ພະແນກໂຄສະນາຜ່ານສື່ ລົງເຄື່ອນໄຫວເກັບກໍາຂໍ້ມູນຢູ່ ແຂວງຫຼວງພະບາງ

ລາຍລະອຽດ

ສ້າງຂື້ນເມື່ອ ວັນພຸດ, 28 ພະຈິກ 2018 01:58

ຂຽນໂດຍ ກົມໂຄສະນາ

ປະຕິບັດຕາມພາລະບົດບາດໜ້າທີ່ ໃນການໂຄສະນາເຜີຍແຜ່ ແລະ ຜັນຂະຫຍາຍແນວທາງນະໂຍບາຍຂອງພັກ ໃນວັນທີ 28-02 ພະຈິກ 2018   ພະແນກໂຄສະນາຜ່ານສື ກົມໂຄສະນາ ຄະນະໂຄສະນາອົບຮົມສູນກາງພັກ  ລົງເຄື່ອນໄຫວເກັບກໍາຂໍ້ມູນວຽກດີຄົນເດັ່ນ ຢູ່ແຂວງຫຼວງພະບາງ ຈຸດປະສົງໃນຄັ້ງນີ້..

ເພື່ອລົງເກັບກໍາຂໍ້ມູນກ່ຽວກັບບັນດາຄອບຄົວຕົວແບບດ້ານຕ່າງໆ ທີ່ຕິດພັນກັບການຜະລິດເປັນສິນຄ້າ ແກ້ໄຂຄວາມທຸກຍາກຂອງປະຊາຊົນທີ່ເປັນປັດໃຈໃໝ່, ບຸກຄົນແບບຢ່າງໃນການພັດທະນາເສດຖະກິດຄອບຄົວ ແລະ ບັນດາການເຄື່ອນໄຫວວຽກງານຂະແໜງການຂອງເມືອງ, ຂອງແຂວງ  ກົມໂຄສະນາ ຈະໄດ້ນໍາເອົາຂໍ້ມູນຕົວແບບດັ່ງກ່າວ ສະໜອງໃຫ້ແກ່ໜັງສືພິມ ແລະ ວິທະຍຸ, ເພື່ອເປັນການໂຄສະນາ ເຜີຍແຜ່ຂໍ້ມູນຂ່າວສານດັ່ງກ່າວໃຫ້ສັງຄົມ ໄດ້ຮັບຮູ້ຢ່າງເລິກກວ້າງຂວາງ.

          ການລົງເກັບກໍາຂໍ້ມູນໃນຄັ້ງນີ້ ໄດ້ປະສານສົມທົບກັບ ຄະນະໂຄສະນາອົບຮົມແຂວງ ແລະ ຫ້ອງການໂຄສະນາອົບຮົມເມືອງ 3 ເມືອງຄື: ເມືອງປາກອູ, ເມືອງຈອມເພັດ ແລະ ນະຄອນຫຼວງພະບາງ ລົງເຄື່ອນໄຫວເກັບກໍາຂໍ້ມູນຄອບຄົວຕົວແບບໄດ້ທັງໝົດ 8 ບ້ານ, ມີ 11 ຕົວແບບ ໃນການສ້າງເສດຖະກິດຄອບຄົວດ້ວຍການເຮັດກະສິກໍາປູກຝັງ-ລ້ຽງສັດ, ຫັດຖະກໍາ, ປັ້ນໝໍ້ຫຼໍໄຫ , ການບໍລິການ ແລະ ການເຮັດທຸລະກິດ ຂາຍເປັນສິນຄ້າ ເພື່ອນໍາມາໂຄສະນາປຸກລະດົມ ພະນັກງານສະມາຊິກພັກ ແລະ ປະຊາຊົນ ໄດ້ຮັບຮູ້ ແລະ ມີການຫັນປ່ຽນ ການທໍາມາຫາກິນແບບຄອງເດີິມ ຫັນມາຜະລິດເປັນສິນຄ້າ ນັບມື້ນັບເພີ່ມຂຶ້ນເລື້ອຍໆ ແລະ ທັງບົດຮຽນແບບຢ່າງໃຫ້ແກ່ຜູ້ອື່ນອີກ.

• < ຕໍ່ໄປ
• ຕໍ່ໄປ >