ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 64 ປີ ຢ່າງສຸດໃຈ.                                                                                                                                                                           ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ.                                                                                                                                                                               ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ.                                                                                                                                                                       ຊົມເຊີຍວັນສ້າງຕັ້ງ ສປປ ລາວ ຄົບຮອບ 43 ປີ.  

  • ພິທີພົບປະສອງຝ່າຍ ລະຫວ່າງຄະນະໂຄສະນາ
  • ພິທີມອບ-ຮັບໜ້າທີ່ ເລຂາຄະນະພັກ...
  • ຄະນະໂຄສະນາອົບຮົມສູນກາງພັກໄດ້ຈັດພິ
  • ຫົວໜ້າຄະນະໂຄສະນາອົບຮົມສູນກາງພັກ ຕ້
ພິທີພົບປະສອງຝ່າຍ ລະຫວ່າງຄະນະໂຄສະນາອົບ...

ພິທີພົບປະສອງຝ່າຍ ລະຫວ່າງຄະນະໂຄສະນາອົບ...

ພິທີພົບປະສອງຝ່າຍ ລະຫວ່າງຄະນະໂຄສະນາອົບຮົມສູນກາງພັກປະຊາຊົນປະຕິວັດລາວ ກັບ ຄະນະໂຄສະນາສຶກສາສູນກ...
ພິທີມອບ-ຮັບໜ້າທີ່ ເລຂາຄະນະພັກ...

ພິທີມອບ-ຮັບໜ້າທີ່ ເລຂາຄະນະພັກ...

  ພິທີມອບ-ຮັບໜ້າທີ່ ເລຂາຄະນະພັກ, ຫົວໜ້າຫ້ອງວ່າການສູນກາງພັກ, ຫົວໜ້າຄະນະໂຄສະນາອົບ...
ຄະນະໂຄສະນາອົບຮົມສູນກາງພັກໄດ້ຈັດພິທີເຊື່ອມ...

ຄະນະໂຄສະນາອົບຮົມສູນກາງພັກໄດ້ຈັດພິທີເຊື່ອມ...

ຄະນະໂຄສະນາອົບຮົມສູນກາງພັກໄດ້ຈັດພິທີເຊື່ອມຊືມມະຕິກອງປະຊຸມຄົບຄະນະຂອງຄະນະບໍລິຫານງານສູນກາງພັກຄ...
ຫົວໜ້າຄະນະໂຄສະນາອົບຮົມສູນກາງພັກ ຕ້ອນຮັບ...

ຫົວໜ້າຄະນະໂຄສະນາອົບຮົມສູນກາງພັກ ຕ້ອນຮັບ...

ຫົວໜ້າຄະນະໂຄສະນາອົບຮົມສູນກາງພັກ ຕ້ອນຮັບທ່ານທູດສະຫະພັນຣັດເຊຍເຂົ້າຢ້ຽມຄຳນັບອຳລາໜ້າທີ່ການທູດຢ...
Previous
Next

ວຽກງານການເມືອງ - ແນວຄິດຂອງພັກໃນ..

ວຽກງານການເມືອງ-ແນວຄິດຂອງພັກໃນເງື່ອນໄຂໃໝ່

ວຽກງານການເມືອງ-ແນວຄິດຂອງພັກ ໃນເງື່ອນໄຂໃໝ່ ໜ້າທີ່ ແລະ ວຽກງານຈຸດສຸມໃນສະເພາະໜ້າ ຂອງຄະນະໂຄສະອົບຮົມແຕ່ລະຂັ້ນ.

 (ສະ​ເໜີ​ໂດຍ ສະຫາຍ​ ເຈືອງ ສົມ​ບຸນ​ຂັນ ​ເລຂາທິການ​ສູນ​ກາງ​ພັກ,ຫົວ​ນ້າ​ຄະນະ​ໂຄສະນາ​ອົບຮົມ​ສູນ​ກາງ​ພັກ)

I. ກຳແໜ້ນ ຄວາມໝາຍ ແລະ ຄວາມສຳຄັນຂອງວຽກງານການເມືອງ ແນວຄິດຂອງພັກ.

      - ທຸກພັກການເມືອງ ລ້ວນແຕ່ເຮັດວຽກງານການເມືອງແນວຄິດ, ແລະ ຖືວ່າວຽກງານການເມືອງ-ແນວຄິດເປັນວຽກງານພື້ນຖານ ແລະ ເປັນວຽກທີ່ມີຄວາມສຳຄັນແຖວ ໜ້າຂອງພັກ.

