ພິທີສະເຫຼີມສະຫຼອງວັນສ້າງຕັ້ງສະຫະພັນແມ່ຍິງລາວ...

ສ້າງຂື້ນເມື່ອ ວັນສຸກ, 19 ກໍລະກົດ 2019 08:51
ຂຽນໂດຍ ຄອນສະຫວັນ

ພິທີສະເຫຼີມສະຫຼອງວັນສ້າງຕັ້ງສະຫະພັນແມ່ຍິງລາວ ຄົບຮອບ 64 ປີ.

          ໃນ​ວັນ​ທີ 17 ກໍລະກົດ 2019 ​ຜ່ານ​ມາ, ​ສະຫະພັນແມ່ຍິງ​ຄະ​ນະ​ໂຄ​ສະ​ນາ​ອົບ​ຮົມ​ສູນ​ກາງ​ພັກ, ສະຫະພັນແມ່ຍິງ​ຄະ​ນະ​ຈັດຕັ້ງ​ສູນ​ກາງ​ພັກ ແລະ ສະຫະພັນແມ່ຍິງຫ້ອງວ່າການສູນກາງພັກໄດ້​ພ້ອມກັນຈັດພິທີສະເຫຼີມສະຫຼອງວັນສ້າງຕັ້ງສະ

ຫະພັນແມ່ຍິງລາວ ຄົບຮອບ 64 ປີຂຶ້ນ ທີ່​ຫ້ອງ​ປະ​ຊຸມ​ໃຫຍ່ ຂອ​ງ​ຄະ​ນະ​ໂຄ​ສະ​ນາ​ອົບ​ຮົມ​ສູນ​ກາງ​ພັກ; ​ໃຫ້​ກຽດ​ເປັນ​ປະ​ທານ​ໂດຍທ່ານ ນາງ ວຽງເງິນ ໄຂຄຳພິທູນ ອາດີດຮອງຫົວໜ້າສະຖາບັນການຕ່າງປະເທດ ກະຊວງການຕ່າງປະເທດ, ເຊິ່ງມີສະມາຊິກແມ່ຍິງ ແລະ ສະມາຊິກຊາວໜຸ່ມຈາກ 3 ອົງການເຂົ້າຮ່ວມຢ່າງຫຼວງຫຼາຍ.

          ໃນ​ພິທີດັ່ງກ່າວທ່ານ ນາງ ວຽງເງິນ ໄຂຄຳພິທູນ ໄດ້ໃຫ້ກຽດສະເໜີຫົວຂໍ້ກ່ຽວກັບບາງບັນຫາພື້ນຖານກ່ຽວກັບວຽກ ງານພິທີການທູດ “ມາລະຍາດພື້ນຖານທາງສັງຄົມ” ໂດຍແບ່ງອອກເປັນ 3 ພາກໃຫຍ່ຄື: ມາລະຍາດພື້ນຖານທາງສັງຄົມ, ຄວາມສຳຄັນຂອງການນຸ່ງຫົ່ມແຕ່ງກາຍ ໃນວຽກງານພິທີການທູດ ແລະ ມາລະຍາດໃນໂຕະອາຫານ. ໃນພິທີ ທ່ານຍັງໄດ້ອະທິບາຍ ແລະ ເນັ້ນໜັກໃຫ້ສະມາຊິກແມ່ຍິງທັງໝົດໃຫ້ເຂົ້າໃຈເລິກເຊິ່ງກ່ຽວກັບມາລະຍາດ, ກິລິຍາ, ວາຈາ, ການປະພຶດ ແລະ ປະຕິບັດຕົນ ທີ່ສະແດງອອກ ໃຫ້ເຫັນເຖິງຄວາມດີ, ຄວາມສຸພາບຮຽບຮ້ອຍ, ເຖິງມາລະຍາດໃນຮູບນອກຂອງຄົນເຮົາທີ່ສະແດງອອກມາໃນການນຸ່ງຫົ່ມ, ການແຕ່ງຕົວ ຫຼື ການປະດັບກາຍ, ການຊຳລະຮ່າງກາຍໃຫ້ຈົບງາມເປັນຕົ້ນວ່າການນຸ່ງຖືໃຫ້ຖືກກາລະເທສະ, ເໝາະສົມກັບໜ້າທີວຽກງານ, ຖືກຕາມສະຖານະການ, ການເຂົ້າພົບປະຜູ້ໃຫຍ່ ແລະ ການນົບໄຫວ້ເປັນຕົ້ນ. ນອກນັ້ນ ທ່ານຍັງໄດ້ຮຽກຮ້ອງມາຍັງສະມາ ຊິກແມ່ຍິງ ແລະ ຊາວໜຸ່ມທຸກສະຫາຍຈົ່ງເພີ່ມທະວີຄວາມສາມັກຄີເປັນເອກະພາບ, ພ້ອມກັນບຸກບືນພັດທະນາຕົນເອງ ຢ່າງຮອບດ້ານເປັນຕົ້ນທາງດ້ານທິດສະດີ, ແນວທາງ ແລະ ວຽກງານວິຊາສະເພາະ, ເຊີດຊູນ້ຳໃຈຮັກຊາດ, ເປັນເຈົ້າຕົນເອງ, ສ້າງຄວາມເຂັ້ມແຂງດ້ວຍຕົນເອງ ແລະ ເພີ່ມທະວີຄວາມຮັບຜິດຊອບເຂົ້າໃນການຈັດຕັ້ງປະຕິບັດວຽກງານ.