ທ່ານ ສຈ ປອ ກິແກ້ວ ໄຂຄໍາພິທູນ ເລຂາທິການສູນ..

ລາຍລະອຽດ

ສ້າງຂື້ນເມື່ອ ວັນອັງຄານ, 05 ກຸມພາ 2019 08:43

ຂຽນໂດຍ ສົມພິນິດ

ທ່ານ ສຈ ປອ ກິແກ້ວ ໄຂຄໍາພິທູນ ເລຂາທິການສູນກາງພັກ ຫົວໜ້າຄະນະໂຄສະນາອົບຮົມສູນກາງພັກ ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ມາດດັບ ກຸມມານ ເນປານ ຜູ້ນໍາອາວຸດໂສ ເລຂາທິການສູນກາງພັກ ກໍາມະການຄະນະປະຈໍາສູນກາງພັກກອມມູນິດເນປານ ອາດີດນາຍົກລັດຖະມົນຕີເນປານ ພ້ອມດ້ວຍຄະນະ.

         ໃນຕອນບ່າຍຂອງ ວັນທີ 31 ມັງກອນ 2019 ຜ່ານມາ,

ທ່ານ ສຈ ປອ ກິແກ້ວ ໄຂຄໍາພິທູນ ເລຂາທິການສູນກາງພັກຫົວໜ້າຄະນະໂຄສະນາອົບຮົມສູນກາງພັກຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ມາດດັບ ກຸມມານ ເນປານ ຜູ້ນໍາອາວຸດໂສ ເລຂາທິການສູນກາງພັກກໍາມະການຄະນະປະຈໍາສູນ ກາງພັກກອມມູນິດເນປານ ອາດີດນາຍົກລັດ ຖະມົນຕີເນປານ ພ້ອມດ້ວຍຄະນະ ເນື່ອງໃນໂອກາດເດີນທາງມາຢ້ຽມຢາມ  ແລະ ເຮັດວຽກຢູ່ ສປປ ລາວ, ເຂົ້າຮ່ວມຝ່າຍລາວມີ: ທ່ານ ປອ ນາງ ສູນທອນ ໄຊຍະຈັກ ກຳມະການສູນກາງພັກ ຫົວໜ້າຄະນະພົວ ພັນຕ່າງປະເທດສູນກາງພັກ, ສະຫາຍ ສົມພອນ ສີຈະເລີນ ຮອງຫົວໜ້າຄະນະພົວພັນຕ່າງປະເທດສູນກາງພັກ,  ສະ ຫາຍ ນາງ ມະນີລາ ສົມບັນ ດິດ ຫົວໜ້າກົມອາຊີ-ປາຊີຟິກ ແລະ ອາຟຣິກກາ ຄະນະພົວພັນຕ່າງປະເທດສູນກາງພັກ, ສະຫາຍ ນາງ ວິລາວັນ ເຍ່ຍປໍເຮີ ຫົວໜ້າກົມຄົ້ນຄວ້າ-ສັງລວມ ຄະນະພົວພັນຕ່າງປະເທດສູນກາງພັກ, ສະຫາຍ ຈັນ ທະພອນ ຄໍາມະນີຈັນ ຮອງຫົວໜ້າກົມອາຊີ-ປາຊີຟິກ ແລະ ອາ ຟຣິກກາ ຄະນະພົວພັນຕ່າງປະເທດສູນກາງພັກ,  ສະ ຫາຍ ວິຣະພົງສ໌ ພົມດວງສີ ເລຂາປະຈໍາຫົວໜ້າຄະນະໂຄສະນາອົບຮົມສູນກາງພັກ.