   

   - ວຽກງານການ-ເມືອງແນວຄິດ ແມ່ນວຽກທີ່ມີລັກສະນະຈໍາເພາະຂອງແຕ່ລະພັກ. ສຳລັບພັກທີ່ກຳອຳນາດ ຄືພັກເຮົາ ວຽກງານການເມືອງ-ແນວຄິດ ນອກຈາກເປັນວຽກສະເພາະຢູ່ພາຍໃນພັກແລ້ວ ຍັງຕ້ອງໄດ້ເຮັດຢູ່ໃນທົ່ວສັງຄົມ. ສະນັ້ນ ວຽກງານການເມືອງ-ແນວຄິດຈຶ່ງສອດຫ້ອຍ ແລະ ຕິດພັນໄປກັບວຽກງານອື່ນໆ ຂອງພັກ ແລະ ລັດ ກໍຄືອົງການຈັດຕັ້ງສັງຄົມ-ການເມືອງ ແລະ ສັງຄົມວິຊາຊີບ ທີ່ສ້າງຕັ້ງຂຶ້ນຕາມລະບຽບກົດໝາຍຢູ່ປະເທດເຮົາ.

      - ວຽກງານການເມືອງ ແນວຄິດຂອງພັກເຮົາ ປະກອບດ້ວຍວຽກງານສຳຄັນຈຳນວນໜຶ່ງດັ່ງນີ້:

  1. ວຽກງານຄົ້ນຄ້ວາທິດສະດີ ແລະ ສັງລວມພຶດຕິກໍາ
  2. ວຽກງານໂຄສະນາປາຖະກະຖາ ແລະ  ຈັດຕັ້ງການຄົ້ນຄ້ວາເຊື່ອມຊຶມແນວທາງ, ມະຕິ ແລະ ເອກະສານຕ່າງໆຂອງພັກ
  3. ວຽກງານອົບຮົມຄວາມຮູ້ທາງດ້ານທິດສະດີ-ແນວທາງ, ສ້າງທັດສະນະຄວາມຮັບຮູ້ທີ່ເປັນເອກະພາບ; ສ້າງຄຸນທາດການເມືອງ-ຄຸນສົມບັດສິນທຳ, ອຸດົມການ, ຄ່ານິຍົມ ແລະ ມານະຈິດຕາມແນວທາງ ແລະ ຈຸດມຸ້ງໝາຍຂອງພັກ.
  4. ວຽກງານຕໍ່ສູ້ຕ້ານກັບປະກົດການຫຍໍ້ທໍ້ ແລະ ສິ່ງເສື່ອມຊາມທີ່ເກີດຂຶ້ນພາຍໃນພັກ, ກ່ອນອື່ນໝົດແມ່ນ ລັດທິອາຍາສິດ, ການສວຍໂອກາດສໍ້ລາດບັງຫລວງ ທີ່ພາໃຫ້ພັກເສື່ອມເສຍອິດທິພົນ-ບົດບາດ ແລະ ຂາດຄວາມເຊື່ອໝັ້ນຈາກປະຊາຊົນ.
  5. ວຽກງານຕໍ່ສູ້ທາງດ້ານແນວຄິດ ແລະ ຈິດຕະສາດກັບຝ່າຍກົງກັນຂ້າມ; ສະກັດກັ້ນ ແລະ ຕີຖອຍຍຸດທະສາດຫັນປ່ຽນໂດຍສັນຕິ ແລະ ການປະຕິວັດສີ.

II. ບັນດາອົງການ ແລະ ໜ່ວຍງານທີ່ເຮັດວຽກງານການເມືອງ-ແນວຄິດ:

ເວົ້າລວມ ທຸກການຈັດຕັ້ງໃນລະບົບການເມືອງ ລ້ວນແຕ່ຕ້ອງເຮັດວຽກງານການເມືອງ-ແນວ ຄິິດ; ແຕ່ອົງການ ແລະ ໜ່ວຍງານທີ່ມີໜ້າທີ່ ແລະ ຄວາມຮັບຜິດຊອບໂດຍກົງລວມມີ:

  1.  ຄະນະໂຄສະນາອົບຮົມສູນກາງ ແລະ ທ້ອງຖິ່ນ.
  2. ‚ ສະຖາບັນການເມືອງການປົກຄອງແຫ່ງຊາດ ແລະ ໂຮງຮຽນພັກ ຢູ່ແຕ່ລະທ້ອງຖິ່ນ.
  3. ƒ ສະຖາບັນວິທະຍາສາດສັງຄົມ ແລະ ສະຖາບັນຄົ້ນຄ້ວາອື່ນໆ ດ້ານສັງຄົມສາດ ແລະ ມະນຸດວິທະຍາ.
  4. „ ແນວລາວສ້າງຊາດ ແລະ ອົງການຈັດຕັ້ງມະຫາຊົນຂອງພັກ.
  5. … ກະຊວງຖະແຫລງຂ່າວວັດທະນາທໍາ ຫລື ສື່ມວນຊົນເປັນຕົ້ນ ວິທະຍຸ, ໂທລະພາບ, ໜັງສືພິມ, ວາລະສານ, ນິຕິຍະສານ...
  6. † ກົມໃຫຍ່ການເມືອງກອງທັບ ແລະ ປກສ.

