ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 64 ປີ ຢ່າງສຸດໃຈ.                                                                                                                                                                           ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ.                                                                                                                                                                               ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ.                                                                                                                                                                       ຊົມເຊີຍວັນສ້າງຕັ້ງ ສປປ ລາວ ຄົບຮອບ 43 ປີ.  

ກອງປະຊຸມຜັນຂະຫຍາຍມະຕິ ຂອງກົມການເມືອງ...

ກອງປະຊຸມຜັນຂະຫຍາຍມະຕິ ຂອງກົມການເມືອງສູນກາງພັກ ວ່າດ້ວຍການຄົ້ນຄວ້າແນວຄິດ ໄກສອນ ພົມວິຫານ

        ໃນຕອນເຊົ້າວັນທີ 09 ຕຸລາ 2019 ຢູ່ທີ່ຫ້ອງປະຊຸມໃຫຍ່ຂອງຄະນະໂຄສະນາອົບຮົມສູນກາງພັກໄດ້ຈັດກອງປະຊຸມຜັນຂະຫຍາຍມະຕິ ຂອງກົມການເມືອງສູນກາງພັກ ວ່າດ້ວຍການຄົ້ນຄວ້າແນວຄິດ ໄກສອນ ພົມວິຫານ ໃຫ້ກຽດເປັນປະທານ ແລະ ບັນຍາຍໂດຍສະຫາຍ ສຈ.ປອ ກິແກ້ວ ໄຂຄຳພິທູນ

ເລຂາທິການສູນກາງພັກ,ຫົວໜ້າຄະນະໂຄສະນາອົບຮົມສູນກາງພັກ, ປະທານສະພາວິທະຍາສາດສັງຄົມແຫ່ງຊາດ ແລະ ເປັນຫົວໜ້າຄະນະຮັບຜິດຊອບການຄົ້ນຄ້ວາແນວຄິດ ໄກສອນ ພົມວິຫານເຂົ້າຮ່ວມມີ: ບັນດາສະຫາຍຮອງເລຂາຄະນະພັກຂອງບັນດາກະຊວງ, ອົງການ, ນະຄອນຫຼວງ, ແຂວງບໍລິຄຳໄຊ, ແຂວງວຽງຈັນ ແລະ ບັນດາສະຫາຍ ຫົວໜ້າກົມ, ຮອງກົມ ແລະ ຂະແໜງການຕ່າງໆເຂົ້າຮ່ວມຢ່າງພ້ອມພຽງ.

                 ຈຸດປະສົງຂອງກອງປະຊຸມຄັ້ງນີ້ແມ່ນເພື່ອຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ X ຂອງພັກທີ່ໄດ້ກຳນົດວ່າ: “ພັກປະຊາຊົນປະຕິວັດລາວ ຢຶດໝັ້ນລັດທິມາກ-ເລນິນ, ແນວຄິດໄກສອນ ພົມວິຫານ ແລະ ມູນເຊື້ອອັນດີງາມຂອງພັກເປັນພື້ນຖານແນວຄິດ, ທິດສະດີຂອງພັກ, ເສີມຂະຫຍາຍລັກສະນະນຳໜ້າ, ລັກສະນະສຶກສາອົບຮົມ ແລະ ຕໍ່ສູ້ຂອງຊົນຊັ້ນກຳມະກອນ”, ເຊິ່ງເປັນຂິດໝາຍສຳຄັນຕໍ່ວຽກງານແນວຄິດ, ທິດສະດີຂອງພັກໃນໄລຍະໃໝ່ ແລະ ເພື່ອເຮັດໃຫ້ເນື້ອໃນຈິດໃຈດັ່ງກ່າວເກີດເປັນຈິງ ແລະ ເຮັດໃຫ້ການຄົ້ນຄວ້າແນວຄິດດັ່ງກ່າວກາຍເປັນໜ້າທີ່ຂອງທົ່ວພັກ, ທົ່ວລັດ, ທົ່ວກຳລັງປະກອບອາວຸດ ແລະ ທົ່ວປວງຊົນໄດ້ຮັບຮູ້ ແລະ ເຂົ້າໃຈຢ່າງຖືກຕ້ອງ ແລະ ມີຄວາມເປັນເອກະພາບພ້ອມກັນຈັດຕັ້ງປະຕິບັດ.

