ອົບຮົມວຽກງານ 3 ສ້າງ ໃຫ້ສະມາຊິກພັກ,...

ສ້າງຂື້ນເມື່ອ ວັນຈັນ, 28 ຕຸລາ 2019 02:15
ຂຽນໂດຍ ສີວອນ ຈັນສຸລີ

ອົບຮົມວຽກງານ 3 ສ້າງ ໃຫ້ສະມາຊິກພັກ,

         ພະນັກງານ ແລະ ປະຊາຊົນຜູ້ເປັນຫຼັກແຫຼ່ງຢູ່ບ້ານນໍ້າເກິ່ງເກົ່າ-ນ້ຳເກິ່ງໃໝ່

    ປະຕິບັດຕາມແຜນການເຄື່ອນໄຫວວຽກງານວິຊາສະເພາະຂອງກົມອົບຮົມ ປະຈໍາປີ 2019 ໃນວັນທີ 18-19/10/2019 ກົມອົບຮົມ ຄອສພ ໄດ້ສົມທົບ

ກັບຄະນະໂຄສະນາອົບຮົມແຂວງບໍ່ແກ້ວ ແລະ ໂຄສະນາອົບຮົມເມືອງຕົ້ນເຜິ້ງ ຈັດຕັ້ງຊຸດອົບຮົມຄວາມຮູ້ພື້ນຖານດ້ານການເມືອງ-ການປົກຄອງ, ການສ້າງບ້ານພັດທະນາໃຫ້ແກ່ປະຊາຊົນຢູ່ລຽບຕາມຊາຍແດນຢູ່ທີ່ສະໂມສອນບ້ານນ້ຳເກິ່ງໃໝ່ ພາຍໃຕ້ການເປັນປະທານຂອງ ສະຫາຍ ອຸ່ນຄຳ ທຳມະເລີດ ຮອງເລຂາພັກເມືອງ, ຮອງເຈົ້າ ເມືອງຕົ້ນເຜິ້ງ, ສະຫາຍ ຄໍາເຄນ ຈັນທະວົງ ຫົວໜ້າກົມອົບຮົມ ຄອສພ ແລະ ສະຫາຍ ອຸດົມ​ການ ​ແກ້ວ​ພວງ​ເພັດ ຮອງຫົວໜ້າຄະນະໂຄສະນາອົບຮົມ ແຂວງບໍ່​ແກ້ວ.

