ຄຸນປະໂຫຍດຂອງໝາກຊູຕໍ່ຮ່າງກາຍຂອງຄົນເຮົາ...

ລາຍລະອຽດ

ສ້າງຂື້ນເມື່ອ ວັນອັງຄານ, 12 ກຸມພາ 2019 03:29

ຄຸນປະໂຫຍດຂອງໝາກຊູຕໍ່ຮ່າງກາຍຂອງຄົນເຮົາ.

ຄຸນປະໂຫຍດຂອງ ໝາກຊູ ມີຄື:

1. ໝາກຊູ ມີເສັ້ນໄຍອາຫານທີ່ຊ່ວຍໃຫ້ລະບົບຂັບຖ່າຍສະດວກ.
2. ໝາກຊູ ເປັນຜັກທີ່ມີລົດຫວານກອບໂດຍທຳມະຊາດເໝາະສົມກັບຄົນທຸກເພດໄວ.
3. ມີຟົສຟໍທີ່ຊ່ວຍໃນການຟື້ນຟູພາກສ່ວນເສື່ອມສະພາບພາຍໃນຮ່າງກາຍ.
4. ນຳ້ຕົ້ມໝາກຊູ ຫລື ນຳ້ແກງໝາກຊູ ຊ່ວຍຫລຸດຄວາມດັນເລືອດ ແລະ ກຳຈັດໜິ້ວໃນໝາກໄຂ່ຫລັງໄດ້.
5. ມີສັບພະຄຸນຊ່ວຍບຳລຸງຫົວໃຈ ແລະ ຫລອດເລືອດໃຫ້ແຂງແຮງ.
6. ມີວິຕາມິນເຊ ຊ່ວຍຫລຸດອາການເລືອດອອກຕາມເຟັນແຂ້ວໄດ້.
7. ມີໂຟເລດສູງ ເໝາະສົມສຳລັບແມ່ຍິງຖືພາ ສາມາດກິນເພື່ອບຳລຸງ ແລະ ຊ່ວຍເສີມສ້າງພັດທະນາການຂອງລູກຕັ້ງແຕ່ຍັງຢູ່ໃນທ້ອງແມ່.
8. ມີທາດການຊຽມຊ່ວຍບຳລຸງກະດູກ ແລະ ແຂ້ວໃຫ້ແຂງແຮງ.

      ວິທີໃນການປຸງແຕ່ງໝາກຊູບໍ່ວ່າຈະເປັນການ ຂົ້ວ, ແກງ, ຕົ້ມ ເພື່ອເປັນອາຫານໃຫ້ໄດ້ຄຸນຄ່າສູງສຸດແມ່ນການ ປອກເປືອກ ແລະ ລ້າງຢາງອອກໃຫ້ສະອາດ ເວລາປຸງແຕ່ງບໍ່ຄວນປ່ອຍໃຫ້ໝາກຊູສຸກເກີນໄປ ເພາະການ ຕົ້ມ ຫຼື ຂົ້ວດົນ ເທົ່າໃດກໍຍິ່ງຈະເຮັດໃຫ້ສູນເສຍລົດຊາດທີ່ຫວານແຊບ ແລະ ສູນເສຍຄຸນຄ່າທາງສານອາຫານໄປ.

• < ຕໍ່ໄປ
• ຕໍ່ໄປ >