ໃນກອງປະຊຸມປະທານກອງປະຊຸມສະຫາຍ ສຈ.ປອ ກິແກ້ວ ໄຂຄຳພິທູນ ເລຂາທິການສູນກາງພັກ, ຫົວໜ້າຄະນະໂຄສະນາອົບຮົມສູນກາງພັກ, ປະທານສະພາວິທະຍາສາດສັງຄົມແຫ່ງຊາດໃຫ້ກຽດເຜີຍແຜ່ 2 ເອກະສານຄື:

  1. ມະຕິກົມການເມືອງສູນກາງພັກສະບັບເລກທີ 058/ກມສພ, ລົງວັນທີ 13 ທັນວາ 2018 ວ່າດ້ວຍການຄົ້ນຄວ້າແນວຄິດ ໄກສອນ ພົມວິຫານ ເຊິ່ງມະຕິດັ່ງກ່າວໄດ້ຍົກໃຫ້ເຫັນ 3 ບັນຫາຄື:
  • ຄວາມຈຳເປັນພາວະວິໄສແຫ່ງການຄົ້ນຄວ້າແນວຄິດ ໄກສອນ ພົມວິຫານ.
  • ທັດສະນະຊີ້ນຳອັນເປັນພື້ນຖານໃນການຄົ້ນຄວ້າແນວຄິດ ໄກສອນ ພົມວິຫານ.
  • ວຽກງານຈຸດສຸມ ແລະ ວິທີຈັດຕັ້ງປະຕິບັດການຄົ້ນຄວ້າແນວຄິດ ໄກສອນ ພົມວິຫານ.
  1. ມະຕິຂອງກົມການເມືອງສູນກາງພັກສະບັບເລກທີ 063/ກມສພ, ລົງວັນທີ 12 ມີນາ 2019 ວ່າດ້ວຍການແຕ່ງຕັ້ງຄະນະຮັບຜິດຊອບການຄົ້ນຄວ້າແນວຄິດ ໄກສອນ ພົມວິຫານ ເຊິ່ງປະກອບມີ:
  • ຄະນະຮັບຜິດຊອບໃນການຄົ້ນຄວ້າແນວຄິດ ໄກສອນ ພົມວິຫານ.
  • ຄະນະກວດແກ້, ຮຽບຮຽງ ແລະ ກວດຜ່ານ.
  • ກອງເລຂາຮັບຜິດຊອບປະສານງານໃນການຄົ້ນຄວ້າ.

               ຫຼັງຈາກນັ້ນ ສະຫາຍ ຮສ.ປອ ທອງສະລິດ ທັງໜໍ່ເມກ ກຳມະການສູນກາງພັກ, ຫົວໜ້າສະຖາບັນການເມືອງການປົກຄອງແຫ່ງຊາດ, ຮອງປະທານສະພາວິທະຍາສາດສັງຄົມແຫ່ງຊາດໄດ້ໃຫ້ກຽດເຜີຍແຜ່ 2 ເອກະສານຄື: 1. ຄຳແນະນຳສະບັບເລກທີ    12/ສພວສ, ລົງວັນທີ 23 ພຶດສາພາ 2019 ກ່ຽວກັບການຈັດຕັ້ງປະຕິບັດມະຕິກົມການເມືອງສູນກາງພັກ ວ່າດ້ວຍການຄົ້ນຄວ້າແນວຄິດ ໄກສອນ ພົມວິຫານ. 2. ແຜນການຄົ້ນຄວ້າແນວຄິດປະທານ ໄກສອນ ພົມວິຫານແຕ່ປີ 2019-2020.

