ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 64 ປີ ຢ່າງສຸດໃຈ.                                                                                                                                                                           ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ.                                                                                                                                                                               ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ.                                                                                                                                                                       ຊົມເຊີຍວັນສ້າງຕັ້ງ ສປປ ລາວ ຄົບຮອບ 43 ປີ.  

ພິທີມອບ-ຮັບໜ້າທີ່ ເລຂາຄະນະພັກ...

ພິທີມອບ-ຮັບໜ້າທີ່ ເລຂາຄະນະພັກ, ຫົວໜ້າຫ້ອງວ່າການສູນກາງພັກ, ຫົວໜ້າຄະນະໂຄສະນາອົບຮົມສູນກາງພັກ ລະຫວ່າງຜູ້ເກົ່າ ແລະ ໃໝ່

    ໃນຕອນເຊົ້າວັນທີ 24 ຕຸລາ 2019 ຢູ່ທີ່ຫ້ອງວ່າການສູນກາງພັກໄດ້ຈັດພິທີມອບ-ຮັບໜ້າທີ່ເລຂາຄະນະພັກ, ຫົວໜ້າຫ້ອງວ່າການສູນກາງພັກ, ຫົວໜ້າ

ຄະນະໂຄສະນາອົບຮົມສູນກາງພັກລະຫວ່າງຜູ້ເກົ່າ ແລະ ຜູ້ໃໝ່ໂດຍໃຫ້ກຽດເຂົ້າຮ່ວມເປັນສັກຂີພະຍານຂອງສະຫາຍ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດແຫ່ງສປປ ລາວ ແລະ ມີບັນດາສະຫາຍການນຳອ້ອມຂ້າງສູນກາງ ແລະ ພະນັກງານຫຼັກແຫຼ່ງຈາກຫ້ອງວ່າການສູນກາງພັກ ແລະ ຄະນະໂຄສະນາອົບຮົມສູນກາງພັກເຂົ້າຮ່ວມຢ່າງພ້ອມພຽງ.

ໃນ​ພິທີ​ດັ່ງກ່າວ ທ່ານ ທອງຈັນ ໂຂງພູມຄຳ ຮອງຫົວໜ້າຄະນະຈັດຕັ້ງສູນກາງພັກ​ ຂື້ນຜ່ານຄຳສັ່ງ ແລະ ມະຕິຂອງກົມການເມືອງສູນກາງພັກ ວ່າດ້ວຍການຍົກຍ້າຍ ແລະ ແຕ່ງຕັ້ງການນຳຂັ້ນສູງໄປຮັບໜ້າທີ່ໃໝ່ຢູ່ຫ້ອງວ່າການສູນກາງພັກ, ຢູ່ຄະນະໂຄສະນາອົບຮົມສູນກາງພັກ ລະຫວ່າງຜູ້ເກົ່າ ແລະ ຜູ້ໃໝ່ເຊິ່ງມີລາຍຊື່ດັ່ງນີ້:

1. ສະຫາຍ ປອ ຄຳພັນ ພົມມະທັດ ກຳມະການກົມການເມືອງສູນກາງພັກ, ເລຂາທິການສູນກາງພັກ, ຫົວໜ້າຫ້ອງວ່າການສູນກາງພັກ(ຜູ້ເກົ່າ) ມອບ-ຮັບໜ້າທີ່ໃຫ້ແກ່ ສະຫາຍ ທອງສະລິດ ມັງໜໍ່ເມກ ກຳມະການສູນກາງພັກ, ຫົວໜ້າສະຖາບັນການເມືອງ-ການປົກຄອງແຫ່ງຊາດມາເປັນຫົວໜ້າຫ້ອງວ່າການສູນກາງພັກ(ຜູ້ໃໝ່)

2. ສະຫາຍ ສຈ.ປອ ກິແກ້ວ ໄຂຄຳພິທູນ ເລຂາທິການສູນກາງພັກ, ຫົວໜ້າຄະນະໂຄສະນາອົບຮົມສູນກາງພັກ(ຜູ້ເກົ່າ) ມອບ-ຮັບໜ້າທີ່ໃຫ້ແກ່ ສະຫາຍ ປອ ຄຳພັນ ພົມມະທັດ ກຳມະການກົມການເມືອງສູນກາງພັກ ເລຂາທິການສູນກາງພັກ, ຫົວໜ້າຫ້ອງວ່າການສູນກາງພັກມາເປັນຫົວໜ້າຄະນະໂຄສະນາອົບຮົມສູນກາງພັກ(ຜູ້ໃໝ່)

    ໃນພິທີ, ສະຫາຍ ບຸນຍັງ ວໍລະຈິດ ໄດ້ຮຽກຮ້ອງມາຍັງບັນດາສະຫາຍການນຳທຸກຂັ້ນຂອງຫ້ອງວ່າການສູນກາງພັກ ແລະ ຄະນະໂຄສະນາອົບຮົມສູນກາງພັກ ເຂົ້າໃຈວ່າການທີ່ກົມການເມືອງສູນກາງພັກ ຕົກລົງຍົກຍ້າຍ ແລະ ແຕ່ງຕັ້ງພະນັກງານການນຳຂັ້ນຍຸດທະສາດ ຫຼື ພະນັກງານການນຳຂັ້ນສູງຄືແນວນີ້ ແມ່ນຄວາມຈຳເປັນຂອງໜ້າທີ່ວຽກງານ, ຄວາມຕ້ອງການສຳລັບພັກແນ່ໃສ່ປັບປຸງການຈັດຕັ້ງ ແລະ ບຸກຄະລາກອນໃຫ້ສອດຄ່ອງກັບໜ້າທີ່ວຽກງານ ແລະ ສອດຄ່ອງກັບລະດັບຄວາມຮູ້ຄວາມສາມາດຂອງພະນັກງານແຕ່ລະຄົນ ບໍ່ວ່າພະນັກງານຂັ້ນໃດ, ຈະແມ່ນພະນັກງານການນຳຂັ້ນສູງ, ກາງ ແລະ ພະນັກງານລັດຖະກອນທົ່ວໄປໃນເມື່ອມີຄວາມຮຽກຮ້ອງຕ້ອງການແລ້ວກໍຕ້ອງໄດ້ປະຕິບັດຕາມການມອບໝາຍຂອງການຈັດຕັ້ງ.

