ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 64 ປີ ຢ່າງສຸດໃຈ.                                                                                                                                                                           ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ.                                                                                                                                                                               ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ.                                                                                                                                                                       ຊົມເຊີຍວັນສ້າງຕັ້ງ ສປປ ລາວ ຄົບຮອບ 43 ປີ.  

ເປີດຊຸດອົບຮົມໃຫ້ຄູ-ອາຈານສອນວິຊາສັງຄົມ-ການເມືອງຢູ່ ແຂວງ ຜົ້ງສາລີ

ເປີດຊຸດອົບຮົມໃຫ້ຄູ-ອາຈານສອນວິຊາສັງຄົມ-ການເມືອງຢູ່ ແຂວງ ຜົ້ງສາລີ

            ໃນ​ວັນ​ທີ 22-25/7/2019 ກົມ​ອົບຮົມ ຄະນະ​ໂຄສະນາ​ອົບຮົມ​ສູນ​ກາງ​ພັກ ຮ່ວມ​ກັບ ຄະນະ​ໂຄສະນາ​ອົບຮົມ​ແຂວງ ແລະ ພະແນກສຶກສາທິການ ແລະ ກິລາແຂວງຜົ້ງສາລີ

​ໄດ້​ຈັດ​​​ຕັ້ງຊຸດຝຶກ​ອົບຮົມໃຫ້ຄູ-ອາຈານສອນວິຊາສັງຄົມ-ການເມືອງ​ຢູ່ຂື້ນທີ່ສູນ IT ຂອງພະແນກສຶກສາທິການ ແລະ ກິລາແຂວງ ພາຍໃຕ້ການເປັນປະທານຮ່ວມຂອງສະຫາຍ ຄຳກອງ ທຳມະເຫວາ ຮອງຫົວໜ້າກົມອົບຮົມ ແລະ ສະຫາຍ ຍີຫຼ້າ ຈັນເພັດ ຮອງຫົວໜ້າພະແນກສຶກສາທິການ ແລະ ກິລາແຂວງຜົ້ງສາລີ, ເຂົ້າຮ່ວມຊຸດອົບຮົມຄັ້ງນີ້ ມີຄູ-ອາຈານສອນທີ່ວິຊາສັງຄົມ-ການເມືອງ ມາຈາກບັນດາໂຮງຮຽນມັດທະຍົມຕອນຕົ້ນ, ຕອນປາຍ, ອະຊີວະສຶກສາ ອ້ອມຂ້າງແຂວງທັງໝົດຈໍານວນ 26 ສະຫາຍ, ຍິງ 24 ສະຫາຍ, ໃນນັ້ນ ມີສະມາຊິກພັກສົມບູນ 21 ສະຫາຍ, ຍິງ 19 ສະຫາຍ.

ຈຸດປະສົງຫຼັກ​ໃນ​ການ​ຝຶກ​ອົບຮົມ ​ເພື່ອເປັນ​ການ​ຍົກ​ລະດັບ​ຄວາມ​ຮູ້​ທາງ​ດ້ານທິດສະດີ-​ແນວທາງໃຫ້ແກ່ຄູ-ອາຈານສອນວິຊາສັງຄົມ-ການເມືອງໃຫ້ມີຄວາມຮັບຮູ້-ເຂົ້າໃຈ ແລະ ກໍາແໜ້ນເນື້ອໃນຂອງທິດສະດີມາກ-ເລນິນ, ແນວທາງນະໂຍບາຍຂອງພັກ, ລະບຽບກົດໝາຍຂອງລັດ ແລະ ແຜນພັດທະນາເສດຖະກິດສັງຄົມໃນແຕ່ລະໄລຍະ. ສໍາລັບເນື້ອ​ໃນການ​​ອົບຮົມ​ໄດ້​ນໍາ​ໃຊ້​ເອກະສານ 9 ບົດ.

ບົດ​ທີ 1: ຄວາມ​ຮູ້​ກ່ຽວກັບ​ລັດທິ​ມາກ-​ເລ​ນິນ.

ບົດ​ທີ 2: ການ​ສ້າງ ​ແລະ ບູລະນະລະບອບ​ປະຊາທິປະ​ໄຕ​ປະຊາຊົນ​ຕາມ​ທິດ​ສັງຄົມ​ນິຍົມ.

ບົດ​ທີ 3: ທິດ​ທາງ​ລວມ ​ແລະ ຄາດໝາຍ​ໃຫຍ່​ພາ​ປະ​ເທດ​ຊາດຫຼຸດພົ້ນອອກ​ຈາກ​ສະຖານ​ນະພາ​ບດ້ອຍ​ພັດທະນາ​ກ້າວ​ສູ່​ຈຸດໝາຍສັງ​ຄົມ​ນິຍົມ.

