ຄະນະ​ໂຄສະນາ​ອົບຮົມ​ແຂວງ ຫຼວງພະບາງ ຮັບ​ມະຫາຊົນ​ຜູ້​ກ້າວໜ້າ​ເຂົ້າ​ພັກ​ປະຊາຊົນ​ປະຕິວັດ​ລາວ ແລະ ​ເລື່ອນ​ສະ ມາຊິກ​ພັກ​ສຳຮອງ​ຂື້ນ​ສົມບູນ.

ສ້າງຂື້ນເມື່ອ ວັນອັງຄານ, 23 ເມສາ 2019 06:27

 

         

ຄະນະ​ໂຄສະນາ​ອົບຮົມ​ແຂວງ ຫຼວງພະບາງ ຮັບ​ມະຫາຊົນ​ຜູ້​ກ້າວໜ້າ​ເຂົ້າ​ພັກ​ປະຊາຊົນ​ປະຕິວັດ​ລາວ ແລະ ​ເລື່ອນ​ສະ ມາຊິກ​ພັກ​ສຳຮອງ​ຂື້ນ​ສົມບູນ.

      ໃນ​ຕອນ​ເຊົ້າ​ຂອງ​ວັນ​ທີ 3 ມາ​ສາ 2019 ຜ່ານ​ມາ​, ຄະນະ​ໂຄສະນາ​ອົບຮົມ​ແຂວງ ຫຼວງພະບາງ ໄດ້​ຈັດ​ພິທີ​ຮັບ​ມະຫາຊົນ​ຜູ້​ທີ່​ມີ​ຄວາມ​ກ້າວ ໜ້າ​ເຂົ້າ​ເປັນ​ສະມາຊິກ​ພັກ​ປະຊາຊົນ​ປະຕິວັດ​ລາວ ​ແລະ ​ເລື່ອນ​ສະມາຊິ​ກພັກ​ສຳຮອງ​ຂື້ນ​ສົມບູນ ຢູ່ທີ່ ​ຫ້ອງ​ປະຊຸມ​ຄະນະ​ໂຄສະນາ​ອົບຮົມ​ແຂວງ ; ​​ໂດຍ​ການ​ເປັນ​ປະທານ​ຂອງ ສະຫາຍ ຄຳຫຼ້າ ລຽນ​ປະດິດ ກຳມະການ​ປະຈຳ​ພັກ​ແຂວງ ເລຂາ​ໜ່ວຍ​ພັກ ຫົວໜ້າຄະນະໂຄສະນາອົບຮົມແຂວງ ​ສະມາຊິກ​ສະພາ​ເຂດ 6, ເຂົ້າຮ່ວມມີ: ຕາງໜ້າ​ຄະນະ​ພັກ​ອ້ອມ​ຂ້າງ​ຄະນະ​ໂຄສະນາ​ອົບຮົມ​ແຂວງ, ພ້ອມ​ດ້ວຍ​ສະມາຊິກ​ພັກ​ພາຍ​ໃນ​ຄະນະ​ໂຄ ສະນາ​ອົບຮົມ​ແຂວງ​.

      ໃນ​ພິທີ ສະຫາຍ ບຸນ​ຈັນ ກັນຍາ​ວົງ ຫົວໜ້າ​ຫ້ອງການ​ບໍລິຫານ-ຈັດ​ຕັ້ງ ໄດ້​ຂື້ນ​ຜ່ານ​ມະຕິ​ຕົກ​ລົງ ຂອງ​ຄະນະ​ປະຈຳ​ພັກ​ແຂວງ ​ສະບັບເລກ ທີ 62/ຄປຂ ຫຼບ, ລົງ​ວັນ​ທີ 14 ມີນາ 2019 ວ່າ​ດ້ວຍ​ການ​ຮັບ​ມະຫາຊົນ​ຜູ້​ກ້າວໜ້າ​ເຂົ້າພັກ​ປະຊາຊົນປະຕິວັດລາວ ແລະ ມະຕິຕົກລົງສະບັບເລກທີ 73-74/ຄປຂ ຫຼບ ລົງວັນທີ 14ມີນາ 2019 ວ່າດ້ວຍການເລື່ອນສະມາຊິກພັກສຳຮອງຂື້ນເປັນສະມາຊິກພັກສົມບູນ. ຫຼັງຈາກນັ້ນ ສະ ຫາຍ ຄຳຫຼ້າ ລຽນປະດິດ ໄດ້ຂື້ນຮັບເອົາສະມາຊິກພັກໃໝ່ ແລະ ສະມາຊິກພັກສຳຮອງຂື້ນສົມບູນ ພ້ອມທັງມີຄຳເຫັນຕໍ່ສະມາຊິກພັກໃໝ່ທີ່ເຂົ້າເປັນສະມາຊິກພັກປະຊາຊົນປະຕິວັດລາວ ທີ່ມີຄວາມຕັ້ງໜ້າໃນການປະຕິບັດໜ້າທີ່ວຽກງານໃນໄລຍະຜ່ານມາ ແລະ ຍົກໃຫ້ເຫັນເຖິງຄວາມໝາຍ ຄວາມສຳຄັນຂອງພິທີຮັບສະມາຊິກພັກໃໝ່ໃນຄັ້ງນີ້ ແລະ ອະທິບາຍເຖິງຕົ້ນກໍາເນີດຂອງພັກ ປປ ລາວ ນັບທັງອະດີດຈົນເຖິງປັດຈຸບັນ ເພື່ອເຮັດໃຫ້ສະມາຊິກໃໝ່ເຂົ້າໃຈຢ່າງເລິກເຊິ່ງ ເພື່ອກຽມພ້ອມຮັບໃຊ້ຊາດຮັບໃຊ້ປະ ຊາຊົນຢ່າງສຸດກົກສຸດປາຍ ແລະ  ເມື່ອໄດ້ເຂົ້າເປັນສະມາຊິກພັກແລ້ວ ສະມາຊິກພັກໃໝ່ຕ້ອງໄດ້ຕັ້ງໜ້າປະຕິບັດທຸກມະຕິຄຳສັ່ງ, ກົດລະບຽບພັກ ເພື່ອຝຶກຝົນຫຼໍ່ຫຼອມຕົນເອງດ້ານຄຸນທາດການເມືອງ, ຄຸນສົມບັດສິນທໍາປະຕິວັດ, ຢຶດໝັ້ນອຸດົມການຂອງພັກ, ຮັບໃຊ້ປະຊາຊົນດ້ວຍຄວາມບໍລິສຸດຜຸດພ່ອງ ເຮັດລ້ອນໜ້າທີ່ພັກ-ລັດມອບໝາຍໃຫ້. 

ໂດຍ: ສົມມິດ ແກ່ນມະນີ