• ພິທີພົບປະສອງຝ່າຍ ລະຫວ່າງຄະນະໂຄສະນາ
  • ພິທີມອບ-ຮັບໜ້າທີ່ ເລຂາຄະນະພັກ...
  • ຄະນະໂຄສະນາອົບຮົມສູນກາງພັກໄດ້ຈັດພິ
  • ຫົວໜ້າຄະນະໂຄສະນາອົບຮົມສູນກາງພັກ ຕ້
ພິທີພົບປະສອງຝ່າຍ ລະຫວ່າງຄະນະໂຄສະນາອົບ...

ພິທີພົບປະສອງຝ່າຍ ລະຫວ່າງຄະນະໂຄສະນາອົບ...

ພິທີພົບປະສອງຝ່າຍ ລະຫວ່າງຄະນະໂຄສະນາອົບຮົມສູນກາງພັກປະຊາຊົນປະຕິວັດລາວ ກັບ ຄະນະໂຄສະນາສຶກສາສູນກ...
ພິທີມອບ-ຮັບໜ້າທີ່ ເລຂາຄະນະພັກ...

ພິທີມອບ-ຮັບໜ້າທີ່ ເລຂາຄະນະພັກ...

  ພິທີມອບ-ຮັບໜ້າທີ່ ເລຂາຄະນະພັກ, ຫົວໜ້າຫ້ອງວ່າການສູນກາງພັກ, ຫົວໜ້າຄະນະໂຄສະນາອົບ...
ຄະນະໂຄສະນາອົບຮົມສູນກາງພັກໄດ້ຈັດພິທີເຊື່ອມ...

ຄະນະໂຄສະນາອົບຮົມສູນກາງພັກໄດ້ຈັດພິທີເຊື່ອມ...

ຄະນະໂຄສະນາອົບຮົມສູນກາງພັກໄດ້ຈັດພິທີເຊື່ອມຊືມມະຕິກອງປະຊຸມຄົບຄະນະຂອງຄະນະບໍລິຫານງານສູນກາງພັກຄ...
ຫົວໜ້າຄະນະໂຄສະນາອົບຮົມສູນກາງພັກ ຕ້ອນຮັບ...

ຫົວໜ້າຄະນະໂຄສະນາອົບຮົມສູນກາງພັກ ຕ້ອນຮັບ...

ຫົວໜ້າຄະນະໂຄສະນາອົບຮົມສູນກາງພັກ ຕ້ອນຮັບທ່ານທູດສະຫະພັນຣັດເຊຍເຂົ້າຢ້ຽມຄຳນັບອຳລາໜ້າທີ່ການທູດຢ...
Previous
Next

ກອງປະຊຸມໃຫຍ່ຜູ້ແທນທົ່ວປະເທດຄັ້ງ I

ກອງປະຊຸມໃຫຍ່ຜູ້ແທນທົ່ວປະເທດຄັ້ງ I ຂອງພັກ ( 22/3-6/4/1955 )

   ໃນສະພາບແວດລ້ອມດັ່ງກ່າວນັ້ນ ຕໍ່ໜ້າຄວາມຮຽກຮ້ອງຕ້ອງການໃໝ່ຕໍ່ການປະຕິວັດ ແລະ ໂດຍປະຕິບັດຕາມມະຕິກອງປະຊຸມໃຫຍ່ ຄັ້ງທີ II ຂອງພັກກອມມູນິດອິນດູຈີນ ເຫັນດີໄດ້ເປີດກອງປະຊຸມໃຫຍ່ຜູ້ແທນທົ່ວປະເທດຂອງຕົນຂຶ້ນ.

   ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ I ຂອງພັກ ໄດ້ດໍາເນີນແຕ່ວັນທີ 22 ມີນາ ເຖີງວັນທີ 6 ເມສາ ປີ 1955 ຢູ່ທີ່ແຂວງ ຫົວພັນ. ເຂົ້າຮ່ວມກອງປະຊຸມຄັ້ງປະຫວັດສາດນີ້ ມີຜູ້ແທນສົມບູນ 20ສະຫາຍ ຕາງໜ້າໃຫ້ສະມາຊິກພັກເກືອບ 400 ສະຫາຍ ໃນທົ່ວປະເທດ. ກອງປະຊຸມໃຫຍ່ໄດ້ຜ່ານ ບົດລາຍງານການສ້າງຕັ້ງພັກ, ເຊິ່ງເປັນເອກະສັນໃສ່ຊື່ພັກວ່າ: “ພັກປະຊາຊົນລາວ ”; ຜ່ານບັນດານະໂຍບາຍພຶ້ນຖານ, ໂຄງການດໍາເນີນງານສະເພາະໜ້າ ແລະ ກົດລະບຽບຂອງພັກ ຊຶ່ງສະເໜີໂດຍ ສະຫາຍ ໄກສອນ ພົມວິຫານ.