III. ຄະນະໂຄສະນາອົບຮົມສູນກາງ ແລະ ທ້ອງຖິ່ນ

  ແມ່ນອົງການທີ່ມີຄວາມຮັບຜິດຊອບໂດຍກົງ ແລະ ເປັນໃຈກາງດ້ານການດຳເນີນວຽກງານການເມືອງ-ແນວຄິດຂອງພັກ; ເພາະສະນັ້ນ ຈຶ່ງມີພາລະບົດບາດ 3 ຢ່າງທີ່ສຳຄັນຄື:

  1.  ເປັນອົງການເສນາທິການ
  2. ‚ ເປັນອົງການວິຊາສະເພາະ
  3. ƒ ເປັນອົງການນໍາພາ-ຊີ້ນຳ

ອະທິບາຍ:

1). ຄວາມຮັບຜິດຊອບໂດຍກົງ ແລະ ເປັນໃຈກາງ ໃນການດຳເນີນວຽກງານການເມືອງ ແນວຄິດຂອງພັກ ໝາຍຄວາມວ່າ: ໃນຈຳນວນທັງໝົດ 5 ວຽກທີ່ໄດ້ສະເໜີມາເທິງນັ້ນ ພວກເຮົາຕ້ອງຮັບຜິດຊອບ, ແຕ່ໃນນັ້ນຕ້ອງແຍກອອກວ່າ ອັນໃດແມ່ນໂດຍກົງ-ອັນໃດເປັນໃຈກາງ.

ເວົ້າສະເພາະວຽກໂຄສະນາ ແລະ ວຽກອົບຮົມ ຊຶ່ງເປັນວຽກທີ່ຕ້ອງຮັບຜິດຊອບໂດຍກົງແລ້ວ, ຄະນະໂຄສະນາອົບຮົມ ຍັງຕ້ອງໄດ້ເປັນໃຈກາງປະສານຕື່ມອີກເຊັ່ນ ຕົວຢ່າງ ວຽກອົບຮົມສະມາຊິກພັກ ກໍ່ຕ້ອງເປັນໃຈກາງປະສານກັບຄະນະຈັດຕັ້ງ.

2). ເປັນອົງການເສນາທິການຕ້ອງເຮັດຫຍັງແດ່?

1. ເປັນຫົວສະໝອງຄົ້ນຄ້ວາ ສ້າງຍຸດທະສາດ, ສ້າງແຜນການ ແລະ ໂຄງການວຽກງານ

2. ເປັນຜູ້ດຳເນີນການ-ຈັດຕັ້ງປະຕິບັດ

3. ເປັນຜູ້ຕິດຕາມ, ຊຸກຍູ້, ກວດກາ ສະຫລຸບ ຕີລາຄາ ຖອດຖອນບົດຮຽນ ແລະ ສືບຕໍ່ເສີມຂະຫຍາຍ.

3). ເປັນອົງການວິຊາສະເພາະ ຕ້ອງເຮັດຫຍັງແດ່?

    ຕ້ອງເຮັດໝົດທຸກວຽກຂອງວຽກງານການເມືອງແນວຄິດ,ແຕ່ມີອັນແຕກຕ່າງກັບອົງການອື່ນຢູ່ບ່ອນວ່າ:

