ຄະນະໂຄສະນາອົບຮົມແຂວງ ຫຼວງພະບາງ ເປີດກອງປະຊຸມສະຫຼຸບວຽກງານເກັບກໍາຫາງສຽງສັງຄົມ

ລາຍລະອຽດ

ສ້າງຂື້ນເມື່ອ ວັນຈັນ, 04 ມີນາ 2019 06:40

ຂຽນໂດຍ ຄະນະໂຄສະນາອົບຮົມແຂວງຫລວງພະບາງ

ຄະນະໂຄສະນາອົບຮົມແຂວງ ຫຼວງພະບາງ ເປີດກອງປະຊຸມສະຫຼຸບວຽກງານເກັບກໍາຫາງສຽງສັງຄົມ ປະຈໍາປີ 2018 ແລະ ທິດທາງແຜນການປະຈໍາປີ 2019.

      ໃນຕອນເຊົ້າຂອງວັນທີ  26 ກຸມພາ 2019 ຜ່ານມາ. ຄະນະໂຄສະນາອົບຮົມແຂວງ ຫຼວງພະບາງ ເປີດກອງປະ ຊຸມສະຫຼຸບວຽກງານເກັບກໍາຫາງສຽງສັງຄົມ ປະຈໍາປີ 2018 ແລະ ທິດທາງແຜນການປະຈໍາປີ 2019 ຂຶ້ນທີ່ ຫ້ອງປະ ຊຸມຄະນະໂຄສະນາອົບຮົມແຂວງ ຫຼວງພະບາງ; ໂດຍການເປັນປະທານຂອງ ທ່ານ ຄໍາຫຼ້າ ລຽນປະດິດ ກໍາມະການປະຈໍາພັກແຂວງ ຫົວໜ້າຄະນະໂຄສະນາອົບຮົມແຂວງ ຫຼວງພະບາງ; ເຂົ້າຮ່ວມມີ: ພະນັກງານພາຍໃນຂະແໜງການຄະ ນະໂຄສະນາອົບຮົມແຂວງ, ຄະນະກໍາມະການເກັບກໍາຫາງສຽງສັງຄົມຢູ່ພາຍໃນແຂວງ ເຂົ້າຮ່ວມຢ່າງພ້ອມພຽງ.

      ໃນພິທີທ່ານ ທອງຈັນ ພົມມະລັດ ຮອງຫົວຫນ້າຄະນະໂຄສະນາອົບຮົມແຂວງ ໄດ້ຂຶ້ນຜ່ານມະຕິຕົກລົງຂອງຄະ ນະປະຈຳພັກແຂວງວ່າດ້ວຍແຕ່ງຕັ້ງຄະນະກໍາມະການເກັບກໍາຫາງສຽງສັງຄົມຢູ່ຂັ້ນແຂວງ. ຫຼັງຈາກນັ້ນ, ຄະນະກໍາມະການເກັບກໍາຫາງສຽງສັງຄົມຂັ້ນແຂວງແຕ່ລະຫາຍ ໄດ້ພ້ອມກັນປະກອບຄໍາຄິດຄໍາເຫັນແລກປ່ຽນບົດຮຽນ ແລະ ຍົກໃຫ້ເຫັນເຖິງປະກົດການຫຍໍ້ທໍ້ຕ່າງໆທີ່ເກີດຂຶ້ນພາຍໃນກົມກອງ, ສະ ພາບລວມພາຍໃນແຂວງມີທັງຫາງສຽງໃນທາງທີ່ດີ ແລະ ຫາງສຽງທີ່ບິດເບືອນຕໍ່ແນວທາງອື່ນໆ ທີ່ເປັນບັນຫາພຶ້ນຖານຂອງວຽກງານເກັບກໍາຫາງສຽງສັງຄົມ; ນອກນັ້ນຍັງໄດ້ພ້ອມກັນປຶກສາຫາລືກ່ຽວກັບວິທີເກັບກໍາ ແລະ ການນໍາໃຊ້ຫາງສຽງສັງຄົມເຂົ້າໃນວຽກງານການເມືອງ-ແນວຄິດ ຕາໜ່າງເພື່ອນຮ່ວມງານ ເກັບກໍາຫາງສຽງສັງຄົມ.

       ໃນຕອນທ້າຍຂອງພິທີ ທ່ານ ຄໍາຫຼ້າ ລຽນປະດິດ ໄດ້ມີຄໍາເຫັນໂອ້ລົມຕໍ່ກອງປະຊຸມ ເຊິ່ງທ່ານໄດ້ຍົກໃຫ້ເຫັນຄວາມໝາຍ ຄວາມສໍາຄັນ ຂອງວຽກງານຫາງສຽງສັງຄົມ ແລະ ເປັນວຽກງານໜຶ່ງທີ່ບັນຈຸຢູ່ໃນຄະນະໂຄສະນາອົບຮົມແຂວງ ແລະ ທຸກໆບັນດາຂະແໜງການ, ທຸກຂົງ ເຂດວຽກງານທີ່ຕິດພັນກັບການເຄື່ອນໄຫວຂອງຄວາມຮັບຜິດຊອບ ຂອງຕົນທັງການຈັດຕັ້ງພາກລັດ ແລະ ເອກະຊົນ; ພ້ອມທັງເນັ້ນໜັກໃຫ້ແຕ່ລະທ່ານອານຸກໍາມະການທີ່ຖືກມອບໝາຍແຕ່ງຕັ້ງຕ້ອງເພີ່ມທະວີຄວາມຮັບຜິດຊອບສູງ ເພື່ອປະກອບສ່ວນເຂົ້າໃນວຽກງານຫາງສຽງສັງຄົມ ໃຫ້ມີປະສິດທິຜົນຍິ່ງໆຂຶ້ນ.

ໂດຍ: ສົມມິດ ແກ່ນມະນີ

• ຕໍ່ໄປ >