ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 64 ປີ ຢ່າງສຸດໃຈ.                                                                                                                                                                           ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ.                                                                                                                                                                               ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ.                                                                                                                                                                       ຊົມເຊີຍວັນສ້າງຕັ້ງ ສປປ ລາວ ຄົບຮອບ 43 ປີ.  

ໜ່ວຍ​ກຳມະບານ​ຮາກ​ຖານ​ ຂອງຄະນະ​ໂຄສະນາ​ອົບຮົມ​ແຂວງຫຼວງພະບາງ ເປີດບັ້ນດຳເນີນຊີວິດການເມືອງປັບປຸງປົວແປງໜ່ວຍ​ກຳມະບານ​ຮາກ​ຖານ ປະຈຳປີ 2019.

                                                                                                 

 

 

 

 

 

 

 

 

 

 

ໜ່ວຍ​ກຳມະບານ​ຮາກ​ຖານ​ ຂອງຄະນະ​ໂຄສະນາ​ອົບຮົມ​ແຂວງຫຼວງພະບາງ ເປີດບັ້ນດຳເນີນຊີວິດການເມືອງປັບປຸງປົວແປງໜ່ວຍ​ກຳມະບານ​ຮາກ​ຖານ ປະຈຳປີ 2019.

       ໃນວັນທີ 26-27 ມີນາ 2019 ຜ່ານມາ, ໜ່ວຍ​ກຳມະບານ​ຮາກ​ຖານ​ ຂອງ ຄະນະ​ໂຄສະນາ​ອົບຮົມ​ແຂວງຫຼວງພະບາງ ເປີດບັ້ນດຳເນີນຊີ ວິດການເມືອງປັບປຸງປົວແປງໜ່ວຍ​ກຳມະບານ​ຮາກ​ຖານ ປະຈຳປີ 2019 ຂຶ້ນທີ່ ສະໂມສອນຂອງ ຄະນະ​ໂຄສະນາ​ອົບ​ຮົມ​ແຂວງຫຼວງພະບາງ ພາຍໃຕ້ການເປັນປະທານຂອງ ສະຫາຍ ຄຳຫຼ້າ ລຽນປະດິດກຳມະການປະຈຳພັກແຂວງ ຫົວໜ້າຄະນະໂຄສະນາອົບຮົມແຂວງ ສະມາຊິກສະພາແຫ່ງຊາດປະຈຳເຂດເລືອກຕັ້ງທີ 6 ແຂວງຫຼວງພະບາງ; ເຂົ້າຮ່ວມມີ: ມີບັນດາສະຫາຍຮອງປະທານໜ່ວຍ​ກຳມະບານ​ຮາກ​ຖານ ແລະ ສະມາ ຊິກ​ກຳມະບານ​ຮາກ​ຖານ​ຄະນະ​ໂຄສະນາ​ອົບຮົມ​ແຂວງ ເຂົ້າຮ່ວມທັງໝົດ26 ສະຫາຍ, ຍິງ 8 ສະຫາຍ.

​​       ໃນກອງປະຊຸມບັ້ນດຳເນີນຊີວິດການເມືອງປັບປຸງປົວແປງໜ່ວຍ​ກຳມະບານ​ຮາກ​ຖານ ປະຈຳປີ 2019 ນີ້ ສະ ຫາຍ ທອງ​ຈັນ​ ພົມ​ມະ​ລັດ ຄະນະ​ພັກ ຜູ້​ກວດກາ​ໜ່ວຍ​ພັກ ຮອງ​ຫົວໜ້າ​ຄະນະ​ໂຄສະນາ​ອົບຮົມ​ແຂວງ ​ໄດ້ຂຶ້ນ​ຜ່ານ​ມະຕິ​ຕົກລົງ​ຂອງ​ ໜ່ວຍ​ພັກ​ຄະນະ​ໂຄສະນາ​ອົບຮົມ​ແຂວງ ວ່າ​ດ້ວຍ​ການ​ອະນຸມັດ​ໃຫ້​ເປີດ​ກອງ​ປະ​ຊຸມບັ້ນ​ດຳ​ເນີນ​ຊີວິດ​ການ​ເມືອ​ງ ຂອງ​ໜ່ວຍ​ກໍາມະບານຮາ​ກຖານ​​ຂອງ ຄະນະ​ໂຄສະນາ​ອົບຮົມ​ແຂວງ ​ແລະ ​ແນະນຳ​ວິທີ​ການ​ດຳ​ເນີນ​ຊີວິດ​ການ​ເມືອງປັບ​ປຸງປົວແປງໜ່ວຍ​ກຳມະບານ​ຮາກ​ຖານ​ ໂດຍອີງ​ໃສ່​ກົດໝາຍ​ກຳມະບານ​ລາວ (ສະ​ບັບປັບປຸງ) ປີ 2017 ແລະ ຂໍ້​ແຂ່ງຂັນ 5 ​ເປັນ​ເຈົ້າ​ຂອງ​ສູນ​ກາງສະຫະພັນ​ກຳມະບານລາວ​ວາງ​ອອກເປັນຕົ້ນຕໍຄື:

