເອກະ ສານດັ່ງກ່າວ ເພື່ອນໍາໄປໜູນໃຊ້ເຂົ້າໃນໜ້າທີ່ວຽກງານວິຊາສະເພາະຂອງຕົນ ກໍ່ຄືໜ້າທີ່ທາງດ້ານການ ເມືອງ ທີ່ການຈັດຕັ້ງມອບໝາຍໃຫ້ໆໄດ້ຮັບປະສິດທິຜົນສູງສຸດ.

ເຊິ່ງປະກອບມີ:

  1. ການຍ້ອງຍໍ ປະເພດ I ມີຈໍານວນ 26 ສະຫາຍ ຍິງ 6 ສະຫາຍ.
  2. ການຍ້ອງຍໍ ປະເພດ II ມີຈໍານວນ107 ສະຫາຍ ຍິງ 61 ສະຫາຍ.
  3. ໃບຊົມເຊີຍ ມີ 18 ສະຫາຍ ຍິງ 11 ສະຫາຍ.