ກອງປະຊຸມໃຫຍ່ຄັ້ງທີ III ຂອງໜ່ວຍພັກກົມຈັດຕັ້ງ,,,

ລາຍລະອຽດ

ສ້າງຂື້ນເມື່ອ ວັນຈັນ, 07 ຕຸລາ 2019 03:00

ຂຽນໂດຍ ຄອນສະຫວັນ

ກອງປະຊຸມໃຫຍ່ຄັ້ງທີ III ຂອງໜ່ວຍພັກກົມຈັດຕັ້ງ-ພະນັກງານ

    ໃນຕອນເຊົ້າ ຂອງວັນທີ 30 ກັນຍາ 2019 ຜ່ານມາ ໜ່ວຍພັກກົມຈັດຕັ້ງ-ພະນັກງານຄະນະໂຄສະນາອົບຮົມສູນກາງພັກ ໄດ້ເປີດກອງປະຊຸມໃຫຍ່ ຄັ້ງທີ III

ຂອງຕົນຂຶ້ນຢູ່ທີ່ຫ້ອງ​​ປະ​ຊຸມ ຊັ້ນ 5 ຂອ​ງ​ຄະ​ນະ​ໂຄ​ສະ​ນາ​ອົບ​ຮົມ​ສູນ​ກາງ​ພັກ ພາຍໃຕ້ການ​ເປັນ​ປະ​ທານຮ່ວມ​ຂອງ​ສະຫາຍ ສຈ.ປອ ກິແກ້ວ ໄຂຄຳພິທູນ ເລຂາທິການສູນກາງພັກ ເລຂາຄະນະພັກ ຫົວໜ້າຄະນະໂຄສະນາອົບຮົມສູນກາງພັກ, ເຂົ້າຮ່ວມມີ​ຜູ້​ຕາງ​ໜ້າ​ໜ່ວຍພັກ​ບັນ​ດາ​ກົມອ້ອມຂ້າງ ຄອສພ ແລະ ບັນດາສະ​ມາ​ຊິກ​ພັກສຳຮອງ-ສົມບູນພາຍໃນກົມຈັດຕັ້ງ-ພະນັກງານເຂົ້າ​ຮ່ວມຢ່າງພ້ອມພຽງ.

      ໃນ​ກອງ​ປະ​ຊຸມໄດ້​​ຮັບ​ຟັງ​ບົດ​ລາຍ​ງານ​ການ​ເມືອງ ຕໍ່​ກອງ​ປະ​ຊຸມ​ໃຫຍ່ ຄັ້ງ​ທີ III ຂອງ​ໜ່ວຍພັກກົມຈັດຕັ້ງ-ພະນັກງານຄະນະໂຄສະນາອົບຮົມສູນກາງພັກ, ເຊິ່ງ​ໃຫ້ກຽດສະເໜີລາຍງານໂດຍສະຫາຍ ອານົງສັກ ອິນທະວົງ ເລຂາໜ່ວຍພັກກົມຈັດຕັ້ງ-ພະນັກງານເຊິ່ງໄດ້​ສະຫຼູບ​ຕີ​ລາ​ຄາ​ຈຸດ​ດີ, ຈຸດ​ອ່ອນ ແລະ ຂໍ້​ຄົງ​ຄ້າງ ໃນ​ການ​ເຄື່ອນ​ໄຫວ​ປະ​ຕິ​ບັດ​ໜ້າ​ທີ່ເປັນເສນາທິການໃຫ້ແກ່ຄະນະພັກຄະນະໂຄສະນາອົບຮົມສູນກາງພັກ ເວົ້າລວມ, ເວົ້າສະເພາະກໍແມ່ນການເຄື່ອນໄຫວປະຕິບັດໜ້າທີຢູ່ພາຍໃນໜ່ວຍພັກກົມຈັດຕັ້ງ-ພະນັກງານຕະຫຼອດໃນ​ໄລ​ຍະ 5 ປີ​ຜ່ານ​ມາ(2015-2019) ແລະ ວາງທິດ​ທາງວຽກ​ງານ​ຈຸດ​ສຸມ​ໃນ 5 ປີ​ຕໍ່​ໜ້າ; ຈາກນັ້ນ, ​ຄະ​ນະ​ໜ່ວຍພັກກົມຈັດຕັ້ງ-ພະນັກງານ ຊຸດ​ເກົ່າ ໄດ້ຂື້ນ​ຜ່ານ​ບົດ​ສຳຫຼວດ​ໃນ​ການ​ຊີ້​ນຳ-ນຳ​ພາ ໃນ​ໄລ​ຍະ​ຜ່ານ​ມາ ພ້ອມ​ທັງ​ລາ​ໜ້າ​ທີ່ ແລະ ປ່ອນ​ບັດ​ຄັດ​ເລືອກ​ເອົາ​ຄະ​ນະ​ໜ່ວຍພັກກົມຈັດຕັ້ງ-ພະນັກງານ ​ຊຸດ​ໃໝ່ ເຊິ່ງ​ມີ​ຜູ້​ລົງ​ສະ​ມັກ​ເລືອກ​ຕັ້ງ​ຈຳນວນ​ 5 ສະ​ຫາຍ, ຍິງ 2 ສະ​ຫາຍ ໃນ​ນັ້ນ​ເລືອກ​ເອົາ​ 3 ສະ​ຫາຍຜ່ານການປ່ອນບັດເລືອກຕັ້ງສາມາດເລືອກໄດ້ 3 ສະຫາຍຄື: ສະຫາຍ ອານົງສັກ ອິນທະວົງ, ສະຫາຍ ນ. ຈັນສຸກ ພິມມະວັນ ແລະ ສະຫາຍ ນ. ໄພວັນ ວັນນະໄຊ.

