ກົມໂຄສະນາ ຄະນະໂຄສະນາອົບຮົມສູນກາງພັກ ສົມທົບກັບ ກະຊວງໂຍທາທິການ ແລະ ຂົນສົ່ງ

ລາຍລະອຽດ

ສ້າງຂື້ນເມື່ອ ວັນພຸດ, 28 ພະຈິກ 2018 01:57

ຂຽນໂດຍ ກົມໂຄສະນາ

ກົມໂຄສະນາ ຄະນະໂຄສະນາອົບຮົມສູນກາງພັກ ສົມທົບກັບ

ກະຊວງໂຍທາທິການ ແລະ ຂົນສົ່ງ ເປີດຊຸດຝຶກອົບຮົມວຽກງານໂຄສະນາ-ປາຖະກະຖາ

ກົມໂຄສະນາ ຄະນະໂຄສະນາອົບຮົມສູນກາງພັກ ໄດ້ສົບທົບກັບກະຊວງ ໂຍທາທິການ ແລະ ຂົນສົ່ງ ໄດ້ເປີດຊຸດຝຶກອົບຮົມວຽກງານໂຄສະນາ-ປາຖະກະຖາ ໃຫ້ແກ່ສະມາຊິກພັກ, ພະນັກງານ-ລັດຖະກອນ ອ້ອມຂ້າງກະຊວງໂຍທາທິການ ແລະ ຂົນສົ່ງ; ຢູ່ທີ່ສະຖາບັນຝຶກອົບຮົມໂຍທາທິການ ແລະ ຂົນສົ່ງ ໂດຍໃຫ້ກຽດເປັນປະທານກ່າວເປີດຂອ

ງທ່ານ ສີລິພອນ ອິນທິລາດ ຫົວໜ້າສະຖາບັນຝຶກອົບຮົມໂຍທາທິການ ແລະ ຂົນສົ່ງ, ເຂົ້າຮ່ວມມີ ທ່ານນາງ ພວງມາລີ ອັກຄະມົນຕີ ຮອງຫົວໜ້າກົມໂຄສະນາ ຄະນະໂຄສະນາອົບຮົມສູນກາງພັກ ພ້ອມດ້ວຍຄະນະຮັບຜິດຊອບຊຸດຝຶກອົບຮົມ ທີ່ມາຈາກ ກົມໂຄສະນາ ຄະນະໂຄສະນາອົບຮົມສູນກາງພັກ ແລະ ສະຖາບັນຝຶກອົບຮົມໂຍທາທິການ ແລະ ຂົນສົ່ງ, ຊຸດຝຶກອົບຮົມຈະໄດ້ດໍາເນີນໄປເປັນເວລາ ເປັນໄລຍະ 10 ວັນ ແຕ່ວັນທີ່ 08-19 ຕຸລາ 2018.

ຊຸດຝຶກອົບຮົມໃນຄັ້ງນີ້ມີສໍາມະນາກອນ ເຂົ້າຮ່ວມທັງໝົດ 30 ສະຫາຍ, ຍິງ 12 ​ສະຫາຍ ທີ່ມາຈາກຫຼາຍຂະແໜງການຂອງກະຊວງ, ການຝຶກອົບຮົມວຽກງານດັ່ງກ່າວແມ່ນ ໄດ້ຈັດຂຶ້ນທຸກໆປີ ປັດຈຸບັນແມ່ນໄດ້ດຳເນີນມາເປັນຊຸດທີ VII ແລ້ວ. ເອກະສານທີ່ນໍາມາຝຶກອົບຮົມປະກອບມີ 5 ບົດຄື: ບົດທີ 1: ບັນຫາພື້ນຖານຂອງວຽກງານໂຄສະນາ, ບົດທີ 2: ຝຶກຝົນຄວາມສາມາດໃນການຂີດຂຽນເອກະສານ, ບົດທີ 3: ສິລະປະໃນການປາກເວົ້າ, ບົດທີ 4: ໂຄສະນາຜ່ານສື ແລະ ບົດທີ 5: ບັນດານິຕິກໍາ ແລະ ບາງບົດຮຽນໃນການເຄື່ອນໄຫວຽກງານໂຄສະນາ, ຈຸດປະສົງຂອງການຝຶກອົບຮົມ ແມ່ນເພື່ອຍົກລະດັບຄວາມຮູ້ ເພີ່ມຄວາມສາມາດ, ສ້າງຈິດສໍານຶກ ແລະ ວິທີການ, ການຂຶ້ນປາຖະກະຖາຕົວຈິງ, ສ້າງທັກສະໃນການປາກເວົ້າ ແລະ ການຂຽນເອກະສານ ໃຫ້ແກ່ພະນັກງານ-ລັດຖະກອນ ເພື່ອຍົກລະດັບຄວາມຮູ້ຄວາມສາມາດໃນການປະຕິບັດໜ້າທີ່ວຽກງານການເມືອງຂອງຕົນ ແລະ ແນໃສ່ສ້າງບຸກຄະລາກອນຫຼັກແຫຼ່ງໃຫ້ກາຍເປັນນັກໂຄສະນາ-ປາຖະກະຖາ ທີ່ດີເດັ່ນພາຍໃນກະຊວງຂອງຕົນໃນອານາຄົດ.

ໂອກາດນີ້, ທ່ານສີລິພອນ ອິນທິລາດ ກ່າວວ່າ: ການເປີດຊຸດຝຶກອົບຮົມໃນຄັ້ງນີ້ ແມ່ນມີຄວາມສໍາຄັນຫຼາຍ ສໍາລັບພະນັກງານ-ລັດຖະກອນພາຍໃນກະຊວງ ຈະໄດ້ແລກປ່ຽນບົດຮຽນຮ່ວມກັນ ແລະ ຮຽກຮ້ອງໃຫ້ສໍາມະນາກອນ ເອົາໃຈໃສ່ຄົ້ນຄວ້າຮໍ່າຮຽນ, ເກັບກໍາເອົາບົດຮຽນ ແລະ ປະສົບການນໍາໄປຈັດຕັ້ງປະຕິບັດໃນໜ້າທີ່ວຽກງານຂອງທຸກໆຂະແໜງການຕົນໃຫ້ໄດ້ຮັບຜົນດີ ແລະ ມີປະສິດຕິຜົນສູງ.

• ຕໍ່ໄປ >