ຄະນະໂຄສະນາອົບຮົມສູນກາງພັກ ຮ່ວມກັບຄະ.

ລາຍລະອຽດ

ສ້າງຂື້ນເມື່ອ ວັນພະຫັດ, 13 ທັນວາ 2018 04:24

ຄະນະໂຄສະນາອົບຮົມສູນກາງພັກ ຮ່ວມກັບ ຄະນະໂຄສະນາອົບຮົມແຂວງ ອຸດົມໄຊ ຈັດຝຶກ​ອົ​ບ​ຮົມ​​ຄວາມ​ຮູ້​ພື້ນ​ຖານ​ດ້ານ​ທິດ​ສະ​ດີ, ແນວ​ທາງ ແລະ ວຽກ​ງານ​ໂຄ​ສະ​ນາ​ອົ​ບ​ຮົມ 7 ແຂວງ​ພາກ​ເໜືອ ປະ​ຈຳ​ປີ 2018.

     ໃນ​ວັນ​ທີ 12-17 ເດືອນ ພະຈິກ 2018 ຜ່ານມາ. ຄະ​ນະ​ໂຄ​ສະ​ນາ​ອົ​ບ​ຮົມ​ສູນ​ກາງ​ພັກ​ ໄດ້ສົມ​ທົບ​ກັບ​ຄະ​ນະ​ໂຄ​ສະ​ນາ​ອົບ​ຮົມ​ແຂວງ ​ອຸດົມໄຊຈັດ​​ຝຶກ​ອົ​ບ​ຮົມ​ຄວາມ​ຮູ້​ພື້ນ​ຖານ​ດ້ານ​ທິດ

​ສະ​ດີ,ແນວ​ທາງ ແລະ ວຽກ​ງານ​ໂຄ​ສະ​ນາ​ອົ​ບ​ຮົມ​ ຂຶ້ນທີ່ ​ສະ​ໂມ​ສອນ​​ແຂວງ​ອຸດົມໄຊ. ໂດຍ​ການ​ເປັນ​ປະ​ທານ​ຂອງ ທ່ານ ສີປະ ເສີດ ແສນສະຫວັດ ຄະນະພັກ ຮອງ​ຫົວ​ໜ້າ​ຄະ​ນະ​ໂຄ​ສະ​ນາ​ອົບ​ຮົມ​ສູນ​ກາງ​ພັກ ແລະ ທ່ານ ນາງ ຈັນສະໝອນ ທິບພະຫົງ ຄະນະປະຈໍາພັກແຂວງ ຫົວໜ້າຄະນະໂຄສະ ນາອົບຮົມແຂວງອຸດົມໄຊ, ເຂົ້າຮ່ວມມີ: ບັນດາ​ນັກ​ຝຶກ​ອົບ​ຮົມ ທີ່​ມາ​ຈາກ​ນະ​ຄອນຫຼວງວຽງ​ຈັນ ແລະ 7 ແຂວງ​ພາ​ກ​ເໜືອ ເຂົ້າຮ່ວມທັງ​ໝົດ 66 ສະ​ຫາຍ, ຍິງ 29 ສະ​ຫາຍ. 

        ຊຸດ​ຝຶກອົບຮົມໄດ້ນຳ​ໃຊ້​​ເອ​ກະ​ສານ​ປະ​ກອບ​ດ້ວຍ IV ພາກລວມ 14 ບົດ.​

       ຈຸດ​ປະ​ສົງ​ຂ​ອງ​ການ​ຝຶກ​ອົບ​ຮົມຄັ້ງນີ້ ແມ່ນເພື່ອ​ເປັນ​ການ​ຍົກ​ລະ​ດັບ​ຄວາມ​ຮູ້​-ຄວາມ​ເຂົ້າ​ໃຈກ່ຽວ​​ກັບທິດ​ສະ​ດີ​ມາກ-ເລ​ນິນ; ແນວ​ທາງ​ນະ​ໂຍ​ບາຍ​ຂອງ​ພັກ-ລັດ, ລະ​ບຽບ​ກົດ​ໝາຍ​ຂອ​ງ​ລັດ. ​ຍົກ​ລະ​ດັບ​ວຽກ​ງານ​ວິ​ຊາ​ສະ​ເພາະຂ​ອງ​ສະມາຊິກພັກ, ພະນັກງານ ໄດ້ໃນ​ລະ​ດັບ​ທີ່​ແນ່ນອນ ເພື່ອ​ເຮັດ​ໃຫ້​ວຽກ​ງານ​ໂຄ​ສະ​ນາ​ອົ​ບ​ຮົມ​ມີ​ການ​ຫັນ​ປ່ຽນ​ຢ່າງ​ຕັ້ງ​ໜ້າ ພ້ອມ​ທັງ​ເປັນ​ການ​ສ້າງ​ບາດ​ກ້າວ​ບຸກ​ທະ​ລຸ​ໃນ​ຂົງ​ເຂດວ​ຽກ​ງານ​ໂຄ​ສະ​ນາ​ອົບ​ຮົມ​ເປັນ​ຕົ້ນ​ແມ່ນ​ການ​ປະ​ຕິ​ບັດ​ໜ້າ​ທີ່​ການເມືອງຂອງ​ພະ​ນັກ​ງານ​ໂຄ​ສະ​ນາ​ອົບ​ຮົມ ໃນ​ການ​ຈັດ​ຕັ້ງປະຕິບັດ ແລະ ການ​ຜັນ​ຂະ​ຫຍາຍ​ແນວ​ທາງນ​ະ​ໂຍ​ບາຍ​ຂອງ​ພັກ-ລັດ ກໍ​ຄື​ການ​ເຄື່ອນ​ໄຫວ​ວຽກ​ງານ​ໂຄ​ສະ​ນາ​ອົບ​ຮົມ​ມີ​ປະ​ສິດ​ທິ​ຜົນ​ສູງ​ຂຶ້ນກວ່າ​ເກົ່າ.

• ຕໍ່ໄປ >