   ບົດລາຍງານການສ້າງຕັ້ງພັກໄດ້ຊີ້ແຈງວ່າ: ພັກປະຊາຊົນລາວເປັນພັກທີ່ກໍາເນີດຂຶ້ນໃນປະເທດກະສິກໍາຫຼ້າຫຼັງ, ປະຊາຊົນສ່ວນຫຼວງຫຼາຍເປັນຊາວໄຮ່ນາ, ແຕ່ກໍເປັນພັກທີ່ເດີນຕາມລັດທິມາກ-ເລນິນ ເປັນພັກສືບທອດພາລະກິດຂອງພັກກອມມູນິດອິນດູຈີນ, ເປັນພັກທີ່ມີຕົວແທນແທ້ຈິງ ຂອງຊົນຊັ້ນກໍາມະກອນ ແລະ ປະຊາຊົນຜູ້ອກແຮງງານ; ເດັດດ່ຽວປົກປັກຮັກສາສິດ ແລະ ຜົນປະໂຫຍດອັນຊອບທໍາຂອງ ປະຊາຊົນລາວບັນດາເຜົ່າ ແລະ ຊັ້ນຄົນຕ່າງໆ ໃນທົ່ວປະເທດ. ພັກຖືເອົາການຮັບໃຊ້ປະເທດຊາດ ຮັບໃຊ້ປະຊາຊົນເປັນທິດນໍາໃນການເຄື່ອນໄຫວຂອງຕົນ.

   ກອງປະຊຸມໃຫຍ່ໄດ້ຮັບຮອງເອົາກົດລະບຽບສະບັບທໍາອິດຂອງພັກ ຊຶ່ງປະກອບດ້ວຍ 6 ໝວດ, 9 ມາດຕາ. ເນື້ອໃນຂອງກົດລະບຽບ ໄດ້ສະແດງໃຫ້ເຫັນວັດຖຸປະສົງ ແລະ ເຈດຈໍານົງຂອງພັກປະຊາ ຊົນລາວ: ພັກຂອງປະຊາຊົນລາວແມ່ນ ພັກຂອງຊົນຊັ້ນກໍາມະກອນ ແລະ ຊາວຜູ້ອອກແຮງງານບັນດາເຜົ່າ, ສາມັກຄີປວງຊົນທັງຊາດ, ເຮັດສໍາເລັດພາລະກິດປົດປ່ອຍຊາດ, ເຮັດໃຫ້ລາວມີສັນຕິພາບ, ເອກະລາດ, ປະຊາທິປະໄຕ ແລະ ເອກະພາບ; ພັກຖືເອົາລັດທິມາກ-ເລນິນ ບວກກັບພຶດຕິກໍາຂອງການປະຕິວັດລາວເປັນ ພຶ້ນຖານແນວຄິດ ແລະ ເຂັມຊີ້ທິດໃຫ້ທຸກການເຄື່ອນໄຫວຂອງຕົນ; ພັກຈັດຕັ້ງຕາມຫຼັກການລວມສູນ ປະຊາທິປະໄຕ; ພັກຍາມໃດກໍເພີ່ມທະວີເປັນເອກະພາບທາງດ້ານເຈດຈໍານົງກັບການເຄື່ອນໄຫວ, ຖືເອົາການຕໍານິຂອງຕົນເອງ ແລະ ຕໍານິໝູ່ຄູ່ເປັນກົດເກນຂະຫຍາຍຕົວຂອງພັກ; ພັກຍາມໃດກໍມີການພົວພັນສະໜິດແໜ້ນກັບມະຫາຊົນ, ຖືເອົາວຽກງານຮັບໃຊ້ຊາດ ຮັບໃຊ້ປະຊາຊົນເປັນທິດນໍາໃນການເຄື່ອນໄຫວຂອງຕົນ.

   ກອງປະຊຸມໃຫຍ່ໄດ້ເລືອກຕັ້ງເອົາຄະນະຊີ້ນໍາສູນກາງພັກລວມມີ 5 ສະຫາຍດັ່ງນີ້: ສະຫາຍ ໄກສອນ ພົມວິຫາານ; ສະຫາຍ ໜູຮັກ ພູມສະຫວັນ; ສະຫາຍ ບຸນ ພົມມະຫາໄຊ; ສະຫາຍ ສີສະຫວາດ ແກ້ວບຸນພັນ ແລະ ສະຫາຍ ຄໍາແສງ. ສະຫາຍ ໄກສອນ ພົມວິຫານ ໄດ້ຮັບເລືອກຕັ້ງເປັນເລຂາທິການຄະນະຊີ້ນໍາສູນກາງ ທັງເປັນເລຂາຄະນະພັກການທະຫານສູນກາງ ແລະ ຜູ້ບັນຊາການທະຫານສູງສຸດຂອງບັນດາກໍາລັງປະກອບອາວຸດປະຕິວັດລາວ.

