ພິທີເປີດຊຸດຝຶກຄວາມຮູ້ພຶ້ນຖານດ້ານການເມືອງ-ການປົກຄອງ ແລະ ການສ້າງບ້ານພັດທະນາ ແລະ ປະຊາຊົນລຽບຕາມຊາຍແດນ ຢູ່ເມືອງຊະນະຄາມ ແຂວງວຽງຈັນ.

ສ້າງຂື້ນເມື່ອ ວັນສຸກ, 12 ກໍລະກົດ 2019 08:37

ພິທີເປີດຊຸດຝຶກຄວາມຮູ້ພຶ້ນຖານດ້ານການເມືອງ-ການປົກຄອງ ແລະ ການສ້າງບ້ານພັດທະນາ ແລະ ປະຊາຊົນລຽບຕາມຊາຍແດນ ຢູ່ເມືອງຊະນະຄາມ ແຂວງວຽງຈັນ.

       ໃນ​ຕອນເຊົ້າວັນ​ທີ 1 ກໍລະກົດ 2019 ຜ່ານມາ, ກົມ​ອົບຮົມ ຂອງຄະນະ​ໂຄສະນາ​ອົບຮົມ​ສູນ​ກາງ​ພັກ ໄດ້ສົມ ທົບ​ກັບ​ ຄະນະ​ໂຄສະນາ​ອົບຮົມ​ແຂວງ​ວຽງຈັນ ​ແລະ ຄະນະ​ໂຄສະນາ​ອົບຮົມ​ເມືອງ​ຊະ ນະ​ຄາມ ​ຈັດ​ຊຸດ​ອົບຮົມ​ຄວາມ​ຮູ້​ພື້ນຖານ​ດ້ານ​ການ​ເມືອງ-ການ​ປົກຄອງ ​ແລະ ການ​ສ້າງ​ບ້ານ​ພັດ ທະນາ ​ໃຫ້ແກ່ປະຊາຊົນ​ບັນດາ​ເຜົ່າ​ຢູ່​ລຽບຕາມ​ຊາຍ​ແດນ ​ທີ່​ສະ​ໂມ​ສອນ​ເມືອງ​ຊະນະ​ຄາມ; ໂດຍພາຍໃຕ້ການເປັນປະທານຮ່ວມຂອງ ສະຫາຍ ຈັນ​ແປງ ​ດວ​ງພະຈັນ ​ກຳມະການ​ພັກ​ແຂວງ, ຫົວໜ້າຄະນະໂຄສະນາອົບຮົມແຂວງວຽງຈັນ, ສະຫາຍ ສະໝານ ວິ​ເສດ​ຍະ​ພົງ ເລຂາພັກເມືອງ,

ເຈົ້າເມືອງໆຊະນະ​ຄາມ ​ແລະ ສະຫາຍ ຄໍາເຄນ ຈັນທະວົງ ຫົວໜ້າກົມອົບຮົມ, ມີນັກສໍາມະກອນເຂົ້າຮ່ວມທັງໝົດ 63 ສະຫາຍ, ຍິງ 16 ສະຫາຍ ຊຶ່ງມາຈາກ 4 ບ້ານ​ອ້ອມຂ້າງເມືອງຄື​: ບ້ານ​ຊະນະ​ຄາມ, ບ້ານ​ປາກ​ມີ້, ບ້ານ​ສີ​ພູມ ​ແລະ ບ້ານ​ຕາກ​ແດດ ໃນນັ້ນມີເລຂາໜ່ວຍພັກບ້ານ 2 ສະຫາຍ, ຮອງເລຂາພັກບ້ານ 3 ສະຫາຍ, ນາຍ ບ້ານ 5 ສະຫາຍ, ຮອງນາຍບ້ານ 8 ສະຫາຍ, ປະທານແນວໂຮມບ້ານ 5 ສະຫາຍ, ຊາວໜຸ່ມບ້ານ 4 ສະຫາຍ, ສະຫະພັນແມ່ຍິງ 8 ສະຫາຍ, ປກສບ້ານ 7 ສະຫາຍ, ປກຊບ້ານ 5 ສະຫາຍ, ຫົວໜ້າໜ່ວຍ 3 ສະຫາຍ, ຮອງຫົວໜ້າໜ່ວຍ 2 ສະ ຫາຍ, ການເງິນບ້ານ 4 ສະຫາຍ ແລະ ຜູ້ຊ່ວຍນາຍບ້ານ 2 ສະຫາຍ.

       ​ເອກະສານທີ່ນໍາໃຊ້ເຂົ້າໃນການຝຶກອົບຮົມ​ຄວາມ​ຮູ້​ພື້ນຖານ​ດ້ານ​ການ​ເມືອງ - ການ​ປົກຄອງ, ການ​ສ້າງ​ບ້ານ​ພັດທະນາ ​ແລະ ອົບຮົມ​ປະຊາຊົນ​ລຽບຕາມ​ຊາຍ​ແດນມີ 5 ບົ​ດຄື:

      ຈຸດປະສົງໃນການຈັດຝຶກອົບຮົມຄັ້ງນີ້ແມ່ນ ເພື່ອເປັນ​ການປັບປຸງ ແລະ ຍົກ​ສູງ​ຄວາມຮູ້ ຄວາມສາມາດ, ຄວາມເຂົ້າໃຈຢ່າງເລິກເຊິ່ງຈະແຈ້ງໃຫ້ແກ່​ຜູ້ເຂົ້າອົບຮົມ ຊຶ່ງຜ່ານການປະເມີນຜູ້ເຂົ້າຮ່ວມອົບຮົມມີຄວາມຮັບຮູ້-ເຂົ້າໃຈຕໍ່ເນື້ອໃນເອກະສານໃນລະດັບດີ 90%, ລະດັບປານກາງ 10%. ພາຍ ຫຼັງສຳເລັດຊຸດອົບຮົມ ສະຫາຍ ຈັນແປງ ດວງພະຈັນ ກຳມະການພັກແຂວງ, ຫົວໜ້າຄະນະໂຄ ສະນາອົບຮົມແຂວງວຽງຈັນ ໄດ້ໃຫ້ກຽດມອບໃບຢັ້ງຢືນໃຫ້ແກ່ນັກສໍາມະນາກອນ ແລະ ໂອ້ລົມຕໍ່ຊຸດອົບຮົມ ຊຶ່ງທ່ານໄດ້ເນັ້ນໜັກໃຫ້ທຸກສະຫາຍ ພ້ອມກັນເອົາໃຈໃສ່ສືບຕໍ່ຄົ້ນຄວ້າ, ເຊື່ອມຊຶມເນື້ອໃນຂອງເອກະ ສານ 5 ບົດທີ່ໄດ້ບັນຍາຍນັ້ນນໍາໄປຈັດຕັ້ງຜັນຂະຫຍາຍຢູ່ໃນຂອບເຂດຄວາມຮັບຜິດຊອບຂອງຕົນໃຫ້ປະກົດຜົນເປັນຈິງ ແລະ ຮັບປະສິດທິຜົນສູງສຸດ.