  1.  ດ້ານການຄົ້ນຄ້ວາທິດສະດີ ແລະ ພຶດຕິກໍາແມ່ນບໍ່ໄດ້ລົງເລິກຄືກັນກັບສະຖາບັນຄົ້ນຄ້ວາວິທະຍາສາດສັງຄົມ ແລະ ສະຖາບັນການເມືອງ-ການປົກຄອງ; ຫາກມີແຕ່ໂຄສະນາອະທິບາຍ ແລະ ອົບຮົມຄວາມຮູ້ເປັນຕົ້ນຕໍ
  2. ‚ ດ້ານໂຄສະນາ: ໃຊ້ການໂຄສະນາດ້ວຍປາກເປັນຕົ້ນຕໍ ຫລື ປາຖະກະຖາ-ອະທິບາຍຕອບ ແກ້ບັນຫາແບບ ຊຶ້ງ ໜ້າໂດຍກົງກັບແຕ່ລະເປົ້າໝາຍ.
  3. ƒ ດ້ານອົບຮົມ: ເຮັດແບບກະທັດລັດບໍ່ແກ່ຍາວ, ມີເປົ້າໝາຍເຈາະຈົງ ແລະ ລົງເລິກບັນຫາສະເພາະ ຕົວຢ່າງ: ການອົບຮົມມະຫາຊົນຜູ້ກ້າວໜ້າ ເພື່ອເຂົ້າພັກເປັນຕົ້ນ. ເນື້ອໃນການອົບຮົມມີລັກສະນະຕົວຈິງ ແລະ ມີຈຸດ ປະສົງເພື່ອນຳໄປເຮັດ-ໄປປະຕິບັດ.
  4. „ ການຕໍ່ສູ້ຕ້ານປະກົດການຫຍໍ້ທໍ້ ແລະ ການເສື່ອມຖອຍພາຍໃນພັກ ແມ່ນໃຊ້ຮູບການໂຄສະນາ-ອົບຮົມເປັນ ຕົ້ນຕໍເພື່ອສ້າງຄວາມຮັບຮູ້ ຄວາມເຂົ້າໃຈທີ່ຖືກຕ້ອງຕໍ່ບັນຫາດັ່ງກ່າວເປັນຕົ້ນແມ່ນ ຄວາມຮັບຮູ້ຄວາມເຂົ້າ ໃຈກ່ຽວກັບເນື້ອໃນຄວາມໝາຍ ແລະ ໄພອັນຕະລາຍທີ່ເກີດຈາກບັນຫາດັ່ງກ່າວ; ປຸກລະດົມໃຫ້ຄົນກຽດຊັງ ແລະ ຕ້ານກັບສິ່ງຫຍໍ້ທໍ້ ແລະ ການເຊື່ອມຖອຍນັ້ນໆ; ໝາຍຄວາມວ່າ ຕໍ່ສູ້ຕ້ານດ້ວຍຄວາມເວົ້າ ດ້ວຍການ ສ້າງຄວາມເຂົ້າໃຈ ດ້ວຍການສ້າງທັດສະນະຄະຕິ ແລະ ສ້າງອຸດົມການ.
  5. … ການຕໍ່ສູ້ທາງດ້ານແນວຄິດກັບຝ່າຍປໍລະປັກເປັນຕົ້ນແມ່ນ ການຫັນປ່ຽນໂດຍສັນຕິ ແລະ ການປະຕິວັດ ສີນັ້ນ ແມ່ນຕ້ອງເຮັດຢ່າງເລິກເຊິ່ງແທດເຖິງ, ເຮັດທັນການ ແລະ ເຮັດຄົມແຫລມ.

4). ເປັນອົງການນໍາພາ-ຊີ້ນຳ ແມ່ນແນວໃດ?

  1.  ຜູ້ທີ່ເຮັດວຽກນີ້ມີຖານະຕໍາແໜ່ງສົມຄູ່
  2. ‚ ຜູ້ທີເຮັດວຽກນີ້ມີຄວາມສາມາດສົມຄູ່
  3. ƒ ຜູທີເຮັດວຽກນີ້ເຄື່ອນໄຫວເອົາການ ເອົາງານ, ເປັນເຈົ້າການຕາມພາລະບົດບາດຂອງຕົນ.

IV. ໜ້າທີ່ວຽກງານຈຸດສຸມຂອງຄະນະໂຄສະນາອົບຮົມ ໃນຊຸມປີສະເພາະໜ້າ 2014-2015:

ວຽກຈຸດສຸມທີ 1:  ສຸມໃສ່ໂຄສະນາ, ສຶກສາອົບຮົມຊຸກຍູ້ປຸກລະດົມການສືບຕໍ່ຜັນຂະຫຍາຍ ແລະ ຈັດຕັ້ງປະຕິບັດມະຕິ IX ໃຫ້ໄດ້ຮັບຜົນຕາມຄາດໝາຍທີວາງໄວ້:

1.1 ການຮັບປະກັນສະຖຽນລະພາບທາງການເມືອງໃຫ້ໜັກແໜ້ນຕິດພັນການຮັກສາຄວາມສະຫງົບ-ຄວາມເປັນລະບຽບ ຮຽບຮ້ອຍໃນສັງຄົມ ໃຫ້ໄດ້ໂດຍພື້ນຖານແມ່ນໜ້າທີ່ວຽກງານແຖວໜ້າ.

1.2 ການຊຸກຍູ້ ແລະ ສ້າງເງື່ອນໄຂ ໃຫ້ເສດຖະກິດສຶບຕໍ່ຂະຫຍາຍຕົວເພີ່ມຂຶ້ນໃນລະດັບ 8% ຂື້ນໄປ, ທັງມີຄວາມໝັ້ນທ່ຽງ; ພ້ອມກັນນັ້ນຕ້ອງບັນລຸເປັນຈິງເປົ້າໝາຍສະຫັດສະວັດ ດ້ານການພັດທະນາໃນປີ 2015 ແລະ ເຮັດໃຫ້ປະເທດເຮົາຫລຸດ ພົ້ນ ຈາກສະຖານະພາບດ້ອຍພັດທະນາ; ຖືອັນນີ້ເປັນວຽກໃຈກາງ.

