ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 64 ປີ ຢ່າງສຸດໃຈ.                                                                                                                                                                           ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ.                                                                                                                                                                               ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ.                                                                                                                                                                       ຊົມເຊີຍວັນສ້າງຕັ້ງ ສປປ ລາວ ຄົບຮອບ 43 ປີ.  

ກອງປະຊຸມໃຫຍ່ ຄັ້ງທີ I ຂອງໜ່ວຍກຳມະບານ....

ກອງປະຊຸມໃຫຍ່ ຄັ້ງທີ I ຂອງໜ່ວຍກຳມະບານ ຫ້ອງການ ຄອສພ

        ໃນຕອນເຊົ້າ ຂອງວັນທີ 17 ກັນຍາ 2019 ຜ່ານມາ ໜ່ວຍກຳມະບານຫ້ອງການຄະນະໂຄສະນາອົບຮົມສູນກາງພັກ ໄດ້ເປີດກອງປະຊຸມໃຫຍ່ ຄັ້ງທີ I ຂອງ

ຕົນຂຶ້ນ ທີ່​​ປະ​ຊຸມ ຊັ້ນ 5 ຂອ​ງ​ຄະ​ນະ​ໂຄ​ສະ​ນາ​ອົບ​ຮົມ​ສູນ​ກາງ​ພັກ.

      ພາຍໃຕ້ການ​ເປັນ​ປະ​ທານ​ຂອງ​ທ່ານ ນ. ບົວລີ ບັນຊາລິດ ຄະ​ນະ​ພັກ, ຜູ້ຊີ້ນຳອົງການຈັດຕັ້ງມະຫາຊົນ ຄະນະໂຄສະນາອົບຮົມສູນກາງພັກ, ເຂົ້າຮ່ວມມີທ່ານ ນ. ສົມພອຍ ພົມມະຈັກ ຄະນະພັກ, ຫົວໜ້າຫ້ອງການຄະ​ນະ​ໂຄ​ສະ​ນາ​ອົບ​ຮົມ​ສູນ​ກາງ​ພັກ,ທ່ານ ຄຳກອງ ທຳມະເທວາ ຮອງປະທານກຳມະບານ, ມີ​ຜູ້​ຕາງ​ໜ້າ​ໜ່ວຍ​ກຳມະບານ​ບັນ​ດາ​ກົມອ້ອມຂ້າງ ຄອສພ ແລະ ສະ​ມາ​ຊິກ​ກຳມະບານຫ້ອງການ​ເຂົ້າ​ຮ່ວມຢ່າງພ້ອມພຽງ.

