ຜັກ-ໝາກໄມ້ 7ສີ ດີຕໍ່ສຸຂະພາບ...

ລາຍລະອຽດ

ສ້າງຂື້ນເມື່ອ ວັນສຸກ, 26 ຕຸລາ 2018 02:34

ຜັກ-ໝາກໄມ້ 7ສີ ດີຕໍ່ສຸຂະພາບ

ຜັກ ​ແລະ ຫມາກ​ໄມ້: ເປັນ​ອາຫານ​ສຸຂະພາບທີ່​ມີຄຸນ​ປະ​ໂຫຍດສູງຕໍ່​ຮ່າງກາຍ ​ເພາະ​ນອກຈາກ​ວິຕາມິນ​ຕ່າງໆ​

ແລ້ວ ຮ່າງກາຍຍັງ​ຕ້ອງການ​ແຮ່​ທາດ​ຕ່າງໆ ເພື່ອບໍາລຸງທຸກສ່ວນພາຍໃນຮ່າງກາຍຂອງຄົນເຮົາ ຄຽງ​ຄູ່​ກັນ​ນັ້ນກໍ​ໄດ້ສ້າງ​ພູມ​ຕ້ານ ທານ​ໃຫ້​ກັບ​ຮ່າງກາຍ ​ແລະ ຍັງ​ມີ​ກາກ​ໃຍ​ອາຫານ ​ເພື່ອ​ຊ່ວຍ​ລະບົບ​ການ​ຍ່ອຍ​ ​ແລະ ຂັບ​ຖ່າຍ​ໄດ້​ດີ​ອີກ​ດ້ວຍ. ນອກນັ້ນ ຢູ່​ໃນ​ຜັກ ​ແລະ ຫມາກ​ໄມ້​ແຕ່​ລະ​ຊະນິດ​ ຍັງມີ​ວິຕາມິນ ​ແລະ ​ແຮ່​ທາດ​ທີ່​ແຕກ​ຕ່າງ​ກັນ​ໄປ ​ໂດຍ​ສາມາດ​ແບ່ງ​ແຍກ​ສີສັນອອກເປັນ ​7 ສີ ​​ດັ່ງ​ນີ້:
ສີ​ແດງ: ຜັກ ​ແລະ ຫມາກ​ໄມ້ທີ່​ມີ​ສີສັນ​ແຈດຕາປະ​ເພດ: ຫມາກ​ເລັ່ນ, ຫມາກ​ໂມ, ຫມາກກ້ຽງ​(ຫມາກພຸ​ກ) ​ຊ່ວຍ​ໃນ ການບຳລຸງ​ປອດ ​ແລະ ຍັງ​ຊ່ວຍ​ປ້ອງ​ກັນ​ພະຍາດ​ມະ​ເຮັງ​ຫົວ​ໃຈ.

ສີ​ສົ້ມ-ສີ​ເຫລືອງ: ​ໄດ້​ແກ່ ຫມາກ​ກ້ຽງ, ຫມາກ​ຫຸ່ງ​ ​ເຊິ່ງມີ​ເນກທາຣີນ ທີ່​ມີ​ຄຸນປະ​ໂຫຍ​ດ​ໃນ​ການ​ບຳລຸງ​ຫົວ​ໃຈ ​ແລະ ກະ​ເພາະ​ອາຫານ, ສຳລັບ​ຜູ້​ທີ່​ມີ​ບັນຫາ​ໃນ​ເລື່ອງ​ການ​ຂັບ​ຖ່າຍ ຫລື ຍື່ງທ້ອງ ຜັກ ​ແລະ ຫມາກ​ໄມ້​ສີ​ເຫລືອງ, ສີສົ້ມ​ນີ້ ສາມາດ​ຊ່ວຍ​ໄດ້ ແລະ ຍັງ​ມີ​ວິຕາມິນ​​ຊີ ຊ່ວຍ​ບຳລຸງ​ລະບົບ​ແຊນ​ອີກ​ດ້ວຍ.

ສີ​ແດງ-ມ້ວງ: ລະ​ແຊັງ ສີມ່ວງ, ເບີຣີ, ສະຕໍເບີຣີ, ​ແອັບ​ເປິ​້ນ​ແດງ ​ຊ່ວຍ​ບຳລຸງ​ການ​ເຮັດ​ວຽກ​ຂອງ​ແຊນ​ສະຫມອງ

ສີ​ເຫລືອງ-ຂຽວ: ​ໄດ້​ແກ່​ຜັກ​ຫົມ, ຫມາກອະ​ໂວ​ຄາ​ໂດ, ຜັກກາດ, ສາລີ, ຖົ່ວດິນ ຈະ​ຊ່ວຍ​ບຳລຸງ​ຕັບ​ ​ແລະ ຍັງ​ຊ່ວຍໃນການກະຕຸ້ນ​ລະບົບ​ການ​ຟອກ​ຂອງ ສິ່ງ​ເສດ​ເຫລືອ​ຕ່າງໆ​ໃນ​ຮ່າງກາຍ​.

ສີຂາວ-ສີຂຽວ: ກະທຽມ, ​ໃບ​ກະທຽມ, ຫົວ​ຫອມ​ບົ່ວ ​ຊ່ວຍ​ໃນ​ການ​ເຮັດ​ວຽກ​ຂອງ​ລະບົບ​ຫມູນວຽນ​ຕ່າງໆ​ ພາຍ​ໃນ​ຮ່າງກາຍ ​ໂດຍ​ສະ​ເພາະ​ຫົວ​ໃຈ.

ສີ​ສົ້ມ: ສີສັນ​ສົດ​ໃສ ​ເປັນ​ຕາ​ແຊບ​ໄດ້​ແກ່: ກາ​ລົດ, ຫມາກມ່ວງ​ສຸກ, ຫມາກອຶ … ເຫມາະ​ສຳລັບ​ແມ່ຍິງ​ເຮັດໃຫ້ສຸຂະພາບ​ດີ​, ມີ​ຜິວ​ພັນນວນ​ນຽນ ຜ່ອງ​ໃສ ​ແລະ ຍັງ​ຊ່ວຍ​ບຳລຸງ​ສາຍຕາ​ອີກ​ດ້ວຍ.

ສີຂຽວ: ຜັກ, ຫມາກ​ໄມ້ ປະ​ເພດ​ນີ້ ໄດ້​ແກ່ ດອກ​ຜັກ​ສີຂຽວ , ​ກະຫລ່ຳ, ຜັກ​ກວາງ​ຕຸງ, ຜັກ​ບົ້ງ ​ເຊິ່ງມີ​ວິຕາມິນ​ຫລາຍ ຊ່ວຍ​ໃນ​ການ​ບຳລຸງສາຍຕາ​ໃຫ້​ມີ​ສຸຂະພາບ​ດີ ແລະ ​ເພີ່​ມ​ກາກ​ໃຍຊ່ວຍ​ໃນ​ການ​ຂັບ​ຖ່າຍ​ໄດ້​ດີ.

• < ຕໍ່ໄປ
• ຕໍ່ໄປ >