ບົດ​ທີ 4: ການ​ແກ້​ໄຂ​ຄວາມທຸກ​ຍາກ.

ບົດ​ທີ 5: ການ​ສ້າງ​ຄວາມໝັ້ນຄົງ​ໃຫ້​ແກ່​ລັດ​ປະຊາທິປະ​ໄຕ​ປະຊາຊົນ.

ບົດ​ທີ 6: ພັດທະນາ​ເສດຖະກິດ​ຕິດ​ພັນ​ກັບ​ການ​ພັດທະນາ​ວັດທະນະ​ທໍາ​ສັງຄົມ ​ແລະ ສິ່ງ​ແວດ​ລ້ອມ.

ບົດ​ທີ 7: ການ​ຫັນ​ເປັນ​ອຸດສາຫະກໍາ ​ແລະ ທັນ​ສະ​ໄໝ.

ບົດ​ທີ 8: ສັງຄົມ​ປອງ​ດອງ​ແມ່ນ​ບໍ່​ເກີດ​ແຫ່ງ​ກໍາລັງ​ແຮງ​ຂອງ​ການ​ປົກ​ປັກ​ຮັກສາ ​ແລະ ພັດທະນາ​ປະ​ເທດ​ຊາດ.

ບົດ​ທີ 9: ​ເປີດ​ກວ້າງ​ການ​ຮ່ວມ​ມື​ພົວພັນ​ກັບ​ຕ່າງປະ​ເທດ.

          ຜ່ານການຝຶກອົບຮົມເຮັດໃຫ້ນັກສໍາມະນາກອນມີຄວາມ​ຮັບ​ຮູ້​-​ເຂົ້າ​ໃຈເລິກເຊິ່ງຕື່ມສາມາດຕີລາຄາໄດ້ 90% ໃນການກຳໄດ້ແນວທາງນະໂຍບາຍຂອງພັກ, ລະບຽບກົດໝາຍຂອງລັດ ແລະ ແຜນພັດທະນາເສດຖະກິດສັງຄົມໃນແຕ່ລະໄລຍະ, ນອກຈາກການຂື້ນຖ່າຍທອດບັນດາບົດຮຽນໃຫ້ແກ່ນັກສຳມະນາກອນແລ້ວຍັງເປີດໂອກາດໃຫ້ມີ​ການ​ແລກປ່ຽນຄໍາ​ຄິດ​ຄໍາເຫັນ​ຊຶ່ງກັນ ແລະ ກັນອັນ​ເຮັດ​​ໃຫ້ການອົບຮົມມີບັນຍາ​ກາດ​ຟົດຟື້ນ ແລະ ນຳເອົາເນື້ອໃນດັ່ງກ່າວໄປຈັດ​ຕັ້ງປະຕິບັດໃນຫຼັກສູດການຮຽນ-ການສອນໃຫ້ເກີດຜົນປະໂຫຍດສູງສຸດ.

ກົດໝາຍແຫ່ງ ສປປ ລາວ

ຄໍາເຫັນຂອງ ທ່ານ ສຈ.ດຣ ກິແກ້ວ ໄຂຄຳພິທູນ ຫົວໜ້າ ຄອສພ ຕໍ່ເວັບໄຊສ

ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 64 ປີ

ປະທານ ໄກສອນ ພົມວິຫານ ຢືນຢົງໃນພາລະກິດປະຕິວັດຂອງພວກເຮົາຕະຫລອດໄປ

ຊົມເຊີມວັນສ້າງຕັ້ງ ສປປ ລາວ ຄົບຮອບ 43 ປີ ຢ່າງສຸດໃຈ.

ກອງປະຊຸມໃຫຍ່ຜູ້ແທນທົ່ວປະເທດ ຂອງ ພັກປະຊາຊົນ ປະຕິວັດລາວ

ເຊື່ອມຕໍ່ເວັບໄຊສ

ເລກໂທ ສຸກເສີນ

ແຈ້ງ​ໄຟ​ໄໝ້ : 1190

   ຕຳຫຼວດ : 1191

ລົດ​ໂຮງໝໍ : 1195

​     ໄຟຟ້າ : 1199

  ນ້ຳ​ປະປາ : 1169

ໜ່ວຍກູ້​ໄພ : 1624

ຈຳນວນຄົນອອນໄລ໌ທ

ມີ 56  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