               ໃນຕອນທ້າຍພິທີດັ່ງກ່າວສະຫາຍ ສຈ.ປອ ກິແກ້ວ ໄຂຄຳພິທູນ ເລຂາທິການສູນກາງພັກ, ຫົວໜ້າຄະນະໂຄສະນາອົບຮົມສູນກາງພັກໄດ້ເນັ້ນວ່າ: ຜ່ານການຮັບຟັງການເຜີຍແຜ່ຄັ້ງນີ້ແລ້ວບັນດາສະຫາຍຈະໄດ້ພ້ອມກັນຄົ້ນຄວ້າເຊື່ອມຊືມ, ກໍາແໜ້ນ ແລະ ນໍາໄປເຜີຍແຜ່ໃຫ້ແກ່ ຄະນະພັກ ຄະນະນໍາແຕ່ລະຂັ້ນ, ສະມາຊິກພັກພະນັກງານ-ລັດຖະກອນຕະຫຼອດຮອດປະຊາຊົນໃຫ້ເຂົ້າໃຈຍົກສູງສະຕິຊາດ, ສຸມໃສ່ປະຕິບັດໜ້າທີ່ວຽກງານ ແລະ ມີສ່ວນຮ່ວມເຂົ້າໃນການປົກປັກຮັກສາ ແລະ ສ້າງສາປະເທດຊາດ, ມີຄວາມອຸ່ນອ່ຽງທຸນທ່ຽງທາງດ້ານການເມືອງ, ມີແບບແຜນເຮັດວຽກແບບປະຊາທິປະໄຕປະກອບສ່ວນເຂົ້າໃນການພັດທະນາປະເທດຊາດ, ປັບປຸງທາງດ້ານແນວຄິດ, ປັບປຸງອົງການຈັດຕັ້ງໃຫ້ແທດເໝາະກັບໜ້າທີ່ວຽກງານໃນໄລຍະໃໝ່ ແລະ ປະກອບສ່ວນເຮັດໃຫ້ວຽກງານຄົ້ນຄວ້າແນວຄິດ ໄກສອນ ພົມວິຫານ ສຳເລັດຜົນຕາມການມອບໝາຍຂອງພັກ.

 

ກົດໝາຍແຫ່ງ ສປປ ລາວ

ຄໍາເຫັນຂອງ ທ່ານ ສຈ.ດຣ ກິແກ້ວ ໄຂຄຳພິທູນ ຫົວໜ້າ ຄອສພ ຕໍ່ເວັບໄຊສ

ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 64 ປີ

ປະທານ ໄກສອນ ພົມວິຫານ ຢືນຢົງໃນພາລະກິດປະຕິວັດຂອງພວກເຮົາຕະຫລອດໄປ

ຊົມເຊີມວັນສ້າງຕັ້ງ ສປປ ລາວ ຄົບຮອບ 43 ປີ ຢ່າງສຸດໃຈ.

ກອງປະຊຸມໃຫຍ່ຜູ້ແທນທົ່ວປະເທດ ຂອງ ພັກປະຊາຊົນ ປະຕິວັດລາວ

ເຊື່ອມຕໍ່ເວັບໄຊສ

ເລກໂທ ສຸກເສີນ

ແຈ້ງ​ໄຟ​ໄໝ້ : 1190

   ຕຳຫຼວດ : 1191

ລົດ​ໂຮງໝໍ : 1195

​     ໄຟຟ້າ : 1199

  ນ້ຳ​ປະປາ : 1169

ໜ່ວຍກູ້​ໄພ : 1624

ຈຳນວນຄົນອອນໄລ໌ທ

ມີ 59  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

1230597
ມື້ນີ້ມື້ນີ້32
ມື້ວານນີ້ມື້ວານນີ້108
ອາທິດນີ້ອາທິດນີ້428
ເດືອນນີ້ເດືອນນີ້2294
ທັງໝົດທັງໝົດ1230597