    ສະນັ້ນ, ໃນເມື່ອມີການສັບປ່ຽນຜູ້ເປັນແກນນຳຫຼັກແຫຼ່ງຄືແນວນີ້ສະເໜີໃຫ້ ບັນດາສະຫາຍເອົາໃຈໃສ່ບາງບັນຫາຄື: ໃຫ້ບັນດາສະຫາຍສຶກສາອົບຮົມນຳພາແນວຄິດຂອງພະນັກງານສະມາຊິກພັກຢູ່ແຕ່ລະກົມ, ພະແນກການເພື່ອໃຫ້ທຸກຄົນເຂົ້າໃຈ ແລະ ຮັບຮູ້ຢ່າງທົ່ວເຖິງຕໍ່ການສັບປ່ຽນດັ່ງກ່າວ; ໃຫ້ພວກສະຫາຍສືບຕໍ່ປົກປັກຮັກສາມູນເຊື້ອອັນດີງາມໂດຍສະເພາະຄວາມສາມັກຄີພາຍໃນຄະນະພັກ-ຄະນະນຳ ຕ້ອງສາມັກຄີກັນຢ່າງແໝ້ນແຟ້ນ, ມີຄວາມເປັນເອກະພາບສູງ, ສືບຕໍ່ເປັນຫຼັກແຫຼ່ງ, ເປັນຄັນທຸງ ແລະ ເປັນແກນນຳໃນການເຕົ້າໂຮມຄວາມສາມັກຄີໃນຖັນແຖວພະນັກງານ ແລະ ສະມາຊິກພັກ; ເອົາໃຈໃສ່ຕ້ານ ແລະ ສະກັດກັ້ນທຸກກົນອຸບາຍເລ່ຫຼ່ຽມ ແລະ ຖ້ອຍທຳນອງໃສ່ຮ້າຍປ້າຍສີ, ປັ່ນປ່ວນ, ແບ່ງແຍກພາຍໃນພັກຂອງພວກສັດຕູ ແລະ ກຸ່ມຄົນບໍ່ດີທີ່ຫວັງມ້າງເພທຳລາຍ.

     ສະຫາຍ, ກ່າວຕື່ມວ່າ: ກົມການເມືອງ ແລະ ຄະນະເລຂາທິການສູນກາງພັກ ມີຄວາມເຊື່ອໝັ້ນວ່າ ບັນດາສະຫາຍຈະມີຄວາມສາມັກຄີກັນສືບຕໍ່ຊີ້ນຳ-ນຳພາພະນັກງານໃຫ້ກ້າວຂື້ນຢ່າງໜັກແໜ້ນ, ຍູ້ແຮງຂະບວນການຮອບດ້ານໃຫ້ມີການຫັນປ່ຽນຢ່າງແຂງແຮງເພື່ອສ້າງຜົນງານຂ່ຳນັບຮັບຕ້ອນກອງປະຊຸມໃຫຍ່ຄັ້ງທີ XI ຂອງພັກກໍຄືກອງປະຊຸມໃຫຍ່ອົງຄະນະພັກຂອງພວກສະຫາຍທີ່ຈະມາເຖິງໃນມໍ່ໆນີ້.

 

ກົດໝາຍແຫ່ງ ສປປ ລາວ

ຄໍາເຫັນຂອງ ທ່ານ ສຈ.ດຣ ກິແກ້ວ ໄຂຄຳພິທູນ ຫົວໜ້າ ຄອສພ ຕໍ່ເວັບໄຊສ

ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 64 ປີ

ປະທານ ໄກສອນ ພົມວິຫານ ຢືນຢົງໃນພາລະກິດປະຕິວັດຂອງພວກເຮົາຕະຫລອດໄປ

ຊົມເຊີມວັນສ້າງຕັ້ງ ສປປ ລາວ ຄົບຮອບ 43 ປີ ຢ່າງສຸດໃຈ.

ກອງປະຊຸມໃຫຍ່ຜູ້ແທນທົ່ວປະເທດ ຂອງ ພັກປະຊາຊົນ ປະຕິວັດລາວ

ເຊື່ອມຕໍ່ເວັບໄຊສ

ເລກໂທ ສຸກເສີນ

ແຈ້ງ​ໄຟ​ໄໝ້ : 1190

   ຕຳຫຼວດ : 1191

ລົດ​ໂຮງໝໍ : 1195

​     ໄຟຟ້າ : 1199

  ນ້ຳ​ປະປາ : 1169

ໜ່ວຍກູ້​ໄພ : 1624

ຈຳນວນຄົນອອນໄລ໌ທ

ມີ 153  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

1230383
ມື້ນີ້ມື້ນີ້29
ມື້ວານນີ້ມື້ວານນີ້110
ອາທິດນີ້ອາທິດນີ້214
ເດືອນນີ້ເດືອນນີ້2080
ທັງໝົດທັງໝົດ1230383