ຄອສພ ຈັດຕັ້ງປາຖະກະຖາລະນຶກວັນເກີດ...

ສ້າງຂື້ນເມື່ອ ວັນພຸດ, 16 ກໍລະກົດ 2014 03:08

 ຄອສພ ຈັດຕັ້ງປາຖະກະຖາລະນຶກວັນ​ເກີດຂອງ ທ່ານ ປະທານ ສຸພາ ນຸວົງ ຄົບຮອບ 105 ປີ (13.7.1909 – 13.7.2014)

    ​     ເນື່ອງ​ໃນ​​ໂອກາດຄ້າຍວັນ​ເກີດ​ຂອງ ທ່ານ ປະທານ  ​ສຸພາ​ນຸວົງ ຄົບຮອບ 105 ປີ  ໃນ​ວັນ​ທີ  10 ກໍລະກົດ 2014   ທີ​ສະ​ໂມ​ສອນ  ຄອສພ   ​ໄດ້​ຈັດ​ຕັ້ງ​ລະນຶກ​ວັນ​ເກີດ​ຂອງ  ທ່ານ ປະທານ ສຸພາ​ນຸວົງ ປາຖະກະຖາ ​ໂດຍ​​ໃຫ້ກຽດ​ປາຖະກະຖາໂດຍ ທ່ານ ບົວສີ ຈະເລີນສຸກ ພະນັກງານປະຕິວັດອາວຸໂສ ບຳນານ, ອະດີດຫົວໜ້າອຳນວຍການ ຫໍພິພິທະພັນໄກສອນ ພົມວິຫານ, ໂດຍການເຂົ້າຮ່ວມຂອງທ່ານ ສີ​ສຸກ ພິລະ​ວົງ ຜູ່​ຮັກສາ​ການ​ເລຂາ​ຄະນະ​ພັກ,

ຮັກສາການຫົວໜ້າ​ຄະນະ​ໂຄສະນາ​ອົບຮົມ​ສູນ​ກາງ​ພັກ ​ແລະ ມີບັນດາເລຂາ, ຮອງເລຂາ, ຄະນະພັກ, ຫົວໜ້າຫ້ອງການ, ພະນັກງານ ຫຼັກແຫຼ່ງທີ່ເຮັດວຽກງານ ການເມືອງ-ແນວຄິດ ຂອງບັນດາກະຊວງ-ອົງການ, ຄະນະ ໂຄສະນາອົບຮົມນະຄອນຫຼວງ, ແຂວງວຽງຈັນ, ແຂວງບໍລິຄຳໄຊ ແລະ ແຂວງຄຳມ່ວນພ້ອມດ້ວຍສື່ມວນ ຊົນເຂົ້າຮ່ວມ ຮັບຟັງ. 

      ໃນການປາຖະກະຖາ ທ່ານ ບົວສີ ຈະເລີນສຸກ ໄດ້ຍົກໃຫ້ເຫັນວ່າ: ທ່ານ ປະທານ ສຸພານຸວົງ ແມ່ນນັກຮົບຮັກຊາດຜູ້ທໍາອິດ ທີ່ໄດ້ເອົາຊີວິດຕິດພັນກັບການປະຕິວັດຕະຫຼອດມາ. ບໍ່ວ່າໃນຖານະຕໍາ ແໜ່ງໃດ ເພິ່ນກໍ່ໄດ້ອຸທິດ ໝົດຈິດ, ໝົດໃຈ, ໝົດ  ຄ ວາມສາມາດ ແລະ ຫົວຄິດປະດິດສ້າງເພື່ອພາລະກິດປະຕິວັດ, ເພື່ອຊາດ ແລະ ເພື່ອປະຊາຊົນຢ່າງບໍ່ລິສຸດ. ແບບຢ່າງ ແລະ ຄຸນງາມຄວາມດີຂອງ ທ່ານ ປະທານ ສຸພານຸວົງ ໄດ້ກາຍເປັນແວ່ນແຍງທີ່ໄສສະອາດ ທັງເປັນບົດຮຽນອັນລໍາຄ່າ ໄວ້ໃຫ້ ຄົນລາວ ລຸ້ນສືບທອດໄດ້ຮໍ່າຮຽນເອົາຢ່າງບໍ່ມີວັນລືມ.