    ຊຸດອົບຮົມຄັ້ງນີ້ມີຜູ້ເຂົ້າຮ່ວມທີ່ມາຈາກບ້ານນ້ຳເກິ່ງເກົ່າ, ບ້ານນ້ຳເກິ່ງໃໝ່ ລວມທັງໝົດ 55 ສະຫາຍຍິງ 13 ສະຫາຍ, ໃນນັ້ນມີສະມາຊິກພັກ 38 ສະຫາຍ, ຍິງ 5 ສະຫາຍ; ມີກຳມະການພັກເມືອງ, ເລຂາຄະນະພັກຮາກຖານບ້ານ, ເລຂາໜ່ວຍພັກ, ຮອງເລຂາໜ່ວຍພັກ ແລະ ຫົວໜ້າອົງການຈັດຕັ້ງມະຫາຊົນ. ເນື້ອ​ໃນ​​ເອກະສານຝຶກອົບຮົມຄັ້ງນີ້ປະ ກອບມີ 5 ບົດຄື: ບົດທີ 1 ຊາດຊາດລາວ, ຄົນລາວ ແລະ ມູນເຊື້ອອັນສະຫງ່າລາສີຂອງປະຊາຊົນລາວ, ບົດທີ 2 ລະບົບການເມືອງ ແລະ ການປົກຄອງ ໃນລະບອບປະຊາທິປະໄຕປະຊາຊົນ, ບົດທີ 3 ຍົກສູງຄວາມສາມາດນໍາພາຂອງໜ່ວຍພັກບ້ານ, ສ້າງໜ່ວຍພັກປອດໃສ, ເຂັ້ມ ແຂງ, ໜັກແໜ້ນ, ບົດທີ 4 ການສ້າງບ້ານເປັນຫົວໜ່ວຍພັດທະນາ ແລະ ບົດທີ 5 ການແກ້ໄຂຄວາມ ທຸກຍາກ ແລະ ການຜະລິດເປັນສິນຄ້າ; ເອກະສານອົບຮົມປະຊາຊົນທີ່ຢູ່ລຽບຕາມຊາຍແດນ ມີ 17 ຄໍາຖາມ 17 ຄໍາຕອບ; ບັນຍາການໃນການຝຶກອົບຮົມໃນຄັ້ງນີ້ໄດ້ມີການແລກປ່ຽນຄຳຄິດຄຳເຫັນລະຫວ່າງຜູ້ບັນຍາຍເອກະສານກັບນັກອົບຮົມຫຼາຍບັນຫາຢ່າງກົງໄປກົງມາ ຊຶ່ງເປັນການປັບປຸງທັດສະນະ ແລະ ໄດ້ສ້າງຄວາມຮັບຮູ້-ເຂົ້າໃຈຕໍ່ແນວທາງນະໂຍບາຍຂອງພັກ-ກົດ   ໝາຍຂອງລັດ ໂດຍສະເພາະແມ່ນລະບົບການເມືອງ-ການປົກຄອງຢູ່ຂັ້ນບ້ານ, ການສ້າງບ້ານພັດທະ ນາ, ການປູກ-ການລ້ຽງເປັນສິນຄ້າ ແລະ ການບໍລິການເພື່ອສ້າງຄວາມຮັ່ງມີໃຫ້ແກ່ຄອບຄົວທີ່ຖືກຕ້ອງ ພ້ອມກັນນັ້ນນັກອົບຮົມຫຼາຍຄົນໄດ້ສະແດງຄວາມດີໃຈທີ່ໄດ້ເຂົ້າຮ່ວມອົບຮົມໃນຄັ້ງນີ້ ເພາະວ່າໄລຍະຜ່ານມາບໍ່ເຄີຍໄດ້ເຂົ້າຮ່ວມອົບຮົມແບບນີ້ຈັກເທື່ອ. ສະ    ເໜີໃຫ້ມີການຈັດ ຕັ້ງອົບຮົມແບບນີ້ເລື້ອຍໆ ໂດຍສະເພາະແມ່ນຢູ່ບັນດາບ້ານທີ່ບໍ່ທັນໄດ້ຈັດຝຶກອົບຮົມວຽກງານດັ່ງກ່າວເພາະເຫັນວ່າເນື້ອໃນຂອງເອ ກະສານອົບຮົມນີ້ມີຄວາມສຳຄັນສຳລັບສະມາຊິກພັກ, ພະນັກງານ ແລະ ປະຊາຊົນຢູ່ຮາກຖານບ້ານ.

    ຜົນສຳເລັດໃນການອົບຮົມໃນຄັ້ງນີ້ ນອກຈາກເປັນການປະກອບສ່ວນສ້າງຄວາມຕື່ນຕົວທາງດ້ານການເມືອງໃຫ້ສະມາຊິກພັກ, ພະນັກງານ ແລະ ປະຊາຊົນຢູ່ບ້ານນ້ຳເກິ່ງເກົ່າ, ບ້ານນ້ຳເກິ່ງໃໝ່ແລ້ວຍັງເປັນສ້າງຂະບວນການເພື່ອຂໍ່ານັບຮັບຕ້ອນກອງປະຊຸມໃຫຍ່ຄັ້ງທີ V ຂອງອົງຄະນະພັກເມືອງຕົ້ນເຜິ້ງທີ່ຈະໄຂຂຶ້ນໃນທ້າຍເດືອນນີ້ ແລະ ປະກາດບ້ານນ້ຳເກິ່ງເກົ່າ ແລະ ບ້ານນ້ຳເກິ່ງໃໝ່ເປັນຕົວເມືອງນ້ອຍໃນຊົນນະບົດໃນທ້າຍປີ 2019.