ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 64 ປີ ຢ່າງສຸດໃຈ.                                                                                                                                                                           ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ.                                                                                                                                                                               ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ.                                                                                                                                                                       ຊົມເຊີຍວັນສ້າງຕັ້ງ ສປປ ລາວ ຄົບຮອບ 43 ປີ.  

ທ່ານ ສຈ.ປອ ກິແກ້ວ ໄຂຄຳພິທູນ ເລຂາທິການສູນກາງ....

ທ່ານ ສຈ.ປອ ກິແກ້ວ ໄຂຄຳພິທູນ ເລຂາທິການສູນກາງພັກ ຫົວໜ້າຄະນະໂຄສະນາອົບຮົມສູນກາງພັກ ເຂົ້າຮ່ວມສະເຫຼີມສະຫຼອງວັນສະຖາປະນາ ສປ ຈີນຄົບຮອບ 70 ປີ

    ໃນວັນທີ 27 ກັນຍາ 2019ຢູ່ທີ່ສະຖານເອກອັກຄະລັດຖະທູດແຫ່ງ ສປ ຈີນ ປະຈຳ ສປປ ລາວນະຄອນຫຼວງວຽງຈັນ ໄດ້ຈັດງານລ້ຽງສະເຫລີມສະຫລອງ

ວັນສະຖານປະນາ ສາທາລະ ນະລັດ ປະຊາຊົນຈີນ ຄົບຮອບ 70 ປີໂດຍການເຂົ້າຮ່ວມຂອງ ທ່ານ ນາງ ປານີ ຢາທໍ່ຕູ້ ກຳມະ ການກົມການເມືອງສູນກາງພັກ, ປະທານສະພາແຫ່ງຊາດລາວ, ມີ ທ່ານ ຄຳພັນ ພົມມະທັດ ກຳມະການກົມການເມືອງສູນກາງພັກ, ເລຂາທິການສູນກາງພັກ, ຫົວໜ້າຫ້ອງວ່າການສູນກາງພັກ, ທ່ານ ສຈ.ປອ ກິແກ້ວ ໄຂຄຳພິທູນ ເລຂາທິການສູນກາງພັກ ຫົວໜ້າຄະນະໂຄສະນາອົບຮົມສູນກາງພັກ  ແລະ ບັນດາການນໍາພັັກ-ລັດຂອງສປປ ລາວກໍໃຫ້ກຽດເຂົ້າຮ່ວມຈຳນວນຫຼວງຫຼາຍ.

    ໃນໂອກາດດັ່ງກ່າວ, ທ່ານ ຈຽງ ຈາຍ ຕົງ ເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ສປ ຈີນ ປະຈຳ ສປປ ລາວ ໄດ້ຂື້ນກ່າວລາຍງານວ່າ: ຕະຫລອດໄລຍະ 70 ປີ ທີ່ຜ່ານມາ, ພາຍໃຕ້ການຊີ້ ນໍານຳພາທີ່ເຂັ້ມແຂງ ຂອງພັກກອມມູນິດຈີນ, ປະຊາຊາດຈີນ ໄດ້ບັນລຸຄວາມກ້າວໜ້າທີ່ຍິ່ງໃຫຍ່ ຈາກການລຸກຂຶ້ນ, ຮັ່ງມີຂຶ້ນ ຈົນມີຄວາມເຂັ້ມແຂງຂຶ້ນໃນທຸກດ້ານ ແລະ ປະສົບຜົນສຳເລັດຢ່າງໂດດເດັ່ນຈາກໃນຍຸກສະໄໝຫລ້າຫລັງ, ຍຸກສະໄໝໄລ່ນໍາ ແລະ ຍຸກສະໄໝນຳໜ້າພົ່ນເດັ່ນກວ່າໝູ່ແມ່ນນັບ ແຕ່ກອງປະຊຸມໃຫຍ່ຄັ້ງທີ XVIII ຂອງພັກກອມມູນິດຈີນ, ຄະນະກຳມະການສູນກາງພັກທີ່ຖືເອົາ ສະຫາຍ ສີ ຈິ້ນຜິງ ເປັນແກນນຳໄດ້ສາມັກຄີ ແລະ ນໍາພາປະຊາຊົນຈີນບັນດາເຜົ່າໃນທົ່ວປະເທດ ຜ່ານຜ່າຄວາມຫຍຸ້ງຍາກ ແລະ ສືບຕໍ່ກ້າວເດີນໄປໜ້າ, ຊຸກຍູ້ສົ່ງເສີມພາລະກິດຂອງພັກ ແລະ ປະເທດຊາດໄດ້ຮັບຜົນສຳເລັດຢ່າງຈົບງາມ.

