ທ່ານ ປອ. ຄໍາໝັ້ນ ຈັນທະລັງສີ ຄະນະພັກ ຮອງ..

ລາຍລະອຽດ

ສ້າງຂື້ນເມື່ອ ວັນພະຫັດ, 13 ທັນວາ 2018 04:01

ທ່ານ ປອ. ຄໍາໝັ້ນ ຈັນທະລັງສີ ຄະນະພັກ ຮອງຫົວໜ້າຄະນະໂຄສະນາອົບຮົມສູນກາງພັກ ຕ້ອນຮັບການເຂົ້າຢ້ຽມຂໍ່ານັບຂອງ ຄະນະຜູ້ແທນຄະນະໂຄສະນາສືກສາ ແຂວງຮ່າຕີ້ງ ສ.ສ. ຫວຽດນາມ.

          ໃນວັນທີ 6 ທັນວາ 2018 ຜ່ານມາ. ທີ່ ຫ້ອງຮັບແຂກ (ຊັ້ນ5) ທ່ານ ປອ. ຄໍາໝັ້ນ ຈັນທະລັງສີ ຄະນະພັກ ຮອງຫົວໜ້າຄະນະໂຄສະນາອົບຮົມສູນກາງພັກ ໄດ້ຕ້ອນຮັບການເຂົ້າຢ້ຽມ

ຂໍ່ານັບຂອງ ສະ ຫາຍ ຮວ່າງຈຸງຢຸ້ງ ຄະນະປະຈໍາພັກແຂວງ,ຫົວໜ້າຄະນະໂຄສະນາສືກສາ ແຂວງຮ່າຕີ້ງສ.ສ. ຫວຽດ ນາມ ພ້ອມດ້ວຍຄະນະ ເນື່ອງໃນໂອກາດມາຢ້ຽມຍາມ ແລະ ເຮັດວຽກນໍາຄະນະໂຄສະນາອົບຮົມ ແຂວງບໍລິຄໍາໄຊ ເຂົ້າຮ່ວມມີ: ບັນດາຫົວໜ້າກົມ, ຮອງກົມ ພາຍໃນ ຄະນະໂຄສະນາອົບຮົມສູນກາງພັກ.

      ໃນໂອກາດດັ່ງກ່າວ ທ່ານ ປອ. ຄໍາໝັ້ນ ຈັນທະລັງສີ ໄດ້ສະແດງຄວາມຍິນດີຕ້ອນຮັບຢ່າງອົບອຸ່ນ ຕໍ່ການມາຢ້ຽມຢາມ ແລະ ເຮັດວຽກນໍາຄະນະໂຄສະນາອົບຮົມ ແຂວງບໍລິຄໍາໄຊ, ໂດຍສະເພາະການພົບ ປະກັບຄະນະໂຄສະນາອົບຮົມສູນກາງພັກ ຄັ້ງນີ້; ຊຶ່ງສະແດງໃຫ້ເຫັນເຖິງການພົວພັນຮ່ວມມືຮອບດ້ານ ແລະ ຄວາມສາມາຄີພິເສດລະຫວ່າງ 2 ພັກ 2 ລັດ ແລະ  ປະຊາຊົນ 2 ຊາດ ທີ່ມີມາແຕ່ດົນນານ ແລະ ທັງເປັນການຮັດແໜ້ນຄວາມສາມັກຄີ, ການຊ່ວຍ ເຫຼືອເຊິ່ງກັນ ແລະ ກັນ, ມີຜົນປະໂຫຍດສູງ ສຸດຕໍ່ປະເທດຊາດ, ຕໍ່ປະຊາຊົນ 2 ຊາດ ໃນໄລຍະກ່ອນການປົດປ່ອຍ ແລະ ຫຼັງປົດປ່ອຍ; ສໍາລັບ 2 ຄະ ນະໂຄສະນາສູນກາງພັກ ຂອງພວກເຮົາກໍໄດ້ມີການພົວພັນກັນຢ່າງຕໍ່ເນື່ອງ ສະແດງອອກໃຫ້ເຫັນໃນການພົບປະແລກປ່ຽນບົດຮຽນ, ໄປມາຫາສູ່ກັນ ແລະ ການພົວພັນຮ່ວມມືຮອດປີ 2021 ມີຢູ່ຫຼາຍເນື້ອໃນລວມທັງແລກປ່ຽນຂໍ້ມູນຂ່າວສານ, ເອກະສານສໍາຄັນຕ່າງໆ, ຝືກອົບຮົມວິຊາສະເພາະ ແລະ ຊຸກຍູ້ວັດຖຸອຸປະ ກອນທີ່ຈໍາເປັນເຊິ່ງກັນ ແລະ ກັນຕະຫຼອດມາ.  ພ້ອມນັ້ນ ທ່ານຍັງໄດ້ເນັ້ນໜັກວ່າ ຄະນະໂຄສະນາອົບຮົມສູນກາງພັກ ຈະສ້າງທຸກເງື່ອນໄຂອໍານວຍຄວາມສະດວກໃຫ້ບັນດາໂຄສະນາຂັ້ນທ້ອງ ຖິ່ນ ໃນແລກປ່ຽນບົດຮຽນກັນຢ່າງເປັນປົກກະ ຕິ, ຄະນະໂຄສະນາອົບຮົມແຂວງ ຕ້ອງເປັນເຈົ້າ ການຈັດຕັ້ງປະຕິບັດຕາມແນວທາງຂອງພັກ-ລັດ ໃນການພົວພັນຮ່ວມມືໃຫ້ມີບາດກ້າວໃໝ່ຢ່າງບໍ່ຢຸດຢັ້ງ, ນອກນັ້ນ ທ່ານຍັງໄດ້ກ່າວຄໍາອວຍພອນຕໍ່ການມາຢ້ຽມຢາມ ແລະ ເຮັດວຽກ ຢູ່ ສປປ ລາວ ຂອງ ສະ ຫາຍ ຮວ່າງຈຸງ ຢຸ້ງ ພ້ອມດ້ວຍຄະນະ ຈົ່ງປະສົບຜົນສໍາເລັດຢ່າງຈົບງາມ.

• < ຕໍ່ໄປ
• ຕໍ່ໄປ >