      ໃນ​ກອງ​ປະ​ຊຸມໄດ້​​ຮັບ​ຟັງ​ບົດ​ລາຍ​ງານ​ການ​ເມືອງ ຕໍ່​ກອງ​ປະ​ຊຸມ​ໃຫຍ່ ຄັ້ງ​ທີ I ຂອງ​ໜ່ວຍ​ກຳມະບານຫ້ອງການຄະນະໂຄສະນາອົບຮົມສູນກາງພັກ, ເຊິ່ງ​ໄດ້​ສະຫຼູບ​ຕີ​ລາ​ຄາ​ຈຸດ​ດີ, ຈຸດ​ອ່ອນ ແລະ ຂໍ້​ຄົງ​ຄ້າງ ໃນ​ການ​ເຄື່ອນ​ໄຫວ​ປະ​ຕິ​ບັດ​ໜ້າ​ທີ່ເປັນເສນາທິການໃຫ້ແກ່ສະຫະພັນກຳມະບານ ຄອສພ ເວົ້າລວມ, ເວົ້າສະເພາະກໍແມ່ນເຄື່ອນໄຫວປະຕິບັດໜ້າທີຢູ່ພາຍໃນໜ່ວຍກຳມະບານຫ້ອງການຕະຫຼອດໃນ​ໄລ​ຍະ 5 ປີ​ຜ່ານ​ມາ ແລະ ວາງທິດ​ທາງ​ແຜນ​ການ, ວຽກ​ງານ​ຈຸດ​ສຸມ​ໃນ 5 ປີ​ຕໍ່​ໜ້າ; ຈາກນັ້ນ, ​ຄະ​ນະ​ໜ່ວຍ​ກຳມະບານຫ້ອງການຊຸດ​ເກົ່າ ໄດ້ຂື້ນ​ຜ່ານ​ບົດ​ສຳຫຼວດ​ໃນ​ການ​ຊີ້​ນຳ-ນຳ​ພາ ໃນ​ໄລ​ຍະ​ຜ່ານ​ມາ ພ້ອມ​ທັງ​ລາ​ໜ້າ​ທີ່ ແລະ ປ່ອນ​ບັດ​ຄັດ​ເລືອກ​ເອົາ​ຄະ​ນະ​ໜ່ວຍ​ກຳມະບານຫ້ອງການ​ຊຸດ​ໃໝ່ ເຊິ່ງ​ມີ​ຜູ້​ລົງ​ສະ​ມັກ​ເລືອກ​ຕັ້ງ​ເປັນ​ 5 ສະ​ຫາຍ, ຍິງ 4 ສະ​ຫາຍ ໃນ​ນັ້ນ​ເລືອກ​ເອົາ​ 3 ສະ​ຫາຍ ເຊິ່ງ​ຜົນ​ການ​ປ່ອນ​ບັດ​ເລືອກ​ຕັ້ງ​ສາມາດເລືອກໄດ້ 3 ສະຫາຍຄື:

1.     ສະຫາຍ ນ. ຈັນສຸກ ວົງສາ.

2.    ສະຫາຍ ໂຊດຈິນດາ ເຄນລິດຖີ.

3.    ສະຫາຍ ນ. ເພັດສະໝອນ ພອນສະຫວັນ.

ຜ່ານກອງປະຊຸມຄັ້ງປະຖົມມະລຶກ ໄດ້ເລືອກເອົາຄະນະໜ່ວຍກຳມະບານຫ້ອງການ ຄອສພ ຊຸດໃໝ່ດັ່ງນີ້:

1.     ສະຫາຍ ນ. ຈັນສຸກ ວົງສາ ເປັນຫົວໜ້າໜ່ວຍ.

2.    ສະຫາຍ ນ. ເພັດສະໝອນ ພອນສະຫວັນ ເປັນຮອງຫົວໜ້າໜ່ວຍ.

3.    ສະຫາຍ ໂຊດຈິນດາ ເຄນລິດຖີ ເປັນຄະນະໜ່ວຍ.​

 