1.3 ປະກອບສ່ວນເຂົ້າໃນການສ້າງບາດກ້າວບຸກທະລຸທັງ 4 ດ້ານ ໃຫ້ເປັນຈິງ; ໃນນີ້ເວົ້າສະ ເພາະຄະນະໂຄສະນາອົບ ຮົມແມ່ນ ເນັ້ນໜັກ:

      1). ປະກອບສ້າງຈິນຕະນາການ ແລະ ຄວາມຮັບຮູ້ ກ່ຽວກັບການສ້າງລະບອບປະຊາທິປະໄຕປະຊາຊົນ ສູ່ຈຸດໝາຍສັງຄົມນິຍົມຢູ່ປະເທດເຮົາຕາມເນື້ອໃນດັ່ງນີ້:

      + ແມ່ນການຖືທິດສະດີມາກສ໌-ເລນິນ ເປັນພື້ນຖານແນວຄິດທິດສະດີຂອງພັກ ແຕ່ບໍ່ຖືເປັນຄຳພີ, ຕ້ອງມີການໝູນໃຊ້ ຢ່າງປະດິດສ້າງ ໂດຍມີການສົມທົບກັບມູນເຊື້ອ ແລະ ບົດຮຽນ ຈາກພຶດຕິກຳຂອງພັກເຮົາ ແລະ ພັກຂອງປະເທດອ້າຍນ້ອງ.

      + ແມ່ນການປັບປຸງກໍ່ສ້າງພັກ ປປລາວ ໃຫ້ເປັນພັກກຳອຳນາດ-ນຳພາທົ່ວສັງຄົມເຮົາຢ່າງປີຊາສາມາດສະຫລາດສ່ອງໃສ, ເຂັ້ມແຂງປອດໃສ ແລະ ໝັ້ນຄົງຍາວນານ.

      + ແມ່ນການສ້າງລັດປະຊາທິປະໄຕປະຊາຊົນ ໃຫ້ເປັນລັດລວມສູນເອກະພາບ ແຫ່ງອຳນາດ ອະທິປະໄຕຂອງທົ່ວປວງ ຊົນ ລາວ ພາຍໃຕ້ການເປັນແກນນຳຂອງພັກ ປປລາວ; ສ້າງລັດທີ່ປົກຄອງດ້ວຍກົດໝາຍ.

      + ແມ່ນການສ້າງລະບອບເສດຖະກິດຫລາຍພາກສ່ວນ ທີ່ມີຄວາມສະເໝີພາບຕໍ່ໜ້າກົດໝາຍ ເຄື່ອນໄຫວຕາມກົນໄກ ເສດຖະກິດຕະຫລາດ ທີ່ມີການຄຸ້ມຄອງຂອງລັດ; ເສດຖະກິດລັດມີບົດບາດເປັນພື້ນຖານໃນເສດຖະກິດແຫ່ງຊາດ.

      + ແມ່ນການສ້າງລະບອບສັງຄົມທີ່ພົນລະເມືອງມີສິດເທົ່າທຽມກັນ, ມີປະຊາທິປະໄຕ ແລະ ມີຄວາມສາມັກຄີປອງດອງ, ບໍ່ມີການຈຳແນກ-ແບ່ງແຍກລະຫວ່າງຊົນເຜົ່າ ແລະ ຊັ້ນຄົນ; ພົນລະ ເມືອງມີສິດປະກອບອາຊີບທຳມາຫາກິນ ແລະ ເຄື່ອນ ໄຫວໄດ້ໃນສິ່ງທີ່ກົດໝາຍບໍ່ຫ້າມ; ແມ່ນສັງຄົມທີ່ບໍ່ມີການກົດຂີ່ຂົ່ມເຫັງ ແລະ ບໍ່ມີການແຍກຂວັ້ນທຸກ-ຮັ່ງທີ່ແຕກໂຕນ ກັນ ເກີນໄປ; ເວົ້າລວມແມ່ນສັງຄົມທີ່ປະຊາຊົນຮັ່ງມີ່ຜາສຸກ.

      2). ດ້ານລະບອບລະບຽບການ ແລະ ກົນໄກການຄຸ້ມຄອງບໍລິຫານລັດ:

ແມ່ນການສ້າງ ແລະ ປັບປຸງລະບອບລະບຽບການ ແລະ ກົນໄກຄຸ້ມຄອງບໍລິຫານລັດ ໃຫ້ສອດຄ່ອງກັບລັດຖະທຳມະນູນ ແລະ ກົດໝາຍ, ທັງເປັນລະບົບກະທັດລັດຮັດກຸມ ແນ່ໃສ່ອຳນວຍຄວາມສະດວກໃນການບໍລິການຮັບໃຊ້ພົນລະເມືອງທຸກຄົນ ແລະ ທຸກພາສ່ວນເສດຖະກິດໃຫ້ສາມາດເຄື່ອນໄຫວທຳມາຫາກິນ ເຮັດການຜະລິດ-ທຸລະກິດ ແລະ ປະກອບອາຊີບໄດ້ຕາມກົດໝາຍ ເພື່ອເປັນກຳລັງແຮງສັງລວມໃນການສ້າງສາພັດທະນາປະເທດຊາດ; ເປັນກົນໄກທີ່ສອດຄ່ອງກັບເສດຖະກິດຕະຫລາດ ທີ່ມີການຄຸ້ມຄອງຂອງລັດ ແລະ ການເຊື່ອງໂຍງສາກົນ; ທັງມີຄວາມໂປ່ງໃສກວດສອບໄດ້, ມີການແບ່ງຂັ້ນດ້ວຍການມອບສິດ ມອບຄວາມຮັບຜິດຊອບ ແລະ ຈັດສັນແບ່ງປັນຜົນປະໂຫຍດຢ່າງຈະແຈ້ງ (ຕາມທິດ 3 ສ້າງ) ແລະ ມີຄວາມສັກສິດ.