  1. ​ເປັນ​ເຈົ້າ​ການໂຄສະນາ​ສື​ກສາ​ອົບຮົມ​ວຽກ​ງານ​ການ​ເມືອງ-​ແນວ​ຄິດ.
  2.  ເປັນ​ເຈົ້າ​ການໃນ​ການ​ປັງ​ປຸງ​ແບບ​ແຜນການ​ນຳພາ ​ແລະ ຂະຫຍາຍ​ການຈັດ​ຕັ້ງ​ກຳມະບານ.
  3. ເປັນ​ເຈົ້າການປົກ​ປ້ອງ​ສິດ ​ແລະ ຜົນ​ປະ​ໂຫຍ​ດອັບ​ຊອບ​ທຳ​ຂອງ​ພະນັກງານ, ສະມາຊິກ​ກຳມະບານ, ກຳມະກອນ ​ແລະ ຊາວຜູ້​ອອກ​ແຮງ​ງານ.
  4. ເປັນ​ເຈົ້າການ​ໃນ​ການ​ເຂົ້າ​ຮ່ວມ​ຕິດຕາມ, ກວດກາ, ຄຸ້ມ​ຄອງ​ລັດ, ຄຸ້ມ​ຄອງ​ເສດຖະກິດ, ວັດທະນະທຳ​-ສັງຄົມ.
  5. ເປັນ​ເຈົ້າ​ການເຂົ້າ​ຮ່ວມ​ການຈັດ​ຕັ້ງ​ປະຕິບັດ​ແນວທາງ​ການ​ຕ່າງປະ​ເທດ​ຂອງ​ພັກ, ລະບຽບ​ກົດໝາຍ​ຂອງ​ລັດ.

​       ເພື່ອປະຕິບັດຕາມທິດຊີ້ນຳຂອງຄະນະພັກ ແລະ ຂໍ້ແຂ່ງຂັນ 5 ເປັນເຈົ້າຂອງ ສູນກາງສະຫະພັນກຳມະບານໄດ້ວາງອອກນັ້ນ ​ສະມາຊິ​ກຳ​ມະ​ບານ​ໜ່ວຍ​ຮາກ​ຖານ​ຂອງ ຄະນະ​ໂຄສະນາ​ອົບຮົມ​ແຂວງ ກໍ​ໄດ້​ພັດ​ປ່ຽນ​ກັນ​ຂຶ້ນ​ຜ່າ​ນບົດ​ສຳ​ຫຼວດຕົນ​ເອງ​ ​ແລະ ​ ​ປະກອບຄໍາຄິດຄໍາເຫັນ ເພື່ອ​ຊ່ວຍເຫຼືອກໍ່ສ້າງ​ເຊິ່ງ​ກັນ ​ແລະ ກັນ​ ດ້ວຍ​ບັນຍາກາດ​ຟົດ​ຟື້ນ.