    ທ່ານທູດ ຍັງກ່າວຕື່ມອີກວ່າ: ໃນຖານະທີ່ເປັນສະຫາຍ ແລະ ເພື່ອນມິດຂອງສປປ ລາວ, ພວກຂ້າພະເຈົ້າດີໃຈເປັນຢ່າງຍິ່ງທີ່ໄດ້ເຫັນວ່າພາຍໃຕ້ການນຳພາອັນສະຫຼາດສ່ອງໃສ່ ແລະ ເຂັ້ມແຂງ ຂອງພັກປະຊາຊົນປະຕິວັດລາວທີ່ນຳໂດຍສະຫາຍ ບຸນຍັງ ວໍລະຈິດ ເລຂາທິການໃຫຍ່ຂອງພັກປະຊາຊົນປະຕິວັດລາວຈະສຶບຕໍ່ນຳພາພາລະກິດຂອງການປະຕິຮູບໃໝ່ຂອງປະເທດລາວໃຫ້ໄດ້ຮັບຜົນສຳເລັດໃໝ່ຍິ່ງໃຫຍ່ກວ່າເກົ່າ ແລະ ການຈັດຕັ້ງປະຕິບັດບັນດາມະຕິຂອງກອງປະຊຸມໃຫຍ່ ຄັ້ງທີ X ຂອງພັກໃຫ້ປະສົບຜົນສຳເລັດຢ່າງຮອບດ້ານ ແລະ ບັນດາເປົ້າໝາຍໜ້າທີ່ຂອງ "ແຜນການ 5 ປີຄັ້ງທີ VIII" ຂອງລັດໃຫ້ປະກົດເປັນຈິງເທື່ອລະກ້າວ. ປີ 2018 ລວມຍອດຜະລິດຕະພັນພາຍໃນຂອງສປປ ລາວມີປະມານ 18 ຕື້ໂດລາສະຫະລັດເຊິ່ງເປັນຄັ້ງທຳອິດທີ່ມີGDPເຕີບໂຕສູງຄືແນວນີ້, ລາຍໄດ້ສະເລ່ຍຕໍ່ຫົວຄົນແມ່ນ 2.600 ໂດລາສະຫະລັດ/ຄົນ, ປະລິມານການນຳເຂົ້າ ແລະ ສົ່ງອອກບັນລຸທັງໝົດ 11.2 ຕື້ໂດລາສະຫະລັດ, ເພີ່ມຂຶ້ນ 16%; ນອກຈາກນັ້ນວຽກງານການຫລຸດຜ່ອນຄວາມທຸກຍາກຂອງປະຊາຊົນກໍໄດ້ຮັບການລົງທຶນໃສ່ເປັນຈຳນວນຫຼວງຫຼາຍອັນໄດ້ເຮັດໃຫ້ຄອບຄົວທຸກຍາກໃນທົ່ວປະເທດຫຼຸດລົງເຫລືອ 5,3% ຂອງຄອບຄົວທຸກຍາກທັງໝົດທົ່ວປະເທດ.

