ຄະນະໂຄສະນາອົບຮົມສູນກາງພັກຈັດກອງປະຊຸມ...

ສ້າງຂື້ນເມື່ອ ວັນຈັນ, 01 ກໍລະກົດ 2019 02:05
ຂຽນໂດຍ ຄອນສະຫວັນ

ຄະນະໂຄສະນາອົບຮົມສູນກາງພັກຈັດກອງປະຊຸມ ເຜີຍແຜ່ວຽກງານປະກັນສັງຄົມ(ສະບັບປັບປຸງ)

          ໃນຕອນເຊົ້າວັນທີ 27 ມິຖຸນາ 2019 ທີ່ຜ່ານມາ, ທີ່ຄະນະໂຄສະນາອົບຮົມສູນກາງພັກ, ໄດ້ຈັດກອງປະຊຸມ ເຜີຍແຜ່ວຽກງານປະກັນສັງຄົມ(ສະບັບ

ປັບປຸງ) ໂດຍເຂົ້າຮ່ວມບັນຍາຍໂດຍ ທ່ານ ນ. ດວງເດືອນ ຈັນທະວົງຫົວໜ້າພະແນກປະຊາສຳພັນຫ້ອງການກອງທຶນກະກັນສັງຄົມ ແຫ່ງຊາດ ( ຫກປຊ )ກະຊວງແຮງງານ ແລະ ສະຫວັດດີການ, ເຂົ້າຮ່ວມມີ:ຫົວໜ້າກົມ, ຮອງກົມ, ຫົວໜ້າພະແນກ, ຮອງຫົວໜ້າພະແນກ, ພະນັກງານວິຊາການທັງໝົດຂອງຄະນະໂຄສະນາອົບຮົມສູນກາງພັກເຂົ້າຮ່ວມຢ່າງພ້ອມພຽງ.

          ຈຸດປະສົງເພື່ອໃຫ້ຮັບຮູ້ເຂົ້າໃຈເລິກເຊິ່ງກ່ຽວກັບ ວຽກປະກັນສັງຄົມ(ສະບັບປັບປຸງ) ເຊີ່ງແມ່ນແນວທາງນະໂຍບາຍດ້ານສະຫວັດດີການສັງຄົມ ຂອງລັດຖະບານໃຫ້ແກ່ສະມາຊິກປະກັນສັງຄົມ ໂດຍໄດ້ກຳນົດຂອບເຂດການຄຸ້ມຄອງດ້ານສະຫວັດດີການສັງຄົມ ສະເພາະໃຫ້ແກ່ພະນັກງານ-ລັດຖະກອນ, ປະຊາຊົນທົ່ວໄປ ຫຼື ຜູ້ປະກອບອາຊີບອິດສະຫຼະ, ເມື່ອເວົ້າເຖີງນະໂຍບາຍດ້ານສະຫວັດດີການສັງຄົມ ແລ້ວສ່ວນໃຫຍ່ແມ່ນມີແຕ່ ພະນັກງານ-ລັດຖະກອນ ທີ່ເຂົ້າເຮັດວຽກຢູ່ໃນການຈັດຕັ້ງລັດເທົ່ານັ້ນຈື່ງມີສິດໄດ້ຮັບສະຫວັດດີການ ໃນເວລາເຈັບໄຂ້ໄດ້ປ່ວຍ, ເກິດລູກ , ເສຍອົງຄະ, ບຳນານ, ເສຍຊີວິດ ແລະ ອື່ນໆ. ສະນັ້ນ ເພື່ອເຊື່ອຊືມເຜີຍແຜ່ ວຽກງານປະກັນສັງຄົມທີ່ມີນະໂຍບາຍປະກັນສັງຄົມ ໃຫ້ແກ່ສະມາຊິກເວົ້າລວມ, ເວົ້າສະເພາະເເມ່ນ ພະນັກງານ-ລັດຖະກອນຂອງ ຄອສພ ຮັບຮູ້ຢ່າງເລີກເຊີ່ງ ເພື່ອນຳໄປຈັດຕັ້ງປະຕິບັດໃຫ້ຖືກຕ້ອງ. ນອກຈາກນັ້ນໄດ້ຮັບຟັງເນື້ອໃນກົດໝາຍວ່າດ້ວຍການປະກັນສັງຄົມ, ຄວາມເປັນມາຂອງການປະກັນສັງຄົມທີ່ເປັນອົງການລັດສ້າງຕັ້ງຂື້ນເພື່ອເຮັດໜ້າທີ່ປົກປ້ອງສິດ ແລະ ຜົນປະໂຫຍດຕ່າງໆ, ດ້ານປະກັນສັງຄົມໃຫ້ແກ່ພະນັກງານລັດຖະກອນ, ຜູ້ອອກແຮງງານພາກວິສາຫະກິດ ແລະ ຜູ້ປະກັນຕົນສະໝັກໃຈພ້ອມທັງຄຸ້ມຄອງບໍລິຫານກອງທືນປະກັນສັງຄົມໃຫ້ນັບມື້ຂະຫຍາຍຕົວ ແລະ ໝັ້ນຄົງ.

          ໃນຕອນທ້າຍປະຊຸມບັນດາທ່ານບັນດາສະຫາຍຍັງໄດ້ຕັ້ງຄຳຖາມແຈະຈິ້ມເພື່ອສ້າງຄວາມຊັດເຈນເຂົ້າໃຈຕື່ມ, ໃນການຮ່ວມຮັບຟັງການເຜີຍແຜ່ໃນຄັ້ງນີ້ເປັນປະໂຫຍດຫຼາຍໃຫ້ແກ່ພະນັກງານ-ລັດຖະກອນໃນທົ່ວຄອສພ.