        ໃນພິທີ​ ສະຫາຍ ຄຳ​ຫຼ້າ ​ໄຊ​ຍະ​ວົງ ປະທານໜ່ວຍ​ກຳມະບານ​ຮາກ​ຖານ ​ຄະນະ​ໂຄສະນາ​ອົບຮົມ​ແຂວງ ໄດ້ຂຶ້ນຜ່ານ ບົດສະຫຼຸບລາຍງານຕີລາຄາບັ້ນດຳເນີນຊີວິດການເມືອງປັບປຸງປົວແປງໜ່ວຍ​ກຳມະບານ​ຮາກ​ຖານ​ ຂອງຄະນະ​ໂຄ ສະນາ​ອົບຮົມ​ແຂວງ ແລະ ທິດທາງແຜນການໃນຕໍ່ໜ້າ; ບັນດາເນື້ອໃນຈິດໃຈຂອງ ບົດສະຫຼຸບດັ່ງກ່າວໄດ້ສ່ອງແສງເຖິງການຊີ້ນຳ-ນໍາພາລວມ ຂອງໜ່ວຍ​ກຳມະບານ​ຮາກ​ຖານ​ ຄະນະ​ໂຄສະນາ​ອົບຮົມ​ແຂວງ ໃນນັ້ນ; ມີທັງດ້ານຕັ້ງໜ້າທີ່ຕ້ອງເສີມຂະ ຫຍາຍ ແລະ ດ້ານຫຍໍ້ທໍ້ຈຳນວນໜຶ່ງທີ່ຕ້ອງຮີບຮ້ອນແກ້ໄຂໃຫ້ທັນກັບສະພາບການ; ເວົ້າລວມ, ​ເວົ້າ​ສະ​ເພາະ ແມ່ນການຈັດຕັ້ງປະຕິບັດກົດໝາຍ​ຂອງສູນກາງສະຫະພັນກຳມະບານ​ລາວ (ສະ​ບັບປັບປຸງ) ປີ 2017 ​ແລະ ຂໍ້​ແຂ່ງຂັນ 5 ​ເປັນ​ເຈົ້າ​ ​ໂດຍ​ຕິດ​ພັນ​ກັບມະຕິ X ຂອງພັກ, ມະຕິ VII ຂອງອົງຄະນະພັກແຂວງ ແລະ ມະຕິຂອງໜ່ວຍ​ພັກ​ຄະນະ​ໂຄ ສະນາ​ອົບຮົມ​ແຂວງວາງ​ອອກ; ໂດຍການຫັນເອົາແນວທາງນະໂຍບາຍຂອງພັກ ເປັນບ່ອນອີງໃນການດຳເນີນບັ້ນຊີວິດການເມືອງ​ປັບ​ປຸງໜ່ວຍ​ກຳມະບານ​ຮາກ​ຖານ ຂອງ​ຄະນະ​ໂຄສະນາ​ອົບຮົມ​ແຂວງໃນຄັ້ງນີ້. ​ເພື່ອເຮັດໃຫ້ສະມາຊິກ​ໜ່ວຍ​ກຳມະບານ​ຮາກ​ຖານ ​ຄະນະ​ໂຄສະນາ​ອົບຮົມ​ແຂວງ ມີ​ຄວາມ​ຕັ້ງໜ້າ​ບຸກບືນ​ປັບປຸງ​ຕົນ​ເອງ​ຕາມ​ເນື້ອ​ໃນ​ດັ່ງກ່າວດ້ວຍຈິດ​ໃຈ​ບຸກທະລຸ 5 ​ເປັນ​ເຈົ້າ ເພື່ອຕ້ານ ແລະ ສະກັດກັ້ນບັນດາຫາງສຽງສັງ ຄົມ ແລະ ປະກົດການຫຍໍ້ທໍ້ຕ່າງໆທີ່​ເກີດ​ຂຶ້ນ​ພາຍ​ໃນ​ໜ່ວຍ​ກຳມະບານ​ຮາກ​ຖານ​ ຄະນະ​ໂຄສະນາ​ອົບຮົມ​ແຂວງ.