    ຫຼັງຈາກນັ້ນທ່ານ ນາງ ປານີ ຢາທໍ່ຕູ້ຕາງໜ້າໃຫ້ລັດຖະບານແຫ່ງສປປ ລາວຂື້ນກ່າວຊົມເຊີຍຜົນສຳເລັດດັ່ງກ່າວເຊິ່ງທ່ານໄດ້ກ່າວວ່າ: ກ່ອນໜ້ານີ້ 70 ປີ ພາລະກິດແຫ່ງການຕໍ່ສູ້ຢ່າງລະອິດລະອ້ຽວ, ທໍລະຫົດອົດທົນຂອງປະຊາຊົນຈີນ ໂດຍພາຍໃຕ້ການນຳພາອັນສະຫລາດສ່ອງໃສ ຂອງພັກກອມມູນິດຈີນ ສາມາດຍາດໄດ້ໄຊຊະນະອັນເປັນປະຫວັດສາດ ກ້າວໄປເຖິງການສ້າງຕັ້ງ ສາທາລະນະລັດ ປະຊາຊົນຈີນ ຢ່າງສະຫງ່າຜ່າເຜີຍຂຶ້ນໃນວັນທີ 01 ຕຸລາ 1949, ເຊິ່ງເປັນບາດລ້ຽວປະຫວັດສາດສຳຄັນແຫ່ງການເລີ່ມຕົ້ນປະເທດຈີນໃໝ່ ຕາມທິດສັງຄົມນິຍົມ. ຕະຫລອດ 70 ປີຜ່ານມາ ພັກ ແລະ ລັດຖະບານແຫ່ງສປ ຈີນ ໄດ້ຍຶດໝັ້ນລັດທິມາກ, ແນວຄິດເໝົາເຈີຕຸງ, ທິດສະດີ ເຕີ້ງ ສຽວ ຜິງ, ແນວຄິດສຳຄັນ 3 ຕົວແທນ, ທັດສະນະການພັດທະນາ ຢ່າງມີວິທະຍາສາດ ແລະ ແນວຄິດ ສີ ຈີ້ນ ຜິງ ວ່າດ້ວຍສັງຄົມນິຍົມ ທີ່ມີສີສັນພິເສດຂອງຈີນ ໃນຍຸກສະໄໝໃໝ່ອັນໄດ້ເຮັດໃຫ້ສາທາລະນະລັດ ປະຊາຊົນຈີນ ມີສະ ຖຽນລະພາບທາງດ້ານການເມືອງຢ່າງໜັກແໜ້ນ, ສັງຄົມມີຄວາມເປັນລະບຽບຮຽບຮ້ອຍ, ເສດຖະກິດມີການຂະຫຍາຍຕົວຢ່າງຮອບດ້ານ ດ້ວຍຈັງຫວະໄວ ແລະ ສູງ, ມີຜົນສຳເລັດແບບກ້າວກະໂດດ ກາຍເປັນຕົວຂັບເຄື່ອນທີ່ ສຳຄັນຂອງເສດຖະກິດໂລກ.

ທີ່ມາ: ຂ່າວປະເທດລາວ

ກົດໝາຍແຫ່ງ ສປປ ລາວ

ຄໍາເຫັນຂອງ ທ່ານ ສຈ.ດຣ ກິແກ້ວ ໄຂຄຳພິທູນ ຫົວໜ້າ ຄອສພ ຕໍ່ເວັບໄຊສ

ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວ ຄົບຮອບ 64 ປີ

ປະທານ ໄກສອນ ພົມວິຫານ ຢືນຢົງໃນພາລະກິດປະຕິວັດຂອງພວກເຮົາຕະຫລອດໄປ

ຊົມເຊີມວັນສ້າງຕັ້ງ ສປປ ລາວ ຄົບຮອບ 43 ປີ ຢ່າງສຸດໃຈ.

ເຊື່ອມຕໍ່ເວັບໄຊສ

ເລກໂທ ສຸກເສີນ

ແຈ້ງ​ໄຟ​ໄໝ້ : 1190

   ຕຳຫຼວດ : 1191

ລົດ​ໂຮງໝໍ : 1195

​     ໄຟຟ້າ : 1199

  ນ້ຳ​ປະປາ : 1169

ໜ່ວຍກູ້​ໄພ : 1624