ຄຸນປະ​ໂຫຍ​ດຂອງໝາກນັດ...

ລາຍລະອຽດ

ສ້າງຂື້ນເມື່ອ ວັນພະຫັດ, 18 ມັງກອນ 2018 06:48

ຄຸນປະ​ໂຫຍ​ດຂອງໝາກນັດ.

        ໝາກນັດມີຄຸນປະ​ໂຫຍ​ດ​ຕໍ່ຮ່າງກາຍ​ຄົນ​ເຮົາ​ຢ່າງຫຼວງຫຼາຍ​ເຊັ່ນ:

1.    ສ້າງພູມຄຸ້ມກັນພາຍໃນຮ່າງກາຍໃຫ້ແຂງແຮງ ເພາະມີວິຕາມິນຊີສູງ ເຮັດໃຫ້ຮ່າງກາຍຕິດເຊື້ອພະຍາດໄດ້

ຍາກ ແລະ ສາມາດຕໍ່ສູ້ກັບພະຍາດຕ່າງໆໄດ້.

2.    ຊ່ວຍຮັກສາສຸຂະພາບພາຍໃນປາກໃຫ້ແຂງແຮງ ບໍ່ມີບັນຫາກ່ຽວກັບໂລກເຫືອກ, ຊ່ວຍ​ເສີມ​ສ້າງ​ກະດູກ ​ເຮັດ​ໃຫ້​ກະດູກ ​ແລະ ​ແຂ້ວ​ແຂງ​ແຮງ.

3.    ມີສານຕ້ານອະນຸມູນອິດສະລະ ຊ່ວຍປ້ອງກັນເຊວໃນຮ່າງກາຍ, ຊ່ວຍບຳລຸງຜິວພັນໃຫ້ສົດໃສ ຊ່ວຍລົດຮອຍຫ່ຽວຍານ ສາເຫດທີ່ເຮັດໃຫ້່ເຖົ້າໄວ.

4.    ຊ່ວຍບັນເທົາອາການຫວັດ, ຂັບຂີ້ກະເທິໃນລໍາຄໍ.

5.    ຊ່ວຍ​ເຮັດ​ໃຫ້​ລະບົບຍ່ອຍ​ອາຫານ​ເຮັດ​ວຽກ​ໄດ້​ດີ, ເປັນ​ຍາ​ລະບາຍ​ອ່ອນໆ ຊ່ວຍ​ເຮັດ​ໃຫ້​ລະບົບ​ຂັບ​ຖ່າຍ​ດີ​ຂຶ້ນ ​(ແຕ່​ບໍ່ຄວນ​ກິນຫຼາຍ​ເກີນ​ໄປຈະ​ເຮັດ​ໃຫ້​​ເຈັບທ້ອງ).

6.    ສາມາດ​ປ້ອງ​ກັນ​ໂລກ​ຫົວ​ໃຈ ​ແລະ ຫຼອດ​ເລືອດ.

7.    ຊ່ວຍຫຼຸດອັດຕາ​ສ່ຽງການ​ເກີດ​ໂລກ​ມະ​ເຮັງ​ເຊັ່ນ: ມະ​ເຮັງກະ​ເພາະ​ອາຫານ, ມະ​ເຮັງ​ເຕົ້ານົມ, ມະ​ເຮັງ​ຮັງ​ໄຂ່, ມະ​ເຮັງ​ປອດ.

8.    ​ ຊ່ວຍຫຼຸດອາການ​ເຈັບ​ຂໍ່ ຂໍ່ອັກ​ເສບ.

9.    ຊ່ວຍ​ຂັບ​ປັດ​ສະວະ ຮັກສາ​ໂລກ​ໜິ້ວ.

10. ຊ່ວຍ​ເພີ່ມ​ຮໍ​ໂມນ​ເພດ​ຊາຍ ​ເປັນ​ຢາ​ບຳລຸງ​ກຳລັງ​ຈາກ​ທຳ​ມະ​ຊາດ​ສຳລັບ​ຜູ້​ຊາຍ.

11. ຊ່ວຍ​ບັນ​ເທົາ​ອາການ​​ເຈັບທ້ອງ​ປະຈຳ​ເດືອນ.

12. ມີ​ວິຕາມິນ​ບີ 1 ​ແລະ ວິຕາມິນ​ບີ 6 ຊ່ວຍ​ປ້ອງ​ກັນ​ອາການ​ເມື່ອຍງ່າຍ ​ເຮັດ​ໃຫ້​ລະບົບ​ປະສາດ​ເຮັດ​ວຽກ​ໄດ້​ດີ​ຂຶ້ນ.

v  ​ເຖິງ​ວ່າໝາກນັດ​ຈະ​ມີ​ສັບພະ​ຄຸນຫຼວງຫຼາຍ ​ແຕ່​ຄວນ​ກິນ​ໃນ​ປະລິມານ​ທີ່​ເໝາະສົມ, ຜູ້​ທີ່​ເປັນ​ໂລກ​ເລືອດ​ຈາງ​ບໍ່​ຄວນ​ກິນໝາກນັດ​ໃນ​ປະລິມານຫຼາຍ.

ร

• < ຕໍ່ໄປ
• ຕໍ່ໄປ >