ຄະນະໂຄສະນາອົບຮົມແຂວງ ຫຼວງພະບາງ ເປີດຝືກອົບຮົມສະມາຊິກພັກໃໝ່ຊຸດທີ III ປະຈໍາປີ 2019.

ສ້າງຂື້ນເມື່ອ ວັນຈັນ, 13 ພຶດສະພາ 2019 04:52
ຂຽນໂດຍ ຄະນະໂຄສະນາອົບຮົມແຂວງຫລວງພະບາງ

 

                                                                           

ຄະນະໂຄສະນາອົບຮົມແຂວງ ຫຼວງພະບາງ ເປີດຝືກອົບຮົມສະມາຊິກພັກໃໝ່ຊຸດທີ III ປະຈໍາປີ 2019.

    ໃນວັນທີ 9-10 ພຶດສະພາ 2019 ຜ່ານມາ, ຄະນະໂຄສະນາອົບຮົມແຂວງ ຫຼວງພະບາງ ໄດ້ເປີດຝຶກອົບຮົມສະມາຊິກພັກໃໝ່ຊຸດທີ III ປະຈໍາປີ 2019 ຂຶ້ນທີ່ ຫ້ອງປະຊຸມຂອງ ຄະນະໂຄສະນາອົບຮົມແຂວງ ຫຼວງພະບາງ; ໃຫ້ກຽດຂຶ້ນກ່າວບັນລະຍາຍເອກະສານມີ ສະຫາຍ ຫຸມພັນ ທໍາມຸງຄຸນ ຮອງເລຂາຫນ່ວຍພັກ ຮອງຫົວໜ້າຄະນະໂຄສະນາອົບຮົມແຂວງ ຫຼວງພະບາງ; ສະຫາຍ ທອງຈັນ ພົມມະລັດ ຄະນະກວດກາພັກ

ຮອງຫົວໜ້າຄະນະໂຄສະນາອົບຮົມແຂວງ ຫຼວງພະບາງ; ສະຫາຍ ບຸນເລີດ ບຸນນຸລັກ ຫົວໜ້າຂະແໜງພັກ-ພະນັກງານ ຄະນະຈັດຕັ້ງແຂວງ ແລະ ສະຫາຍ ຄໍາພວງ ດວງມະນີ ຫົວໜ້າຫ້ອງການຄະນະກວດກາພັກ ແລະ ພະແນກກວດກາລັດ ຂອງແຂວງ. ເປົ້າໝາຍເຂົ້າຮ່ວມມີ: ສະ ມາຊິກພັກໃໝ່ທີ່ມາຈາກ 3 ພະແນກການອ້ອມຂ້າງແຂວງຄື: ພະແນກຖະແຫຼງຂ່າວວັດທະນາທໍາ ແລະ ທ່ອງທ່ຽວ, ພະແນກຍຸຕິທໍາແຂວງ ແລະ ພະແນກພາຍໃນແຂວງ ລວມທັງໝົດ 27 ສະຫາຍ, ຍິງ 8 ສະຫາຍ.

     ເອກະສານທີ່ນໍາມາຝຶກອົບຮົມຄັ້ງນີ້ປະກອບມີ 5 ບົດຄື:

  1. ຄວາມຮູ້ພື້ນຖານກ່ຽວກັບລັດທິມາກ-ເລນິນ.
  2. ວຽກງານກໍ່ສ້າງ ແລະ ປັບປຸງພັກ.
  3. ຄຸນທາດການເມືອງ ແລະ ຄຸນສົມບັດສິນທໍາປະຕິວັດຂອງສະມາຊິກພັກ.
  4. ເຊີດຊູຄວາມເປັນແບບຢ່າງນໍາໜ້າຂອງສະມາຊິກພັກ.
  5. ການແກ້ໄຂພະຍາດອາຍາສິດສະກັດກັ້ນ ແລະ ຕ້ານການສໍ້ລາດບັງຫຼວງ.

    ຈຸດປະສົງແມ່ນ ເພື່ອຍົກລະດັບຄວາມຮັບຮູ້ ແລະ ຄວາມເຂົ້າໃຈໃຫ້ແກ່ບັນດາສະມາຊິກພັກໃໝ່ ກ່ຽວກັບເນື້ອໃນມະຕິກອງປະຊຸມໃຫຍ່ຄັ້ງທີ X ຂອງພັກ, ມະຕິກອງປະຊຸມໃຫຍ່ຄັ້ງທີ VII ຂອງອົງຄະນະພັກແຂວງ ໂດຍສະເພາະແມ່ນທິດສະດີມາກ-ເລນິນ, ວຽກງານກໍ່ສ້າງ ແລະ ປັບ ປຸງພັກ, ການແກ້ໄຂພະ ຍາດອາດຍາສິດ, ການສະກັດກັ້ນ ແລະ ຕ້ານການສໍ້ລາດບັງຫຼວງຂອງພະນັກງານ, ສະມາຊິກ ພັກປະ ຊາຊົນປະຕິວັດລາວ.    

    ໃນໂອກາດທີ່ມີຄວາມໝາຍ ຄວາມສໍາຄັນດັ່ງກ່າວ ສະຫາຍ ຄໍາຫຼ້າ ລຽນປະດິດ ກໍາມະການປະຈໍາພັກແຂວງ ສະມາຊິກສະພາແຫ່ງຊາດ​ເຂດ 6, ຊຸດທີ 8 ຫົວໜ້າຄະນະໂຄສະນາອົບຮົມແຂວງ ໄດ້ໃຫ້ກຽດມີຄໍາເຫັນໂອ້ລົມ ຕໍ່ນັກສໍາມະນາກອນເຊີ່ງທ່ານໄດ້ ເໜັ້ນໜັກໃຫ້ນັກສໍາມະນາກອນທຸກສະຫາຍຕ້ອງເອົາໃຈໃສ່ຝຶກຝົນຫຼໍ່ຫຼອມຕົນເອງ, ສະແຫວງຫາຄວາມຮູ້, ຄວາມກ້າວໜ້າຄົ້ນຄ້ວາຮໍ່າຮຽນຍົກລະດັບໃນທຸກດ້ານ, ມີສະຕິຕໍ່ການຈັດຕັ້ງ, ມີລະບຽບວິໄນ, ເຄົາລົບກົດໝາຍ ແລະ ລະບຽບຂອງພັກ ຢ່າງເຂັ້ມງວດ ແລະ ສຶບຕໍ່ຄົ້ນຄ້ວາຮໍ່າຮຽນກຳແໜ້ນຕື່ມອີກກ່ຽວກັບຫຼັກມູນພື້ນຖານທິດສະດີມາກ-ເລນິນ, ແນວຄິດປະ ທານ ໄກສອນ ພົມວິຫານ, ກຳແໜ້ນແນວທາງຂອງພັກ, ແຜນນະໂຍບາຍ ແລະ ລະບຽບກົດໝາຍຂອງ ລັດ, ຮູ້ສົ່ງເສີມດ້ານດີທີ່ຕັ້ງໜ້າ ແລະ ຈຳກັດແກ້ໄຂຈຸດອ່ອນຄົງຄ້າງ, ມີທິດທາງແກ້ໄຂ ແລະ ມີມາດຕະ ການປັບປຸງໜ້າທີ່ຄວາມຮັບຜິດຊອບຂອງຕົນເອງໃຫ້ດີຂຶ້ນເລື້ອຍໆ.

ຜູ້ຂຽນ: ນາງ ຫຼ້າວຽງ ວິໄລສຸກ.