      3) ດ້ານການພັດທະນາຊັບພະຍາກອນມະນຸດ:

         (ເວົ້າໃນຂົງເຂດພັກ-ລັດ) ແມ່ນຕ້ອງສ້າງໃຫ້ໄດ້ສະມາຊິກພັກ-ພະນັກງານ ທີ່ມີມາດຕະຖານດ້ານຄວາມຮູ້ຄວາມສາມາດ, ວິຊາສະເພາະ, ຄຸນສົມບັດສິນທຳ ແລະ ສຸກຂະພາບທີ່ສອດຄ່ອງກັບໜ້າທີ່ຮັບຜິດຊອບ ແລະ ຕຳແໜ່ງງານ; ໃນນີ້ຖືຄວາມຮູ້ ຄວາມສາມາດເປັນສຳຄັນ ແລະ ຖືຄຸນສົມບັດສິນທຳປະຕິວັດເປັນອັນຕັດສິນໃນການເລືອກເຟັ້ນ ແລະ ບັນຈຸສັບຊ້ອນ; ຕ້ອງ ສ້າງໃຫ້ພຽງພໍທາງດ້ານຈຳນວນ ແລະ ດ້ານຄຸນນະພາບໃຫ້ສົມຄູ່ກັບຄວາມຕ້ອງການໃນສະເພາະໜ້າ ແລະ ຍາວນານ.

         ພ້ອມກັນນັ້ນກໍພັດທະນາຊາວຜູ້ອອກແຮງງານ (ກຳມະກອນ, ຊາວກະສິກອນ, ນາຍຊ່າງ, ຜູ້ປະກອບອາຊີບອິດສະຫລະ) ໃຫ້ມີລະດັບຄວາມຮູ້ວິຊາຊີບ ມີຄວາມອົດທົນສູ້ຊົນໃນການເຮັດວຽກ ແລະ ເຮັດວຽກມີປະສິດທິຜົນ; ມີລະບຽບວິໄນທັງມີ ຄວາມຫ້າວຫັນເປັນເຈົ້າການ ໃນການຜະລິດເປັນສິນຄ້າ ແລະ ການປະຕິບັດໜ້າທີ່ວຽກງານສ້າງຄວາມພໍຢູ່ພໍກິນ ຄວາມຮັ່ງມີ ໃຫ້ແກ່ຄອບຄົວ ແລະ ປະເທດຊາດ; ຮູ້ກ່ຽວກັບເສດຖະກິດຕະຫລາດ ແລະ ຮູ້ວຽກບ້ານ-ການເມືອງ ກໍຄືສິດ ແລະ ໜ້າທີ່ຂອງ ພົນລະເມືອງ.

         ຄຽງຄູ່ກັນນັ້ນກໍຕ້ອງພັດທະນາຖັນແຖວນັກທຸລະກິດ, ຜູ້ປະກອບການ, ນັກວິຊາການ ຜູ້ບໍລິ ຫານ ພະນັກງານຄຸ້ມຄອງ ທີ່ມີຄວາມສາມາດ-ຊຳນິຊຳນານ ເພື່ອກ້າວທັນຍຸກສະໄໝໂລກາພິວັດ ແລະ ເຊື່ອມໂຍງ.

4). ບຸກທະລຸດ້ານການແກ້ໄຂຄວາມທຸກຍາກ:

- ກ່ອນອື່ນໝົດ ຕ້ອງບຸກທະລຸໃນການປະຕິບັດຄາດໝາຍສູ້ຊົນໃຫ້ເປັນຈິງຄື ຮອດປີ 2015 ຈຳນວນຄອບ ຄົວທຸກຍາກຍັງບໍ່ ເກີນ 10%; ບັນລຸເປົ້າໝາຍສະຫັດສະວັດດ້ານການພັດທະນາ.

