ຄະນະໂຄສະນາອົບຮົມແຂວງ ຫຼວງພະບາງ ສົມ,

ຫົວຂໍ້ຂ່າວ:

ພິທີມອບຮັບຫນ້າທີ່ເລຂາພັກເມືອງຜູ່ເກົ່າກັບຜູ່ໃໝ່

ການມອບຮັບຫົວໜ້າ ສມປຊ ລະຫວ່າງຜູ້ເກົ່າ-ຜູ້ໃມ່

ທົດລອງ2021

ວຽກງານຂໍ້ມູນຂ່າວສານ ຄະນະໂຄສະນາອົບຮົມສູນກາງພັກ

ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 64 ປີ ຢ່າງສຸດໃຈ. ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ. ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ. ຊົມເຊີຍວັນສ້າງຕັ້ງ ສປປ ລາວ ຄົບຮອບ 43 ປີ.

ຄະນະໂຄສະນາອົບຮົມແຂວງ ຫຼວງພະບາງ ສົມ,

ລາຍລະອຽດ: ສ້າງຂື້ນເມື່ອ ວັນອັງຄານ, 11 ທັນວາ 2018 08:45

ຄະນະໂຄສະນາອົບຮົມແຂວງ ຫຼວງພະບາງ ສົມທົບກັບ ລັດວິສາຫະກິດການບິນລາວສາຂາແຂວງຫຼວງພະບາງ ເປີດຊຸດຝຶກອົບຮົມສະມາຊິກພັກໃໝ່.

ໃນວັນທີ 31/10/2018 ຜ່ານມາ, ຄະນະໂຄສະນາອົບຮົມແຂວງ ສົມທົບກັບ ລັດວິສາຫະກິດການ ບິນລາວ ສາຂາແຂວງຫຼວງພະບາງ ໄດ້ເປີດຊຸດຝຶກອົບຮົມໃຫ້ແກ່ສະມາຊິກພັກໃໝ່ຂື້ນ ທີ່ຫ້ອງປະຊຸມຂອງລັດ

ວິສາຫະກິດການບິນລາວ,ໃຫ້ກຽດເຂົ້າຮ່ວມ ແລະ ເປັນປະທານໂດຍ ສະຫາຍ ຫຸມພັນ ທໍາມຸງຄຸນ ຮອງເລຂາໜ່ວຍພັກ ຮອງຫົວໜ້າຄະນະໂຄສະນາອົບຮົມແຂວງ, ມີຄະນະພັກ-ຄະນະນຳ ຂອງລັດວິສາຫະກິດການບິນລາວ, ຄະນະຮັບຜິດຊອບ, ນັກວິທະຍາກອນ ແລະ ນັກສຳມະນາກອນເຂົ້າຮ່ວມທັງໝົດ 26 ສະຫາຍ ຍິງ 7 ສະຫາຍ.

ໃນພິທີ ສະຫາຍ ຫຸມພັນ ທຳມຸງຄຸນ ແລະ ສະຫາຍທອງຈັນ ພົມມະລັດ ຮອງຫົວໜ້າຄະນະໂຄສະນາອົບຮົມແຂວງ ໄດ້ຂຶ້ນສະເໜີເອກະສານຕ່າງໆ, ເຊິ່ງປະກອບດ້ວຍ 5 ບົດຄື:

ບົດທີ 1: ຄວາມຮູ້ພື້ນຖານກ່ຽວກັບລັດທິມາກ-ເລນິນ

ບົດທີ 2: ວຽກງານກໍ່ສ້າງ ແລະ ປັບ ປຸງພັກ

ບົດທີ່ 3: ຄຸນທາດການເມືອງ, ຄຸນສົມ ບັດສິນທຳປະຕິວັດຂອງສະມາຊິກພັກ

ບົດທີ່ 4: ເຊີດຊູຄວາມເປັນແບບຢ່າງຂອງສະມາຊິກພັກ

ບົດທີ5: ແກ້ໄຂພະຍາດອາດຍາສິດ, ສະກັດກັ້ນ ແລະ ຕ້ານການສໍ້ລາດບັງຫຼວງ.

ຈຸດປະສົງໃນການເປີດຊຸດຝຶກອົບຮົມໃນຄັ້ງນີ້ແມ່ນ ເພື່ອແນ່ໃສ່ຍົກລະດັບຄວາມຮັບຮູ້-ຄວາມເຂົ້າໃຈເລິກ ກ່ຽວກັບມະຕິກອງປະຊຸມໃຫ່ຍ ຄັ້ງທີ X ຂອງພັກປະຊາຊົນປະຕິວັດລາວ, ມະຕິກອງປະຊຸມໃຫ່ຍຄັ້ງທີ VII ຂອງອົງຄະນະພັກແຂວງ; ໂດຍສະເພາະແມ່ນຄວາມຮັບຮູ້ກຽວກັບລັດທິມາກ-ເລນິນ, ວຽກງານກໍ່ສ້າງ ປັບປຸງພັກ ແລະ ການແກ້ໄຂພະຍາດຕ່າງໆພາຍໃນພັກ.

ໂອກາດດັ່ງກ່າວ ສະຫາຍ ຫຸມພັນ ທຳມຸງຄຸນ ໄດ້ໃຫ້ກຽດໂອ້ລົມ ຊີ້ທິດເຍືອງທາງໃຫ້ແກ່ນັກສຳມະນາ ກອນໃນການຊີ້ນຳ-ນຳພາ ໃຫ້ຈັດຕັ້ງປະຕິບັດຢ່າງທົ່ວເຖິງ, ຍຶດໝັ້ນທິດສະດີມາກ-ເລນິນ ແນວຄິດປະທານໄກສອນພົມ ວິຫານ ແລະ ມູນເຊື້ອອັນດີງາມຂອງພັກ, ຍົກສູງຄວາມຮູ້ ຄວາມສາມາດ ຄຸນສົມບັດ ສິນທຳປະຕິວັດ, ຄຸນນະພາບການນຳພາຂອງພັກ, ແບບແຜນການດຳລົງຊີວິດ ແລະ ເຮັດວຽກແບບລວມສູນປະຊາ ທິປະໄຕ; ຈັດຕັ້ງປະຕິບັດແນວທາງ, ນະໂຍບາຍຂອງພັກ; ຜັນຂະຫຍາຍເນື້ອໃນຈິດໃຈດັ່ງກ່າວ ໃຫ້ກ້ວາງຂວາງເລິກເຊິງ ແທດເໝາະກັບສະພາບຄວາມເປັນຈິງ ກໍ່ສ້າງພັກໃຫ້ ປອດໃສ ເຂັ້ມແຂງ ແລະ ໜັກແໜ້ນ ໂດຍຍຶດໝັ້ນໃນຫຼັກການຂອບເຂດປ່ຽນແປງໃໝ່ຮອບດ້ານຂອງພັກ.