ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 64 ປີ ຢ່າງສຸດໃຈ.                                                                                                                                                                           ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ.                                                                                                                                                                               ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ.                                                                                                                                                                       ຊົມເຊີຍວັນສ້າງຕັ້ງ ສປປ ລາວ ຄົບຮອບ 43 ປີ.  

ຝຶກອົບຮົມວຽກງານ 3 ສ້າງຢູ່ເມືອງລະຄອນເພັງ ແຂວງສາລະວັນ

ຝຶກອົບຮົມວຽກງານ 3 ສ້າງຢູ່ເມືອງລະຄອນເພັງ ແຂວງສາລະວັນ

ປະຕິບັດຕາມແຜນການປະຈໍາປີ 2019, ໃນລະຫວ່າງວັນທີ 25-26/3/2019 ກົມອົບຮົມໄດ້ຈັດຊຸດອົບຮົມຄວາມຮູ້ພື້ນຖານດ້ານການເມືອງ - ການປົກຄອງ, ການສ້າງບ້ານພັດທະນາ ແລະ ອົບຮົມປະຊາຊົນລຽບຕາມຊາຍແດນ (ວຽກງານ 3 ສ້າງ) ຢູ່ກຸ່ມບ້ານປາກຕະພານຢູ່ ພາຍໃຕ້

ການເປັນປະທານຮ່ວມຂອງ ສະຫາຍສີ​ເຮັງຫອມ​ສົມບັດກໍາມະການ​ປະ​ຈໍາ​ພັກ​ແຂວງ, ຫົວໜ້າ​ໂຄສະນາ​ອົບຮົມ ​ແຂວງ, ສະຫາຍ ​ແກ້​ວຜາສີ​ລາດ​ວງຮັກສາ​ການ​ເລຂາ​ພັກ-​ເຈົ້າ​ເມືອງ​ລະ​ຄອນ​ເມືອງ,ສະຫາຍຄໍາ​ເຄນຈັນທະ​ວົງຫົວໜ້າກົມ​ອົບຮົມ.

          ຊຸດ​ອົບຮົມ​ຄັ້ງນີ້ມີ​ຜູ້ເຂົ້າ​ຮ່ວມ​ທັງໝົດ 59 ຄົນ, ຍິງ 21 ຄົນ ​ໃນ​ນັ້ນ​ມີ​ເລຂາໜ່ວຍພັກນາຍບ້ານ,ກຳມະການບ້ານ, ປະທານແນວ​ໂຮມ​ບ້ານ, ຄູ-ອາຈານສອນມັດທະຍົມ, ​ແພດ​ສຸກສາລາ, ປກສ-ປກຊບ້ານ, ຫົວໜ້າສະຫະພັນ​ແມ່ຍິງ​ບ້ານ, ຫົວໜ້າຄະນະຊາວໜຸ່ມບ້ານ, ພະນັກງານ​ບໍານານ​ແລະປະຊາຊົນຜູ້​ເປັນຫຼັກ​ແຫຼ່ງພາຍ​ໃນ​ບ້ານ.

       ຊຸດອົບຮົມໄດ້ດໍາເນີນໄປເປັນເວລາ 2 ວັນເຄິ່ງແລະເນື້ອໃນອົບຮົມແມ່ນນໍາໃຊ້ເອກະສານຄື:

1.   ຄວາມ​ຮູ້​ພື້ນຖານ​ດ້ານ​ການ​ເມືອງ-​ການ​ປົກຄອງ ​ແລະການ​ສ້າງ​ບ້ານ​ພັດທະນາ​ປະກອບ​ມີ 5 ບົດຄື:

        ບົດ​ທີ 1: ຊາດ​ລາວ​, ຄົນ​ລາວ ​ແລະມູນ​ເຊື້ອອັນ​ສະຫງ່າ​ລາສີ​ຂອງ​ປະຊາຊົນ​ລາວ.

          ບົດ​ທີ 2: ລະບົບ​ການ​ເມືອງ ​ແລະການ​ປົກຄອງ​ໃນ​ລະບອບ​ປະຊາທິປະ​ໄຕ​ປະຊາຊົນ.

          ບົດ​ທີ 3: ຍົກ​ສູງ​ຄວາມ​ສາມາດ​ນໍາພາ​ຂອງໜ່ວຍພັກ​ບ້ານສ້າງໜ່ວຍພັກ​ແຂງ​ຮູ້​ນໍາພາ​ຮອບດ້ານ.