- ສະນັ້ນ ຕ້ອງພັດທະນາ 4 ຂະແໜງການຕົ້ນຕໍ ກະສິກຳ, ໂຍທາ ແລະ ໄຟຟ້າ, ສຶກສາ, ສາທາໃນເຂດຊົນນະບົດຢ່າງມີຈຸດສຸມ ແລະ ທົ່ວເຖິງກ່ວາເກົ່າ; ຕອບສະໜອງທຶນຮອນ ແລະ ຝຶກອົບຮົມທາງດ້ານວິຊາການໃຫ້ແກ່ປະຊາຊົນ ຕິດພັນກັບການຈັດຕັ້ງ ກຸ່ມການຜະລິດ-ວິຊາຊີບ ເພື່ອເປັນປັດໃຈຊ່ວຍໜູນໃຫ້ແກ່ການແກ້ໄຂຄວາມທຸກຍາກ ໃຫ້ໄດ້ໄວ-ໄດ້ຫລາຍຂຶ້ນ.

- ຕ້ອງພັດທະນາຄົນຊົນນະບົດໃຫ້ເປັນເຈົ້າຊົນນະບົດ, ມີຄວາມຮູ້ໃນການທຳມາຫາກິນ ແລະ ການດຳລົງຊີວິດ, ມີສຸຂະພາບພາ ລະນາໄມດີ, ມີຄວາມເບີກບານດ້ວຍການສືບທອດເສີມຂະຫຍາຍມູນເຊື້ອດ້ານວັດທະນະທຳ-ຮີດຄອງປະເພນີຂອງເຜົ່າ ກໍຄື ຂອງທ້ອງຖິ່ນ.

- ຕ້ອງປັບປຸງລະບົບການເມືອງ-ການປົກຄອງຢູ່ຮາກຖານບ້ານ ກໍຄືແຕ່ລະຊຸມຊົນ ໃນຊົນນະ ບົດໃຫ້ເຂັ້ມແຂງ ໂດຍມີສະ ມາ ຊິກພັກ-ໜ່ວຍພັກນຳພາ, ມີການຈັດຕັ້ງໜ່ວຍງານປົກຄອງ ແລະ ຕຳ  ແໜ່ງງານຕ່າງໆ ຢ່າງຄົບຖ້ວນຕາມລະບຽບການ, ຕ້ອງສ້າງໃຫ້ໄດ້ຄົນກັບທີ່ເພື່ອເປັນຜູ້ນຳພາ, ເປັນຜູ້ປົກຄອງ ແລະ ເປັນພັດທະນາກອນຢູ່ກັບບ້ານ.

ວຽກຈຸດສຸມທີ່ 2: ປະກອບສ່ວນເຂົ້າໃນການກະກຽມ ແລະ ດຳເນີນກອງປະຊຸມໃຫຍ່; ປັບປຸງກໍ່ສ້າງພັກໃຫ້ປອດໃສເຂັ້ມແຂງ, ມີຄວາມສາມາດນຳພາສູງຂຶ້ນ ແລະ ສາມາດກຳອຳນາດໄດ້ຢ່າງໝັ້ນຄົງ:

+ ປະກອບສ່ວນກະກຽມລາຍງານການເມືອງ

+ປະກອບສ່ວນສ້າງເອກະສານເນື້ອໃນໃຫ້ແກ່ການດຳເນີນຊີວິດການເມືອງພາຍໃນພັກ, ຊຸກຍູ້ປຸກລະດົມສິດເປັນເຈົ້າ ແລະ ການເສີມຂະຫຍາຍປະຊາທິປະໄຕພາຍໃນພັກ; ຕີຖອຍ 2 ດ້ານຄື ດ້ານໜຶ່ງ: ແມ່ນຕີຖອຍປະກົດການຫຍໍ້ທໍ້ ເປື່ອຍເຢື່ອຍ ທາງ ດ້ານຄຸນສົມບັດສິນທຳ, ການສວຍໂອກາດສໍ້ລາດບັງຫລວງ ດ້ານສອງ: ແມ່ນຕີຖອຍທັດສະນະເມີນເສີຍ ການເຊື່ອມຖອຍ ທາງດ້ານມານະຈິດ ແລະ ອຸດົມການ.

+ ປະກອບສ່ວນໂຄສະນາ-ປຸກລະດົມຊຸກຍູ້ຂະບວນການ.

ວຽກຈຸດສຸມທີ່ 3: ສຸມໃສ່ປັບປຸງການຈັດຕັ້ງ ແລະ ບຸກຄະລະກອນຂອງຄະນະໂຄສະນາອົບຮົມສູນກາງພັກ-ແຂວງ-ເມືອງ ໃຫ້ມີການຫັນປ່ຽນດີຂຶ້ນ:

      2.1. ພາລະບົດບາດ, ໂຄງປະກອບກົງຈັກ ແລະ ຕຳແໜ່ງງານ.

      2.2. ການບັນຈຸຊັບຊ້ອນບຸກຄະລະກອນໃຫ້ໄດ້ຕາມຈຳນວນອັນຈຳເປັນ, ມອບໝາຍໜ້າທີ່ໃຫ້ຈະແຈ້ງ; ສ້າງເງື່ອນໄຂໄດ້ ເຮັດວຽກຕົວຈິງ.

