ທ່ານ ສຈ ປອ ກິແກ້ວ ໄຂຄໍາພິທູນ ເລຂາທິການສູນກາງພັກ

ສ້າງຂື້ນເມື່ອ ວັນສຸກ, 01 ກຸມພາ 2019 04:09

ທ່ານ ສຈ ປອ ກິແກ້ວ ໄຂຄໍາພິທູນ ເລຂາທິການສູນກາງພັກ ຫົວໜ້າຄະນະໂຄສະນາອົບຮົມສູນກາງພັກ ເຂົ້າຮ່ວມງານວາງສະແດງສິນຄ້າ ແລະ ຜະລິດຕະພັນຂອງກອງທັບ ເນື່ອງໃນໂອກາດວັນສ້າງຕັ້ງກອງທັບ ປະຊາຊົນລາວຄົບຮອບ70ປີ ທີ່ຈະໜູນວຽນມາເຖິງ.

       ໃນວັນທີ 4-9 ມັງກອນ 2019 ຜ່ານມາ, ກະຊວງປ້ອງກັນປະເທດ ໄດ້ຈັດງານວາງສະແດງສິນຄ້າ ແລະ ຜະລິດ ຕະພັນຂອງກອງທັບ ຂຶ້ນທີ່ເດີ່ນພະທາດຫລວງນະຄອນຫຼວງວຽງຈັນ ເນື່ອງໃນ

ໂອກາດວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ ໂດຍເປັນກຽດເຂົ້້າຮ່ວມຂອງ ທ່ານ ປອ ສິນລະວົງ ຄຸດໄພທູນ ກໍາມະການກົມການເມືອງສູນກາງພັກ ເຈົ້າຄອງນະຄອນຫຼວງວຽງຈັນ, ທ່ານ ສຈ ປອ ກິແກ້ວ ໄຂຄຳພິທູນ ເລຂາທິການສູນກາງພັກ ຫົວໜ້າຄະນະໂຄສະນາອົບຮົມສູນ ກາງພັກ, ທ່ານ ພົນໂທ ສຸວອນ ເລືອງບຸນມີ ຮອງລັດຖະມົນຕີກະຊວງປ້ອງກັນປະເທດ ຫົວໜ້າກົມໃຫຍ່ເສນາທິການກອງ ທັບ ພ້ອມດ້ວຍບັນດາຄະນະນຳກະຊວງ, ອົງການອ້ອມຂ້າງສູນກາງ ເຂົ້າຮ່ວມທັງໝົດ 43 ພາກສ່ວນ ແລະ ຫົວໜ່ວຍທຸລະກິດກົມກອງບໍລິຫານ 24 ຫົວ ໜ່ວຍ, ພາກສ່ວນຫົວໜ່ວຍທຸລະກິດກອງທັບ 15 ຫົວໜ່ວຍ ແລະ ພາກສ່ວນຕ່າງໆຈາກສະພາອຸດສາຫະກຳການຄ້າເຂົ້າຮ່ວມນໍາ.

       ໃນງານວາງສະແດງສິນຄ້າ ແລະ ຜະລິດຕະພັນຂອງກອງທັບຄັ້ງນີ້ ສິນຄ້າທີ່ນຳມາວາງສະແດງປະ ກອບມີ: ເຄື່ອງນຸ່ງຮົ່ມ, ຜະລິດຕະພັນກະສິກຳ, ເຟີນີເຈີ, ກະເປົາ, ເກີບ ແລະ ວາງສະແດງຜົນງານຕ່າງໆ. ພ້ອມນັ້ນ ທ່ານ ພົນຕີ ພູວົງ ວົງພົມ ກໍາມະການຄະນະພັກກະຊວງ ຮອງລັດຖະມົນຕີກະຊວງປ້ອງ ກັນປະເທດ ໄດ້ກ່າວວ່າ: ການຈັດງານວາງສະແດງສິນຄ້າ ແລະ ຜະລິດຕະພັນໃນຄັ້ງນີ້ແມ່ນ ເພື່ອເປັນການຈົດຈຳລໍ້າລຶກເຖິງຜົນງານແຫ່ງໄຊຊະນະຂອງ ກອງທັບປະຊາຊົນລາວ ແລະ ສະແດງເຖິງຄວາມດຸ ໝັ່ນພາກພຽນ, ການຄົ້ນຄິດປະດິດສ້າງ ຂອງການນໍາ ໃນແຕ່ລະຍຸກແຕ່ລະສະໄໝ ຕາມທິດເພິ່ງຕົນ ເອງກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງເທື່ອລະກ້າວ ທັງເປັນການໂຄສະ ນາເຜີຍແຜ່ ເອກອ້າງຜົນງານ ທີ່ຍາດມາໄດ້ໃນມູນເຊື້ອທາດແທ້ປະຕິວັດ ແລະ ວິລະກຳລໍ້າເລີດ ຂອງກອງທັບປະຊາ ຊົນລາວ ໃນໄລຍະຜ່ານມາໃຫ້ພະນັກງານ-ນັກຮົບ, ປະຊາຊົນລາວບັນດາເຜົ່າ ເຫັນໄດ້ເຖິງຜົນງານຕົວຈິງຂອງກອງທັບ ໃນໄລຍະໃໝ່; ພ້ອມດຽວກັນນັ້ນ ຍັງສະແດງໃຫ້ເຫັນເຖິງຄວາມເຕີບໃຫຍ່ເຂັ້ມແຂງ ຂອງກອງທັບໃນໄລຍະ 70 ປີຜ່ານມາ ທີ່ໄດ້ຮັບການພັດທະນາຂຶ້ນຢ່າງບໍ່ຢຸດບໍ່ຢັ້ງ ແລະ ກ້າວຂຶ້ນເປັນກອງ ທັບທີ່ເຂັ້ມແຂງ ມີແບບແຜນທີ່ທັນສະໄໝໃນອະນາຄົດ.