       ໃນໂອກາດທີ່ມີຄວາມໝາຍ ຄວາມສໍາຄັນດັ່ງກ່າວ ທ່ານ ສຈ ປອ ກິແກ້ວ ໄຂຄໍາພິທູນ ໄດ້ສະ ແດງຄວາມຍິນດີຕ້ອນຮັບຕໍ່ການເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ຂອງ ທ່ານ ມາດດັບ ກຸມມານ ເນປານ ພ້ອມດ້ວຍຄະນະ; ໃນການພົບປະດັັ່ງກ່າວ ບັນດາສະຫາຍການນໍາລາວໄດ້ຕີລາຄາສູງຕໍ່ການເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ຂອງຄະນະຜູ້ແທນຂັ້ນສູງພັກກອມມູນິດເນປານ ຄັ້ງນີ້ ຊຶ່ງເປັນການປະກອບສ່ວນສໍາຄັນອັນໜຶ່ງເຂົ້າໃນການເພີ່ມພູນຄູນສ້າງ, ຮັດແໜ້ນສາຍພົວພັນມິດຕະພາບ ແລະ ການຮ່ວມມືລະຫວ່າງສອງພັກ ສອງລັດ ແລະ ປະ ຊາຊົນສອງຊາດ ສາທາລະນະລັດ ປະຊາທິປະໄຕ ປະຊາຊົນລາວ - ສະຫະພັນ ສາທາລະນະລັດ ປະຊາທິປະໄຕ ເນ ປານ. ນອກນັ້ນ ທ່ານ ສຈ ປອ ກິແກ້ວ ໄຂຄໍາພິທູນ ຍັງໄດ້ລາຍງານສະພາບການທີ່ພົ້ນເດັ່ນ ຂອງ ສປປ ລາວ ໃນມໍ່ໆມານີ້ ໃຫ້ຝ່າຍຄະນະຜູ້ແທນຂັ້ນສູງພັກກອມມູນິດເນປານ ຊາບໂດຍສະເພາະແມ່ນການຈັດຕັ້ງປະຕິບັດມະຕິກອງປະ ຊຸມໃຫຍ່ຄັ້ງທີ X ຂອງພັກ ແລະ ການຈັດຕັ້ງປະຕິບັດແຜນການພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ່ VIII;  ໄດ້ແລກປ່ຽນບົດຮຽນໃນການຊີ້ນໍານໍາພາຂອງພັກ ປປ ລາວ ໃນໄລຍະທີ່ຜ່ານ, ແລກປ່ຽນທັດສະນະຕໍ່ສະພາບການພາກພຶ້ນ ແລະ ສາກົນ ທີ່ສອງຝ່າຍມີຄວາມສົນໃຈນໍາກັນ ພ້ອມທັງຕີລາຄາສູງ ແລະ ຊົມເຊີຍຕໍ່ຜົນງານການເຄື່ອນ ໄຫວຂອງ ພັກກອມມູນິດເນປານ ໃນໄລຍະທີ່ຜ່ານມາເຫັນໄດ້ເຖິງບົດບາດໃນການນໍາພາຂອງພັກກອມມູນິດເນປານ ມີບາດ ກ້າວຂະຫຍາຍຕົວໃໝ່, ເປັນພັກທີ່ໄດ້ຮັບຄວາມໄວ້ເນື້ອເຊື່ອໃຈຢ່າງກວ້າງຂວາງໃນສັງຄົມເນປານ  ແລະ ເຊື່ອໝັ້ນວ່າພາຍໃຕ້ການຊີ້ນໍາ-ນໍາພາ ຂອງພັກກອມມູນິດເນປານ ປະຊາຊົນເນປານຈະສືບຕໍ່ຍາດໄດ້ຜົນສໍາເລັດອັນໃໝ່ໃຫຍ່ຫຼວງກວ່າເກົ່າໃນການສ້າງສາປະເທດຊາດຂອງຕົນ; ສອງຝ່າຍໄດ້ສະແດງຄວາມປິຕິຍິນດີ ທີ່ເຫັນວ່າສາຍພົວພັນມິດຕະ ພາບ ລະຫວ່າງ ສອງພັກ ສອງລັດ ແລະ ປະຊາຊົນສອງຊາດ ລາວ-ເນປານ ຈະສືບຕໍ່ເສີມຂະຫຍາຍມູນ ເຊື້ອຄວາມສາ ມັກຄີພິເສດຢ່າງຕໍ່ເນື່ອງ ແລະ ຊຸກຍູ້ສົ່ງເສີມການພົວພັນຮ່ວມມື ໃນບັນດາຂົງເຂດຕ່າງໆທີ່ສອງປະເທດມີທ່າແຮງເພື່ີອ ນໍາເອົາຜົນປະໂຫຍດຕົວຈິງມາໃຫ້ແກ່ປະຊາຊົນສອງຊາດລາວ-ເນປານ. ພ້ອມທັງອວຍພອນໃຫ້ທ່ານ ມາດດັບ ກຸມ ມານ ເນປານ ຜູ້ນໍາອາວຸດໂສ ເລຂາທິການສູນກາງພັກ ກໍາມະການຄະນະປະຈໍາສູນກາງພັກກອມມູນິດເນປານ ອາດີດນາຍົກລັດຖະມົນຕີເນປານ ພ້ອມດ້ວຍຄະນະ ຈົ່ງປະສົບຜົນສໍາເລັດ ແລະ ໄດ້ຮັບໝາກຜົນຢ່າງຈົບງາມໃນການເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວໃນຄັ້ງນີ້.

• < ຕໍ່ໄປ
• ຕໍ່ໄປ >