    ກອງປະຊຸມໄດ້ຮັບຟັງການການໂອ້ລົມຂອງສະຫາຍ ນ. ບົວລີ ບັນຊາລິດ ຄະນະພັກ, ຜູ້ຊີ້ນຳອົງການຈັດຕັ້ງມະຫາຊົນ ຄະ​ນະ​ໂຄ​ສະ​ນາ​ອົບ​ຮົມ​ສູນ​ກາງ​ພັກ ກ່ອນ​ອື່ນ​ໝົດ​ທ່ານ​ໄດ້​ສະ​ແດງ​ຄວາມ​ຍ້ອງ​ຍໍ​ຊົມ​ເຊີຍ​ຕໍ່​ຜົນ​ງານ​ການ​ເຄື່ອນ​ໄຫວ​ໃນ​ໄລ​ຍະ 5 ປີ​ຜ່ານ​ມາ ທີ່​ໜ່ວຍ​ກຳມະບານຫ້ອງການ ຍາດ​ໄດ້​ຜົນ​ງານ​ອັນ​ໃຫຍ່ຫຼວງ ແລະ ຜ່ານ​ຜ່າ​ຄວາມ​ຫຍຸ້ງ​ຍາກ​ຕ່າງໆ ເວົ້າລວມ, ເວົ້າສະເພາະກໍຄືວຽກງານວິຊາສະເພາະຂອງຕົນ ແລະ ຜົນງານໃນການປະກອບສ່ວນເຂົ້າໃນກິດຈະ ກໍາຕ່າງໆຂອງ ສະຫະພັນກຳມະບານ ຄະນະໂຄສະນາອົບຮົມສູນກາງພັກ ​ເຊິ່ງ​ມັນ​ສະ​ແດງ​ອອກ​ໃນ​ຄວາມ​ເປັນ​ເຈົ້າ​ການ​ຕໍ່​ໜ້າ​ທີ່​ວຽກ​ງານ, ສະ​ຕິ​ຕໍ່​ການ​ຈັດ​ຕັ້ງ, ຄວາມ​ຈົ່ງ​ຮັກ​ພັກ​ດີ​ຕໍ່​ພັກ​ຕໍ່​ປະ​ເທດ​ຊາດ, ການ​ປະ​ກອບ​ສ່ວນ​ເຂົ້າ​ໃນ​ການ​ເຄື່ອນ​ໄຫວ​ປະ​ຕິ​ບັດ​ໜ້າ​ທີ່​ການ​ເມືອງ​ຂອງ​ຕົນ​ຢ່າງ​ຕັ້ງ​ໜ້າ. ນອກນັ້ນ, ທ່ານ​ຍັງ​ໄດ້ຮຽກຮ້ອງມາຍັງຄະນະໜ່ວຍ, ສະມາຊິກກຳມະບານຫ້ອງການ ທຸກສະຫາຍຈົ່ງເພີ່ມທະວີຄວາມສາມັກຄີເປັນເອກະພາບ, ພ້ອມກັນບຸກບືນພັດທະນາຕົນເອງຢ່າງ ຮອບດ້ານ ແລະ ເອົາໃຈໃສ່ຄົ້ນຄວ້າຮ່ຳຮຽນທິດສະດີ, ແນວທາງ ແລະ ວຽກງານວິຊາສະເພາະເຊີດຊູນ້ຳໃຈຮັກຊາດ, ເປັນເຈົ້າຕົນເອງ, ສ້າງຄວາມເຂັ້ມແຂງດ້ວຍຕົນເອງ, ເພີ່ມທະວີຄວາມຮັບຜິດຊອບເຂົ້າໃນການຈັດຕັ້ງປະຕິບັດທິດທາງໜ້າທີ່ຈຸດສຸມ ທີ່ມະຕິກອງປະຊຸມໃຫຍ່ຄັ້ງ I  ຂອງໜ່ວຍກຳມະບານຫ້ອງການ ໄດ້ຮັບຮອງເອົາ.

ກົດໝາຍແຫ່ງ ສປປ ລາວ

ຄໍາເຫັນຂອງ ທ່ານ ສຈ.ດຣ ກິແກ້ວ ໄຂຄຳພິທູນ ຫົວໜ້າ ຄອສພ ຕໍ່ເວັບໄຊສ

ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 64 ປີ

ປະທານ ໄກສອນ ພົມວິຫານ ຢືນຢົງໃນພາລະກິດປະຕິວັດຂອງພວກເຮົາຕະຫລອດໄປ

ຊົມເຊີມວັນສ້າງຕັ້ງ ສປປ ລາວ ຄົບຮອບ 43 ປີ ຢ່າງສຸດໃຈ.

ກອງປະຊຸມໃຫຍ່ຜູ້ແທນທົ່ວປະເທດ ຂອງ ພັກປະຊາຊົນ ປະຕິວັດລາວ

ເຊື່ອມຕໍ່ເວັບໄຊສ

ເລກໂທ ສຸກເສີນ

ແຈ້ງ​ໄຟ​ໄໝ້ : 1190

   ຕຳຫຼວດ : 1191

ລົດ​ໂຮງໝໍ : 1195

​     ໄຟຟ້າ : 1199

  ນ້ຳ​ປະປາ : 1169

ໜ່ວຍກູ້​ໄພ : 1624