          ບົດ​ທີ 4: ການ​ສ້າງ​ບ້ານ​ເປັນ​ຫົວໜ່ວຍພັດທະນາ.

          ບົດ​ທີ 5: ການ​ແກ້​ໄຂ​ຄວາມທຸກ​ຍາກ ​ແລະການ​ຜະລິດ​ເປັນ​ສິນຄ້າ.

2.    ​ເອກະສານ​ອົບຮົມປະຊາຊົນ​ຢູ່​ລຽບຕາມ​ຊາຍ​ແດນ ​ປະກອບ​ດ້ວຍ 4ບົດ ຄື:

ບົດ​ທີ 1: ​ວຽກງານ​ຊາຍ​ແດນ ​ແລະນະ​ໂຍບາຍ​ການຕ່າງປະ​ເທດ.

ບົດທີ 2: ​ວຽກງານ​ປ້ອງ​ກັນຊາ​ດ ​ແລະປ້ອງ​ກັນ​ຄວາມ​ສະຫງົບ.

ບົດທີ 3: ວຽກງານ​ການ​ຄ້າ​ຊາຍ​ແດນ.

ບົດທີ 4: ເອກະສານອົບຮົມປະຊາຊົນບັນດາເຜົ່າຢູ່ຮາກຖານແລະປະຊາຊົນຢູ່ລຽບຕາມຊາຍແດນ.

ຜ່ານການຝຶກອົບຮົມສາມາດເຮັດໃຫ້ຜູ້ເຂົ້າຮ່ວມຝຶກອົບຮົມ ຮັບຮູ້-ເຂົ້າໃຈພື້ນຖານທາງດ້ານການເມືອງ-ການປົກຄອງຢູ່ຂັ້ນຮາກຖານ; ວຽກງານ ປກສ-ປກຊ, ການຄ້າຊາຍແດນ ໃຫ້ແກ່ສະມາຊິກພັກ, ພະນັກງານ ແລະ ປະຊາຊົນພາຍໃນບ້ານປາກຕາພານສູງຂຶ້ນບາດກ້າວໜຶ່ງ ແລະຍັງເປັນການສ້າງເງື່ອນໄຂໃຫ້ພະນັກງານຫຼັກແຫຼ່ງຂອງ ກົມອົບຮົມ ຂອງຄະນະໂຄສະນາອົບຮົມສູນກາງພັກ ໄດ້ສໍາພັດກັບຄວາມເປັນຈິງຂອງປະຊາຊົນຢູ່ທ້ອງຖິ່ນຮາກຖານ ກໍຄື ການຊີ້ນໍາ-ນໍາພາ, ການຄຸ້ມຄອງ, ບໍລິຫານບ້ານ ແນ່ໃສ່ປັບປຸງສະພາບການ, ຄວາມຮັບຮູ້-ເຂົ້າໃຈ ແລະ ໝູນໃຊ້ເຂົ້າໃນການສ້າງ ແລະ ປັບປຸງເອກະສານອົບຮົມໃຫ້ດີຂຶ້ນກ່ວາເກົ່າ.

ກົດໝາຍແຫ່ງ ສປປ ລາວ

ຄໍາເຫັນຂອງ ທ່ານ ສຈ.ດຣ ກິແກ້ວ ໄຂຄຳພິທູນ ຫົວໜ້າ ຄອສພ ຕໍ່ເວັບໄຊສ

ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 64 ປີ

ປະທານ ໄກສອນ ພົມວິຫານ ຢືນຢົງໃນພາລະກິດປະຕິວັດຂອງພວກເຮົາຕະຫລອດໄປ

ຊົມເຊີມວັນສ້າງຕັ້ງ ສປປ ລາວ ຄົບຮອບ 43 ປີ ຢ່າງສຸດໃຈ.

ກອງປະຊຸມໃຫຍ່ຜູ້ແທນທົ່ວປະເທດ ຂອງ ພັກປະຊາຊົນ ປະຕິວັດລາວ

ເຊື່ອມຕໍ່ເວັບໄຊສ

ເລກໂທ ສຸກເສີນ

ແຈ້ງ​ໄຟ​ໄໝ້ : 1190

   ຕຳຫຼວດ : 1191

ລົດ​ໂຮງໝໍ : 1195

​     ໄຟຟ້າ : 1199

  ນ້ຳ​ປະປາ : 1169

ໜ່ວຍກູ້​ໄພ : 1624