ຊາໝາກຫຸ່ງ ສາມາດລ້າງໄຂ້ມັນ...

ສ້າງຂື້ນເມື່ອ ວັນສຸກ, 26 ຕຸລາ 2018 02:40

ຊາໝາກຫຸ່ງ ສາມາດລ້າງໄຂ້ມັນ.

          ຊາໝາກຫຸ່ງຊ່ວຍລ້າງໄຂມັນທີ່ເກາະຕິດຝາລຳໄສ້ໄດ້ດີ ແລະ ມີປະໂຫຍດ ເມື່ອດື່ມຊາໝາກຫຸ່ງ ຈະເປັນການລ້າງລຳໄສ້ໂດຍບໍ່ຕ້ອງສວນທະວານ ຊ່ວຍລ້າງລະບົບດູດຊຶມຄືລ້າງຄາບໄຂມັນທີ່ຝາລຳໄສ້ອັນເນື່ອງມາຈາກການ

ກິນອາຫານທີ່​ມີນໍ້າມັນເປັນປະຈຳ ຄາບໄຂມັນຈະເກາະໂຕທີ່ຝາລຳໄສ້ເປັນກາວໜຽວຈຶ່ງເກີດການຂັດຂວາງການດູດຊຶມສານອາຫານ ແລະ ວິຕາມິນທີ່ເປັນປະໂຫຍດຕໍ່ຮ່າງກາຍ. ການລ້າງໄຂມັນທີ່ເກາະຕິດຝາລຳໄສ້ ດ້ວຍສານຂອງໝາກຫຸ່ງ ​ແລະ ​ໃບຊາ ຈະເຮັດ​ໃຫ້​ເກີດມີປະຕິກິລິຍາກັນ​ລະຫວ່າງໝາກຮຸ່ງກັບໃບຊາ​ເຊິ່ງຊ່ວຍຍ່ອຍໄຂມັນ ແລະ ລ້າງໄຂມັນອອກຈາກຝາລຳໄສ້, ຄວນດື່ມເພື່ອລ້າງເປັນປະຈໍາ, ດື່ມແທນນໍ້າອັດລົມກໍ່ໄດ້ ຖ້າບໍ່ລ້າງລຳໄສ້ກໍ່ປຽບຄືກິນເຂົ້າບໍ່ລ້າງຈານ ແລ້ວໃຊ້ຈານໃບເກົ່າທີ່ບໍ່ລ້າງເອົາມາໃສ່ເຂົ້າກິນໃຫມ່.

          1. ໝາກຫຸ່ງ 1 ໜ່ວຍ ປອກເປືອກ

          2. ນໍ້າ 4 ລິດ

          3. ໃບເຕີຍ 10 ໃບຖ້າບໍ່ມີໃບເຕີຍໃຊ້ດອກເກ໊ກຮວຍໄດ້ (ໃບເຕີຍ ແລະ ດອກເກ໊ກຮວຍສັບພະຄຸນຊ່ວຍບຳລຸງຫົວໃຈ)

          4.ໃບຊາຈີນແຫ້ງ ຫລື ຊາໃບມອນ

  1. ວິທີເຮັດ

          ປອກ​ເປືອກໝາກຫຸ່ງ, ຜ່າເຄິ່ງເອົາເມັດອອກຊອຍເປັນຕ່ອນໃຫຍ່, ໃບເຕີຍຊອຍເປັນທ່ອນໆ ຫລືຖ້າບໍ່ມີໃບເຕີຍໃຊ້ດອກເກ໊ກຮວຍປະມານເຄິ່ງກຳມື ໃສ່ລົງໃນໝໍ້ ​ໃສ່ນໍ້າ 4 ລີດ ​ແລ້ວ​ນຳ​ໄປຕົ້ມໃຫ້ຟົດ, ຫລັງຈາກຟົດແລ້ວຕົ້ມໄປປະມານ 5-10 ນາທີ ກະວ່າໝາກຮຸ່ງພໍສຸກບໍ່ຕ້ອງໃຫ້ເລະ ດຽວກິ່ນໝາກຮຸ່ງຈະອອກຫລາຍເກີນໄປ ຫຼັງຈາກ​ນັ້ນປິດໄຟຕັກໝາກຮຸ່ງ ແລະ ໃບເຕີຍຂຶ້ນ, ​ໃສ່ໃບຊາຈີນລົງໄປແຊ່ປະມານ 5 ນາທີ ຕອງເອົາໃບຊາຈີນອອກ ໃຫ້ເຫລືອແຕ່ນໍ້າ; ສາມາດກິນໄດ້ທັງຮ້ອນ ແລະ ເຢັນ ຢ່າແຊ່ຊາດົນເກີນ 5 ນາທີ່ ເພາະຊາທີ່ແຊ່ດົນເກີນໄປອາດເຮັດໃຫ້ທ້ອງອືດໄດ້, ຕົ້ມເທື່ອໜຶ່ງເກັບໄວ້ກິນໄດ້ 2-3 ມື້ ໂດຍແຊ່ຕູ້ເຢັນ.

          ຄວນກິນຕໍ່ເນື່ອງຢ່າງນ້ອຍ 7 ມື້ ຖ້າຈະໃຫ້ໄດ້ຜົນດີ ຄວນກິນຕໍ່ເນື່ອງ 1 ເດືອນໃຊ້ດື່ມຕ່າງນໍ້າໝົດມື້, ມື້ລະ 1-2 ລິດ.