ຜ່ານກອງປະຊຸມຄັ້ງປະຖົມມະລຶກ ໄດ້ເລືອກເອົາຄະນະໜ່ວຍພັກກົມຈັດຕັ້ງ-ພະນັກງານຊຸດໃໝ່

1.     ສະຫາຍ ອານົງສັກ ອິນທະວົງ ເປັນເລຂາໜ່ວຍພັກກົມຈັດຕັ້ງ-ພະນັກງານ

2.    ສະຫາຍ ນ. ຈັນສຸກ ພິມມະວັນ ເປັນຮອງເລາຂາໜ່ວຍກົມ

3.    ສະຫາຍ ນ. ໄພວັນ ວັນນະໄຊ ເປັນຄະນະ, ຜູ້ກວດກາໜ່ວຍພັກກົມ

    ກອງປະຊຸມໄດ້ຮັບຟັງການການໂອ້ລົມຂອງສະຫາຍ ສຈ.ປອ ກິແກ້ວ ໄຂຄຳພິທູນເລຂາທິການສູນກາງພັກ ເລຂາຄະນະພັກ ຫົວໜ້າຄະນະໂຄສະນາອົບຮົມສູນກາງພັກ ກ່ອນ​ອື່ນ​ໝົດ​ທ່ານ​ໄດ້​ສະ​ແດງ​ຄວາມ​ຍ້ອງ​ຍໍ​ຊົມ​ເຊີຍ​ຕໍ່​ຜົນ​ງານ​ການ​ເຄື່ອນ​ໄຫວ​ໃນ​ໄລ​ຍະ 5 ປີ​ຜ່ານ​ມາ ທີ່​ໜ່ວຍພັກກົມຈັດຕັ້ງ-ພະນັກງານ ຍາດ​ໄດ້​ຜົນ​ງານ​ອັນ​ໃຫຍ່ຫຼວງ ແລະ ຜ່ານ​ຜ່າ​ຄວາມ​ຫຍຸ້ງ​ຍາກ​ຕ່າງໆ ເວົ້າລວມ, ເວົ້າສະເພາະກໍຄືວຽກງານວິຊາສະເພາະຂອງຕົນ ແລະ ຜົນງານໃນການປະກອບສ່ວນເຂົ້າໃນກິດຈະ ກໍາຕ່າງໆຂອງໜ່ວຍພັກກົມຈັດຕັ້ງ-ພະນັກງານ ຄະນະໂຄສະນາອົບຮົມສູນກາງພັກ ​ເຊິ່ງ​ມັນ​ສະ​ແດງ​ອອກ​ໃນ​ຄວາມ​ເປັນ​ເຈົ້າ​ການ​ຕໍ່​ໜ້າ​ທີ່​ວຽກ​ງານ, ສະ​ຕິ​ຕໍ່​ການ​ຈັດ​ຕັ້ງ, ຄວາມ​ຈົ່ງ​ຮັກ​ພັກ​ດີ​ຕໍ່​ພັກ​ຕໍ່​ປະ​ເທດ​ຊາດ, ການ​ປະ​ກອບ​ສ່ວນ​ເຂົ້າ​ໃນ​ການ​ເຄື່ອນ​ໄຫວ​ປະ​ຕິ​ບັດ​ໜ້າ​ທີ່​ການ​ເມືອງ​ຂອງ​ຕົນ​ຢ່າງ​ຕັ້ງ​ໜ້າ. ນອກນັ້ນ, ທ່ານ​ຍັງ​ໄດ້ຮຽກຮ້ອງມາຍັງຄະນະໜ່ວຍ, ສະມາຊິກພັກທຸກສະຫາຍຈົ່ງເພີ່ມທະວີຄວາມສາມັກຄີເປັນເອກະພາບ, ພ້ອມກັນບຸກບືນພັດທະນາຕົນເອງຢ່າງ ຮອບດ້ານ ແລະ ເອົາໃຈໃສ່ຄົ້ນຄວ້າຮ່ຳຮຽນທິດສະດີ, ແນວທາງ ແລະ ວຽກງານວິຊາສະເພາະເຊີດຊູນ້ຳໃຈຮັກຊາດ, ເປັນເຈົ້າຕົນເອງ, ສ້າງຄວາມເຂັ້ມແຂງດ້ວຍຕົນເອງ, ເພີ່ມທະວີຄວາມຮັບຜິດຊອບເຂົ້າໃນການຈັດຕັ້ງປະຕິບັດທິດທາງໜ້າທີ່ຈຸດສຸມ ທີ່ມະຕິກອງປະຊຸມໃຫຍ່ຄັ້ງ III  ຂອງໜ່ວຍພັກກົມຈັດຕັ້ງ-ພະນັກງານ ໄດ້ຮັບຮອງເອົາ.