   ກອງປະຊຸມໃຫຍ່ໄດ້ມອບສິດໃຫ້ຄະນະຊີ້ນໍາສູນກາງ ເມື່ອມີຄວາມຈໍາເປັນໃຫ້ຄັດເລືອກເອົາກໍາມະການເພີ່ມເຕີມເຂົ້າໃນຄະນະຊີ້ນໍາໄດ້. ກອງປະຊຸມໃຫຍ່ສ້າງຕັ້ງພັກເປັນເຫດການການເມືອງອັນຍິ່ງໃຫຍ່ໃນປະຫວັດສາດຂອງຊາດລາວ, ມັນບົ່ງບອກວ່າ ແຕ່ນີ້ຕໍ່ໄປແມ່ນພັກປະຕິວັດລາວຂອງລາວເອງເປັນຜູ້ຮັບເອົາພາລະກໍາປະຫວັດສາດອັນສັກກາລະບູຊານໍາພາການປະຕິວັດລາວ.

   ການກໍາເນີດຂອງພັກປະຊາຊົນລາວ ເປັນການສົມທົບລະຫວ່າງຂະບວນການຕໍ່ສູ້ຮັກຊາດຂອງປະຊາຊົນລາວບັນດາເຜົ່າ ກັບຂະບວນການຕໍ່ສູ້ຂອງກໍາມະກອນ ແລະ ລັດທິມາກ-ເລນິນ ທີ່ສະຫາຍ ໂຮ່ຈິມິນ ນໍາເຂົ້າມາເຜີຍແຜ່ໃນອິນດູຈີນ, ຮັບເອົາພາລະກໍາປະຫວັດສາດອັນແສນຫຍຸ້ງຍາກ ແຕ່ສະຫງ່າລາສີແຫ່ງການນໍາພາການຕໍ່ສູ້ ຂອງປະຊາຊົນລາວ. ເປັນຂີດໝາຍແຫ່ງການຂະຫຍາຍຕົວໃໝ່ ແລະ ເປັນບາດລຽ້ວທີ່ສໍໍາຄັນຍິ່ງໃນປະຫວັດສາດຂອງການປະຕິວັດລາວ.

-      ອີງຕາມການມອບສິດຈາກກອງປະຊຸມໃຫຍ່ສ້າງຕັ້ງພັກ, ສະນັ້ນ ແຕ່ປີ 1955-1963 ຄະນະຊີ້ນໍາສູນກາງພັກໄດ້ຄັດເລືອກກໍາມະການສູນກາງເຂົ້າຕື່ມດັ່ງນີ້:

-      ວັນທີ 14/5/1955 ມີ ສະຫາຍ ສຸພານຸວົງ, ສະຫາຍ ພູມີ ວົງວິຈິດ, ສະຫາຍ ພູນ ສີປະເສີດ.

-      ປີ 1956 ມີ ສະຫາຍ ຄໍາສຸກ ໄຊຍະແສງ, ສະຫາຍ ທິດມ່ວນ ສາວຈັນທະລາ, ສະຫາຍ ສີສົມພອນ ລໍວັນໄຊ, ສະຫາຍ ຄໍາໄຕ ສີພັນດອນ, ສະຫາຍ ຊົມຊື່ນ.

-      ປີ 1961 ມີ ສະຫາຍ ສະໜັ່ນ ສຸດທິຈັກ.

-      ປີ 1963 ມີ ສະຫາຍ ສາລີ ວົງຄໍາຊາວ

.....

 

ກົດໝາຍແຫ່ງ ສປປ ລາວ

ຄໍາເຫັນຂອງ ທ່ານ ສຈ.ດຣ ກິແກ້ວ ໄຂຄຳພິທູນ ຫົວໜ້າ ຄອສພ ຕໍ່ເວັບໄຊສ

ເຊື່ອມຕໍ່ເວັບໄຊສ

ສົນທະນາແລກປ່ຽນຄຳເຫັນ

ແລກປ່ຽນຄຳຄິດເຫັນ

ເລກໂທ ສຸກເສີນ

ແຈ້ງ​ໄຟ​ໄໝ້ : 1190

   ຕຳຫຼວດ : 1191

ລົດ​ໂຮງໝໍ : 1195

​     ໄຟຟ້າ : 1199

  ນ້ຳ​ປະປາ : 1169

ໜ່ວຍກູ້​ໄພ : 1624

ຈຳນວນຄົນອອນໄລ໌ທ

ມີ 69  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

1232766
ມື້ນີ້ມື້ນີ້15
ມື້ວານນີ້ມື້ວານນີ້105
ອາທິດນີ້ອາທິດນີ້297
ເດືອນນີ້ເດືອນນີ້1207
ທັງໝົດທັງໝົດ1232766