ຄະນະໂຄສະນາອົບຮົມແຂວງ ຫຼວງພະບາງ

ສ້າງຂື້ນເມື່ອ ວັນອັງຄານ, 26 ມີຖຸນາ 2018 02:50

 

         

 

        

 

 

 

 

 

 

ຄະນະໂຄສະນາອົບຮົມແຂວງ ຫຼວງພະບາງ ສົມທົບກັບຄະນະໂຄສະນາອົບຮົມເມືອງວຽງຄໍາ ເປີດຊຸດຝຶກອົບຮົມຄວາມຮູ້ພື້ນຖານດ້ານການເມືອງ-ການປົກຄອງ, ສ້າງບ້ານພັດທະນາກຸ່ມບ້ານ ໃຫ້ແກ່ເມືອງໝ້ວຍ ແລະ ເມືອງວຽງຄໍາ.

   ໃນວັນທີ 6 ມິຖຸນາ 2018 ຜ່ານມາ. ຄະນະໂຄສະນາອົບຮົມແຂວງ ຫຼວງພະບາງ ສົມທົບກັບຄະນະໂຄສະນາອົບ ຮົມເມືອງວຽງຄໍາ ໄດ້ເປີດຊຸດຝຶກອົບຮົມຄວາມຮູ້ພື້ນຖານດ້ານການເມືອງ-ປົກຄອງ ແລະ ສ້າງບ້ານພັດທະນາ ໃຫ້ແກ່ກຸ່ມບ້ານເມືອງໝ້ວຍ ແລະ ເມືອງວຽງຄໍາ. ໂດຍພາຍໃຕ້ການເປັນປະທານຂອງ ທ່ານ ແທ້ ຈິດຕະກອນ ຄະນະ

ປະຈໍາພັກເມືອງ ຮອງເຈົ້າເມືອງວຽງຄໍາ; ເຂົ້າຮ່ວມມີ: ທີມງານຂອງແຂວງ, ເມືອງ ແລະ ນັກສໍາມະນາກອນ ເຂົ້າຮ່ວມທັງໝົດ: 41 ສະຫາຍ.

    ຊຸດອົບຮົມໃນຄັ້ງນີ້ ແມ່ນໄດ້ນໍາໃຊ້ເອກະສານ 6 ບົດຄື:

  1. ຊາດລາວ, ຄົນລາວເປັນເຈົ້າຂອງ
  2.  ລະບົບການເມືອງ-ການປົກຄອງ ໃນລະບອບປະຊາທິປະໄຕ ປະຊາຊົນລາວ
  3.  ຍົກສູງຄວາມສາມາດນໍາພາຂອງໜ່ວຍພັກບ້ານ ສ້າງໜ່ວຍພັກຮູ້ນໍາພາ-ຮອບດ້ານ
  4. ການສ້າງບ້ານເປັນຫົວໜ່ວຍພັດທະນາ
  5.  ການແກ້ໄຂຄວາມທຸກຍາກ
  6. ເອກະສານມະຕິກອງປະຊຸມໃຫຍ່ຄັ້ງທີ່ XI ຂອງອົງຄະນະພັກເມືອງວຽງຄໍາ.

     ຈຸດປະສົງຂອງການຝຶກອົບຮົມໃນຄັ້ງນີ້ ແມ່ນເພື່ອເຮັດໃຫ້ພະນັກງານກຸ່ມບ້ານ, ອົງການຈັດຕັ້ງບ້ານ ແລະ ນັກສໍາມະກອນມີຄວາມຮັບຮູ້ເຂົ້າໃຈຢ່າງຈະແຈ້ງ ໃນການຮໍ່າຮຽນເອົາແນວທາງ, ຫຼັກມູນທິດສະດີມາກ-ເລນິນ ເພື່ອໝູນໃຊ້ເຂົ້າໃນການຮັກສາມູນເຊື້ອປະຕິວັດຊາດ, ມີຄວາມຮັກຊາດລາວ, ມີຄວາມຕື່ນຕົວໃນການພັດທະນາເສດຖະກິດ-ສັງຄົມ, ສ້າງໜ່ວຍພັກເຂັ້ມແຂງ ປອດໃສ ໜັກແໜ້ນ ແລະ ການແກ້ໄຂຄວາມທຸກຍາກຂອງປະຊາຊົນ, ຊອກວິທີການສ້າງລາຍຮັບ ເພື່ອແກ້ໄຂຄອບຄົວທຸກຍາກ.

        ຊຸດຝຶກອົບຮົມດັ່ງກ່າວແມ່ນໄດ້ໃຊ້ເວລາ 3 ວັນ ຈຶ່ງໄດ້ປິດລົງດ້ວຍຜົນສໍາເລັດຢ່າງຈົບງາມ, ໃນຕອນທ້າຍຂອງພິທີ ທ່ານ ຊາຍພອນ ຈັນທະບຸນມາ ຮັກສາການເລຂາພັກເມືອງ ເຈົ້າເມືອງ-ເມືອງວຽງຄໍາ ໄດ້ໃຫ້ກຽດມີຄໍາເຫັນໂອ້ລົມ ພ້ອມທັງມອບໃບຢັ້ງຢືນໃຫ້ແກ່ນັກສໍາມະນາກອນທີ່ເຂົ້າຮ່ວມອົບຮົມໃນຄັ້ງນີ້.