       ໃນໂອກາດທີ່ມີ ຄວາມໝາຍ ຄວາມສໍາຄັນດັ່ງກ່າວ ສະຫາຍ ຄຳຫຼ້າ ລຽນປະດິດ ກຳມະການປະຈຳພັກແຂວງ ຫົວໜ້າຄະນະໂຄສະນາອົບຮົມແຂວງ ສະມາຊິກສະພາແຫ່ງຊາດປະຈຳເຂດເລືອກຕັ້ງທີ 6 ແຂວງຫຼວງພະບາງ ໄດ້ໃຫ້ກຽດມີຄໍາເຫັນໂອ້ລົມ ຕໍ່ກອງປະຊຸມ ເຊິ່ງທ່ານກ່າວ ເໜັ້ນໜັກຄວາມໝາຍ, ຄວາມສຳຄັນໃນການຈັດຕັ້ງຜັນຂະຫຍາຍເນື້ອໃນຈິດໃຈຂອງ ມະຕິຕ່າງໆຂອງພັກ-ລັດ ໃຫ້ກວ້າງຂວາງ ແລະ ເລິກເຊິ່ງແທດເໜາະກັບສະພາບຄວາມເປັນຈິງ, ເພາະວ່າພັກເຮົາຍາມໃດກໍຖືເອົາການຕຳ​ນິກໍ່ສ້າງ​ເຊິ່ງກັນ ​ແລະກັນ ເປັນວຽກກົກ, ເປັນວຽກງານແຖວໜ້າໃນການກໍ່ສ້າງອົງກາ​ນຈັດ​ຕັ້ງມະຫາຊົນໃຫ້ມີ​ຄວາມເຂັ້ມແຂງ ແລະ ໜັກແໜ້ນທາງດ້ານການເມືອງ-ແນວຄິດແລະ ການຈັດຕັ້ງແບບ ແຜນການດຳລົງຊີວິດ, ​ແບບ​ແຜນການ​ນຳພາ, ​ແບບ​ແຜນ​ວິທີ​ການ​ເຮັດວຽກ ໂດຍຢຶດໝັ້ນພຶ້ນຖານທິດສະດີມາກ-ເລນິນ, ແນວຄິດປະທານໄກສອນພົມວິຫານ ເຂົ້າໃນການຈັດຕັ້ງປະຕິບັດແນວທາງນະໂຍບາຍ ຂອງພັກ ແລະ ແຜນພັດທະນາເສດຖະກິດຂອງລັດໃນແຕ່ລະໄລຍະ.       

ຂຽນໂດຍ: ສີປະເສີດພົມມະຈັນ

ກົດໝາຍແຫ່ງ ສປປ ລາວ

ຄໍາເຫັນຂອງ ທ່ານ ສຈ.ດຣ ກິແກ້ວ ໄຂຄຳພິທູນ ຫົວໜ້າ ຄອສພ ຕໍ່ເວັບໄຊສ

ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 64 ປີ

ປະທານ ໄກສອນ ພົມວິຫານ ຢືນຢົງໃນພາລະກິດປະຕິວັດຂອງພວກເຮົາຕະຫລອດໄປ

ຊົມເຊີມວັນສ້າງຕັ້ງ ສປປ ລາວ ຄົບຮອບ 43 ປີ ຢ່າງສຸດໃຈ.

ກອງປະຊຸມໃຫຍ່ຜູ້ແທນທົ່ວປະເທດ ຂອງ ພັກປະຊາຊົນ ປະຕິວັດລາວ

ເຊື່ອມຕໍ່ເວັບໄຊສ

ເລກໂທ ສຸກເສີນ

ແຈ້ງ​ໄຟ​ໄໝ້ : 1190

   ຕຳຫຼວດ : 1191

ລົດ​ໂຮງໝໍ : 1195

​     ໄຟຟ້າ : 1199

  ນ້ຳ​ປະປາ : 1169

ໜ່ວຍກູ້​ໄພ : 1624

ຈຳນວນຄົນອອນໄລ໌ທ

ມີ 48  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

1223644
ມື້ນີ້ມື້ນີ້28
ມື້ວານນີ້ມື້ວານນີ້105
ອາທິດນີ້ອາທິດນີ້105
ເດືອນນີ້ເດືອນນີ້1729
ທັງໝົດທັງໝົດ1223644