      2.3. ການຈັດຕັ້ງຝຶກອັບຮົມຍົກລະດັບໃຫ້ແກ່ພະນັກງານ.

ວຽກຈຸດສຸມທີ່ 4: ປະກອບສ່ວນໃນການຈັດຕັ້ງສະເຫລີມສະຫລອງ 2 ວັນປະຫວັດສາດສຳຄັນ ຂອງພັກ ແລະ ຂອງຊາດໃນປີ 2015 ຕາມແຈ້ງການເລກທີ່ 35/ຫສພ, ສະບັບລົງວັນທີ່ 20/01/2014

(ແຈ້ງການໄດ້ຄັດຕິດມາພ້ອມນີ້)

ວຽກຈຸດສຸມທີ່ 5: ປະກອບສ່ວນໃນວຽກງານ 3 ສ້າງຕິດພັນກັບການຊຸກຍູ້ຂະບວນການ “ແຂ່ງຂັນຮັກຊາດ ແລະ ສ້າງບ້ານ ພັດທະນາ” ອັນສໍາຄັນໃນນີ້ແມ່ນ:

      4.1 ສືບຕໍ່ຈັດຕັ້ງການອົບຮົມຄວາມຮູ້ພື້ນຖານດ້ານການເມືອງ-ການປົກຄອງ ແລະ ການສ້າງບ້ານພັດທະນາ; ປັບປຸງເສີມ ຂະຫຍາຍ ແລະ ເປີດກ້ວາງ.

      4.2 ກຳແໜ້ນເນື້ອໃນເອກະສານກອງປະຊຸມທົ່ວປະເທດ ເພື່ອຊຸກຍູ້ຂະບວນການແຂ່ງຂັນຮັກຊາດ ແລະ ສ້າງບ້ານພັດ ທະນາ, ຊຸກຍູ້ວຽກງານ 3 ສ້າງ ໂດຍສະເພາະແມ່ນບົດຄວາມເຫັນຊີ້ນຳ ຂອງສະຫາຍ ເລຂາທິການໃຫຍ່ ຈູມມາລີ ໄຊຍະສອນ ໃນກອງປະຊຸມດັ່ງກ່າວ (ມີບົດສະເພາະສົ່ງໃຫ້).

      4.3 ຊ່ວຍຕິດຕາມຊອກຮູ້ ແລະ ກຳແໜ້ນເປົ້າໝາຍ ທີ່ຈະທຳການຍ້ອງຍໍສັນລະເສີນໃນປີ 2015 ດັ່ງນີ້:

  1.  ບ້ານດີເດັ່ນ
  2.  ຄອບຄົວຕົວແບບດີເດັ່ນ
  3. ƒ ບ້ານພັດທະນາກອນດີເດັ່ນ (ພະນັກງານ-ຊະມາຊິກພັກ, ນາຍບ້ານ, ນັກວິຊາການ...)
  4. „ ຜູ້ປະກອບການທຸລະກິດ, ບໍລິສັດ, ວິສາຫະກິດດີເດັ່ນ; ຢູ່ແຕ່ລະທ້ອງຖິ່ນ-ຮາກຖານ.

 

 

 

 

 

 

 

ກົດໝາຍແຫ່ງ ສປປ ລາວ

ຄໍາເຫັນຂອງ ທ່ານ ສຈ.ດຣ ກິແກ້ວ ໄຂຄຳພິທູນ ຫົວໜ້າ ຄອສພ ຕໍ່ເວັບໄຊສ

ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 64 ປີ

ປະທານ ໄກສອນ ພົມວິຫານ ຢືນຢົງໃນພາລະກິດປະຕິວັດຂອງພວກເຮົາຕະຫລອດໄປ

ຊົມເຊີມວັນສ້າງຕັ້ງ ສປປ ລາວ ຄົບຮອບ 43 ປີ ຢ່າງສຸດໃຈ.

ກອງປະຊຸມໃຫຍ່ຜູ້ແທນທົ່ວປະເທດ ຂອງ ພັກປະຊາຊົນ ປະຕິວັດລາວ

ເຊື່ອມຕໍ່ເວັບໄຊສ

ເລກໂທ ສຸກເສີນ

ແຈ້ງ​ໄຟ​ໄໝ້ : 1190

   ຕຳຫຼວດ : 1191

ລົດ​ໂຮງໝໍ : 1195

​     ໄຟຟ້າ : 1199

  ນ້ຳ​ປະປາ : 1169

ໜ່ວຍກູ້​ໄພ : 1624

ຈຳນວນຄົນອອນໄລ໌ທ

ມີ 157  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

1233011
ມື້ນີ້ມື້ນີ້48
ມື້ວານນີ້ມື້ວານນີ້106
ອາທິດນີ້ອາທິດນີ້542
ເດືອນນີ້ເດືອນນີ້1452
ທັງໝົດທັງໝົດ1233011